Lajmet

Çfarë është traktati për armët bërthamore i nënshkruar nga Rusia dhe SHBA?

I ashtuquajturi Traktati i Ri START u nënshkrua nga Rusia dhe SHBA në 2010.

Published

on

NATO i bëri thirrje Rusisë të respektojë të vetmin traktat që ka me SHBA-në që synon të mbajë një kufi ndaj zgjerimit të armëve bërthamore.

Ai gjithashtu i kërkoi Moskës të lejojë rifillimin e inspektimeve në terren të vendeve ushtarake.

Por çfarë është ky traktat – dhe pse është kaq jetik?

I ashtuquajturi Traktati i Ri START u nënshkrua nga Rusia dhe SHBA në 2010.

Ai kufizon numrin e kokave bërthamore me rreze të gjatë që mund të shkojnë deri në 1550 dhe kufizon përdorimin e raketave që mund të mbajnë armë atomike.

Ai lejon inspektime të bazave bërthamore dhe objekteve mbështetëse të njëri-tjetrit.

“Ne vërejmë me shqetësim se Rusia ka dështuar të përmbushë detyrimet ligjërisht të obligueshme sipas Traktatit START”, thanë sot ambasadorët e NATO-s.

Aleanca ushtarake e udhëhequr nga SHBA-ja mbështet traktatin dhe beson se ndihmon në kufizimin e zgjerimit të forcave bërthamore.

Të dërguarit thanë se refuzimi i Rusisë për të zhvilluar konsultime ose për të lejuar inspektime të SHBA-së që nga gushti i kaluar“parandalon Shtetet e Bashkuara të ushtrojnë të drejta të rëndësishme sipas traktatit dhe minon aftësinë e Shteteve të Bashkuara për të verifikuar në mënyrë adekuate pajtueshmërinë ruse me kufijtë qendrorë të traktatit”.

“Ne i bëjmë thirrje Rusisë që të përmbushë detyrimet e saj sipas traktatit duke lehtësuar inspektimet e [traktatit] START në territorin rus dhe duke iu rikthyer pjesëmarrjes në organin zbatues të traktatit”, tha NATO.

Presidenti rus Vladimir Putin e ka rritur në mënyrë të përsëritur retorikën e tij bërthamore që kur urdhëroi trupat e tij të luftonin në Ukrainë pothuajse një vit më parë, duke ngritur shqetësimin midis aleatëve perëndimorë dhe publikut nëse ai mund të përdorte vërtetë armë të tilla.

Komiteti SHBA-Rusi i formuar sipas traktatit u takua për herë të fundit në tetor 2021, por Rusia pezulloi në mënyrë të njëanshme bashkëpunimin e saj me dispozitat e inspektimit të paktit në gusht 2022 për të protestuar ndaj mbështetjes së SHBA-së për Ukrainën.

Inspektimet e vendeve ushtarake amerikane dhe ruse sipas Traktatit të Ri START u ndërprenë nga të dyja palët për shkak të përhapjes së koronavirusit në mars 2020./UBTNews/

Lajmet

Presidenti i Malit të Zi nuk e dekreton ligjin për Plazhin e Madh të Ulqinit

Published

on

By

Presidenti i Malit të Zi, Jakov Millatoviq, ia ka kthyer Kuvendit për rishqyrtim njërën nga dy marrëveshjet që Qeveria e Malit të Zi i kishte nënshkruar me Emiratet e Bashkuara Arabe – atë që i hapte rrugë dhënies me qira të Plazhit të Madh në Ulqin.

Sipas asaj marrëveshjeje, Mali i Zi do t’ia jepte Plazhin e Madh me qira për 99 vjet kompanisë Emmar të biznesmenit arab, Mohamed Alabbarit, që do të ndërtonte një kompleks megaturistik në Ulqin.

Alabbar ka marrë pjesë edhe në projekte rajonale në Kroaci, Shqipëri dhe në “Beogradin mbi ujë” në Serbi.

Por, Millatoviq, i cili dekretoi Ligjin për ratifikimin e Marrëveshjes për bashkëpunim ekonomik, nuk e bëri të njëjtën edhe për Ligjin për ratifikimin e Marrëveshjes për bashkëpunim në fushën e turizmit dhe zhvillimit të pasurive të paluajtshme. Këtë të fundit ai ua ktheu deputetëve për ta votuar sërish.

Që marrëveshjet e nënshkruara nga kryeministri Millojko Spajiq në fund të marsit me zyrtarët e Emirateve të hyjnë në fuqi, Kuvendi i Malit të Zi i miratoi dy ligjet me procedurë të përshpejtuar më 23 prill, me propozim të Qeverisë.

Ato u mbështetën nga deputetët e shumicës parlamentare – lëvizja e Spajiqit “Evropa tani”, partia “Demokracia e Re Serbe” e kryetarit të Kuvendit, Andrija Mandiq, Demokratët dhe Partia Boshnjake.

Ditëve para miratimit, Millatoviq dhe një pjesë e sektorit joqeveritar paralajmëruan se me miratimin e Marrëveshjes për bashkëpunim në turizëm dhe zhvillim të pasurive të paluajtshme po pezullohet Kushtetuta dhe një pjesë e ligjeve të Malit të Zi.

Kthimi i këtij ligji nga Millatoviq e detyron Kuvendin që të votojë sërish për të. Nëse ligji miratohet përsëri, ai do t’i dërgohet sërish Millatoviqit për nënshkrim. Sipas Kushtetutës, në atë rast ai është i detyruar ta nënshkruajë, dhe ligji hyn në fuqi./REL/

Continue Reading

Lajmet

Rama: Buxheti për vitin 2025 po sabotohet, kërkojmë zgjidhje alternative

Published

on

By

Kryetari i Prishtinës, Përparim Rama, pas dështimit të seancës së Kuvendit Komunal, ka deklaruar se buxheti i kryeqytetit për vitin 2025 po përballet me pengesa serioze.

Sipas tij, ndonëse buxheti është votuar që në dhjetor 2024 dhe është planifikuar për projektet madhore të qytetit, Parlamenti i Kosovës ende nuk ka miratuar atë.

Rama akuzoi institucionet për shmangie të vazhdueshme dhe tentim sabotimi. “Do të vazhdojmë të punojmë me projekte të reja dhe të kërkojmë fonde nga instanca të tjera”, u shpreh ai.

“Buxhetin e dini që ne e kemi votuar në dhjetor të vitit 2024, i cili është planifikuar për të gjitha projektet madhore të kryeqytetit. Kemi kërkuar që atëherë që Parlamenti i Kosovës ta miratojë, por asnjëherë nuk është ftuar seanca. Tani kemi një çështje tjetër që ende nuk është konstituar. Ne kemi shqyrtuar në mënyrë ligjore se si Ministria e Financave të kërkojë buxhetin, e kemi kërkuar tashmë dy herë, por është shmangur. Tani ne duhet të gjendemi në mënyra të ndryshme, duhet t’i gjejmë fondet përmes projekteve të reja. Është tentuar të sabotohet edhe buxheti, por ne kemi arritur që të bëhet. Nuk po shfrytëzohet mundësia që buxheti i vitit 2025 të aprovohet. Ne vazhdojmë me projektet, nuk do të ndalemi dhe do të vazhdojmë të kërkojmë instanca të tjera”, tha Rama.

 

Continue Reading

Lajmet

Emërohet ambasadori i ri i Italisë në Kosovë

Published

on

By

Maurizio Antonini do të jetë ambasadori i ri i Italisë në Kosovë. Këtë e ka bërë të ditur ambasada e Italisë në Kosovë.

Lajmi është bërë i ditur nëpërmjet një njoftimi në rrjetin social “X”.

I nderuar që të marr detyrën e Ambasadorit të Italisë në Kosovë. I vendosur që të fuqizoj lidhjet mes dy shteteve në të gjitha fushat e bashkëpunimit, duke përfshirë edhe për hir të perspektivës së Prishtinës për integrim evropian”, citohet se ka thënë ai.

Continue Reading

Lajmet

Murati: Bllokada e Kuvendit po pengon dorëzimin e Kornizës Afatmesme të Shpenzimeve dhe ndarjen e granteve komunale

Published

on

By

Ministri në detyrë i Financave, Hekuran Murati, ka thënë se moskonstituimi i kuvendit ka pasoja edhe në procese tjera.

Sipas tij në mungesë të një kuvendi funksional, Qeveria e ka të pamundur të dorëzojë Kornizën Afatmesme të Shpenzimeve, e cila parashihet që t’i dorëzohet Kuvendit jo më larg se data 30 prill.

Në mungesë të një Kuvendi funksional, Qeveria e ka të pamundur të dorëzojë Kornizën Afatmesme të Shpenzimeve, e cila parashihet që t’i dorëzohet Kuvendit jo më larg se data 30 prill.

Murati ka përmendur edhe komisionin për Grante Komunale.

Ngjashëm është puna edhe me Komisionin për Grante Komunale, ku ligji e kërkon pjesëmarrjen edhe të Kryetarit të Komisionit Parlamentar për Buxhet – në mungesë të Kuvendit funksional, nuk ka as Komision për Buxhet dhe s’ka kush të marrë pjesë në Komisionin e Granteve, gjë që e vonon edhe ndarjen e granteve komunale.”

Murati thotë se është e domosdoshme që opozita “të heqë dorë nga bllokada”.

Prandaj është e domosdoshme që partitë opozitare të heqin dorë nga bllokada dhe të ndihmojnë konstituimin e Kuvendit sa më parë.

Continue Reading

Të kërkuara