Lajmet

Çfarë duhet të bëjnë punëdhënësit me punonjësit të cilët gënjejnë në LinkedIn?

Published

5 years ago

on

Nëse jeni punëdhënës dhe një ditë gjersa keni qenë duke lundruar në LinkedIn keni vërejtur që njëri nga punonjësit e ka ndryshuar titullin e pozitës, pa pasur ndonjë promovim nga ana juaj, çfarë keni bërë? Nëse nuk jeni përballur ende me një situatë të tillë, një ditë mund t’ju ndodhë.

Akademi Pune ka disa këshilla se çfarë duhet të bëni.

A duhet të kërkoni që ta ndryshojnë profilin në LinkedIn?

Ndikimi i pozitës është një çështje serioze dhe ndoshta njëra ndër më seriozet. Po, duhet që ta bëni këtë. Rreziku për kompaninë është i dyfishuar. E para, ky person ndoshta është duke kërkuar për një punë të re. Ky punonjës mund të jetë punonjës i talentuar, kështu që i bie që po e humbisni një punonjës të mirë.

E dyta, nëse nuk i qartësoni rolet, titujt dhe përgjegjësitë e punonjësve do të ballafaqoheni me çështje ligjore gjatë rrugës.

Pse e keni zmadhuar pozitën?

Pse ndodhë zakonisht që punonjësit t’i fryjnë titujt e punës? Këta janë shumë më shumë sesa fjalët në CV. Në shumë industri titujt e punës janë drejtpërdrejt të lidhur me statusin, përgjegjësitë, strukturat raportuese dhe kompensimet.

Këta punonjës mund të jenë duke kërkuar që të kenë rritje, ose këtë rritje ta marrin nga dikush tjetër. Por ka edhe arsye të tjera. Ka mundësi që punonjësit nuk kanë ndonjë qëllim. Ata janë thjesht të paqartë rreth rolit të tyre dhe po përpiqen që të tregojnë se çfarë me të vërtetë bëjnë në kompani.

Por nëse ju e dini se i keni treguar çdo punonjësi pozitën dhe rolin e tij në kompani, atëherë qëllimi i tyre mbase është diku tjetër.

5 hapa që duhet t’i merrni menjëherë

Përpara se të filloni të krijoni supozime në kokën tuaj, për arsyet e veprimeve të këtyre punonjësve, këtu janë 5 hapa që duhet t’i bëni pa humbur kohë.

Bëni një vëzhgim të shpejtë të LinkedIn!

Sigurohuni që secili në atë kompani është duke u prezantuar veten në mënyrën e përshtatshme dhe profesionalisht! Nëse ata janë duke e keqprezantuar veten e tyre, atëherë aty është diçka që duhet të merret.

Pyesni menaxherët e atyre punonjësve nëse i kanë lejuar që të përdorin titujt të tjerë!

Kjo ndodhë kur kompanitë i lejojnë punonjësit që të përdorin tituj të ndryshëm të cilët, mund të përshtaten me konkurrentët dhe pritshmëritë e klientëve.

Vlerësoni strukturat tuaja të emërtimit

Disa kompani kanë miratuar që të kenë hierarki të atillë ku ka tituj të tepërt. Përcaktoni kulturën që kompania juaj ka krijuar dhe, nëse keni një strukturë të rreptë të emërtimit!

Rishikoni marrëveshjen origjinale me punonjësin

Rilexojeni marrëveshjen që keni bërë në fillim me punonjësin! A keni treguar qartë titullin, strukturën raportuese dhe përgjegjësitë për të?

Rishikoni paraqitjen e punonjësit dhe raportin e menaxherit për të

Nëse menaxheri i punonjësit ka dokumentuar paraqitjen e atij punonjësi, atëherë mund të shihni nëse punonjësi ka zhvilluar aftësi të reja dhe ka marrë më shumë përgjegjësi, apo mbase edhe janë të palumtur me rolin aktual dhe kompensimet.

Përgatitni përballjen

Nëse këta pesë hapa nuk ju kanë dhënë ndonjë përgjigje në fund, është koha që ta adresoni çështjen të punonjësi. Kur ta përcaktoni takimin, sigurohuni që punonjësit t’i lini t’i kuptojë objektivat e takimit që janë për të diskutuar rreth qëllimeve, çfarë kanë qenë duke punuar dhe projektet që do të vijnë!

Pyetjet që mund t’i bëni:

Për çfarë qëllimesh ishit duke punuar këto kohët e fundit?

A i keni arritur ato? Pse po dhe pse jo?

Cilat janë sfidat tua aktuale?

Cilat aftësi do të dëshironi që t’i zhvilloni muajt e fundit?

Çfarë lloj trajnimi apo zhvillimit jeni i interesuar?

A e ndjeni që po merrni mjaftueshëm merita për atë që po bëni në punë?

Çfarë të kuptoni pas përballjes?

Edhe pas të gjitha shqyrtimeve të kësaj situate, ku përgjigjet e punonjësit nuk ishin aq informuese apo dukeshin të pasinqerta, atëherë ata po shohin për mundësi të reja punësimi jashtë kompanisë suaj dhe ata vetëm se e kanë një këmbë jashtë saj.

Dhe për sa kohë që ajo shprehi e atyre punonjësve është duke ndikuar në produktivitetin apo moralin e punonjësve të tjerë, sepse mund të ndodhë që ata kanë shënuar pozitën e ndonjërit prej kolegëve, atëherë duhet të jeni të drejtpërdrejtë me ta.

Shembull se çfarë t’i thoni

Ç’kemi (emri i punonjësit/punonjëses),

Po lundroja në profilin tënd të LinkedIn një ditë dhe vërejtja që e keni ndryshuar pozitën. Ne po përpiqemi që ta ndërtojmë veten në treg dhe na duhet që ta prezantojmë veten profesionalisht, kështu që është e rëndësishme që pozita e secili punonjës të reflektojë atë se për çfarë janë të punësuar. Ne jemi të lumtur që të kemi në pozitën (pozitën që është përcaktuar punonjësi në fillim) dhe na duhet që t’i ta prezantosh veten në këtë pozitë! 

Related Topics:
Continue Reading

Vendi

Rektori i UBT-së në Washington, mes liderëve botërorë në Lutjet Nacionale të Mëngjesit në SHBA

Published

34 minutes ago

on

February 5, 2026

By

Rektori i UBT-së, Prof. Dr. Edmond Hajrizi, po qëndron për vizitë zyrtare në Shtetet e Bashkuara të Amerikës, ku mori pjesë në Lutjet Nacionale të Mëngjesit në Washington, një ngjarje prestigjioze ku mori pjesë edhe Presidenti i SHBA-së, Donald Trump, si dhe liderë të lartë politikë dhe institucionalë nga e gjithë bota.

Ky manifestim tradicional, i cili organizohet që nga viti 1953, mbahet çdo të enjte të parë të muajit shkurt dhe përfaqëson një nga ngjarjet më të rëndësishme shpirtërore dhe institucionale në SHBA.

Lutjet Nacionale të Mëngjesit mbledhin anëtarë të Kongresit Amerikan, politikanë, liderë ushtarakë, si dhe mysafirë nga mbi njëqind vende të botës.

Pjesëmarrja e Prof. Dr. Edmond Hajrizi në këtë ngjarje të rëndësishme përbën një moment domethënës për përfaqësimin akademik dhe institucional të Kosovës në një platformë globale me ndikim të veçantë.

Continue Reading

Vendi

Rektori Hajrizi merr pjesë në pritjen e organizuar nga Ambasada e Kosovës në SHBA

Published

4 hours ago

on

February 5, 2026

By

Rektori i UBT-së, Prof. Dr. Edmond Hajrizi, mori pjesë në pritjen e organizuar nga Ambasadori i Kosovës në SHBA, z. Ilir Dugolli, për delegacionin nga Kosova që po merr pjesë në Lutjet Nacionale të Mëngjesit në Washington.

Gjatë këtij takimi, Rektori Hajrizi pati mundësinë të takohet me deputetë, sipërmarrës, përfaqësues të komunitetit dhe medias, si dhe personalitete të tjera nga jeta akademike dhe institucionale, duke forcuar lidhjet ndërkombëtare dhe duke përfaqësuar Kosovën në një nivel institucional dhe akademik.

Continue Reading

Lajmet

Shqipëria lejon rihapjen e TikTokut

Published

6 hours ago

on

February 5, 2026

By

Qeveria e Shqipërisë ka sqaruar vendimin e 3 shkurtit për rikthimin e TikTok pas gati një viti mbylljeje.

Në sqarim thuhet se vendimi u mor pas një rivlerësimi institucional dhe adresimit të shqetësimeve që lidhen me sigurinë publike, sociale dhe digjitale, veçanërisht për fëmijët dhe të rinjtë.

Qeveria bën me dije se bashkëpunimi i autoriteteve shqiptare me përfaqësuesit e platformës është institucionalizuar dhe se fokusi është zhvendosur nga ndalimi i aksesit në monitorim aktiv dhe përgjegjësi të përbashkët për sigurinë digjitale.

“Sot, autoritetet shqiptare janë në partneritet me përfaqësuesit e TikTok, për filtrat mbrojtës përmes fjalëve kyçe, kontrollet e përmbajtjes dhe modalitetet më efikase të raportimit dhe trajtimit të shkeljeve.

Ky vendim shënon kalimin nga masa kufizuese në një fazë monitorimi aktiv, bashkëpunimi ndërinstitucional dhe përgjegjësie të përbashkët me platformat digjitale”, thuhet në njoftimin e Agjencia për Media dhe Informim .

Njoftimi:

Agjencia për Media dhe Informim sqaron median dhe opinion publik në lidhje me vendimin e Këshillit të Ministrave datë 03.02.2026 për heqjen e masave të përkohshme për ndalimin e aksesit në platformën online TikTok

Heqja e masave të përkohshme për ndërprerjen e aksesit në platformën online TikTok është rezultat i një rivlerësimi institucional dhe i adresimit konkret të shqetësimeve që lidhen me sigurinë publike, sociale dhe digjitale, veçanërisht për fëmijët dhe të rinjtë.

Masa e miratuar nga Këshilli i Ministrave në mars 2025 u konceptua dhe u zbatua si një ndërhyrje e parandaluese, në funksion të mbrojtjes së interesit publik dhe adresimit të shqetësimeve të evidentuara gjatë asaj periudhe. Ajo shërbeu edhe për të hapur një dialog të drejtpërdrejtë dhe konstruktiv me platformën, duke vendosur bazat për mekanizma të rinj sigurie, të cilët më parë nuk ishin të pranishëm. Sot, autoritetet shqiptare janë në partneritet me përfaqësuesit e TikTok, për filtrat mbrojtës përmes fjalëve kyçe, kontrollet e përmbajtjes dhe modalitetet më efikase të raportimit dhe trajtimit të shkeljeve.

Ky vendim shënon kalimin nga masa kufizuese në një fazë monitorimi aktiv, bashkëpunimi ndërinstitucional dhe përgjegjësie të përbashkët me platformat digjitale.

Paralelisht, po punohet për hartimin e një plani të mirëfilltë komunikimi dhe ndërgjegjësimi, të fokusuar te fëmijët, të rinjtë, prindërit dhe mësuesit, për përdorimin e sigurt dhe të përgjegjshëm të platformave online. Qëllimi është i qartë dhe i orientuar drejt edukimit digjital, mbrojtjes reale dhe ndërtimi i një kulture sigurie në hapësirën online.

Kjo qasje e balancuar synon të garantojë lirinë e aksesit, duke vendosur njëkohësisht interesin e sigurisë dhe mirëqenies së të rinjve në qendër të politikave publike. /REL/

 

Continue Reading

Lajmet

Presidentja Osmani takon Kryetaren e Autoritetit të Kulturës dhe Arteve në Emiratet e Bashkuara Arabe

Published

7 hours ago

on

February 5, 2026

By

Presidentja e Kosovës Vjosa Osmani-Sadriu, gjatë qëndrimit në Emiratet e Bashkuara ka takuar Sheikha Latifa bint Mohammed bin Rashid Al Maktoum, Kryetare e Autoritetit të Kulturës dhe Arteve.

Osmani është shprehur se Kosova dhe Emiratet e Bashkuara Arabe kanë hapësirë për mundësi bashkëpunimi në shumë fusha.

“Kosova dhe Emiratet e Bashkuara Arabe kanë më shumë sesa miqësi: kanë hapësirë për të hapur kapituj të rinj bashkëpunimi edhe në në kulturë, krijimtari, art dhe inovacion”, shkruan Osmani.

Qëllimi i vizitës së Presidentes Osmani në Emiratet e Bashkuara Arabe ishte për Samitin Botëror të Qeverisjes, ku morën pjesë edhe shumë lider tjerë botëror.

Continue Reading

Të kërkuara