Kulturë

Çfarë do të thotë shuplaka e Will Smith për të – dhe ne?

Shuplaka që bëri bujë në të gjithë botën.

Published

4 years ago

on

Pothuajse katër dekada më parë ndodhi “një zënkë e vogël” që e shtyu “Fresh Prince” në telashe dhe ndikoi që Will-i imagjinar të jetonte në Bel Air me familjarë të tjerë. Kështu nisi karriera e adoleshentit si komedian dhe aktor, por tani përplasja e vërtetë që ndodhi mund t’ia prishë karrierën këtij superylli të padiskutueshëm të Hollivudit.

Gjatë ceremonisë Oscar, prezantuesi Chris Rock bëri shaka me flokët e Jada Pinkett Smith, gruas së aktorit, e cila qe disa herë ka treguar se vuan nga rënia e flokëve si pasojë e një çrregullimi që njihet si Alopecia. Pas kësaj shakaje, Will Smith e goditi prezantuesin me shuplakë që bëri bujë në të gjithë botën.

Por shakaja pa takt, reagimi i dhunshëm i Smith dhe fakti që ceremonia vazhdoi pa pasoja, ndezi gjithashtu debat të furishëm rreth asaj se çfarë do të thotë “të mbrosh gratë” dhe rehatinë e dukshme të kulturës amerikane me dhunë, shkruan BBC.

Energjia ka ndryshuar

Në përpjekje për ta shtensionuar situatën, komediani Amy Schumer tha se energjia ka ndryshuar dhe se Rock nuk ishte i vetmi që u ndikua nga ajo ngjarje.

Disa bënë shaka duke thënë se Smith filloi të vepronte seriozisht dhe duket se po portretizonte personazhin e Mike Lowrey nga filmi “Bad Boys”. Por të tjerët thanë se sulmi ishte alarmant.

Në një postim të fshirë nga Twitteri, regjisori Judd Apatow tha se Smith “mund ta kishte vrarë” Chris Rock-un dhe se Smith “e ka humbur kontrollin”. Madje u bënë edhe thirrje që aktori të arrestohet dhe të akuzohet për sulm.

Por aktorja Tiffany Haddish i dha mbështetje aktorit Will Smith. Ajo deklaroi: “Dhe për mua ishte gjithçka. Mbase botës mund të mos i pëlqej, por për mua ishte gjëja më e bukur që kam parë sepse më shtyu të besoj se ende ka burra që duan dhe kujdesen për gratë e tyre, bashkëshortet e tyre”.

Shumë amerikanë me ngjyrë vunë në dukje ironinë në faktin se Chris Rock prodhoi dokumentarin “Good Hair” rreth rëndësisë së flokëve në kulturën e njerëzve me ngjyrë, vetëm për të bërë shaka me modelin e zgjedhur të Pinkett Smith. Pinkett Smith është një nga shumë femrat që kohët e fundit kanë folur publikisht rreth luftës së tyre me alopecinë, një çrregullim që shkakton rënien e flokëve dhe prek shumë femra me ngjyrë.

“Arti imiton jetën”

Derisa po e pranonte çmimin e parë Oscar për rolin e Richard Williams në filmin “King Richard”, gjatë asaj mbrëmje, Smith mes lotëve i kërkoi falje Akademisë për sulmin. Edhe pse fillimisht ai nuk deshi t’i kërkonte falje Rock-ut.

“Në këtë jetë, unë jam thirrur t’i dua dhe t’i mbrojë njerëzit. Arti imiton jetën”, deklaroi mes tjerash ai.

Çmimin ai ia dedikoi nënës së tij dhe u shpreh se ky moment ishte vërtet i komplikuar për të.

“Jetojmë në një kohë dhune”

Psikologu Jacqui Lewis, e cila ka lexuar librin e Smith, por nuk e ka trajtuar personalisht aktorin, tha se do të dëshironte që Smith të gjente një mënyrë tjetër për ta mbrojtur familjen e tij.

“Ai nuk dëshiron të jetë personi që e godet dikë me shuplakë ashtu si babai i tij, por megjithatë kjo është ajo që ndodhi mbrëmë”, deklaroi ajo.

Sherri mes Smith dhe Rock depërtoi në shtresën e përsosmërisë që ekziston shpesh rreth të famshëmve, por Lewis tha që ne duhet ta përdorim atë si një moment për ta hetuar se sa është normalizuar dhuna në kulturën tonë.

“Ne jetojmë në një kohë dhune: diskursi verbal, fizik, emocional, territorial, politik dhe humor i dhunshëm. Edhe Chris Rock ishte i dhunshëm. E gjithë kjo është e lidhur dhe a mund të habitemi aq sa duhet nga kjo sa të habitemi nga të gjitha mënyrat se si ndodh kudo?”, deklaroi ajo.

“A duam që dhuna të jetë përgjigje e dhunës? Unë jo”, deklaroi ajo tutje.

“Helmuese dhe shkatërruese”

Në një postim të gjatë në Instagram të hënën mbrëma, Smith kërkoi falje për sjelljen që ai e përshkroi si “të papranueshme dhe të pafalshme”, duke thënë: “Unë jam duke bërë progres”./UBTNews/

Related Topics:
Continue Reading

Kulturë

Filmat me më shumë fitore të Çmimit Oscar

Published

21 hours ago

on

January 12, 2026

By

Filmat në vazhdim mbajnë rekordin për më shumë fitore në Oscar në histori:

Ben-Hur (1959)

Kjo dramë epike historike, e punuar nga William Wyler, fitoi 11 çmime Oscar nga 12 nominime.

Ai dominoi çmimet, duke fituar për Filmin më të mirë, Regjisorin më të mirë, Aktori më i mirë (Charlton Heston), Aktorin më të mirë mbështetës, Kinematografinë etj.

Titanic (1997)

Filmi romantik i James Cameron siguroi gjithashtu 11 fitore, nga një total prej 14 nominimesh.

Çmimet e tij përfshinin Filmin më të mirë, Regjisorin më të mirë, Kinematografinë, Efektet vizuale, Muzikën origjinale dramatike dhe Këngën origjinale.

The Lord of the Rings: The Return of the King (2003)

Filmi i fundit në trilogjinë fantastike të Peter Jackson arriti një fitore të përsosur, duke fituar të 11 kategoritë për të cilat u nominua, duke përfshirë Filmin më të mirë dhe Regjisorin më të mirë.

Ai mban rekordin për fitoren më të madhe (fitore në çdo kategori të nominuar) në historinë e Oscar.

Filma të tjerë fitues të çmimeve Oscar

Disa filma të tjerë i janë afruar këtij rekordi, duke shfaqur përsosmëri kinematografike në zhanre të ndryshme:

West Side Story (1961): Fitoi 10 çmime Oscar, duke përfshirë Filmin më të mirë dhe Regjisorin më të mirë.

Gigi (1958), Perandori i Fundit (1987) dhe Pacienti Anglez (1996): Secili film fitoi 9 çmime Oscar, ku të tre morën edhe çmimin e Filmit më të mirë.

Gone with the Wind (1939), From Here to Eternity (1953), On the Waterfront (1954), My Fair Lady (1964), Cabaret (1972), Gandhi (1982), Amadeus (1984) dhe Slumdog Millionaire (2008): Secili prej këtyre filmave të vlerësuar fitoi 8 çmime Oscar.

Continue Reading

Kulturë

20 popujt më të arsimuar në botë

Published

21 hours ago

on

January 12, 2026

By

Shkollimi është një nga treguesit kryesorë të përarimit të një shoqëria dhe një shteti. Sistemet e mira edukative janë tregues i zhvillimit të një shoqërie dhe një shteti. Dhe, e kundërta, sa më të këqija sistemet e edukimit, aq më e ulët shkalla e zhvillimit dhe e përparimit të një shoqërie.

Por, cilat janë 20 shtetet që kanë përqindjen më të lartë të arsimimit të popullsisë (me diploma universitare):

1. Kanadaja – 64.7 për qind

2. Irlanda – 57.5 për qind

3. Koreja e Jugut – 56.2 për qind

4. Luksemburgu – 54.4 për qind

5. Mbretëria e Bashkuar – 53.8 për qind

6. Australia – 53.1 për qind

7. Suedia – 51.8 për qind

8. SHBA – 50.7 për qind

9. Izraeli – 50.5 për qind

10. Norvegjia – 50.4 për qind

11. Lituania – 47.7 për qind

12. Zvicra – 46.5 për qind

13. Danimarka – 45.1 për qind

14. Holanda – 45.1 për qind

15. Belgjika – 45.0 për qind

16. Islanda – 44.5 për qind

17. Zelanda e re – 44.0 për qind

18. Franca – 43.4 për qind

19. Finlanda – 42.7 për qind

20. Estonia – 42.5 për qind

Continue Reading

Kulturë

Atraksionet turistike më të rrezikshme në botë

Published

7 days ago

on

January 6, 2026

By

Gjithandej në botë ka vende e objekte që tërheqin vëmendjen e turistëve. Por, shumë prej këtyre vendeve paraqesin edhe rrezik për ata që i vizitojnë.

Kemi sjellë këtu një listë të 20 atraksioneve më të rrezikshme në botë, bazuar në numrin e vdekjeve për 100,000 vizitorë:

1. Mont Blanc (Francë / Itali) – 500 vdekje

2. Matterhorn (Zvicër) – 342.9 vdekje

3. Rruga North Yungas (Bolivi) – 168 vdekje

4. Mali Kilimanjaro (Tanzani) – 20 vdekje

5. Mali Everest (Nepal) – 20 vdekje

6. Salar de Uyuni (Bolivi) – 6.2 vdekje

7. Deti i Vdekur (Izrael) – 5.6 vdekje

8. Ben Nevis (Mbretëria e Bashkuar) – 4.6 vdekje

9. Parku Kombëtar North Cascades (SHBA) – 3.3 vdekje

10. Pylli i Amazonës (Brazil) – 3.1 vdekje

11. Mali Fuji (Japoni) – 2.3 vdekje

12. Parku Kombëtar Komodo (Indonezi) – 1.8 vdekje

13. Picos de Europa (Spanjë) – 1.7 vdekje

14. Kanioni Colca (Peru) – 1.7 vdekje

15. Mali Washington (SHBA) – 1.6 vdekje

16. Blue Hole (Egjipt) – 1.6 vdekje

17. Liqeni Piru (SHBA) – 1.4 vdekje

18. Mali Snowdon (Mbretëria e Bashkuar) – 1.4 vdekje

19. Lumi Colorado (SHBA) – 1.1 vdekje

20. Parku Kombëtar Mount Aspiring (Zelanda e Re) – 1 vdekje

Burimi: Traveller’s Elixir

Continue Reading

Kulturë

12 nga serialet më të mira televizive për t’i parë këtë janar

Published

1 week ago

on

January 5, 2026

By

Janari nis fuqishëm në botën televizive, duke sjellë rikthime të shumëpritura, histori të reja plot tension dhe emra të mëdhenj të ekranit. Nga rikthimi i dramës mjekësore të vlerësuar me çmime të HBO-së te një paraprirës i ri i Game of Thrones dhe misteri më i fundit i Harlan Coben në Netflix.

The Night Manager

Pas gati një dekade, adaptimi i vlerësuar i John le Carré rikthehet me një sezon të dytë që hap një kapitull të ri për Jonathan Pine. Tom Hiddleston dhe Olivia Colman rikthehen në role kyçe, ndërsa historia zhvendoset nga hijet e Londrës në Kolumbi. Edhe pa autorin origjinal, ADN-ja e le Carré mbetet e fortë – aq sa një sezon i tretë është porositur tashmë.

Premiera e serialit “The Night Manager” do të jetë më 1 janar në BBC One në Mbretërinë e Bashkuar dhe më 11 janar në Prime Video në nivel ndërkombëtar.

Run Away

Netflix vazhdon aleancën e suksesshme me Harlan Coben. Run Away sjell një histori të errët familjare, ku zhdukja e një vajze hap një rrjet gënjeshtrash, droge dhe vrasjesh. James Nesbitt udhëheq kastin në një thriller tipik Coben: i shpejtë, emocional dhe plot kthesa.

“Run Away” do të shfaqet premierë më 1 janar në Netflix ndërkombëtarisht.

The Pitt

Një nga surprizat më të mëdha të vitit të kaluar kthehet më intensive se kurrë. Sezoni i dytë i The Pitt zhvillohet në kohë reale, gjatë një dite të vetme pune, në 4 korrik. Noah Wyle shkëlqen në një rol të rënduar nga trauma, ndërsa seriali vazhdon të trajtojë mjekësinë pa filtra dhe pa romantizëm.

Premiera e “The Pitt” do të shfaqet më 8 janar në HBO Max në SHBA.

His & Hers

Një vrasje në një qytet të vogël, dy bashkëshortë të larguar dhe dyshime që shkojnë përtej profesionit. Tessa Thompson dhe Jon Bernthal përballen në një thriller psikologjik të bazuar në romanin e Alice Feeney, ku e vërteta personale dhe ajo kriminale përplasen vazhdimisht.

“His & Hers” do të shfaqet premierë më 8 janar në Netflix ndërkombëtarisht.

Industry

Sezoni i katërt i Industry rindërton veten pas shpërbërjes së Pierpoint. Me ndikime nga thrillerët erotikë dhe konspirativë, seriali zhytet edhe më thellë në botën toksike të financës globale, ku ambicia nuk njeh kufij.

Hijack

Pas avionit, tani një tren. Sezoni i dytë e vendos Sam Nelson në Berlin, mes një kërcënimi të ri dhe dyshimesh që bien mbi të vetë. Tensioni mbetet arma kryesore e këtij thrilleri që luan me idenë e fajit dhe manipulimit.

Hijack do të shfaqet premierë më 12 janar në Apple TV ndërkombëtarisht.

Agatha Christie’s Seven Dials

Një shtëpi fshati, një vdekje misterioze dhe sekrete që ziejnë pas dyerve të mbyllura. Adaptimi i ri i Agatha Christie sjell Helena Bonham Carter dhe Martin Freeman në një histori që i qëndron besnike frymës së autores: intime, elegante dhe plot dyshime.

“Shtatë Dials” e Agatha Christie-s shfaqet premierë më 15 janar në Netflix ndërkombëtarisht

Ponies

Emilia Clarke largohet nga dragonjtë për Moskën e vitit 1977. Ponies është një thriller spiunazhi me dy protagoniste gra, të nënvlerësuara dhe pikërisht për këtë – të rrezikshme. Një histori hakmarrjeje dhe mbijetese në zemër të BRSS.

Premiera e “Ponies” do të jetë më 15 janar në Peacock në SHBA.

A Knight of the Seven Kingdoms

Ky paraprirës i Game of Thrones është më intim, më tokësor dhe më i përqendruar te personazhet. Dunk dhe Egg sjellin një perspektivë të re të Westeros, larg intrigave të mëdha, por jo pa aksion dhe emra të njohur.

Premiera e “A Knight of the Seven Kingdoms” do të jetë më 18 janar në HBO dhe HBO Max në SHBA dhe më 19 janar në Sky Atlantic në Mbretërinë e Bashkuar.

The Beauty

Një virus që e kthen bukurinë në armë. The Beauty është ekzagjerim, satirë dhe thriller në stilin karakteristik të Ryan Murphy-t. Me Evan Peters, Rebecca Hall dhe Ashton Kutcher, seriali synon të provokojë po aq sa të argëtojë.

Premiera e serialit “The Beauty” do të jetë më 21 janar në Hulu në SHBA dhe më 22 janar në Disney+ në Mbretërinë e Bashkuar.

Shrinking

Komedia e Apple TV+ kthehet më e thellë emocionalisht. Harrison Ford dhe Jason Segel përballen me humbjen, sëmundjen dhe lidhjet njerëzore, në një serial që di të qeshë pa e humbur ndjeshmërinë.

Shrinking do të shfaqet premierë më 28 janar në Apple TV ndërkombëtarisht.

Bridgerton

Sezoni i katërt zhvendos fokusin te Benedict Bridgerton dhe një romancë në stilin e Hirushes. Intriga shoqërore, sekrete dhe romancë mbeten formula fituese e Netflix.

Bridgerton do të shfaqet premierë më 29 janar në Netflix ndërkombëtarisht.

Continue Reading

Të kërkuara