Lajmet

Çfarë dihet rreth pengjeve izraelite që po mbahen nga Hamasi?

Sipas të dhënave të fundit që u publikuan nga ushtria e Izraelit të hënën, 222 persona po mbahen peng, në mesin e tyre edhe personel ushtarak.

Published

3 years ago

October 25, 2023

Betim Gashi

Mbi 200 persona raportohet se po mbahen peng nga Hamasi dhe grupet e armatosura palestineze në Gaza pas sulmeve vdekjeprurëse të Izraelit. Më 7 tetor, Hamasi nisi sulmin e paprecedentë ndaj Izraelit.

Hamasi tha se sulmet, si pasojë e të cilave kanë vdekur mbi 1 mijë e 400 izraelitë, synojnë t’u japin fund “shkeljeve izraelite” në kompleksin e Xhamisë Al-Aksa, vendi i tretë më i shenjtë i Islamit, dhe të sigurojnë lirimin e qindra të burgosurve palestinezë nga burgjet izraelite.

Që nga atëherë, Izraeli po vazhdon ta godasë Gazën me sulme të vazhdueshme ajrore, duke lënë të vdekur 5 mijë e 800 persona, në mesin e tyre 2 mijë e 360 fëmijë.

Sipas të dhënave të fundit që u publikuan nga ushtria e Izraelit të hënën, 222 persona po mbahen peng, në mesin e tyre edhe personel ushtarak. Hamasi tha se mbi 20 pengje u vranë si pasojë e sulmeve ajrore të Izraelit.

“Të vrarët dhe të zhdukurit janë nga mbi 30 vende, madje edhe nga Britania e Madhe”, konfirmoi kryeministri britanik, Rishi Sunak.

Hamasi ka thënë se do të lirojë disa pengje pa kushte, por Izraeli e refuzoi ofertën. Tel Aviv e ka mohuar këtë pretendim.

Mediat izraelite kanë raportuar se Hamasi mund të jetë në prag të lirimit të më shumë se 50 pengjeve derisa po zhvillohen bisedime të avancuara me Izraelin./UBTNews/

Up Next

Vlera e kredive arrin rreth 4. 8 miliardë euro me normë 6.51 për qind

Don't Miss

Lufta në Gaza po i kushton Izraelit rreth 246 milionë dollarë në ditë

Vendi

Mbi 100 gramë kokainë dhe marihuanë kapen në Vërmicë

Published

14 hours ago

June 19, 2026

UBT News

Dogana e Kosovës, në bashkëpunim me Policinë e Kosovës, ka zbuluar dy raste të substancave narkotike gjatë kontrolleve në Pikën Kufitare të Vërmicës.

Në rastin e parë, gjatë kontrollit të një automjeti që po hynte në Kosovë, janë gjetur 104.90 gramë substancë e dyshuar si kokainë, e fshehur në çantën personale të një udhëtari.

Ndërkaq, në rastin e dytë janë zbuluar 5.53 gramë substancë e dyshuar si marihuanë, e fshehur në bagazhin e një automjeti. Gjatë kontrollit është gjetur edhe një thikë kuzhine e padeklaruar.

Rastet janë proceduar për hetime të mëtejshme nga autoritetet kompetente.

/A.K/

Vendi

Mbyten dy vajza të mitura në Tale

Published

14 hours ago

June 19, 2026

UBTNews

Një ngjarje e rëndë ka ndodhur mesditën e sotme në plazhin e Tales, ku dy vajza të mitura, të moshës 11 dhe 9 vjeçe, janë mbytur në det.

Sipas njoftimit zyrtar të Policisë, tragjedia ka ndodhur rreth orës 12:50. Pas marrjes së informatës, zyrtarët policorë kanë dalë menjëherë në vendngjarje dhe, në bashkëpunim të ngushtë me pushuesit e tjerë, kanë bërë të mundur gjetjen dhe nxjerrjen e trupave të pajetë në breg.

“Në bashkëpunim me pushuesit, është bërë e mundur gjetja dhe nxjerrja e trupave të pajetë në breg“, thuhet në njoftimin e policisë. /E.A/

Vendi

Dyshime për cilësinë: Bllokohen mbi 1 mijë e 400 infuzione në Spitalin e Mitrovicës

Published

16 hours ago

June 19, 2026

UBTNews

Shërbimi Spitalor Klinik dhe Universitar i Kosovës (ShSKUK) ka njoftuar se ka bllokuar përkohësisht 1,432 njësi të një produkti mjekësor në Spitalin Rajonal “Sami Haxhibeqiri” në Mitrovicë, pas dyshimeve se ai mund të mos jetë brenda specifikave të kërkuara të cilësisë.

Bëhet fjalë për infuzionet e llojit Compound Sodium Lactate (500 ml). Alarmi u ngrit fillimisht nga farmacistja përgjegjëse e spitalit, gjë që vuri në lëvizje Inspektoratin Farmaceutik dhe Agjencinë e Kosovës për Produkte dhe Pajisje Medicinale (AKPPM).

Pas një inspektimi të dytë të kryer më 17 qershor, autoritetet urdhëruan bllokimin e menjëhershëm të këtij kontingjenti deri në pranimin e rezultateve nga analizat laboratorike. ShSKUK ka njoftuar opinionin publik se ky është një masë parandaluese dhe se mbetet e përkushtuar për të garantuar sigurinë e plotë të pacientëve dhe cilësinë e barnave nëpër spitalet publike. /E.A/

Lajmet

KQZ gati për rezultatet përfundimtare: Përfundon rinumërimi i 185 vendvotimeve

Published

17 hours ago

June 19, 2026

UBTNews

Komisioni Qendror i Zgjedhjeve (KQZ) ka përmbyllur zyrtarisht procesin e rinumërimit për të gjitha 185 vendvotimet e kontestuara. Sipas zëdhënësit të KQZ-së, Valmir Elezi, procesi ka përfunduar sot në orën 12:00 dhe të dhënat e reja tashmë janë përditësuar në platformën zyrtare të rezultateve.

Me këtë hap, KQZ-ja ka mbyllur teknikisht të gjitha aktivitetet e administrimit të votave dhe është gati për shpalljen e rezultateve përfundimtare të zgjedhjeve të 7 qershorit.

Megjithatë, përpara shpalljes zyrtare, duhet të respektohen afatet ligjore për ankesat e mundshme. Elezi sqaroi se sot përfundon afati për ankesat lidhur me administrimin e numërimit nga dita e mërkurë (17 qershor), ndërsa po ashtu do të pritet nëse do të ketë ankesa për procesin e rinumërimit të përmbyllur sot.

Për më tepër, para se të procedohet tutje, KQZ-ja do të kërkojë një konfirmim zyrtar nga Paneli Zgjedhor për Ankesa dhe Parashtresa (PZAP) për të vërtetuar nëse ka ndonjë ankesë tjetër ende në shqyrtim.

Në fund, Qendra e Numërimit dhe Rezultateve (QNR) do të hartojë një raport të detajuar për gjetjet në secilin prej 185 vendvotimeve. Ky raport synon të konfirmojë se procesi i parë i numërimit nëpër komuna është zhvilluar me saktësi dhe në përputhje të plotë me vullnetin e shprehur të qytetarëve, raporton Ekonomia Online. /Ekonomia Online/ /E.A/