Lajmet

Çfarë dihet rreth akuzave të Izraelit ndaj punëtorëve të UNRWA-s?

Agjencia e OKB-së për refugjatët palestinezë, UNRWA, përjashtoi disa punëtorë pas këtyre dyshimeve, të cilat nuk u bënë publikisht.

Published

on

Agjencia kryesore e Organizatës së Kombeve të Bashkuara (OKB), UNRWA, po përballet me situatë të vështirë pasi Izraeli akuzoi disa prej anëtarëve të saj për përfshirje në sulmet terroriste të Hamasit që nisën më 7 tetor.

Agjencia e OKB-së për refugjatët palestinezë, UNRWA, përjashtoi disa punëtorë pas këtyre dyshimeve, të cilat nuk u bënë publikisht.

Pas akuzave të Izraelit, donatori kryesor i UNRWA, Shtetet e Bashkuara të Amerikës dhe një numër shtetesh pezulluan fondet ndaj kësaj organizate, e cila punëson 13 mijë punëtorë në Gaza.

UNRWA u formua nga OKB pas luftës mes Arabisë dhe Izraelit në vitin 1948, për të ofruar ndihmë humanitare për palestinezët e zhvendosur.

Kjo organizatë cilëson refugjatët palestinezë si “banorë të cilët jetonin në Palestinë gjatë periudhës mes 1 qershorit të vitit 196 dhe 15 majit të vitit 1948, dhe të cilët humbën shtëpinë dhe vendin e tyre të lindjes si rezultat i luftës së vitit 1948”.

Detajet nuk dihen. As Izraeli dhe as UNRWA nuk kanë dhënë detaje mbi akuzat për përfshirjen e punonjësve të UNRWA-së në ngjarjet e 7 tetorit.

Një zyrtar izraelit i tha CNN-it të premten se Izraeli dha informacione rreth 12 punonjësve që dyshohet se janë përfshirë në sulmet e 7 tetorit.

Kreu i Drejtorisë së Inteligjencës Ushtarake të Izraelit, gjeneralmajor Aharon Haliva, u takua me zyrtarë të lartë amerikanë të premten dhe u dha atyre “emra specifikë dhe me cilat organizata janë të lidhura, qoftë Hamas apo PIJ (Xhihadi Islamik Palestinez) apo të tjera, dhe çfarë pikërisht ata bënë më 7 tetor”, tha zyrtari izraelit.

Zyrtarët izraelitë thonë se disa nga sulmuesit që u vranë ose u arrestuan më 7 tetor kishin dokumente identifikimi të UNRWA-s.

The New York Times raportoi të dielën se Izraeli i kaloi një dosje qeverisë amerikane e cila përfshin akuza specifike dhe ende të paverifikuara kundër 12 punonjësve të UNWRA./UBTNews/

Aktualitet

UBT dhe Policia e Kosovës nënshkruajnë marrëveshje bashkëpunimi për forcimin e kapaciteteve në teknologji dhe siguri publike

Published

on

Në një hap të rëndësishëm për avancimin e fushës së teknologjisë informative dhe komunikimit, UBT dhe Policia e Kosovës kanë nënshkruar marrëveshje bashkëpunimi.

Ky partneritet ka për qëllim ngritjen e kapaciteteve profesionale dhe ofrimin e mundësive të reja për zhvillimin e burimeve njerëzore, arsimimin dhe trajnimin e specialistëve të Policisë në fushën e sigurisë publike dhe teknologjisë.

Marrëveshja u nënshkrua nga Rektori i UBT-së, Prof. Dr. Edmond Hajrizi dhe Drejtori i Përgjithshëm i Policisë së Kosovës, Kolonel Gazmend Hoxha, me qëllim forcimin e bashkëpunimit akademik dhe praktik mes dy institucioneve.

Marrëveshja e arritur do të mundësojë zhvillimin e formave të reja të bashkëpunimit në fushat e arsimit, trajnimit profesional dhe përdorimit të teknologjive inovative, që janë thelbësore për të përmbushur kërkesat e sigurisë publike në një botë gjithnjë e më digjitalizuar. Pjesë e këtij bashkëpunimi është gjithashtu ndihma për forcimin e kapaciteteve të Policisë për t’u përballur me sfidat e reja që paraqiten në nivel kombëtar dhe ndërkombëtar.

UBT mbetet i angazhuar në zhvillimin e vazhdueshëm të programeve akademike dhe përgatitjes së ekspertëve të nivelit të lartë, të gatshëm për t’u integruar në sektorët më të rëndësishëm të shoqërisë.

 

Continue Reading

Lajmet

​Ish-lojtari i Arsenalit në koma pas dëmtimit të rëndë në tru

Published

on

Futbolli anglez është tronditur nga lajmi i rëndë për ish-sulmuesin e Arsenalit, Billy Vigar, i cili është vendosur në koma të induktuar pas një incidenti gjatë ndeshjes së fundjavës në Isthmian League Premier Division.

21-vjeçari, që aktualisht luan për Chichester City, pësoi dëmtimin serioz në minutën e 13-të të sfidës kundër Wingate & Finchley, duke detyruar ndërprerjen e menjëhershme të lojës.

Klubi konfirmoi se Vigar është në kujdes intensiv, ku po merr trajtimin më të mirë të mundshëm, ndërsa gjendja e tij mbetet kritike.

“Është shumë herët për të thënë se cili do të jetë rezultati. Edhe nëse gjërat shkojnë mirë, rruga drejt rikuperimit do të jetë e gjatë,” thuhet në deklaratën e Chichester City.

Mediat britanike raportojnë se sulmuesi mund të jetë përplasur me një mur betoni, megjithatë kjo nuk është konfirmuar zyrtarisht nga klubi.

Billy Vigar iu bashkua akademisë së Arsenalit në moshën 14-vjeçare dhe luajti për ekipet U18 dhe U21 të londinezëve, përpara se të huazohej te Derby County dhe Eastbourne Borough.

Pas largimit nga “Topçinjtë” në vitin 2024, ai u bashkua me Hastings United dhe këtë sezon kishte realizuar një gol në katër paraqitje për Chichester City.

Klubi, ish-bashkëlojtarët dhe tifozët i kanë dërguar urime për shërim sa më të shpejtë sulmuesit të ri./S.K/KP/

Continue Reading

Lajmet

Neymar për Topin e Artë: Vendi i pestë për Raphinhan është shaka

Published

on

Reagimet ndaj përzgjedhjes së Ousmane Dembele si fitues të Topit të Artë vazhdojnë të vërshojnë nga çdo cep i globit. Fakti që Dembele ka fituar këtë sezon bashkoi shumicën dërrmuese të opinioneve në mbarë botën, megjithatë, kjo nuk do të thotë se ka zëra mospajtues në lidhje me rezultatin e këtij edicioni të vitit 2025.

Pothuajse shok skuadre i Dembeles te Paris Saint-Germain, futbollisti brazilian Neymar Junior ka vënë në pikëpyetje renditjen përfundimtare të këtij edicioni të Topit të Artë.

Neymar reagoi pothuajse menjëherë kur pa renditjen finale të çmimin që e ndan France Football.

“Është shaka që Raphinha është i pesti”, u përgjigj Neymar, i cili gjithashtu mbështeti bashkatdhetarin e tij Vinicius sezonin e kaluar.

Ndryshe, Raphinha pati një sezon më shumë se madhështor vitin e kaluar dhe, siç ndodhi me Lamine Yamal, delegacioni i Barçës priste më shumë njohje në galën franceze.

Ai shënoi më shumë se tridhjetë gola sezonin e kaluar, përveç fitimit të tripletës me Barcelonën: Ligën, Kupën dhe Superkupën./S.K/EO/

Continue Reading

Lajmet

​Dembele merr urimin e veçantë nga Leo Messi

Published

on

Lionel Messi ka uruar publikisht Ousmane Dembélé-n pas triumfit të tij në “Topin e Artë 2025”.

Përmes një postimi në profilin e tij në Instagram, argjentinasi i dërgoi komplimentet ish-shokut të skuadrës te Barcelona:

“Uni i shkëlqyer! Urime, jam shumë i lumtur për ty. E meriton”, shkroi Messi.

Nga ana tjetër, gjatë fjalimit të tij në ceremoninë e ndarjes së çmimeve, Dembélé nuk harroi të falënderonte klubet ku është formuar dhe ka luajtur, duke përmendur me respekt të veçantë Barcelonën dhe lojtarët e mëdhenj me të cilët ka ndarë fushën.

“Dua gjithashtu të falënderoj të gjitha klubet për të cilat kam luajtur, nga Borussia Dortmund te Stade Rennais, ku mësova praktikisht gjithçka. Klubi për të cilin ëndërroja të luaja, Barcelona, ishte gjithashtu i jashtëzakonshëm. Mësova kaq shumë gjatë viteve, përkrah lojtarëve të mëdhenj si Andrés Iniesta, Lionel Messi… ishte vërtet e jashtëzakonshme”, tha francezi.

Ky moment tregoi lidhjen dhe respektin e ndërsjellë mes Messit dhe Dembélé-s, duke e bërë fitimin e trofeut edhe më domethënës për yllin e Francës./S.K/KP/

Continue Reading

Të kërkuara