Kulturë

Çeku: Vepra e Ismet Bogujevcit është një vulë e pashlyer e kohës, do ta ruajmë trashëgiminë e tij artistike

Published

5 years ago

on

Ditë më parë ka ndërruar jetë doajeni i muzikës popullore dhe folklorit shqiptar, Ismet Bogujevci. Sot është mbajtur edhe mbledhje komemorative për Bogujevcin, organizuar nga Ministria e Kulturës, Rinisë dhe Sportit, e ku u vlerësua lartë veprimtaria e tij.

Ministri i Kulturës, Rinisë dhe Sportit, Hajrullah Çeku tha se jo rastësisht Ismet Bogujevci quhet doajeni i këngës shqipe, meqë ai kanalizonte energji të mahnitshme përmes tingujve të veçantë. Ai tha edhe se Bogujevci i takon një gjenerate që i kontribuuan vazhdimisht historisë moderne dhe se këngët e tij do të ruhen si trashëgimi artistike që i la Kosovës.

“Ju dhe gjithë ne humbëm një njeri të madh dhe personalitet të shquar kombëtar që përmes këngës popullore lartësoi vlerat tona për dekada të tëra[…]I ndjeri nuk quhet doajen i këngës shqipe rastësisht, ai mëshironte këngët që i këndonte në skenë, të bënte ta përjetoje e ta ndjeje emocionin që ai e përçonte derisa këndonte, ai e bënte publikun për vete me modestinë dhe shprehjen e tij të këndshme dhe kanalizonte një energji të mahnitshme me tingullin e veçantë të tij të këndimit për të cilin shquhet nga i gjithë komiteti artistik. Ismeti i takon një gjenerate që kontribuuan vazhdimisht në fazat më të vështira të historisë sonë moderne që përmes këngës kthenin sado pak shpresën atëherë kur populli jonë ishte më së rëndi atëherë kur ishte në pranga të një sistemit robërues me projekt zhbërës për kombin tonë. Kosova është burim i pashtershëm i kreativiteti dhe krijimtarisë artistike, veprimtaria e kulturore e këtyre personaliteteve shërben si testament i kësaj që e bënë Kosovën kjo që është sot. I ndjeri është dëshmi i vlerave më të larta të kombit. Vepra e tij është një vulë e pashlyer e kohës. Kosova gjithmonë do ta vlerësoj lartë Ismet Bogujevcin për kontributin e tij dhe do të përkujdeset për ruajtjen e trashëgimisë së tij artistike që e la për vendin tonë”, deklaroi ai.

Motra e Ismetit, Valbona Bogujevci tha se ai ishte një shembull se si duhet të jetë një prind, burrë, vëlla e mik duke theksuar se Ismetin do ta kujtojnë gjithmonë për urtësinë dhe fjalën e peshuar.

“Disa njerëz vijnë në këtë botë për të qenë të veçantë dhe pasatja kur të na lënë boshllëk shumë të madh. Ismeti ishte edhe si artist edhe si njeri, ai ka dhënë shembull të mirë se çfarë duhet të jetë një prind, një burrë, një mik. Ishte gjithmonë i pranishëm për familjen në momente të vështira dhe të mira. Të gjithë e dini sa i dashur ka qenë, ka pas shumë dashuri në zemrën e tij. Do te kujtojmë gjithmonë për urtësinë, për modestinë dhe për fjalën e peshuar. Jemi shumë krenar që e kemi pas dhe jemi me fat që kemi me vazhdu me i dëgju këngët e tij”, është shprehur ajo.

Shfeqet Gjocaj nga Ansambli Gjocaj kujtoi Bogujevcin si njeri motivues dhe përkrahës.

“Kam qenë i nderuar që kam ardhur në ansambël kur ka qenë Ismet Bogujevci[…]Aura e tij ishte aq e madhe në një far forme mua me vinte keq të them se unë në vend të tij të pranoj pozitën e drejtorit të ansamblit. Ishte gjithmonë motivues dhe përkrahës”, tha ai.

Ismet Bogujevci ishte solisti ndër dekada i Ansamblit Kombëtar “Shota” dhe i shumë shoqërive që kanë lënë nam në Kosovë dhe trojet shqiptare. Ai ka interpretuar një mori këngësh të famshme e ka pasur edhe shumë bashkëpunime. “Një lulishte”, “Kënga e Jemenit”, “Sillma erën e malit” – janë vetëm disa prej projekteve të tij të njohura.

Related Topics:
Continue Reading

Vendi

Prishtina pas luftës në qendër të dramës që shfaqet në festivalin ndërkombëtar në Graz

Published

43 minutes ago

on

May 25, 2026

By

Shfaqja “Prishtina: Vrasja e paralajmëruar e një ëndrre”, produksion i Qendrës Multimedia, do të prezantohet më 28 maj 2026 në kuadër të “Dramatiker:innenfestival”, që mbahet në Graz të Austrisë nga 26 deri më 31 maj.

Drama me tekst të Jeton Nezirajt dhe regji të Blerta Nezirajt sjell në qendër transformimin urban të Prishtinës pas luftës, duke u fokusuar në figurën e arkitektit Rexhep Luci dhe ndryshimet e thella në hapësirën e qytetit.

Përmes një qasjeje bashkëkohore teatrore, shfaqja trajton çështje si planifikimi urban, arkitektura dhe trashëgimia kulturore, si dhe ndikimin e ndërtimeve pa kontroll në jetën e përditshme të qytetarëve.

“Prishtina…” është pjesë e programit ndërkombëtar të festivalit dhe është shfaqur me sukses në Kosovë dhe jashtë saj, duke u vlerësuar edhe nga kritika ndërkombëtare për qasjen e saj reflektuese mbi qytetin dhe kujtesën urbane.

Continue Reading

Vendi

Eliza Dushku nderohet me titullin “Doktor Honoris Causa”

Published

6 hours ago

on

May 25, 2026

By

Aktorja me origjinë shqiptare Eliza Dushku është nderuar me titullin “Doktor Honoris Causa” nga Lesley University gjatë ceremonisë së diplomimit 2026, për kontributin e saj në art, shëndetin mendor dhe mbështetjen për veteranët.

E njohur për rolet në filmat “Bring It On” dhe “Wrong Turn”, Dushku ka orientuar vitet e fundit angazhimin e saj drejt ndërgjegjësimit për traumën dhe shëndetin mendor, duke mbështetur terapi inovative për trajtimin e PTSD-së.

Ajo është gjithashtu producente ekzekutive e dokumentarit “In Waves and War”, që trajton traumën, luftën dhe procesin e shërimit. Nderimi vlerëson transformimin e saj nga yll i Hollywood-it në një zë të rëndësishëm të aktivizmit social dhe shëndetit mendor.

Continue Reading

Aktualitet

Ditët e Artit dhe Dizajnit në UBT sjellin kulturën dhe modernitetin japonez

Published

1 day ago

on

May 24, 2026

By

Në kuadër të aktiviteteve të Ditëve të Artit dhe Dizajnit, Fakulteti i Artit dhe Dizajnit në UBT do të organizojë një aktivitet të veçantë kulturor dhe akademik në bashkëpunim me Ambasadën e Japonisë në Kosovë dhe Asociacionin e Miqësisë Kosovaro-Japoneze.

Aktiviteti do të mbahet më 26 maj 2026, duke filluar nga ora 11:00, në Parkun Shkencor, Inovativ dhe Teknologjik të UBT-së në Lipjan, dhe do të sjellë diskutime, prezantime dhe ligjërata që ndërlidhin kulturën, artin dhe zhvillimet moderne të Japonisë.

Ngjarja do të hapet me fjalën përshëndetëse të dekanes së Fakultetit të Artit dhe Dizajnit, Prof. Dr. Ariana Gjoni, ndërsa më pas pjesëmarrësit do t’i drejtohen me fjalë rasti Prof. Afërdita Statovci dhe përfaqësuesja e Asociacionit të Miqësisë Kosovaro-Japoneze, znj. Luljeta Arifi.

Pjesë qendrore e aktivitetit do të jetë ligjërata me temën “Japonia në Ditët Moderne”, e cila do të mbahet nga z. Hiroyasu Tanigaki nga Ambasada e Japonisë në Kosovë, duke ofruar një pasqyrë mbi zhvillimin, kulturën dhe ndikimin modern të Japonisë në botë.

Ky aktivitet synon të forcojë bashkëpunimin kulturor dhe akademik ndërmjet Kosovës dhe Japonisë, si dhe të krijojë hapësira frymëzuese për studentët dhe pjesëmarrësit në kuadër të Ditëve të Artit dhe Dizajnit në UBT.

Continue Reading

Lajmet

Artistë dhe profesorë nga Evropa bëhen pjesë e webinarit ndërkombëtar të organizuar nga UBT

Published

1 day ago

on

May 24, 2026

By

“Design, Memory and Identity in Contemporary Culture” – webinar ndërkombëtar që sjell në fokus dialogun mes dizajnit, kujtesës dhe identitetit kulturor.

Më 25 maj 2026, duke filluar nga ora 11:30, do të mbahet online webinari ndërkombëtar me temën “Design, Memory and Identity in Contemporary Culture”, një aktivitet akademik dhe artistik që synon të hapë diskutime të rëndësishme mbi raportin ndërmjet dizajnit, kujtesës kolektive dhe identitetit në kulturën bashkëkohore.

Ky webinar do të bashkojë artistë, dizajnerë, ligjërues dhe profesionistë të njohur ndërkombëtarisht, të cilët përmes perspektivave të ndryshme krijuese dhe akademike do të trajtojnë mënyrën se si dizajni ndikon në formësimin e identiteteve kulturore dhe ruajtjen e kujtesës në shoqërinë moderne.

Në panelin e folësve do të marrin pjesë emra të njohur nga fusha e artit, modës dhe dizajnit:

  • Elisa Poli, një nga profesionistet e njohura në edukimin e dizajnit në Itali;
  • Phlox Van Oppen, e cila njihet për qasjen inovative në tekstil dhe art bashkëkohor;
  • Tiina Burton, me përvojë të gjerë në modën digjitale dhe artin vizual;
  • Dukagjin Muhaxheri, si dhe Dardan Luta, të cilët do të sjellin perspektivën lokale dhe rajonale mbi artin, identitetin dhe kulturën bashkëkohore.

Organizatorja e webinarit, Cennet Lika, ka theksuar rëndësinë e krijimit të hapësirave ndërdisiplinore ku arti, dizajni dhe kultura ndërthuren për të reflektuar mbi sfidat dhe transformimet e kohës moderne.

Përmes diskutimeve dhe prezantimeve të ndryshme, pjesëmarrësit do të kenë mundësinë të eksplorojnë tema që lidhen me kujtesën kulturore, identitetin vizual, modën digjitale, artin bashkëkohor dhe ndikimin e teknologjisë në proceset kreative.

Webinari do të zhvillohet online përmes platformës Microsoft Teams dhe është i hapur për studentë, artistë, profesionistë të dizajnit, studiues dhe të gjithë të interesuarit për kulturën dhe artin bashkëkohor.

Continue Reading

Të kërkuara