Lajmet

Çeku: Rregullimi i Kompleksit Memorial “Adem Jashari”, prezantim i denjë i historisë së Kosovës

Published

4 years ago

on

Ministri i Kulturës Rinisë dhe Sportit, Hajrulla Çeku, tha se janë të përkushtuar që të realizojnë projektin e rregullimit të Kompleksit Memorial “Adem Jasharit”, në mënyrë që historia e Kosovës të paraqitet sa më denjësisht para ndërkombëtarëve.

Çeku tha se në takimin e parë të Komitetit Ndërministror për koordinimin e procesit, përzgjedhjen e projektit dhe monitorimin e zbatimit të projektit për Kompleksin Memorial “Adem Jashari” në Prekaz, janë dakorduar që ky komision t’i ketë shtatë ekspertë të ndryshëm.

“Në këtë komitet i cili është duke u udhëhequr nga kryeministri Kurti për t’i dhënë trajtimin e merituar. Marrin pjesë edhe ministra dhe udhëheqës të institucioneve shtetërore bashkë me OVL- UÇK-në. Ne sot i morëm disa vendime të rëndësishme në lidhje me kompleksin memorial “Adem Jashari”. Fillimisht u prezantua një raport për gjendjen preliminare të ndërtesave ekzistues në kompleksin memorial i hartuar nga ekspert të Ministrisë së Kulturës dhe u vendos që ekipit të profesionistëve t’i bashkohen ende inxhinier të ndërtimtarisë për t’u siguruar që ndërtesat në kompleks nuk rrezikojnë të shemben. Në mbledhjen e radhës do të kemi raportin përfundimtar mbi gjendjen fizike të ndërtesave të këtij kompleksi dhe mbas rekomandimit të profesionistëve do të marrim një vendim përfundimtar nëse do të ketë nevojë për ndërhyrje në këto ndërtesa. Pika e dytë e mbledhjes së sotme ishte krijimi i komisionit të ekspertëve që parashihet me Ligjin për Kompleksin Memorial “Adem Jashari”. U dakorduam që ky komision t’i ketë 7 ekspertë të ndryshëm arkitektë, historianë. Ndërsa në mbledhjen e radhës do të vijnë emrat konkret të ekspertëve vendor dhe ndërkombëtar që do të votohen dhe propozohen nga komiteti për ta marrë detyrën e këtij komisioni të ekspertëve. Detyra e komisionit është që ta asistojë komitetin në procesin e projektit master plan për Kompleksin Memorial ‘Adem Jashari”‘, deklaroi ai.

 “Është me rëndësi që në këtë përpjekje i udhëhequr nga kryeministri ky komitet e ka marrë me seriozitet trajtimin e kësaj çështje dhe ne jemi të përkushtuar që gjithë detyrimet ligjore t’i zbatojmë deri në fund ta realizojmë projektin Memorial “Adem Jashari” dhe ta bëjmë sa më të prezantueshme ndërkombëtarisht në mënyrë që përmes kësaj vepre ta tregojmë historinë e vonshme të Kosovës”, u shpreh Çeku.

Related Topics:
Continue Reading

Lajmet

​Legjenda e Barcelonës njofton pensionimin nga futbolli

Published

24 minutes ago

on

September 26, 2025

By

Mesfushori i Inter Miami, Sergio Busquets, ka bërë të ditur se do të tërhiqet nga futbolli në fund të këtij sezoni, duke i dhënë fund një karriere gati 20-vjeçare.

37-vjeçari e bëri njoftimin përmes një videoje në Instagram, ku falënderoi Barcelonën, kombëtaren spanjolle, Inter Miamin, shokët e skuadrës, tifozët dhe familjen e tij.

“Ndjej se ka ardhur koha t’i them lamtumirë karrierës sime si futbollist profesionist. “Kanë kaluar pothuajse 20 vjet duke shijuar këtë histori të pabesueshme për të cilën gjithmonë kam ëndërruar”, tha Busquets.

Busquets ishte një figurë kyçe te Barcelona për 14 vite, me mbi 700 paraqitje dhe 32 trofe të fituar, përfshirë 9 tituj të La Ligës dhe 3 Liga të Kampionëve.

Me Spanjën, ai regjistroi 143 ndeshje dhe fitoi Kupën e Botës 2010 dhe Euro 2012.

“Nuk e di se sa gjatë do të luajë Busi, por mendoj se ai është një nga mesfushorët më të mirë në histori… Shpresojmë që ai do të na ndihmojë në fazën eliminatore sepse është një lojtar kyç”, tha trajneri i Inter Miami, Javier Mascherano.

Busquets, i njohur për inteligjencën taktike dhe pasimet e sakta, është aktualisht lojtari me më shumë minuta të luajtura për Inter Miami këtë sezon./S.K/KP/

 

Continue Reading

Lajmet

Osmani takohet me presidentin e Senegalit

Published

1 hour ago

on

September 26, 2025

By

Presidentja e vendit, Vjosa Osmani, gjatë qëndsrimit të saj në New York, është takuar me presidentin e Senegalit Bassirou Diomaye Faye.

Osmani përmes një njoftimi në Facebook, ka treguar se diskutuar mundësitë për thellimin e bashkëpunimit në fusha strategjike.

“Me Presidentin e Senegalit, Bassirou Diomaye Faye, zhvilluam një takim në Neë York për të diskutuar mundësitë për thellimin e bashkëpunimit në fusha strategjike.

Partneriteti ynë i qëndrueshëm përbën një shembull të miqësisë dhe bashkëpunimit, të cilin do të vazhdojmë ta forcojmë”, shkruan Osmani./D.B/EO

Continue Reading

Lajmet

​Arrestohet një i dyshuar për sulm seksual ndaj një të miture në Podujevë

Published

1 hour ago

on

September 26, 2025

By

Policia e Kosovës ka njoftuar se ka arrestuar një person të dyshuar për sulm seksual ndaj një të miture në Podujevë. Rasti raportohet të ketë ndodhur gjatë muajit shtator.

Sipas raportit 24-orësh të Policisë, i dyshuari, shtetas kosovar, është dërguar në mbajtje./D.B/KP

Continue Reading

Lajmet

​Nis Superliga e Kosovës në futsall këtë fundjavë

Published

2 hours ago

on

September 26, 2025

By

Superliga e Kosovës në futsall nis këtë fundjavë me edicionin e ri 2025/26, ku java e parë do të zhvillohet të dielën dhe të hënën, me disa duele interesante në program.

Të dielën, FC Liqeni përballet me FC Trepçën në Drenas, ndërsa në kryeqytet do të luhet derbi mes FC Mabetex Prishtina dhe FC Drenicës.

Të hënën, në kuadër të javës së parë, FC Drenasi do të sfidojë FC Shtimja 26, kurse FC Malisheva pret FC Prishtina 01.

Skuadra e FC Obiliqit do të pushojë këtë javë./S.K/KP/FFK-Futsal/

Continue Reading

Të kërkuara