Sport

Casemiro drejt Arabisë Saudite

Paraqitja e këtij sezoni nuk i ngjan asaj të vitit të tij të parë në Old Trafford, kur ai ishte një nga protagoniset kryesorë ku edhe fitoi një Kupë ‘Carabao’.

Published

on

Sezoni i dytë i Casemiros në Manchester nuk ka qenë i lehtë. Fillimisht për shkak të një dëmtimi që e mbajti jashtë fushave për tre muaj dhe më pas sukseset që skuadra po arrin.

Paraqitja e këtij sezoni nuk i ngjan asaj të vitit të tij të parë në Old Trafford, kur ai ishte një nga protagoniset kryesorë ku edhe fitoi një Kupë ‘Carabao’, titulli i parë për “Djajtë e Kuq” që nga viti 2017.

Casemiro luajti kundër Luton Town fundjavën e kaluar. Edhe pse Manchester United fitoi 2-1, paraqitja e brazilianit nuk u pëlqeu tifozëve. Ai mori një karton të verdhë dhe u zëvendësua në pjesën e parë.

Edhe pse ai ka luajtur vetëm pesë ndeshje që nga rikuperimi i tij, të gjitha ato kanë qenë si titullar, ku ishte përkrah Kobbie Mainoo.

E ardhmja e Casemiros në Manchester United nuk është e garantuar. Braziliani nënshkroi katër sezone plus një opsional me klubin e anglez.

Verën e kaluar, “Djajtë e Kuq” kishin në tryezë një ofertë nga Arabia Saudite për një shumë shumë të ngjashme me atë që i paguan Real Madridit dymbëdhjetë muaj më pare, rreth 70 milionë euro. Sipas Relevo, Casemiro po mendon për një pensionim në Arabi, ku ai mund të nënshkruajë një kontratë të fundit. Interesimi i Arabisë Saudite për brazilianin vazhdon ende./UBTNews/

Aktualitet

​Nora Gjakova nis rrugëtimin si trajnere e xhudos

Published

on

Federata e Xhudos së Kosovës ka nisur një kapitull të ri me përfshirjen e kampiones olimpike, Nora Gjakova, në rolin e trajnere asistente të ekipit të meshkujve. Ajo tashmë i është bashkuar stafit teknik dhe po punon me plot energji e përkushtim në stërvitjet që po mbahen në Bordeaux të Francës.

Në këtë grumbullim, ekipi i meshkujve po përgatitet intensivisht për garat e rëndësishme që i presin në muajt e ardhshëm. Nën drejtimin e trajnerëve dhe me mbështetjen e Norës, xhudistët Akil Gjakova, Shpati Zekaj, Dardan Cena dhe Anes Veseli po zhvillojnë seanca të forta stërvitore, duke dhënë maksimumin në çdo hap të përgatitjeve.

Përfshirja e Nora Gjakovës në stafin e trajnerëve shihet si një vlerë e madhe për ekipin, duke sjellë përvojën e saj të pasur ndërkombëtare dhe frymën e suksesit që ka shoqëruar karrierën e saj si sportiste.

Kosova shpreson se ky kombinim i përvojës dhe energjisë së re do të sjellë rezultate të reja pozitive për xhudon kosovare në arenën ndërkombëtare.

Continue Reading

Sport

Presioni mbi Ruben Amorim rritet, Manchester United përgatit plan emergjent për trajnerin

Published

on

By

Problemet e Manchester United vazhduan mbrëmjen e së mërkurës me humbjen e papritur ndaj Grimsby Town në Kupën e Ligës, e cila u vendos pas penalltive. Pas kësaj, pronarët e klubit, Grupi Ineos, kanë kërkuar nga departamenti i futbollit të përgatisë një listë të shkurtër me kandidatë për trajner në rast se do të duhet shkarkimi i Ruben Amorim.

Sipas mediave, trajneri portugez, i sjellë në “Old Trafford” nga Sporting Lisbona me një kontratë të majme, po përballet me presion të madh pas pozicionit të dobët të skuadrës në renditje, duke zënë vendin e 16-të në Premier League.

Në listën e kandidatëve për zëvendësimin e tij përfshihen Andoni Iraola, trajneri i Bournemouth, i njohur për performancën e tij të mirë në Ligën Premier dhe eksperiencën në Spanjë me Mirandes dhe Rayo Vallecano, si dhe Oliver Glasner, trajneri aktual i Crystal Palace.

Manchester United duket i gatshëm të ndërmarrë veprime drastike në rast se rezultatet nuk përmirësohen në ditët në vijim.

Continue Reading

Sport

Leart Paçarada kalon te FC Heidenheim

Published

on

By

FC Heidenheim 1846 ka konfirmuar nënshkrimin e mbrojtësit kosovar Leart Paçarada, i cili vjen nga FC Köln.

Paçarada, 30 vjeç, ka zgjedhur të ndryshojë ambientin, por do të vazhdojë të luajë në Bundesligë, pasi kalon në skuadrën gjermane të Heidenheim. Mbrojtësi i majtë ka firmosur një kontratë që do ta mbajë te klubi deri në verën e vitit 2027.

Njoftimi është bërë zyrtar nga faqja e klubit, ku theksohet se Paçarada i bashkohet skuadrës së Bundesligës nga rivalët e FC Köln.

Në skuadrën e re, ai do të luajë së bashku me dy futbollistë tjerë me prejardhje shqiptare, Arijon Ibrahimovic dhe Diant Ramaj.

Continue Reading

Sport

Drita përballë Differdange në ndeshjen kthyese të Ligës së Konferencës, synon kualifikimin historik

Published

on

By

Drita do të luajë si mysafire ndaj Differdange në ndeshjen kthyese të fazës ‘play-off’ të Ligës së Konferencës, me synimin për t’u kualifikuar për herë të parë në grupet e një gare evropiane.

Takimi zhvillohet në “Stade Municipal de la Ville de Differdange” me fillim nga ora 20:00. Ekipi i trajnerit Zekirija Ramadani do të kërkojë të ruajë avantazhin 2-1 nga ndeshja e parë në Prishtinë.

“Intelektualët” synojnë të fitojnë apo të sigurojnë të paktën një barazim, që do t’i çonte në fazën e grupeve të Ligës së Konferencës për herë të parë në histori.

Nëse arrin kualifikimin, Drita do të bëhet klubi i dytë kosovar që e arrin këtë sukses, pas Ballkanit, i cili ka luajtur dy herë në grupet e këtij kompeticioni.

Continue Reading

Të kërkuara