Sport

Carrick largohet nga skuadra e Manchester United

Carrick ishte në pozitën e trajnerit të përkohshëm pas shkarkimit të Ole Gunnar Solskjaer.

Published

on

Fitorja e mbrëmshme me rezultat 3:2 kundër Arsenalit do të jetë kontributi i fundit i Michael Carrick në karrierë me Manchester United, ku trajneri i përkohshëm ka treguar se do të largohet nga pozita e trajnerit në “Old Trafford”.

Carrick ishte në pozitën e trajnerit të përkohshëm pas shkarkimit të Ole Gunnar Solskjaer në nëntor, ku e drejtori skuadrën drejt dy fitoreve dhe një barazimi në tre ndeshje në krye.

Por ai nuk do të qëndrojë në klub, kur Ralf Rangnick të merre detyrën e trajnerit deri në fund të këtij edicioni.

“Michael Carrick ka vendosur që të largohet nga detyra e trajnerit të ekipit të parë dhe të largohet nga klubi pas përmbylljes së kapitullit të tij si trajner i përkohshëm”, shkruante në komunikatën zyrtare të Manchester United.

Pas ndeshjes me Arsenalin, Carrick tregoi për aventurën e tij me Manchester United dhe për vendimin që të largohet nga klubi.

“Koha ime te ky klub i madh do të jetë gjithmonë si vitet më të mira të karrierës. Sidoqoftë, kam vendosur që tani është koha e duhur për mua që të largohem nga klubi. Dua të shfrytëzoj rastin që të falënderoj të gjithë lojtarët dhe një falënderim special shkon për stafin prapa meje, duke punuar me orë të tëra me një grup të madh të lojtarëve ka qenë një kënaqësi tejet e madhe”, tha Carrick.

Michael Carrick largohet nga “Old Trafford” pas një periudhe prej 15 vitesh si trajner dhe si lojtar i klubit të Manchester United.

Lajmet

Shpaloset lista e Shqipërisë për ballafaqim me Serbinë

Published

on

Kombëtarja shqiptare do të rikthehet në aksion për ndeshjen e radhës kualifikuese të Kupës së Botës 2026 ndaj Serbisë dhe për sfidën miqësore ndaj Jordanisë.

Grumbullimi zyrtar do të nisë më 6 tetor, ndërsa shpallja e listës së lojtarëve të grumbulluar nga trajneri Sylvinho është programuar për ditën e sotme.

Gjithashtu sot në orën 11:00, do të mbahet edhe konferenca për shtyp e trajnerit në ambientet e “Shtëpisë së Futbollit”.

Seanca e parë stërvitore e Kombëtares do të zhvillohet më 6 tetor.

Ndeshja Serbi-Shqipëri do të luhet më 11 tetor, në stadiumin “Gradski stadion Dubočica” në Leskovac, në orën 20:45.

Ndërsa, miqësorja Shqipëri-Jordani do të zhvillohet më 14 tetor, në stadiumin “Air Albania”, në orën 19:00./S.K/KP/

 

Continue Reading

Lajmet

​Shaqiri shkëlqen në fitoren e Baselit ndaj Stuttgartit

Published

on

FC Basel ka marrë fitoren e parë këtë sezon në fazën e grupeve të Europa League, duke mposhtur Stuttgartin me rezultat 2-0.

Albian Ajeti zhbllokoi ndeshjen që në minutën e tretë pas një gabimi në mbrojtjen gjermane. Stuttgart pati mundësinë të barazonte me penallti në minutën e 35-të, por Marwin Hitz priti goditjen e Ermedin Demirović.

Në pjesën e dytë, Xherdan Shaqiri vulosi fitoren e zviceranëve me një gol nga afërsia, duke i dhënë fund serisë prej tre ndeshjesh pa fitore të Baselit në Evropë.

Stuttgart humbi pas tri fitoreve radhazi dhe në ndeshjen e ardhshme do të udhëtojë në Stamboll për t’u përballur me Fenerbahçen./S.K/KP/

Continue Reading

Lajmet

​Liga Konferenca, Drita nxjerr një pikë si mysafire

Published

on

Drita e Gjilanit ka nisur mbarë sezonin historik të klubit gjilanas në Ligën Konferenca duke luajtur baras në ndeshjen e parë në udhëtim ndaj skuadrës finlandeze KuPS.

Ndeshja u zhvillua në stadiumin Tammela në Tempere të Finlandës, me kapacitet prej tetë mijë ulësesh.

Polaku Piotr Parzyszek solli KuPS në epërsi në minutën e 74-të, pas asistimit nga Voutilainen.

Skuadra gjilanase u rikthye në lojë me golin e Albert Dabiqajt në minutën e 80-të, pas asistimit të Blerton Shejit.

Njëherësh Dabiqaj shënoi golin historik për Dritën në Ligën Konferenca pasi ky është goli i parë i skuadrës gjilanase në debutimin e saj në këtë ligë, e cila ka 36 ekipe evropiane,/S.K/KP/

Continue Reading

Lajmet

Xhaka në garë me Haalandin dhe yjet e tjerë për t’u zgjedhur lojtari i muajit në Premierligë

Published

on

Ylli kosovar Granit Xhaka po shfaq formë të jashtëzakonshme në edicionin e ri dhe mbetet në garë yjet e tjerë për t’u zgjedhur lojtari i muajit në Premierligë

Xhaka u transferua gjatë verës nga Bayer Leverkuseni në Sunderland dhe menjëherë prezenca e tij ka pasur impakt në ekipin anglez.

Krahas organizimit të lojës, duke kontribuuar si në aspektin defanziv, ashtu edhe në atë ofanziv, veterani i mesfushës ka kontribuuar edhe me asistime, duke qenë lojtari më i rëndësishëm i Sunderlandit deri tash në sezonin 2025/26.

Për këtë, Premierliga e ka përfshirë përfaqësuesin zviceran në mesin e kandidatëve për t’u zgjedhur futbollisti më i mirë i muajit shtator.

Përpos Xhakës, në garë janë edhe lojtarët tjerë që bënë paraqitje pozitive në muajin që shkoi si: Erling Haaland, Danchi Kamada, Yankuba Minteh, Robin Roefs e Martin Zubimendi./S.K/EO/

 

Continue Reading

Të kërkuara