Sport

Carlo Ancelotti flet para duelit ndaj Borussia Dortmundit në Ligën e Kampionëve

Published

on

Carlo Ancelotti ka folur për media para përballjes ndaj Borussia Dortmundit në ndeshjen e vlefshme për finalen e Ligës së Kampionëve, e cila luhet të shtunën e 1 qershorit duke filluar nga ora 21:00.

Nëse jemi favorit:

Ancelotti: “Po shijojmë momentin. Të jesh në finale do të thotë se sezoni yt ka qenë i suksesshëm. Ne nuk mendojmë për këtë. Dortmundi tregoi cilësi, ata e meritojnë të jenë në finale. Ne do të luftojmë. Jemi të lumtur që jemi përsëri në një finale. Kjo është e 6-ta ime, është gjithmonë e njëjta ndjenjë. Lojtarët janë të fokusuar në finale. Ata kanë aktivizuar modalitetin e Champions League.

Befasia më e madhe te Dortmundi:

Ancelotti: “Ajo që më befasoi më shumë te Dortmundi është personaliteti i tyre, veçanërisht kundër PSG-së. Ata kanë luftuar. Kemi një javë tani, do të përgatitemi mirë për finalen. E rëndësishme është të dimë se çfarë duhet të bëjmë. Unë do t’u jap lojtarëve të mi të gjitha informacionet e nevojshme.

Arda Güler në finale:

Ancelotti: “Sigurisht që mund të luajë. Ai ka treguar talentin dhe cilësinë e tij. Ai mund të jetë i dobishëm gjatë lojës.

Momenti më i mirë deri tani:

Ancelotti: “Ka shumë. Faza jonë në grupe ka qenë spektakolare. Më pas nuk ishim mirë kundër Leipzig. Më pas u përballëm me ekipin më të mirë në këtë kompeticion, Cityn, dhe e eliminuam. Më pas gjysmëfinalet kundër Bayerni… momenti më i mirë është ndoshta Joselu në atë ndeshje.

Ndeshja e fundit për Toni Kroos:

Ancelotti: “Finalja do të jetë ndeshja e fundit e Toni Kroos. Shpresoj që ai të përfundojë me një tjetër Ligë të Kampionëve. Por karriera e tij nuk ka nevojë. Ai tashmë është një lojtar fantastik. Ai është në historinë e Real Madridit dhe madje edhe të futbollit. pa një trofe tjetër.

Borussia Dortmund:

Ancelotti: “Borussia Dortmund ka shumë përvojë në këtë kompeticion. Ata e meritojnë të jenë në finale. Dy skuadrat më të mira janë në finale. Shumë skuadra tashmë janë me pushime dhe do ta shikojnë finalen në televizorin e tyre”./UBTNews/

Lajmet

Kosova synon një tjetër fitore, përballë Komoreve në “Fadil Vokrri”

Published

on

By

Pas një paraqitjeje mbresëlënëse ndaj Armenisë, Kombëtarja e Kosovës rikthehet sot në fushë për testin e dytë miqësor të muajit qershor.

Dardanët do të përballen me përfaqësuesen e Komoreve në stadiumin “Fadil Vokrri” në Prishtinë, me fillim nga ora 19:00.

Pas fitores bindëse 5-2 ndaj Armenisë tri ditë më parë, ekipi i drejtuar nga trajneri Franco Foda synon të konfirmojë formën e mirë dhe të vazhdojë me rezultatet pozitive në prag të ndeshjeve zyrtare që e presin në muajt në vijim.

Përballja e sotme pritet t’i shërbejë trajnerit austriak për të testuar kombinime të reja dhe për të forcuar më tej identitetin e lojës së ekipit.

Continue Reading

Sport

Liga e Kombeve: Portugalia kampione për herë të dytë

Published

on

By

Portugalia është kampionia e re e Ligës së Kombeve, pas një finaleje të tensionuar ndaj Spanjës që u mbyll pas ekzekutimit të penalltive. Ndeshja, e zhvilluar në “Allianz Arena” të Mynihut, përfundoi me rezultat të barabartë 2-2 pas kohës së rregullt dhe dy vazhdimeve, ndërsa penalltitë i buzëqeshën Portugalisë.

Skuadra iberike e Cristiano Ronaldos fitoi me rezultat 5-3 pas gjuajtjeve nga pika e bardhë, duke e siguruar titullin e dytë në këtë garë, pas atij të fituar në edicionin 2018-2019. Fati i finales u vendos nga gabimi i Alvaro Moratës në penalltinë e katërt, të cilën nuk arriti ta realizojë.

Të dy kombëtaret ishin kualifikuar në finale pas dueleve gjysmëfinale të forta: Portugalia kishte eliminuar nikoqirin Gjermani, ndërsa Spanja kishte mposhtur Francën në një ndeshje dramatike.

Spanja e hapi ndeshjen me golin e Martin Zubimendi në minutën e 26-të, por pesë minuta më vonë Nuno Mendes barazoi rezultatin pas asistimit të Pedro Netos. Golin e dytë për Spanjën e realizoi Mikel Oyarzabal në kohën shtesë të pjesës së parë, ndërsa në pjesën e dytë Portugalia reagoi përmes Cristiano Ronaldos në minutën e 61-të, duke e çuar ndeshjen në vazhdime.

Ronaldo, megjithatë, nuk e përfundoi ndeshjen, pasi u zëvendësua nga Gonçalo Ramos në minutën e 87-të, ndërsa shiritin e kapitenit e mori Bruno Fernandes. Në vazhdime, të dy skuadrat patën raste, por nuk arritën të ndryshojnë rezultatin.

Gjuajtjet e penalltive nisën me Ramos dhe Merinon, që shënuan përkatësisht për Portugalinë dhe Spanjën. Vitinha dhe Baena ishin gjithashtu të saktë në serinë e dytë, ndjekur nga Fernandes dhe Isco, që barazuan në tre me tre. Nuno Mendes realizoi për Portugalinë në penalltinë e katërt, ndërsa Morata dështoi të shënojë. Ruben Neves vulosi gjithçka me realizimin e tij për rezultatin përfundimtar 5-3.

Spanja, që kishte fituar edicionin e kaluar të Ligës së Kombeve ndaj Kroacisë, nuk arriti të mbrojë titullin. Kombëtarja spanjolle ishte e pamposhtur në dhjetë ndeshje radhazi në këtë kompeticion, me nëntëmbëdhjetë fitore në gjithsej 42 takime që nga fillimi i Ligës së Kombeve – një bilanc shumë më i mirë në krahasim me Portugalinë që ka gjashtë fitore në përballjet direkte.

Kjo ishte finalja e parë mes këtyre dy kombëtareve në një garë zyrtare pas përballjes së fundit në shtator të vitit 2022, kur Spanja fitoi minimalisht 1-0 në Portugali, po ashtu në Ligën e Kombeve. Për Portugalinë, titulli i sivjetmë përforcon pozicionin e saj si një ndër skuadrat më të suksesshme në këtë format të garës evropiane.

Continue Reading

Sport

Shtatë vjet pa Fadil Vokrrin: Kujtohet figura kyçe e futbollit kosovar

Published

on

By

Sot bëhen shtatë vjet që nga ndarja nga jeta e Fadil Vokrrit, një prej emrave më të njohur të futbollit shqiptar. Kontributi i tij në fushën e lojës dhe më pas në zhvillimin institucional të futbollit në Kosovë e ka vendosur atë në qendër të historisë sportive të vendit.

Fadil Vokrri lindi më 23 korrik 1960 në Podujevë. Futbollin e nisi në moshën 15-vjeçare, ndërsa debutimin e parë e pati si 17-vjeçar me KF “Llapi”. Rruga e tij vazhdoi në vitin 1980 me kalimin te KF “Prishtina”, ku shënoi mbi 50 gola në të dy nivelet e ligave të atëhershme jugosllave.

Karriera e tij arriti kulmin në vitet ’80, ku në vitin 1984 u bë lojtari i vetëm shqiptar që përfaqësoi Jugosllavinë në nivel ndërkombëtar, me 12 paraqitje dhe 6 gola. Në vitin 1986 u transferua te Partizani i Beogradit, ndërsa më pas ndoqi karrierën në Francë dhe Turqi, ku luajti për Nimes dhe Fenerbahçe, përpara se të kthehej në Francë për të përfunduar karrierën.

Pas luftës, Vokrri u rikthye në Kosovë për të kontribuar në zhvillimin e futbollit. Në vitin 2008 u emërua kryetar i Federatës së Futbollit të Kosovës. Gjatë mandatit të tij, FFK-ja arriti të pranohet në UEFA dhe FIFA – një hap historik për futbollin kosovar.

Fadil Vokrri ndërroi jetë më 9 qershor 2018, në moshën 57-vjeçare, pas një sulmi në zemër. Ai u varros me nderime shtetërore, ndërsa 10 qershori u shpall ditë zie kombëtare.

Trashëgimia e tij vazhdon të jetojë, jo vetëm në kujtimet e sportdashësve, por edhe në strukturat e futbollit modern të Kosovës, për të cilin ai punoi deri në fund.

Continue Reading

Sport

Kombëtarja shqiptare mbërrin në Riga për ndeshjen ndaj Letonisë

Published

on

Kombëtarja shqiptare ka udhëtuar mbrëmë drejt Rigës, Letoni, në kuadër të ndeshjes kualifikuese për Kupën e Botës ndaj Letonisë, që do të luhet të martën, më 10 qershor, në “Skonto Stadions”, në orën 20:45.

Departamenti i Komunikimit në FSHF bën me dije se me skuadrën nuk ka udhëtuar vetëm kapiteni Berat Gjimshiti, i cili nuk do të jetë në dispozicion të trajnerit Silvinjo, pasi ka plotësuar numrin e kartonëve të verdhë.

Të gjithë lojtarët e tjerë kanë udhëtuar me ekipin dhe kuqezinjtë janë akomoduar menjëherë në hotel.

Të hënën, Kombëtarja do të mbyllë përgatitjet për ndeshjen ndaj Letonisë.

Continue Reading

Të kërkuara