Sport

Carlo Ancelotti flet para duelit ndaj Borussia Dortmundit në Ligën e Kampionëve

Published

on

Carlo Ancelotti ka folur për media para përballjes ndaj Borussia Dortmundit në ndeshjen e vlefshme për finalen e Ligës së Kampionëve, e cila luhet të shtunën e 1 qershorit duke filluar nga ora 21:00.

Nëse jemi favorit:

Ancelotti: “Po shijojmë momentin. Të jesh në finale do të thotë se sezoni yt ka qenë i suksesshëm. Ne nuk mendojmë për këtë. Dortmundi tregoi cilësi, ata e meritojnë të jenë në finale. Ne do të luftojmë. Jemi të lumtur që jemi përsëri në një finale. Kjo është e 6-ta ime, është gjithmonë e njëjta ndjenjë. Lojtarët janë të fokusuar në finale. Ata kanë aktivizuar modalitetin e Champions League.

Befasia më e madhe te Dortmundi:

Ancelotti: “Ajo që më befasoi më shumë te Dortmundi është personaliteti i tyre, veçanërisht kundër PSG-së. Ata kanë luftuar. Kemi një javë tani, do të përgatitemi mirë për finalen. E rëndësishme është të dimë se çfarë duhet të bëjmë. Unë do t’u jap lojtarëve të mi të gjitha informacionet e nevojshme.

Arda Güler në finale:

Ancelotti: “Sigurisht që mund të luajë. Ai ka treguar talentin dhe cilësinë e tij. Ai mund të jetë i dobishëm gjatë lojës.

Momenti më i mirë deri tani:

Ancelotti: “Ka shumë. Faza jonë në grupe ka qenë spektakolare. Më pas nuk ishim mirë kundër Leipzig. Më pas u përballëm me ekipin më të mirë në këtë kompeticion, Cityn, dhe e eliminuam. Më pas gjysmëfinalet kundër Bayerni… momenti më i mirë është ndoshta Joselu në atë ndeshje.

Ndeshja e fundit për Toni Kroos:

Ancelotti: “Finalja do të jetë ndeshja e fundit e Toni Kroos. Shpresoj që ai të përfundojë me një tjetër Ligë të Kampionëve. Por karriera e tij nuk ka nevojë. Ai tashmë është një lojtar fantastik. Ai është në historinë e Real Madridit dhe madje edhe të futbollit. pa një trofe tjetër.

Borussia Dortmund:

Ancelotti: “Borussia Dortmund ka shumë përvojë në këtë kompeticion. Ata e meritojnë të jenë në finale. Dy skuadrat më të mira janë në finale. Shumë skuadra tashmë janë me pushime dhe do ta shikojnë finalen në televizorin e tyre”./UBTNews/

Sport

Ndalet rryma në Spanjë, pezullohet turneu i tenisit “Madrid Open”

Published

on

Sporti i tenisit është përballur me një fenomen të pazakontë. Në fakt, turneu i tenisit “Madrid Open” është pezulluar përkohësisht.

Dhe, arsyeja është vërtet e pabesueshme. Më saktësisht, për shkak se kryeqyteti spanjoll – Madrid dhe rajoni përreth tij po përballen me ndërprerje të energjisë elektrike, kjo ka bërë që të shtyhet në një afat të pacaktuar ky turne vjetor i sportit të bardhë.

Tenisti britanik Jacop Fearnley u detyrua ta linte fushën shkaku i mungesës së rrymës, pasi ajo i preku tabelat e rezultateve dhe një kamerë mbi fushë, gjë që ishte e pamundur që të zhvillohej meçi i tenisit.

Continue Reading

Sport

Usyk dhe Dubois rikthehen në ring më 19 korrik

Published

on

By

Më 19 korrik, në stadiumin “Wembley” të Londrës, do të zhvillohet një nga përballjet më të mëdha në historinë e boksit, ku britaniku Daniel Dubois dhe ukrainasi Oleksandr Usyk do të luftojnë për t’u shpallur kampion i padiskutueshëm i botës në peshën e rëndë.

Dubois, kampioni aktual i IBF-së, do të përballet me Usyk, i cili mban titujt WBA (Super), WBC dhe ËBO. Usyk është i pamposhtur deri tani në 23 lufta dhe ka mundur Dubois në gusht të vitit 2023 përmes një ndalimi në raundin e nëntë.

Në maj të vitit 2024, Usyk bëri histori duke u bërë kampioni i parë i padiskutueshëm i peshave të rënda të epokës së katër rripave, pas fitores ndaj Tyson Fury. Pas kësaj, Usyk vendosi të lirojë rripin IBF para ndeshjes së tij të kthimit me Fury në dhjetor, duke i dhënë mundësinë Dubois të ngritet kampion i IBF-së.

Dubois, i cili është vetëm 27 vjeç, mbrojti me sukses titullin e tij të IBF-së në shtator të kaluar kundër Anthony Joshua dhe tani është gati për një tjetër përballje me Usyk. Ai ka deklaruar se është “një luftëtar superior” dhe i bindur se do ta fitojë këtë duel: “Kjo është lufta që doja dhe kërkova, tani kam mundësinë për hakmarrje,” tha Dubois. “Usyk do të zbulojë se jam më i rrezikshëm tani.”

Një fitore për Dubois mund ta bëjë atë boksierin e parë britanik që mban titullin e padiskutueshëm të peshave të rënda që nga koha e Lennox Lewis, i fundit që ka mbajtur këtë titull në vitin 1999.

Në këtë ndeshje do të vendoset gjithashtu kush do të mbajë dominimin në kategorinë e peshave të rënda, dhe të dy boksierët premtojnë një përballje të jashtëzakonshme në një ngjarje që do të ndjekin milionë shikues anembanë botës.

Të dy boksierët janë gati të japin gjithçka në këtë përballje të mëdha, që pritet të jetë një ngjarje e paharrueshme për botën e boksit.

Continue Reading

Sport

Donjeta Sadiku fiton medaljen e artë në “Brussels Capital”

Published

on

By

Boksierja kosovare Donjeta Sadiku ka fituar medaljen e artë në turneun ndërkombëtar “Brussels Capital”, të mbajtur në Belgjikë, duke vazhduar paraqitjet e saj të suksesshme në skenën ndërkombëtare.

Sadiku shënoi tri fitore gjatë turneut, ndërsa në finalen e kategorisë -60 kilogramë triumfoi ndaj boksieres italiane, Nicole Rebecca.

Ky ishte turneu i parë i organizuar nën ombrellën e “World Boxing”, në të cilin u përfaqësua edhe Federata e Boksit e Kosovës. Paraqitje të mira patën edhe boksierët e tjerë nga Kosova, ndërsa drejtësinë në këtë turne e ndau gjyqtari ndërkombëtar nga Kosova, Latif Demolli.

Continue Reading

Sport

Dy ndeshje të rëndësishme zhvillohen sot në Superligën e Kosovës

Published

on

By

Në kuadër të xhiros së 21-të të Superligës së Kosovës në futboll, sot do të zhvillohen dy ndeshje me rëndësi për ecurinë e sezonit.

Ferizaj, që po lufton për të siguruar pjesëmarrjen në garat evropiane, do të përballet me Dritën, lideren aktuale të kampionatit. Ferizaj renditet në pozitën e pestë me 42 pikë, ndërsa Drita kryeson tabelën me 66 pikë dhe është në prag të sigurimit të titullit kampion. Takimi zhvillohet në Ferizaj, duke filluar nga ora 15:00.

Ndërkohë, në ndeshjen tjetër të ditës, Llapi pret Prishtinën në një përballje të drejtpërdrejtë. Të dy skuadrat kanë grumbulluar nga 39 pikë pas 30 ndeshjeve të zhvilluara dhe ndajnë pozitat e shtatë dhe të tetë në renditje. Kjo ndeshje do të fillojë në orën 16:00.

Continue Reading

Të kërkuara