Këngëtari k olumbian, Maluma, emri i vërtetë i të cilit është Juan Luis Londoño Arias, lindi në Medellin më 1994.

Ai ka kaluar nga një sensacion lokal në një yll ndërkombëtar, duke fituar jo vetëm popullaritet, por edhe një pasuri të konsiderueshme.

Sipas Celebrity Net Worth, pasuria e Malumës vlerësohet në 22 milionë dollarë për vitin 2025. Ky shifër reflekton suksesin e tij në hitet muzikore, turnetë globale, miratimet e markave dhe sipërmarrjet e zgjuara biznesi.

Rruga drejt suksesit filloi me muzikën, veçanërisht reggaetonin e popin urban. Albumi i tij Pretty Boy, Dirty Boy (2015) solli hitet e para të mëdha, duke e vendosur si figurë të re të muzikës kolumbiane dhe latine.  Albumet e mëvonshme FAME, 11:11 dhe Papi Juancho e konsolidojnë reputacionin e tij dhe e bëjnë një nga artistët më fitimprurës të zhanrit.

Turnetë e tij globale, që mbushin arenat në Amerikën Latine, SHBA dhe Evropë, sjellin të ardhura qindra mijëra dollarëshe për çdo shfaqje.

Në epokën e transmetimit, këngët arrijnë miliarda dëgjime, duke siguruar një burim të qëndrueshëm të ardhurash që me turnetë dhe marketingun, formojnë bazën e pasurisë së tij neto. Ai ka bashkëpunuar me marka si Versace, Adidas dhe Michelob Ultra, është futur në aktrim, duke luajtur përkrah Jennifer Lopez në Marry Me dhe duke i dhënë zë një personazhi në versionin spanjoll të Enchanted të Disney.

Më 2023, Maluma lansoi Royalty Records, linjën e modës dhe jetesës Royalty by Maluma, duke treguar interes për rritjen e biznesit përtej skenës muzikore. Pavarësisht pasurisë multimiliona dollarëshe, Maluma shpesh thekson se suksesi nuk matet vetëm me paratë.

Ai synon të përfaqësojë Kolumbinë me krenari në skenën botërore dhe të frymëzojë brezin e ardhshëm të artistëve. /A.Z/UBT News/

Ariana Grande u sulmua papritur nga një fans gjatë shfaqjes gala të filmit të saj të ri Wicked: For Good, në premierën e mbajtur të enjten në Singapor.

Ajo po ecte në tapetin e gjelbër me Cynthia Erivo, kur një burrë u afrua nga pas dhe e kapi me krah, duke tentuar t’i afrohej në mënyrë agresive.  Cynthia, e cila portretizon Elphabën në film, reagoi duke u vendosur fizikisht para Ariana-s dhe bërë thirrje agresorit të ndalonte.

Në pamjet që qarkulluan në internet, shihet momenti kur burri i afrohet Ariana-s dhe e kap, ndërsa ajo përpiqet të largohet.

Rojet e sigurisë ndërhynë menjëherë, e ndanë burrin nga këngëtarja dhe e larguan atë nga hapësira e eventit. Ariana u duk e tronditur pas episodit dhe Cynthia u pa duke e qetësuar.

Agresori është identifikuar si Johnson Wen, një personazh i njohur për ndërhyrjet e mëparshme në tapetet e kuq.

Ai ka sulmuar më parë edhe artistë të tjerë si Katy Perry, The Weeknd dhe The Chainsmokers. Wen, i njohur në internet si “Pyjama Man”, madje publikoi një video ku falënderonte Ariana-n për “mundësinë” për t’u afruar me të, duke e quajtur incidentin “ëndrrën e tij”.

Fansat e Ariana-s reaguan me indinjatë në rrjete sociale, duke e cilësuar sjelljen e Wen të papranueshme. Ata theksuan se, duke marrë parasysh përvojat traumatike që Ariana ka kaluar në të kaluarën, një incident i tillë ishte i rëndë dhe i dhimbshëm për të dhe për publikun.

Singapori ishte ndalesa e vetme në Azi gjatë turit ndërkombëtar promovues të filmit, i cili do të mbyllet në New York më 17 nëntor. /A.Z/UBT News/

Në filmin Jay Kelly, George Clooney interpreton personazhin kryesor karizmatik, suksesi i të cilit mban në këmbë menaxherin, publicistin, ekipin e marketingut, rojet e sigurisë dhe asistentët e tij.

“Po shndërrohet në një industri më vete”, tha Clooney, duke theksuar se personazhi i tij tregon sa lehtë mund të të përpijë kultura e Hollywood-it. Filmi është regji e Noah Baumbach.

Clooney shtoi se ai vetë ka arritur të shmangë kurthet e punës së tepërt, në të cilat bie personazhi Jay.

“Duhet të jesh pjesëmarrës aktiv në atë çfarë je dhe në atë çfarë bën, apo jo? Duhet të kesh guximin të thuash: ‘Jo, nuk më duhet kjo’ ose ‘Nuk e dua atë’. Nëse nuk thua ‘jo’, gjërat thjesht do të të mbingarkojnë vetë,” shpjegoi ai.

“Gjithmonë kam pasur një sens të shëndetshëm për mënyrën se si dua të më shohin të tjerët dhe si dua ta jetoj jetën time,” shtoi Clooney.

Filmi i Netflix-it, i drejtuar nga Baumbach, e ndjek aktorin Jay Kelly teksa ai përballet me të kaluarën dhe të tashmen e tij, i mbështetur nga menaxheri i tij besnik Ron, të cilin e luan Adam Sandler.

Në film marrin pjesë edhe Laura Dern dhe Billy Crudup. Premiera në disa kinema është caktuar për 14 nëntor, ndërsa në Netflix do të publikohet më 5 dhjetor. /A.Z/UBT News/