Sport

Cannavaro thotë se do të kishte punuar te Napoli pa para

Ai tha se presidenti Aurelio De Laurentiis nuk ia ofroi kurrë këtë mundësi.

Published

3 years ago

March 29, 2024

Betim Gashi

Legjenda e futbollit italian, Fabio Cannavaro ka pranuar se do të kishte punuar te Napoli pa pagesë si trajner pasi ishte ëndrra e tij, por presidenti Aurelio De Laurentiis nuk ia ofroi kurrë këtë mundësi.

Kur ai u pa i ulur pranë De Laurentiis në tribunë gjatë ndeshjes Napoli-Empoli, para se Rudi Garcia të shkarkohej për t’i lënë vend Walter Mazzarrit, shumë mediume pretenduan se kjo do të thoshte se ai ishte duke u rreshtuar për këtë rol.

“Do ta kisha trajnuar Napolin pa pagesë, është ëndrra për të gjithë trajnerët”, u shpreh Cannavaro për ‘Sportitalia’.

Kur u pyet për opsionet, De Laurentiis tha se ai kishte një listë të ngushtë me 50 emra, por që Cannavaro nuk bënte pjesë në atë listë.

“Nuk mendoj se mungesa e përvojës është arsyeja pse nuk isha në atë listë. Shumë njerëz nuk e respektojnë përvojën që kam fituar në Kinë, por unë jam trajner dhe dua të punoj. U ktheva në Itali dy vjet më parë dhe vazhdoj të studioj, sepse trajneri është ajo që dua të bëj”, shtoi më tej mbrojtësi italian.

Fituesi i Topit të Artë punoi si ndihmësi i Cosmin Olaroiut te Al-Ahli në sezonin 2013/14 përpara se të udhëheqte, Guangzhou Evergrande, në Kinë, më pas Tianjin Quanjian dhe Guangzhou Evergrande përsëri.

Pas vetëm dy ndeshjesh si trajner i përkohshëm i kombëtares së Kinës, ai pati përvojën e tij të vetme si trajner evropian, ku drejtoi Beneventon në Serie B./UBTNews/

Related Topics:Napoli Aurelio De Laurentiis Fabio Cannavaro

Up Next

Bayern Munich interesohet për Tomorin, agjenti i futbollistit paralajmëron Milanin

Don't Miss

Revolucion te Roma, së paku gjashtë largime në verë

Vendi

Akil Gjakova mbyll garën pa medalje në Abu Dhabi

Published

3 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

3 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

3 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/