Paris Hilton, trashëgimtarja 44-vjeçare e familjes Hilton, është përballur me reagime të forta online pas një deklarate ku e quajti veten “sipërmarrëse të vetëkrijuar”.

Në një intervistë për Sunday Times, Hilton foli për kompaninë e saj, 11:11 Media, e cila vlerësohet rreth 1 miliard dollarë, dhe tha:

“Jam e vetëkrijuar. E kam ndërtuar gjithçka vetë. Askush nuk më ka dhënë asgjë në jetën time”.

Deklarata e saj shkaktoi debate të menjëhershme në Reddit dhe rrjete të tjera sociale.

Përdoruesit vunë në dyshim pretendimin e saj, duke theksuar se fama dhe pasuria e familjes Hilton kanë ndihmuar në suksesin e saj.

“Po të mos ishe një Hilton, nuk do të ishe kaq e njohur,” shkroi një prej tyre.

Paris gjithashtu kujtoi mbështetjen e gjyshit të saj, miliarderit Barron Hilton, i cili i thoshte: “Paris, ti punon më shumë se çdo CEO që njoh”.

Hilton u bë e njohur në fillim të viteve 2000 përmes reality show-t The Simple Life dhe që atëherë ka ndërtuar një karrierë të gjerë si sipërmarrëse, duke lançuar parfume, veshje dhe marka të tjera.

Sot, është CEO dhe kryetare e 11:11 Media, ka një prani të fuqishme në rrjetet sociale dhe aktive si DJ dhe këngëtare. /A.Z/UBT News/

Tom Cruise është nderuar me një Oscar nderi gjatë Çmimeve të Guvernatorëve, duke shënuar një moment historik në karrierën e tij, pasi ky është çmimi i parë i Akademisë që aktori fiton.

Ylli 62-vjeçar mbajti një fjalim emocional, ku foli për lidhjen e tij të thellë me kinemanë dhe fuqinë e filmit për të bashkuar njerëzit.

Çmimi iu dorëzua nga regjisori Alejandro G. Iñárritu, me të cilin Cruise po bashkëpunon në një projekt që pritet të dalë vitin e ardhshëm.

Duke marrë çmimin, tha se filmat s’janë profesion për të, por pjesë e identitetit: “Bërja e filmave nuk është ajo që bëj, është kush jam unë.”

Aktori u nderua përkrah koreografes Debbie Allen dhe dizajnerit të skenës Wynn Thomas, që u vlerësuan për kontributet e tyre në art.

Cruise, i nominuar katër herë për një Oskar konkurrues, ende nuk ka fituar një të tillë, gjë që e bën çmimin nderi edhe më të veçantë.

Ai kujtoi momentin kur dashuria për kinemanë lindi në fëmijëri, teksa shikonte me mahnitje rrezen e projektorit që shfaqej në ekran: “Aty kuptova se bota ishte shumë më e madhe se ajo që njihja.”

Gjatë ceremonisë, u nderua edhe këngëtarja legjendare Dolly Parton me Çmimin Humanitar Jean Hersholt për dekada bamirësie.

Për shkak të problemeve shëndetësore, Parton dha falënderimin përmes një video-mesazhi. /A.Z/UBT News/

Pas vizitës së drejtorit të përgjithshëm të radiotelevizionit publik austriak, Roland Weissmann, në Jerusalem ku u takua me presidentin e Izraelit, Isaac Herzog, dhe me drejtorin e transmetuesit publik izraelit KAN, Golan Yochpaz – mediat izraelite dhe austriake raportojnë se mundësia që Izraeli të përjashtohet nga Eurovision 2026 tashmë është e eliminuar.

Më pak se një muaj para Asamblesë së Përgjithshme të EBU-së në Gjenevë, pritet të jepet vendimi zyrtar për pjesëmarrjen e Izraelit në edicionin e 70-të të Eurovisionit. Të dielën, më 9 nëntor, drejtori i ORF-it udhëtoi në Jerusalem për të riafirmuar qartë mbështetjen e Austrisë ndaj Izraelit dhe të drejtës së tij për të marrë pjesë në festival, shkruan EurovisionFun.

Eurovisioni vitin e ardhshëm shënon 70-vjetorin e tij, dhe Izraeli ka qenë prej dekadash një pjesëmarrës i rëndësishëm i këtij eventi.

Drejtori i KAN-it deklaroi se nuk ekziston asnjë bazë ligjore apo arsye për përjashtimin e Izraelit nga Eurovision 2026, duke theksuar se vendi ka respektuar gjithmonë rregullat e EBU-së dhe do të vazhdojë t’i zbatojë ato.

Presidenti Isaac Herzog nënvizoi rëndësinë e ruajtjes së pavarësisë editoriale dhe operacionale të KAN-it si transmetuesi publik i vendit.

Pas marrëveshjes së armëpushimit në Gaza, votimi që do vendoste për pjesëmarrjen e Izraelit u anulua dhe u zëvendësua me një sesion diskutimi që mbahet në dhjetor. Sipas burimeve, rreziku i përjashtimit të Izraelit është minimal dhe vendi merr pjesë në Eurovision 2026.

Mbështetja e fortë e Austrisë ka pasur rol vendimtar, dhe vizita e Weissmann-it në Rezidencën Presidenciale në Jerusalem, ne deklaratat e tij, konsiderohen gjerësisht si një konfirmim i pashpallur i pjesëmarrjes së Izraelit në festivalin e vitit të ardhshëm. /A.Z/UBT News/

Këngëtari kolumbian, Maluma, emri i vërtetë i të cilit është Juan Luis Londoño Arias, lindi në Medellin më 1994.

Ai ka kaluar nga një sensacion lokal në një yll ndërkombëtar, duke fituar jo vetëm popullaritet, por edhe një pasuri të konsiderueshme.

Sipas Celebrity Net Worth, pasuria e Malumës vlerësohet në 22 milionë dollarë për vitin 2025. Ky shifër reflekton suksesin e tij në hitet muzikore, turnetë globale, miratimet e markave dhe sipërmarrjet e zgjuara biznesi.

Rruga drejt suksesit filloi me muzikën, veçanërisht reggaetonin e popin urban. Albumi i tij Pretty Boy, Dirty Boy (2015) solli hitet e para të mëdha, duke e vendosur si figurë të re të muzikës kolumbiane dhe latine.  Albumet e mëvonshme FAME, 11:11 dhe Papi Juancho e konsolidojnë reputacionin e tij dhe e bëjnë një nga artistët më fitimprurës të zhanrit.

Turnetë e tij globale, që mbushin arenat në Amerikën Latine, SHBA dhe Evropë, sjellin të ardhura qindra mijëra dollarëshe për çdo shfaqje.

Në epokën e transmetimit, këngët arrijnë miliarda dëgjime, duke siguruar një burim të qëndrueshëm të ardhurash që me turnetë dhe marketingun, formojnë bazën e pasurisë së tij neto. Ai ka bashkëpunuar me marka si Versace, Adidas dhe Michelob Ultra, është futur në aktrim, duke luajtur përkrah Jennifer Lopez në Marry Me dhe duke i dhënë zë një personazhi në versionin spanjoll të Enchanted të Disney.

Më 2023, Maluma lansoi Royalty Records, linjën e modës dhe jetesës Royalty by Maluma, duke treguar interes për rritjen e biznesit përtej skenës muzikore. Pavarësisht pasurisë multimiliona dollarëshe, Maluma shpesh thekson se suksesi nuk matet vetëm me paratë.

Ai synon të përfaqësojë Kolumbinë me krenari në skenën botërore dhe të frymëzojë brezin e ardhshëm të artistëve. /A.Z/UBT News/