Kulturë

Butrint Imeri me një këngë në versionin akustik

Publikuar

Këngëtari i mirënjohur shqiptar, Butrint Imeri ka realizuar një këngë në versionin akustik me një klip në natyrë.

Kënga ka një tekst tejet të veçantë, teksa ende nuk dihen detaje të tjera rreth këtij projekti.

Në kitarë luan Astrit Stafa./UBTNews

Kulturë

Bebe Rexha publikon projektin e ri muzikor të premten

Publikuar

nga

Këngëtarja e mirënjohur shqiptare, Bebe Rexha të premten do ta publikojë projektin e ri muzikor. Bëhet fjalë për këngën “Sacrifice”, e cila vjen e shoqëruar me videoklip.

“‘Sacrifice’ publikohet këtë të premte”, shkroi këngëtarja krahas një fotografie në Instagram ku shfaqet shumë tërheqëse.

Kënga është pjesë e albumit të dytë të këngëtares./UBTNews

Vazhdo të lexosh

Kulturë

9-vjeçarja qante nga gëzimi kur e ëma i tregoi se do të kthehet në shkollë

Publikuar

nga

Një 9-vjeçare nga Redondo Beach qante nga gëzimi kur e ëma e saj ia kumtoi lajmin se ajo do të kthehet në shkollë. Videoja që u bë virale në rrjetet sociale tregon momentin kur ajo e merr lajmin nga e ëma dhe reagimin e saj.

Shumica e shkollave në Kaliforninë Jugore janë mbyllur për gati një vit për shkak të pandemisë.

Javën e kaluar, prindërit e 9-vjeçares Clara i kërkuan asaj të ulet sepse kishin një befasi për të. Ajo u ul dhe i lexonte shenjat një nga një, teksa e ëma ia kujtoi asaj se u bënë 358 ditë prej kur nuk po shkonte në shkollë.

E ëma e saj mbante parullën: “Ju do të shkoni në shkollë”. Clara filloi të qante dhe e përfaqoi të ëmën, dhe iu drejtua me pyetjen “Vërtet? Ka kohë që s’kam shkuar në shkollë!”.

Ky moment emocionues reflekton me stresin emocional dhe ankthin që shumë fëmijë, njejtë sikurse familjet e tyre kanë përjetuar gjatë vitit të kaluar./UBTNews

Vazhdo të lexosh

Kulturë

Genci së shpejti me projekt të ri muzikor

Publikuar

nga

Këngëtari i mirënjohur shqiptar, Genc Prelvukaj ka paralajmëruar projektin e radhës. Në Instagram ai shpërndau një fotografi nga shesh-xhirimet e klipit, duke paralajmëruar kështu projektin e ri.

Siç njofton Genci, kënga titullohet “Sa herë”, dhe është ‘tjetër nivel’.

“Sa here”, publikohet javën që vjen. Harroni gjithçka tjetër që keni dëgjuar prej meje….sepse kjo është krejt tjetër nivel”, shkroi ai në Instagram.

“Atje”, mban titullin kënga e fundit e tij, e cila u prit mirë nga fansat./UBTNews

Vazhdo të lexosh

Art

Ndahen çmimet në fushën e trashëgimisë kulturore

Publikuar

nga

Ministria e Kulturës, Rinisë dhe Sportit, ka ndarë sot çmimet në fushën e trashëgimisë kulturore.

Çmimi për veprimtari jetësore në fushën e trashëgimisë kulturore “Dea Dardanicae” postmortum është ndarë për rapsodët Salih dhe Feriz Krasniqi. Çmimi vjetor për merita të veçanta “Shtjefën Gjeçovi”, i është ekipit realizues të projektit “Kujtesa e Kosovës rrëfimi i 100 pleqve e plakave të Kosovës”.

Çmimi vjetor për veprën shkencore “Zef Mirdita”, u është ndarë Kujtim Rrahmanit dhe Arbër Sadikut, ndërsa çmimi vjetor për menaxhim institucional “Muhamed Shukriu”, është ndarë për drejtorin e Bibliotekës Kombëtare, Fazli Gajraku.

Në ceremoninë e ndarjes së këtyre çmimeve që u mbajt në parkun arkeologjik Ulpiana, ministrja e Kulturës, Rinisë dhe Sportit, Vlora Dumoshi, tha se pjesa më e madhe e çmimeve të ndara sot i kanë dhënë rëndësi pjesës së trashëgimisë shpirtërore.

“Më vjen mirë që pjesa më e madhe e çmimeve sot i kanë dhënë rëndësi pjesës së trashëgimisë shpirtërore, e cila Kosovës i duhet për ta pasuruar sa më shumë duke i treguar identitetin tonë kombëtar dhe shpirtëror. Të gjitha çmimet kanë një emër dhe mbiemër të cilët kanë një rëndësi të madhe duke filluar nga rapsodia, e cila me shekuj daton ku nëpërmes telave të sharkisë dhe çiftelisë janë kënduar këngë kreshnike, këngët e lavdisë, këngët e dashurisë, këngët e atdheut dhe janë dhënë mesazhe të ndryshme”, tha ajo.

Dumoshi u shpreh tejet e kënaqur që si ministri kanë mbështetur edhe projektin “Kujtesa e Kosovës, rrëfimi i 100 pleqve e plakave të Kosovës”, për të cilin projekt tha se ka synim që të pasurojë dokumentacionin e Kosovës dhe të prezantohet Kosova sa më mirë.

“Synimet tona janë më stazë të gjatë deri tek UNESCO, prandaj pikë për pikë mbushet edhe dokumentacioni edhe prezantohet Kosova ashtu siç i ka hije”, tha ajo.

Çmimi për veprimtari jetësore në fushën e trashëgimisë kulturore “Dea Dardanicae” postmortum të ndarë për rapsodët Salih dhe Feriz Krasniqi, e ka pranuar djali i Salihut, Naim Krasniqi, i cili tha se është i lumtur që tashmë po vlerësohet krijimtaria e tyre.

“Jemi krenarë dhe jemi të lumtur që ministria më në fund mos ta them po bënë diçka për veteranët e folklorit shqiptar Salih dhe Feriz Krasniqi, njëkohësisht mund t’i quaj ambasadorë të folklorit të shekullit të kaluar”, tha ai.

Profesori Arsim Canolli në emër të ekipit realizues të projektit “Kujtesa e Kosovës rrëfimi i 100 pleqve e plakave të Kosovës”, pranoi çmimin vjetor për merita të veçanta “Shtjefën Gjeçovi”. Ai tha se një pjesë e historisë së Kosovës tashmë ruhet si monument i trashëgimisë kulturore e shpirtërore.

“Falënderoj shumë të gjithë ata të moshuar, pleq e plaka siç i kemi quajtur që e kanë hapur derën e shtëpisë së tyre dhe na kanë lejuar që një copë të madhe të historisë së Kosovës që ka qenë krejt prapa mureve të shtëpisë, prapa dyerve të shtëpisë dhe jo e treguar në sferën publike, tash ruhet si monument i trashëgimisë kulturore shpirtërore”, tha ai.

Vazhdo të lexosh

Të kërkuara