Lady Gaga i habiti fansat e saj kur anuloi koncertin e turneut “Miami Mayhem Ball” në minutën e fundit, i cili duhej të mbahej në Miami mbrëmë.

Këngëtarja iu drejtua fansave nëpërmjet Instagram Story, duke kërkuar falje për anulimin e papritur të performancës.

“Përshëndetje të gjithëve, më vjen shumë, shumë keq, por duhet ta shtyj koncertin e sonte në Miami”, shkroi ajo.

Ajo shpjegoi se gjatë provave zëri ishte “jashtëzakonisht i tendosur” dhe se si mjekët ashtu edhe një trajner vokal e këshilluan të mos performonte për shkak të rreziqeve të mundshme shëndetësore.

“Doja të isha e vendosur e të vazhdoja performancën për ty, por nuk dua të rrezikoj dëmtimin e përhershëm të kordave të mia vokale”, tha Gaga. Ajo theksoi se vendimi ishte i vështirë dhe i dhimbshëm, por u mor në përputhje me marrëveshjen e të gjithë ekipit.

Ajo shtoi se kishte bërë gjithçka që mundi për të shmangur këtë rezultat: “Kujdesem për veten time që të jem në gjendje të jap një shfaqje kaq të impenjuar. I dua fansat e mi dhe ju respektoj. Shpresoj se mund ta pranoni faljen time të sinqertë dhe thellësisht të penduar”.

Lady theksoi se po punon për një datë të re dhe se po përpiqet të caktojë një datë të re koncerti sa më shpejt të jetë e mundur. Më herët këtë vit, Lady Gaga tërhoqi vëmendjen me një sërë sfidash në turne.

Në korrik, ra në skenë gjatë një performance në Las Vegas, por u rikuperua shpejt dhe vazhdoi me këngën sikur të mos kishte ndodhur asgjë. Në maj, koncerti Në Rio de Janeiro ishte cak i një sulmi të planifikuar me bombë, i cili, falë ndërhyrjes së policisë, u parandalua.

Pavarësisht gjithçkaje, Lady planifikon të vazhdojë turneun, dhe performanca e radhës është planifikuar për 6 shtator në Madison Square Garden në New York.

Ajo ka folur hapur se sa shumë ndikojnë problemet mendore në muzikën që krijon.

Në një intervistë ajo tha: “Shëndeti im mendor ka pasur gjithmonë një ndikim të fortë në muzikën time. Doja të këndoja më shumë kur isha në gjendjen time më të keqe. Dhe kjo do të thotë se ndihesha shumë kështu, sepse këndoja gjatë gjithë kohës”.

Ajo shtoi se shkrimi i muzikës e ndihmoi të stabilizohej dhe të gjente zërin e saj: “Shkruja dhe këndoja nga një ndjenjë humbjeje, dhe kjo më ndihmonte të mblidhja veten dhe të tregoja historinë time”.

Pas premierës së tij në Festivalin e Filmit në Venecia, “Bugonia” ka marrë vlerësime të shkëlqyera, me një rezultat 91% në Rotten Tomatoes dhe shanse të forta fillestare në disa kategori të ndryshme të çmimeve Oscar.

Yorgos Lanthimos: Nga “regjisori i çuditshëm grek” në Hollywood-in e madh

Në dekadën e fundit, Yorgos Lanthimos ka kaluar nga të qenit një provokues i “Valës së Çuditshme Greke” në një nga regjisorët më të dekoruar të Hollywood-it. Me “The Favourite” (10 nominime për Oscar, një fitore për Olivia Colman) dhe “Poor Things” (11 nominime, katër fitore, përfshirë Aktoren më të Mirë për Emma Stone), Lanthimos rikthehet në bisedat për Oscar me “Bugonia”.

Komedia e errët satirike, një rikrijim i “Save the Green Planet!”, bën fjalë për dy burra që merren me teori konspirative (Jesse Plemons dhe Aidan Delbis) të cilët rrëmbejnë një CEO korporate (Emma Stone) me besimin se është një alien që po planifikon shkatërrimin e njerëzimit.

Duke përzier satirën, fantashkencën dhe stilin karakteristik të çuditshëm të Yorgos Lanthimos, “Bugonia” po ngjall debate nëse Akademia do ta pranojë siç bëri me “Poor Thing” apo do ta konsiderojë shumë të pazakontë për votuesit tradicionalë.

Shanset e “Bugonia”-s për Oscar

Filmi më i mirë

Bugonia hyn në garën për Filmin më të Mirë në një pozitë solide, aktualisht i renditur i pesti nga 10 kandidatët e mundshëm.

Pas suksesit të madh të “The Favourite” dhe “Poor Things”, është lehtë të harrohet filmi më pak i përshtatshëm për çmime i vitit të kaluar, “Kinds of Kindness” (ku luanin Emma Stone dhe Jesse Plemons), e të supozohet se Lanthimos është rikthyer fuqishëm në rrugën e Oscar-it.

Reagimet entuziaste në Venecia dhe vlerësimet e larta sugjerojnë se “fati” është me ta kësaj radhe. Pyetja e vetme, me Lanthimos, është nëse origjinaliteti i tij do të zgjerojë shijet e Akademisë apo do të largojë votuesit më tradicionalë.

Regjisori më i mirë

Me dy nominime në këtë kategori (dhe pesë gjithsej), Lanthimos është në pozitë të mirë për të fituar nominimin e tretë për “Bugonia”.

Entuziazmi nga Venecia forcon shanset, veçanërisht nëse votuesit e shohin si një vizion artistik të guximshëm e jo një eksperiment ecentrik.

Aktorja më e mirë

Pas fitores së saj të dytë Oscar për “Poor Things”, Emma Stone është përsëri në garë të fortë. Roli si alien i mundshëm mund të mos duket tradicional për Akademinë, por me katër nominime në dekadën e fundit, është e qartë që votuesit e pëlqejnë shumë. Një performancë pasionante dhe një fushatë e fortë mund ta fusë lehtësisht në top 5. Aktualisht ajo renditet e gjashta.

Aktori më i mirë

Jesse Plemons, i nominuar për herë të parë më 2022 për “The Power of the Dog”, po merr vlerësime për rolin si teoricien i fiksuar i komplotit. I vendosur jashtë top 5, është “dark horse” që bëhet një nga surprizat nëse “Bugonia” vazhdon të marrë kritika të shkëlqyera.

Skenari më i mirë i përshtatur

Kjo është kategoria më premtuese për “Bugonia”-n. Fituesi i gjashtë Emmy-ve, Will Tracy, bashkëpunoi me Jang Joon-hwan, shkrimtarin dhe regjisorin e filmit origjinal “Save the Green Planet!”, për ta rimodeluar për një audiencë të re.

Rezultati po lavdërohet nga kritikët si “i çmendur dhe i mprehtë”. Duke parë historinë e Akademisë që shpërblen skenare të guximshme, kjo mund të jetë rruga më e sigurt drejt Oscar-it për “Bugonia”-n. Projekte të mëparshme të Lanthimos të nominuara për skenarin përfshijnë “The Lobster”, “The Favourite” dhe “Poor Things”.

Së fundmi është zbuluar një anë e panjohur deri më sot e jetës së aktorit të famshëm Charlie Sheen – ai ka qenë një nga filantropët më të mëdhenj të Hollywood-it.

Aktori festoi 60-vjetorin e lindjes, e shpejt pritet të publikohet autobiografia e tij si dhe një dokumentar në Netflix kushtuar jetës së tij, ku me gjasë do të trajtohen me detaje të gjitha ngritjet dhe rëniet e tij, shkruan TMZ.

Edhe pse vitet e fundit është përballur me vështirësi financiare, burime pranë aktorit zbuluan se gjatë periudhës më të suksesshme kur fitonte shuma të mëdha nga“Two and a Half Men” – Sheen ka dhuruar mes 26 dhe 30 milionë dollarë (respektivisht 22.2 dhe 25.7 milionë euro) për organizata të ndryshme bamirësie.

Donacionet e tij janë fokusuar në kauza të rëndësishme, përfshirë organizatën Autism Speaks, financimin e kërkimeve për kancerin, si dhe ndihma për personat pa strehë. Ajo që e bën edhe më të veçantë këtë histori është se publiku nuk ka qenë në dijeni për këto gjeste bujare.

Burime të afërta me të tregojnë se donacionet janë bërë në mënyrë anonime, kjo ka qenë kërkesë e drejtpërdrejtë e Sheen.

Ai nuk ka dashur vëmendje mediatike apo lavdërime për veprimet e tij, por ka dhuruar vetëm për bindje personale. Madje, aktori i kishte paralajmëruar anëtarët e ekipit të tij të mos flisnin kurrë publikisht për këto gjëra.

Për disa njerëz, vetëm ideja e të bërit ushtrime në mëngjes mund të duket e lodhshme. Netët e vona, mëngjeset e hershme dhe mungesa e gjumit shpesh e bëjnë të vështirë të gjesh energjinë e nevojshme gjatë ditës.

Megjithatë, me fillimin e sezonit të ri, është koha ideale për të ndryshuar këtë rutinë.

Ekspertët sugjerojnë të shkëputeni nga telefoni deri në 22:00, të përpiqeni të jeni në shtrat deri në 23:00 e vendosni alarmin një orë më herët se zakonisht.  Një stërvitje e shkurtër mëngjesi rrit energjinë, të vërë gjakun në lëvizje e ju ndihmon të nisni ditën me produktivitet.

Rutina e sugjeruar përfshin ushtrime të thjeshta dhe të shpejta:

•10 frymëmarrje të thella – thithni ajrin me hundë e nxirreni me gojë.
•10 shtrirje– nga një pozicion ulur përkulur.
•Përkulje nga njëra anë në tjetrën – anohuni dinamikisht nga e njëjta pozicion ulje-ngritjeje 20 sekonda.
•Përkulje dhe rrotullime– vendosni dorën e kundërt mbi gju, përkuluni para për 20 sekonda.
•Shtrirja e shpatullave – kryqëzoni krahët para me bërrylat lart, shtyni lart për të ndjerë shtrirjen midis shpatullave.
•Variacioni i pozës së fëmijës – uluni mbi gjunjë, uleni bustin drejt dyshemesë dhe shtrini secilin krah në anën e kundërt për 30 sekonda, duke qëndruar të qëndrueshëm me barkun.

Kjo rutinë e thjeshtë, vetëm disa minuta çdo mëngjes, mund të ndryshojë mënyrën se si ndiheni gjatë gjithë ditës dhe t’ju japë energjinë që ju nevojitet për të përballuar sfidat e përditshme.