

Lajmet
Burkina Faso dëbon dy gazetarë francezë
Lajmin e konfirmuan të dielën dy të përditshmet franceze.
Published
2 years agoon
By
Betim GashiBurkina Faso ka dëbuar dy gazetarë që punonin për gazetat Le Monde dhe Liberation, thanë të dielën dy të përditshmet franceze.
Korrespondentja e Le Monde Afrique, Sophie Douce dhe korrespondentja e Liberation, Agnes Faivre u dëbuan nga Burkina Faso të shtunën, sipas dy gazetave, dhe mbërritën në Paris mëngjesin e të dielës.
Le Monde tha se “dënon në termat më të ashpër vendimin arbitrar” për të dëbuar gazetarët./UBTNews/
Aktualitet
Rama: Muzeu Arkeologjik i Durrësit rikthehet në vjeshtë me mbi 2400 objekte historike
Published
7 minutes agoon
August 22, 2025By
UBT News
Kryeministri i Shqipërisë, Edi Rama ka ndarë pamjet nga kantieri i rikonstruksionit të Muzeut Kombëtar Arkeologjik në Durrës, ku njofton për rikthimin e mbi 2400 objekteve arkeologjike në qytetin bregdetar dhe në trashëgiminë kulturore shqiptare.
Duke theksuar rëndësinë e këtij projekti për trashëgiminë kulturore dhe turizmin në vend, Rama bën me dije se deri në vjeshtë muzeu do të jetë gati të hapë dyert për publikun, me pavione moderne dhe kushte bashkëkohore.
Projekti synon të shndërrojë këtë hapësirë në një atraksion të rëndësishëm të turizmit kulturor dhe një destinacion tërheqës për vizitorët vendas dhe të huaj, shkruan rtsh.al.
“MIRËMËNGJES nga kantieri i Muzeut Kombëtar Arkeologjik të Durrësit, ku thesaret e historisë me mbi 2400 objekte arkeologjike do i rikthehen Durrësit dhe gjithë Shqipërisë,” shkruan Rama në një postim në rrjetin social Facebook.
Muzeu Arkeologjik i Durrësit do të kthehet në një pikë referimi për studiuesit dhe dashamirësit e historisë, si edhe një nga atraksionet më të rëndësishme të turizmit kulturor në Shqipëri
Aktualitet
Raporti 24 orësh nga Policia e Kosovës
Published
18 minutes agoon
August 22, 2025By
UBT News
Në raportin e fundit 24 orësh nga Policia e Kosovës, në disa qytete të Kosovës ka pasur incidente kriminale dhe shifra të larta të gjobave të shqiptuara në kundërvajtje.
AKSIDENTE TRAFIKU DHE GJOBA
Gjatë 24 orëve të fundit janë shqiptuar 2454 tiketa trafiku, janë shkaktuar 57 aksidente me dëme materiale dhe 28 aksidente me të lënduar. Zyra e Informimit nga PK ka njoftuar se 20 persona janë arrestuar, kurse 15 janë dërguar në mbajtje.
INCIDENTET KRIMINALE-PRISHTINË
DHUNË NË FAMILJE
Prishtinë / 21.08.2025 – 19:15. Lidhur me rastin, pas një mosmarrëveshje janë arrestuar dy të dyshuarit një femër dhe një mashkull kosovar. Me vendim të prokurorit pas intervistimit palët janë liruar në procedurë të rregullt.
ZJARRVËNIE
Fsh.Vragoli, Fushë Kosovë / 20.08.2025 – 22:25. Është raportuar se pas një rasti rrahje mes disa personash meshkuj kosovarë, njëri nga të dyshuarit ka pranuar tretman mjekësor dhe më pas ka ndezur një zjarrë afër shtëpisë së viktimës mashkull kosovar. Lidhur me rastin me vendim të prokurorit dy të dyshuar janë dërguar në mbajtje.
KANOSJE
Rr. Ismet Krasniqi, Prishtinë / 21.08.2025 – 11:00. Është arrestuar e dyshuara kosovare pasi pas një mosmarrëveshje me viktimën mashkull kosovar ndaj të njëjtit ka kryer veprën e lartcekur. Me vendim të prokurorit, e dyshuara është dërguar në mbajtje.
ARMËMBAJTJE PA LEJE
Gllogoc /21.08.2025 – 21:18. Është arrestuar i dyshuari mashkull kosovar, pasi që gjatë kontrollit i është gjetur dhe sekuestruar një pistoletë me 6 fishekë. Me vendim të prokurorit i dyshuari është liruar dhe rasti shkon në procedurë të rregullt.
Fsh. Topliqan, Lipjan /21.08.2025 – 21:45. Është arrestuar i dyshuari mashkull kosovar, pasi që gjatë kontrollit i është gjetur dhe sekuestruar një armë zjarri. Me vendim të prokurorit i dyshuari është liruar dhe rasti shkon në procedurë të rregullt.
PËRDORIM I ARMËS APO MJETIT TË RREZIKSHËM
Fsh. Korroticë e Poshtme, Gllogoc / 21.08.2025 – 12:15. Njësiti policor nga i dyshuari mashkull kosovar ka konfiskuar një pistoletë me të cilën dyshohet se ka shtënë në ajër. Në vendin e ngjarjes janë gjetur dhe konfiskuar shtatë gëzhoja. I dyshuari pas intervistimit në konsultim me prokurorin është liruar në procedurë të rregullt.
PENGIM I PERSONIT ZYRTAR GJATË KRYERJES SË DETYRËS
Lagjja Matiqan, Prishtinë / 20.08.2025 – 22:50. Është shoqëruar në stacionin policor i dyshuari mashkull kosovar pasi që dyshohet se ka kryer veprën e lartcekur. Me vendim të prokurorit pas intervistimit i dyshuari është liruar dhe rasti shkon në procedurë të rregullt.
DËMTIM APO ASGJËSIM PRONE
Fsh. Milloshevë, Obiliq / 21.08.2025 – 12:00. Janë arrestuar dy të dyshuar meshkuj njëri shtetas i Kosovës dhe tjetri shtetas i Gjermanisë, pasi që kishin sulmuar njërin-tjetrin pas një aksidenti me vetura që kishin pasur mes vete. Me vendim të prokurorit të dyshuarit janë dërguar në mbajtje.
INCIDENTET KRIMINALE-FERIZAJ
MATERIALET ME PËRMBAJTJE TË SHFRYTËZIMIT DHE KEQPËRDORIMIT SEKSUAL TË FËMIJËVE
Kaçanik 20.08.2025 –13:00. Është arritur të identifikohet dhe të shoqërohet i dyshuari mashkull kosovar, nën dyshimin se ka kryer veprën e lart-cekur. Si prova materiale janë sekuestruar dy telefona mobil. Me vendim të prokurorit i dyshuari është liruar dhe rasti shkon në procedurë të rregullt.
ARMËMBAJTJE PA LEJE
Fsh. Godanc i Epërm, Shtime 20.08.2025 – 12:00. Është shoqëruar në stacionin policor i dyshuari mashkull kosovar, pasi që gjatë kontrollit të shtëpisë së tij i është gjetur dhe sekuestruar një pushkë gjuetie dhe 12 fishekë. Me vendim të prokurorit i dyshuari është liruar dhe rasti shkon në procedurë të rregullt.
INCIDENTET KRIMINALE-PEJË
DHUNË NË FAMILJE
Fsh. Godanc i Epërm, Shtime 20.08.2025 – 12:00. Është arrestuar i dyshuari mashkull kosovar, pasi që i njëjti ka sulmuar fizikisht bashkëshorte e tij. Viktima ka pranuar tretman mjekësor. Me vendim të prokurorit i dyshuari është dërguar në mbajtje.
SHKAKTIM I RREZIKUT TË PËRGJITHSHËM
Fsh. Lloshkobare, Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi. Rasti duke u hetuar.
DHUNË NË FAMILJE
Klinë 20.08.2025 – 01:00. Është arrestuar i dyshuari mashkull kosovar, pasi që kishte ushtruar dhunë psikike ndaj dy vajzave të tij (njëra e mitur). Me vendim të prokurorit i dyshuari është dërguar në mbajtje.
Pejë 19.08.2025-22:00. Është raportuar se viktima femër kosovare ishte sulmuar fizikisht nga ish bashkëshorti i saj, i dyshuari mashkull kosovar. I dyshuari është arrestuar dhe pas intervistimit me vendim të prokurorit lirohet në procedurë të rregullt.
Pejë 20.08.2025-23:00. Janë arrestuar dy të dyshuar meshkuj kosovarë, pasi që të njëjtit kanë sulmuar fizikisht viktimën mashkull kosovar. Viktima ka pranuar tretman mjekësor. Me vendim të prokurorit të dyshuarit dërgohen në mbajtje.
ARMËMBAJTJE PA LEJE
Pejë 20.08.2025. Është arrestuar i dyshuari mashkull kosovar, pasi që i njëjti në një video që ishte postuar në rrjete sociale, vëreheshin një armë dhe sende të dyshuara. Me vendim të prokurorit janë bastisur banesa ku është gjetur dhe konfiskuar një revole me 123 fishekë dhe një thikë. Pas intervistimit i dyshuari lirohet në procedurë të rregullt.
INCIDENTET KRIMINALE-GJAKOVË
DHUNË NË FAMILJE
Rahovec 20.08.2025-19:20.Është raportuar se viktima femër kosovare, ishte sulmuar nga i dyshuari mashkull kosovar, me të cilin ka bashkëjetuar. I dyshuari është arrestuar dhe pas intervistës me vendim të prokurorit dërgohet në mbajtje.
POSEDIM ILEGAL I NARKOTIKËVE
Rr.14 Qershori, Gjakovë 20.08.2025 – 23:45. Raportohet se gjatë kontrollit tek dy të dyshuar meshkuj koosvarë janë gjet dhe konfiskuar 42.55 gramë marihuanë. Me vendim të prokurorit pas intervistimit dy të dyshuarit dërgohen në mbajtje.
INCIDENTET KRIMINALE-SKENDERAJ
ARMËMBAJTJE PA LEJE
Fsh. Vajnik, Skenderaj 20.08.2025-12:04.Raportohet se janë arrestuar dy të dyshuar pasi që gjatë kontrollit në shtëpitë e tyre janë gjetur dhe sekuestruar; një AK 47 me 60 fishekë, një pushkë gjuetie me 18 fishekë, një pushkë ajrore dhe një revole me gaz. Me vendim të prokurorit pas intervistimit të dyshuarit dërgohen në mbajtje.
DEPARTAMENTI I POLICISË KUFITARE
KALIM ILEGAL I KUFIRIT
Fsh. Bistricë Leposaviq 20.08.2025-23:30.Është ndaluar i dyshuari mashkull kosovar, pasi që i njëjti me veturën e tij kishte kaluar ilegalisht kufirin nga Serbia në Republikën e Kosovës. Me vendim të prokurorit vetura iu është konfiskuar, ndërsa rasti shkon në procedurë të rregullt.
Aktualitet
Pas aksidentit, dërgohet një person pa shenja jete në Spitalin e Përgjithshëm të Pejës
Published
2 hours agoon
August 22, 2025By
UBT News
Spitali i Përgjithshëm i Pejës ka njoftuar se sot ka pranuar një person pa shenja të aksidentuar në Emergjencën e Spitalit.
Sipas njoftimit zyrtar ende nuk dihet për detaje tjera rreth aksidentit.
“Sot, në mëngjes, në Emergjencën e Spitalit të Përgjithshëm në Pejë është sjellë një person i aksidentuar pa shenja jete. Spitali i Përgjithshëm në Pejë shpreh ngushëllimet më të sinqerta për familjen dhe të afërmit e të ndjerit”, thuhet në njoftim.
Aktualitet
6 vjet nga shpërndarja e legjislaturës së gjashtë të Kuvendit të Kosovës
Published
3 hours agoon
August 22, 2025By
UBT News
Deputetët e Kuvendit të Kosovës më 22 gusht 2019, me 89 vota për, një kundër dhe dy abstenime, kanë votuar për shpërndarjen e legjislaturës së gjashtë, duke e çuar vendin në zgjedhje të parakohshme parlamentare.
Propozimi i deputetëve për shpërndarjen e Kuvendit pasoi dorëheqjen e Ramush Haradinajt nga pozita e kryeministrit më 19 korrik, pasi ai mori ftesë nga Gjykata Speciale në Hagë për t’u intervistuar në cilësinë e të dyshuarit për krime lufte.
Deputeti i PDK-së, Memli Krasniqi, në emër të 98 deputetëve që kanë kërkuar seancë, tha se mocioni për shpërndarjen e legjislaturës së Kuvendit është në pajtim me të gjitha grupet parlamentare.
“Në bazë të nenit 82, paragrafi 1, pika 2, Kushtetutës së Republikës së Kosovës propozojmë për shqyrtim në këtë seancë mocionin për shpërndarje të legjislaturës së gjashtë të Kuvendit të Kosovës. Ky mocion është në pajtim me qëndrimet e shprehura nga të gjitha grupet parlamentare në mbledhjen e Kryesisë, me kryetarë të grupeve parlamentare të iniciuar nga kryetari i Kuvendit, Kadri Veseli”, tha Krasniqi.
Deputeti i partisë opozitare Lidhja Demokratike e Kosovës (LDK), Avdullah Hoti, tha se kjo legjislaturë ka qenë arenë konfrontimesh pozitë-opozitë për të ruajtur ligjshmërinë dhe Kushtetutën e Kosovës, e jo debat për avancimin e politikave në interes të qytetarëve.
“Si opozitë, kemi pasur përballë një koalicion prej 24 partive, por që përfaqësonin vetëm 1/3 e elektoratit, një koalicion pa legjitimitet, jo profesional, me vendimmarrje ad-hoc të bazuar në interesa politike dhe të grupeve të interesit. Si rezultat, është realizuar vetëm 30 për qind e agjendës legjislative, dhe atë nga vullneti i opozitës për të mbështetur disa ligje specifike”, theksoi Hoti.
Ndryshe, që nga shpallja e pavarësisë së Kosovës, asnjë qeveri nuk arriti ta përmbyllë mandatin kushtetues prej katër vjetësh.

Rama: Muzeu Arkeologjik i Durrësit rikthehet në vjeshtë me mbi 2400 objekte historike

Albion Rrahmani vazhdon me gola

Raporti 24 orësh nga Policia e Kosovës

Dakota Johnson tregon për miqësinë e çuditshme që ka me Madonnan

Truri i njerëzve me mbipeshë, 10 vjet më i plakur

Ish-punonjësit e Twitter mund të marrin pagesën e largimit pas më shumë se dy vitesh

Meta nën hetim në padinë e Elon Musk ndaj OpenAI për ofertën 97 miliardë dollarëshe

Black Ops 7 vjen në nëntor me gameplay të zgjeruar dhe personazhe legjendarë

I diplomuar në moshën 11-vjeçare, tani 16-vjeçari sfidon Wall Street-in
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months ago
UBT organizoi Akademi Përkujtimore në nder të Prof. Dr. Naser Kamberit