

Bota
Bundestagu gjerman miraton planin historik për mbrojtjen, hapi i radhës
Published
2 months agoon
By
UBTnewsPas debatesh të gjata dhe polemikave të ashpra, Bundestagu miratoi të martën me dy të tretat e votave një ndryshim historik kushtetues, i cili do të transformojë mënyrën e financimit të mbrojtjes gjermane. Ky vendim nënkupton se frenimi buxhetor nuk do të kufizojë më shpenzimet për ushtrinë. Nga 720 deputetë, 513 votuan pro, 207 kundër, ndërsa nuk pati asnjë abstenim.
Pjesë e këtij vendimi është edhe krijimi i një fondi special prej 500 miliardë eurosh, i cili do të investohet në infrastrukturë dhe klimë gjatë 12 viteve të ardhshme. Ky fond synon modernizimin e rrugëve, sistemeve energjetike dhe shkollave, duke i dhënë një shtysë të re zhvillimit kombëtar.
Friedrich Merz, kandidati për kancelar nga CDU dhe arkitekti kryesor i kësaj pakete, e cilësoi vendimin si jetik për sigurinë kombëtare dhe evropiane, veçanërisht në sfondin e agresionit rus ndaj Ukrainës.
“Është një luftë edhe kundër vendit tonë që ndodh çdo ditë, me sulme ndaj rrjeteve tona të të dhënave, shkatërrimin e linjave të furnizimit, zjarrvënie, vrasje të porositura, spiunim të kazermave dhe fushata dezinformimi që mashtrojnë shoqërinë tonë,” paralajmëroi Merz.
Ai theksoi se Gjermania duhet të përgatitet për sfida të reja globale duke rindërtuar kapacitetet e saj mbrojtëse me teknologji të avancuar dhe strategji të reja. “Tani duhet ta rindërtojmë aftësinë tonë mbrojtëse thuajse nga e para, me armatim të teknologjisë së lartë, sisteme të automatizuara dhe mbikëqyrje të pavarur satelitore evropiane,” shtoi ai.
Ministri gjerman i Mbrojtjes, Boris Pistorius (SPD), u përpoq të qetësonte skepticizmin mbi këtë paketë, duke theksuar se vendimi nuk synon militarizimin e vendit, por garantimin e sigurisë. SPD kishte kërkuar që krahas borxheve për mbrojtjen, të përfshihej edhe financimi për infrastrukturën.
“Po hyjmë në një epokë të re për Evropën, për Gjermaninë, për NATO-n dhe për brezat e ardhshëm. Sot bëhet fjalë mbi të gjitha për sigurinë e fëmijëve dhe nipërve tanë. Kjo siguron që aftësia jonë mbrojtëse të forcohet, pa rrezikuar kohezionin tonë shoqëror,” deklaroi Pistorius.
Partia Alternativa për Gjermaninë (AfD) dhe e Majta kundërshtuan fuqishëm këtë paketë, secila për arsye të ndryshme. Shumë deputetë të AfD-së u përpoqën ta ndalonin vendimin përmes kërkesave urgjente në Gjykatën Kushtetuese, duke e akuzuar Bundestagun për përpjekje për të cementuar pushtetin e qeverisë së ardhshme.
Kryetari i AfD-së, Tino Chrupalla, kritikoi vendimin: “Bundestagu i 20-të po përdoret për të forcuar qeverinë e ardhshme federale, sepse vetëm këtu ata kanë shumicën. Edhe pse shumica e deputetëve të rinj janë të pranishëm sot, ky proces mund të ishte bërë me ta. A nuk është kjo një farsë?”
Pas miratimit në Bundestag, paketa ligjore duhet të kalojë me dy të tretat e votave edhe në Këshillin Federal, ku do të shqyrtohet dhe hidhet për miratim më 21 mars 2025. Nëse kalon edhe këtë fazë, ky vendim do të shënojë një epokë të re për financimin e mbrojtjes dhe infrastrukturës në Gjermani.

I nxehti ekstrem ka ardhur herët në gadishullin iberik. Jugu i Spanjës pritet të përballet me temperatura që arrijnë deri në 40 gradë Celsius në fund të majit, teksa vera pritet të hetë edhe më e nxehtë.
Agjencia meteoroligjike e Spanjës, Aemet tha se kjo valë të nxehti është e zakonshme në muajt e mëvonshëm të verës.
Në disa pjesë jugore të gadishullit temperaturat maksimale shkojnë mbi 40 gradë Celsius dhe vlerat minimale nuk do të bien nën 20 gradë. Këto temperatura maksimale janë midis pesë dhe 10 gradë mbi kufirin normal për këtë kohë të vitit.
Temperaturat e larta janë për shkak të pranisë së zonave me presion të lartë mbi gadishull dhe mbërritjes së një mase ajri të thatë dhe të ngrohtë mbi gadishull nga Afrika e Veriut.
Dy ditët më të nxehta pritet të jenë e enjtja dhe e premtja dhe vala e të nxehtit parashikohet të zgjasë të paktën deri të shtunën kur paqëndrueshmëria atmosferike mund të sjellë re, re pluhuri dhe rënie të temperaturës.
Tre vjet më parë, disa pjesë të Spanjës përjetuan majin më të nxehtë ndonjëherë, me temperatura në aeroportin e Seviljes që arritën 41 gradë Celsius.
Spanja regjistroi temperaturën më të lartë të regjistruar ndonjëherë në gusht 2021, në qytetin andaluzian të Montoro, në 47.4 gradë Celsius.
Aktualitet
Estonia nis revolucionin digjital në shkolla: Inteligjenca Artificiale, pjesë e çdo klase
Published
12 hours agoon
May 28, 2025
Përderisa shumë vende në Evropë e kanë ndaluar përdorimin e “smartphone”-ve në shkolla, Estonia e konsideruar fuqia e re arsimore e Evropës – është duke udhëzuar nxënësit të përdorin pajisjet në klasë, ndërsa që nga shtatori do marrin llogaritë personale të Inteligjencës Artificiale.
Estonia po nis iniciativë kombëtare AI Leap, që do t’i pajisë nxënësit dhe mësuesit me “mjete dhe aftësi botërore në fushën e inteligjencës artificiale”.
U bë e ditur se po negociohen licenca me OpenAI, që do shndërrojë Estoninë në laborator eksperimental për përdorimin e Inteligjencës Artificale në shkolla.
Qëllimi është të ofrohet qasje falas në mjetet më të avancuara të të mësuarit me IA për 58,000 nxënës e 5,000 mësues deri më 2027, duke filluar me 16- dhe 17-vjeçarët këtë shtator. Sipas zyrtarëve, mësuesit do trajnohen në teknologji, duke vënë prioritet barazinë arsimore dhe aftësitë për përdorimin e IA-së. Ata kanë thënë se kjo do ta bëjë Estoninë “një nga kombet më të mençura në përdorimin e IA-së.”
Ministrja estoneze e arsimit, Kristina Kallas, gjatë një vizite në Londër ëshë shprehur me fjalët: “E di se shumica e vendeve evropiane janë skeptike dhe të kujdesshme ndaj ekraneve, telefonave mobilë dhe teknologjisë. Por në rastin e Estonisë, shoqëria në përgjithësi është shumë më e hapur dhe e prirë për të përdorur mjete dhe shërbime dixhitale. Mësuesit nuk bëjnë përjashtim.”
Bota
Izraeli bombardon shtëpinë e gazetarit në Gaza – 8 të vdekur
Published
14 hours agoon
May 28, 2025By
UBTNews
Të paktën tetë persona janë vrarë dhe disa të tjerë janë plagosur pas një sulmi ajror të ushtrisë izraelite që goditi shtëpinë e gazetarit Osama el-Arbid në zonën As-Saftavi, në veri të Rripit të Gazës, mëngjesin e sotëm. Sipas raportimeve të Al Jazeera, gazetari el-Arbid i ka mbijetuar sulmit dhe është nxjerrë i gjallë nga rrënojat.
Burime shëndetësore të Al Jazeera-s konfirmojnë se që nga orët e para të mëngjesit, të paktën 15 persona janë vrarë nga bombardimet izraelite në pjesë të ndryshme të Gazës.
Në një tjetër incident tragjik, tre palestinezë humbën jetën pasi ushtria izraelite hapi zjarr ndaj një grupi qytetarësh pranë një pike shpërndarjeje të ndihmës humanitare, e ngritur nga një organizatë e mbështetur nga Izraeli dhe SHBA.
Ndërkohë, në qytetin jugor të Rafahut, autoritetet lokale raportuan për 46 persona të plagosur dhe shtatë të zhdukur si pasojë e një sulmi tjetër ajror të martën.
Situata në Gaza vazhdon të përshkallëzohet, ndërsa organizatat ndërkombëtare për të drejtat e njeriut po bëjnë thirrje për ndaljen e menjëhershme të dhunës dhe mbrojtjen e civilëve, përfshirë gazetarët dhe punonjësit humanitarë.
Bota
Mbreti Charles dhe Princi William shprehin keqardhje për ngjarjen në Liverpool
Published
1 day agoon
May 27, 2025By
UBTNews
Mbreti Charles ka reaguar pas incidentit të rëndë që ndodhi dje gjatë festës së klubit në Liverpool, ku një makinë hyri në turmë, duke lënë rreth 50 persona të lënduar.
Pallati Buckingham përmes një deklarate shprehu tronditjen e thellë të Mbretit Charles dhe Mbretëreshës Camilla për ngjarjet e pakëndshme që ndodhën.
“Është vërtetë shkatërruese që një festë e gëzueshme për shumë njerëz përfundoi në rrethana të tilla shqetësuese,” thuhet në deklaratë.
Edhe Princi William i Uellsit reagoi, duke shprehur keqardhjen e tij për situatën dhe solidaritetin me të plagosurit dhe shërbimet e emergjencës.
“Në këtë moment të vështirë, shpirti i qytetit të Liverpoolit do të jetë mbështetja dhe ngushëllimi për të gjithë,” theksoi ai.

Shqipëria, një nga pesë vendet europiane më mikpritëse për amerikanët

Valë e të nxehtit ekstrem godet Spanjën

iPhone po arrin më në fund Samsung në garën me megapikselë

Zgjidhje të thjeshta për ndjesinë e thartirës

Si i shpëtoi burgut shkrimtari Paulo Coelho

Seriali “Harry Potter” gati për xhirime – ja kush janë tre yjet e rinj

Ka një mënyrë se si të siguroheni të mos humbni kurrë motivimin e stërvitjes

Gisele Bündchen thotë se e ka “rikthyer nën kontroll” jetën e saj

Zyrtare: Prishtina e blindon me kontratë të re Ardian Mujën
Të kërkuara
-
Lajmet nga UBT1 month ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati
-
Kulturë2 months ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur