Mesfushori i Bajernit të Mynihut Joshua Kimmich ka nënshkruar zgjatjen e kontratës, që do ta mbajë atë në klub deri më 2025. Sipas njoftimeve në Gjermani, shoku i skuadrës Leon Goretzka do ta zgjasë gjithashtu kontratën.
Mëngjesin pas fitores së parë të Bajernit të Mynihut në Bundesligën e këtij sezoni dhe fitores së Julian Nagelsmann si trajner kryesor në ligën e parë, mesfushori Joshua Kimmich zgjati kontratën e tij me kampionët gjermanë deri në vitin 2025.
“Arsyeja më e rëndësishme për zgjatjen e kontratës sime është se unë mund ta ndjek pasionin tim me gëzim çdo ditë këtu në FC Bayern,” tha 26-vjeçari, i cili erdhi përmes sistemit të të rinjve të VfB Stuttgart para se të bashkohej me Bajernin nga RB Leipzig në 2015. “Unë kam një ekip, ku mund të arrij gjithçka dhe me shumë shokë të skuadrës jemi bërë miq të vërtetë. Unë mendoj se ende nuk jam në fund të zhvillimit tim dhe kam bindjen se kam shumë mundësi në FC Bayern në vitet e ardhshme. Për më tepër, familja ime ndihet si në shtëpi këtu. Kombinimi që kemi këtu nuk gjendet në asnjë vend tjetër në botë.”
Joshua Kimmich
Në gjashtë vitet e tij në Bajern, Kimmich ka bërë 264 paraqitje konkurruese, duke fituar gjashtë tituj të Bundesligës, tri Kupa të Gjermanisë dhe Ligën e Kampionëve. Përveç 30 golave, ai gjithashtu regjistroi një total prej 2,588 pasimesh të suksesshme në të tretën e fundit të fushës, më shumë se çdo lojtar tjetër në të njëjtën periudhë.
Por me Bajernin në tranzicion si brenda dhe jashtë fushës dhe shtrëngimin e parave më fortë se kurrë për shkak të efekteve të pandemisë, kishte pasur disa dyshime nëse Kimmich, kontrata e mëparshme e negociuar vetë prej tij pa agjent, e që ishte caktuar të mbyllej më 2023, do të nënshkruante një marrëveshje të re. “Me këtë zgjatje të kontratës, FC Bayern po dërgon një sinjal të fortë, si brenda dhe jashtë: ne duam lojtarët tanë më të mirë me kontrata afatgjata,” tha drejtori sportiv Hasan Salihamidzic.
“Joshua Kimmich do të zhvillojë cilësitë e tij të mëdha si një lojtar kryesor në FC Bayern në vitet e ardhshme dhe do të bëjë histori. Ai është një futbollist i klasit botëror me një mentalitet të jashtëzakonshëm, duke ofruar gjithçka si një profesionist dhe një person që karakterizon gjithmonë FC Bayern. “
Në radhë është edhe Leon Goretzka
Me Kimmich të siguruar, Bayern mund të kthejë vëmendjen tek mesfushori tjetër Leon Goretzka, kontrata aktuale e të cilit do të përfundojë verën e ardhshme.
Sipas transmetuesit gjerman Sport1 dhe tabloidit BILD, një marrëveshje e re tashmë është rënë dakord në parim për ta mbajtur 26-vjeçarin në Mynih deri në vitin 2026 me një pagë prej 15 milionë eurosh në vit.
Mediat sugjerojnë që marrëveshja e re e Kimmich gjithashtu e ngre atë në nivelin e dytë të shkallës së pagës së brendshme të Bajernit, së bashku me Thomas Müller dhe Manuel Neuer. Vetëm sulmuesi Robert Lewandowski fiton më shumë.
Rusia kërcënon Britaninë: “Po luani me zjarrin”
Bëhu pjesë e tranzicionit energjetik: Studio Inxhinierinë e Energjisë në UBT
Vdiq Ratko Mlladiq, i dënuar për gjenocid në Srebrenicë
10 përmbytjet më të rënda që kanë tronditur botën vitet e fundit
Përmbytjet në Nepal: Mbi 350 të vdekur e 900 të zhdukur
Vdes në burgun e Hagës krimineli i luftës Ratko Mlladiq
Serbia tërhiqet nga 3×3, shmanget përballja me Kosovën në Taranto
Nisin xhirimet e filmit të shkurtër “Deltar” me regji të Ibër Dearit
Tragjedi në Floridë: Humbin jetën 3 fëmijë të një familjeje shqiptare si pasojë e një zjarri në banesë
-
Lajmet3 weeks agoInfantino kërkon falje për gabimet, por ruan mbështetjen e drejtuesve të FIFA-s
-
Sport3 weeks agoUellsi tërheq mbështetjen për Infantinon, kërkon ndryshim në krye të FIFA-s
-
Aktualitet3 weeks agoRusia sulmon Ukrainën me raketa balistike dhe dronë: Të paktën 14 të vrarë në Kjiv
-
Lajmet3 weeks ago“Spider-Man: Brand New Day” thyen rekorde, i afrohet miliardit në vetëm pak ditë