Sport

Ancelotti: Vinicius mund të rritet më shumë, gabuam në pjesën e dytë

Published

5 years ago

August 24, 2021

Betim Gashi

Në javën e dytë të La Liga-s, Reali i Madridit mori dhe barazimin e parë sezonal në transfertën kundër Levantes. Trajneri i “Los Blancos” ka folur ne lidhje me takimin dhe sipas tij, pas këtij rezultati skuadra duhet te punojë edhe më shumë për të përmirësuar.

“Në pjesën e parë kemi punuar shumë mirë dhe e nisëm shumë mirë ndeshjen, duke gjetur edhe golin e avantazhit. Më pas gabuam në startin e pjesës së dytë, pasi nuk ishim të përqendruar dhe pësuam shumë shpejt golin e barazimit. Edhe te goli i dytë nuk ishim të vendosur mirë, ndaj duhet të punojmë ende shumë në këtë aspekt”, deklaroi tekniku italian.

Më pas Ancelotti ka folur edhe për sulmuesin brazilian Vinicius, i cili u bë protagonist me një dopietë të shënuar, që shmangu edhe disfatën e madrilenëve.

“Vinicius Junior ka shumë cilësi. Ai është shumë i shpejtë, por unë mendoj se ai duhet të përmirësohet edhe me shumë. Nuk jam i sigurt se ai mund të jetë një golashënues, por për që t’ia dalë duhet të stërvitet shumë. Ne e dimë se ai mund të shënojë shumë gola, pasi luajti shumë mirë në dy ndeshjet e fundit. Ai ka shënuar tre gola deri më tani dhe do të jetë shumë i rëndësishëm për ne edhe në sfidat e ardhshme”, tha tekniku i Realit.

Sport

KV Ulpiana triumfon ndaj KV Forcës

Published

3 hours ago

October 14, 2026

UBTNews

KV Ulpiana ka shënuar fitore ndaj KV Forcës në kuadër të Superligës A në volejboll, duke e mbyllur përballjen me rezultat 3:0 në sete.

Volejbollistët e Ulpianës treguan paraqitje të mirë që nga fillimi i takimit, duke fituar setin e parë me rezultat 25:17.

Ulpiana vazhdoi me ritëm pozitiv edhe në pjesën tjetër të ndeshjes, ndërsa seti i tretë rezultoi më i luftuar, duke u mbyllur me rezultat të ngushtë 25:23.

Me këtë triumf, Ulpiana regjistron një fitore të rëndësishme në Superligën A.

D.L

Sport

KV Ulpiana e nis fuqishëm ndeshjen ndaj KV Forcës, fiton setin e parë

Published

4 hours ago

October 14, 2026

UBTNews

KV Ulpiana ka nisur me rezultat pozitiv përballjen ndaj KV Forcës, në kuadër të Superligës A në volejboll.

Volejbollistët e Ulpianës kanë treguar lojë të mirë në setin e parë, duke e mbyllur atë me rezultat 25:17.

Ndeshja është duke vazhduar, ndërsa Ulpiana synon të ruajë epërsinë dhe të sigurojë fitoren.

D.L

Sport

Baton Zabërgja në formacionin më të mirë të javës në Ukrainë

Published

7 hours ago

October 14, 2026

UBTNews

Futbollisti i Përfaqësueses së Kosovës, Baton Zabërgja, është përfshirë në formacionin më të mirë të javës së tetë në Premier Leaguen e Ukrainës.

Përzgjedhja është bërë të mërkurën nga faqja zyrtare e kampionatit ukrainas, pas paraqitjeve të futbollistëve në ndeshjet e fundit.

25-vjeçari nga Vushtrria ishte ndër lojtarët më të dalluar në fitoren 2-1 të Kharkivit ndaj Odesas në udhëtim, duke kontribuar me një gol.

Sulmuesi kosovar po kalon një formë të shkëlqyer këtë edicion, duke u shndërruar në një nga lojtarët më produktivë të skuadrës së tij.

Në nëntë paraqitje në të gjitha garat, Zabërgja ka realizuar shtatë gola dhe ka kontribuar me katër asistime, duke konfirmuar formën e tij të mirë në futbollin ukrainas.

D.L

Sport

Albian Hajdari pëson një tjetër lëndim, jashtë fushës për disa javë

Published

8 hours ago

October 14, 2026

UBTNews

Mbrojtësi i Përfaqësueses së Kosovës, Albian Hajdari, ka pësuar një tjetër lëndim, duke u detyruar të qëndrojë jashtë fushës për disa javë.

Lajmin e ka konfirmuar klubi gjerman Hoffenheim, i cili ka bërë të ditur se futbollisti kosovar është lënduar gjatë stërvitjes së fundit, në pjesën e poshtme të shputës së këmbës.

Përmes një njoftimi zyrtar, Hoffenheimi ka konfirmuar mungesën e Hajdarit në javët e ardhshme, duke i uruar shërim të shpejtë dhe rikthim të suksesshëm në fushë.

Ky është lëndimi i dytë brenda një periudhe të shkurtër për mbrojtësin kosovar, i cili kishte pasur probleme fizike edhe gjatë grumbullimit me Përfaqësuesen e Kosovës muajin e kaluar.

Ende nuk është bërë e ditur data e saktë e rikthimit të tij në fushë.

D.L