Sport

​Bronny James thotë se mund të përballet me presionin e lojës me babanë LeBron

Published

on

Bronny James e di se ka njerëz që besojnë se ai u transferua në Los Angeles Lakers vetëm për shkak të babait të tij, ndër basketbollistët më të mirë të gjitha kohërave LeBron James, por tha se ai mund të përballet me presionin e shtuar.

Bronny u zgjodh i 55-ti në total në Draftin e NBA-së javën e kaluar pas një sezoni në Universitetin e Kalifornisë Jugore (USC) dhe tani do të bashkohet me babain e tij, kosh-shënuesin më të mirë të ligës dhe katër herë kampionin, LeBron James.

Sigurisht që ka një presion të përforcuar,” tha Bronny në konferencën e tij hyrëse për shtyp përpara stërvitjes së tij të parë me ekipin.

“E kam parë tashmë në mediat sociale dhe internet, flas se si mund të mos e meritoj një mundësi. Por unë kam qenë duke u marrë me gjëra të tilla gjatë gjithë jetës sime, kështu që nuk është asgjë ndryshe. Është më e përforcuar me siguri, por unë do ta kaloj atë“, tha më tej Bronny.

Ai tha se është i etur të shkruante historinë e tij dhe të tregoj se është më shumë se thjesht djali më i madh i një prej lojtarëve më të mëdhenj ndonjëherë.

Unë thjesht po jetoj me ditët dhe përpiqem të mos më interesojë se çfarë mendojnë të tjerët për mua, sepse ka shumë njerëz që kanë diçka për të thënë. Thjesht po e marr atë ditën dhe do të qëndroj i arsyeshëm ndërsa e bëj”, tha Bronny.

Bronny falënderoi trajnerin e ri të Lakers, JJ Redick dhe menaxherin e përgjithshëm Rob Pelinka për “gjithçka që më kanë dhënë“, por Redick e refuzoi atë vërejtje.

Rob dhe unë nuk i dhamë asgjë Bronnyt. Bronny e ka fituar këtë me punë të palodhur,” tha ai ndërsa LeBron shikonte me vëmendje.

Redick tha se Bronny, sezoni i të cilit në USC u ndërpre për shkak të një arresti kardiak që pësoi verën e kaluar, ka potencial të madh për rritje.

Niveli i tij bazë i ndjenjës, atletizmi, pika e sulmit, mbrojtja, gjuajtja, pasimet – ka shumë për të pëlqyer në lojën e tij,” tha ai.

Tifozët mund të shikojnë për herë të parë Bronny në aksion për Lakers kur aksioni i Ligës Verore Klasike të Kalifornisë fillon të shtunën me një lojë kundër Sacramento Kings në San Francisko.

Sport

Doncic vazhdon shkëlqimin, Lakers triumfojnë ndaj Denver Nuggets

Published

on

Është zhvilluar xhiro e radhës në elitën e basketbollit amerikan NBA, ku vëmendja ka qenë në Kaliforni. Los Angeles Lakers ka vazhduar me fitore, teksa ka mposhtur Denver Nuggets me 12 pikë diferencë 120:108.

Luka Doncic luajti ndeshjen e tij të 200-të me 30 ose më shumë pikë në NBA mbrëmë kundër Denverit.

Lakers fituan ndaj Denverit 120:108, ndërsa Doncic e mbylli ndeshjen me 31 pikë, 8 kërcime dhe 7 asistime.

Austin Reaves gjithashtu pati paraqitje shumë të mirë duke e mbyllur ndeshjen me 22 pikë, pesë kërcime e tetë asistime.

Në shtatë sezonet e mëparshme e gjysmë në një fanellë të Dallasit, ai shënoi 30 ose më shumë pikë 192 herë, dhe kjo ishte ndeshja e tij e tetë e tillë nga 16 përpjekjet me një fanellë të Lakers.

 

Continue Reading

Sport

Të gjitha biletat e shitura, përkrahje maksimale për Kosovën sonte në “Fadil Vokrri”

Published

on

By

Atmosfera pritet të jetë e jashtëzakonshme sonte në stadiumin “Fadil Vokrri”. Të gjitha biletat për përballjen mes Kosovës dhe Islandës janë shitur, me “Dardanët” që do të ofrojnë përkrahje maksimale nga tribunat.

Ky takim zhvillohet me fillim nga ora 20:45, me Kosovën që kërkon fitore në ndeshjen e parë, duke bërë një hap të madh pastaj para ndeshjes kthyese, e cila zhvillohet të dielën.

Continue Reading

Sport

Dardanët gati për ndeshjen ndaj Islandës

Published

on

By

Kombëtarja e Kosovës në futboll synon që përmes ndeshjeve të play-off-it të ngrihet në Ligën B të Ligës së Kombeve.

Për ta arritur këtë objektiv, Dardanët duhet të tregohen më të suksesshëm se Islanda në dy ndeshjet që do të zhvillohen mes tyre brenda tri ditëve.

Dueli i parë zhvillohet sonte në “Fadil Vokrri” në Prishtinë me fillim nga ora 20:45 dhe para ndeshjes, trajneri Franco Foda në konferencë për media të zhvilluar dje bëri të ditur se mesfushori Valon Berisha dhe mbrojtësi Amir Rrahmani janë ende duke u rikuperuar nga lëndimet, andaj paraqitja e tyre sonte është në dyshim.

Trajneri i dardanëve theksoi se nga lojtarët do të kërkojë që të bëhet presion ndaj Islandës që nga minuta e parë e ndeshjes.

Optimistë për fitore u shpreh edhe sulmuesi anësor, Milot Rashica i cili deklaroi se përkundër se Islanda ka lojtarë kualitativ,.Dardanët duhet tq bëjnë lojën e tyre duke shfrytëzuar në maksimum cilësitë individuale që kanë lojtarët.

Atmosfera në stadiumin “Fadil Vokrri” pritet të jetë e zjarrtë pasi janë shitur të gjitha biletat që ishin në dispozicion, pra rreth 13 mijë.

Continue Reading

Sport

FIFA i kthen përgjigje Shqipërisë për kosovarin, Etnik Brruti

Published

on

Shtëpia e futbollit botëror, FIFA i ka dhënë përgjigje Federatës Shqiptare të Futbollit për ish-lojtarin e Kosovës, Etnik Brruti.

FIFA i ka dhënë dritën jeshile FSHF-së për regjistrimin e Brrutit dhe ai mund të aktivizohet qysh në ndeshjet e këtij muaji.

Ai edhe zyrtarisht është pajisur me pasaportë të Shqipërisë dhe do të udhëtojë me “kuqezinjtë” për në Angli.

Etnik Brruti gjatë këtij muaji e kompletoi kalimin nga Kosova U21 te Shqipëria A, me Sylvinhon që e ka ftuar për ndeshjet e marsit, që Shqipëria i luan në kuadër të kuailifikimeve për Kupën e Botës të vitit 2026.

Shqipëria fillimisht luan me Anglinë më 21 mars, derisa më 24 mars pret Andorrën në Tiranë.

Continue Reading

Të kërkuara