“Ata nuk dëshirojnë që unë të kem fëmijë – më shumë fëmijë”, tha Spears gjatë fjalimit të saj 30-minutësh në gjykatë.
Britney Spears mbajti një fjalim të flaktë gjatë dëgjimit të saj të konservatorit dje.
Fansat e Britney Spears marshojnë përpara një gjykate në Los Angeles ,kundër konservatoritetit të saj.
Në fjalimin e saj gati 30 minutësh virtual para një gjykate në Los Anxhelos dhe gjykatëses Brenda Penny, këngëtarja, 39, foli kundër babait të saj Jamie Spears dhe ekipit të saj të menaxhimit, duke pretenduar se ajo nuk ka qenë në gjendje të “martohet dhe të ketë fëmijë” për shkak të konservatoritetit të saj 13-vjeçar.
“Unë do të doja të ecja progresivisht përpara dhe dua të bëj marrëveshje të vërtetë. Unë dua të jem në gjendje të martohem dhe të kem fëmijë. Unë kam një (IUD) brenda vetes që të mos mbetem shtatzënë. Ata nuk duan që unë të kem fëmijë – më shumë fëmijë”, pretendoi Spears.
“Ky konservatoritet po më bën më shumë dëm sesa dobi. Unë meritoj të kem një jetë! Unë kam punuar gjithë jetën time. Unë meritoj të kem një pushim dy deri në tre vjet dhe të bëj atë që dua të bëj”, tha këngëtarja.
Britney me dy djemtë e saj, Sean dhe Jaden.
Spears është takuar me të dashurin aktual Sam Asghari në vitin 2016 pasi ata u takuan në setin e videoklipit të saj “Slumber Party”. Para seancës të së mërkurës, Asghari ndau një selfie në Instagram të veshur me një këmishë të bardhë me fjalët “Free Britney”.
Gjatë seancës dëgjimore, babai i Spears Jamie u shfaq virtualisht, së bashku me nënën e këngëtares, Lynne, dhe një deklaratë u lexua në emër të Jamie pasi këngëtarja foli. “[Jamie] I vjen keq që e sheh vajzën e tij me kaq shumë dhimbje. [Ai] e do vajzën e tij dhe i mungon shumë,” tha avokati i tij Vivian Lee Thoreen.
Në fillim të këtij viti, Asghari mbështeste të dashurën e tij publikisht, duke ndarë një deklaratë ekskluzivisht me revistën PEOPLE.
“Unë gjithmonë nuk kam dashur asgjë përveç më të mirës për gjysmën time më të mirë dhe do të vazhdoj ta mbështes atë duke ndjekur ëndrrat e saj dhe duke krijuar të ardhmen që dëshiron dhe meriton”, tha ai. “Unë jam mirënjohës për të gjithë dashurinë dhe mbështetjen që ajo po merr nga fansat e saj në të gjithë botën, dhe unë po pres një të ardhme normale, të mahnitshme së bashku”.
Britney Spears dhe Sam Asghari, i dashuri i saj.
Konservatori i Spears u vendos për herë të parë në 2008 me babanë e saj që u emërua konservatori i përhershëm i çështjeve të saj dhe avokati Andrew Wallet bashkë-konservatori i përhershëm i pasurisë së saj. Pasi Jamie dha dorëheqjen për shkak të arsyeve shëndetësore në Shtator 2019, Jodi Montgomery u emërua kujdestare e përkohshme.
Pastaj në mars, Ingham kërkoi nga gjykata të caktojë Montgomery si kujdestar të përhershëm në vend të babait Jamie dhe “kërkoi dorëheqjen” e babait të saj.
Në atë kohë, këngëtarja rezervoi “të drejtën e peticionit për përfundimin e këtij konservatoriteti”. Në një deklaratë për PEOPLE në fillim të këtij viti, Thoreen tha që Spears mund të paraqesë një peticion për të përfunduar konservatorin e saj por kurrë nuk e ka bërë.
“Britney e di që babi i saj e do atë, dhe se ai do të jetë aty për të kurdo dhe nëse ajo ka nevojë për të, ashtu si ai ka qenë gjithmonë – konservator ose jo,” shtoi Thoreen në atë kohë.
Por dje, Spears tha, “Unë nuk e dija që mund të bëja kërkesë për konservatorin për t’i dhënë fund. Unë sinqerisht nuk e dija atë. Unë kam bërë më shumë se sa duhet. Unë nuk u kam borxh asgjë këtyre njerëzve”, duke shtuar se “është demoralizuese ajo që kam kaluar. Asnjëherë nuk e kam thënë haptas – kurrë nuk kam menduar se dikush do të më besonte. Unë nuk gënjej. Unë thjesht dua jetën time”.
Britney me babain e saj vite më parë, para konservatorizmit.
Ndërkohë ajo shtoi “Kanë kaluar 13 vjet dhe është mjaft. Unë dua të jem në gjendje të dëgjohem. Unë e kam mbajtur këtë për kaq shumë kohë – nuk është mirë për zemrën time. Unë kam qenë e zemëruar dhe qaj çdo ditë!”
Britney Spears theksoi se arsyeja kryesore pse ajo ishte aty dje, ishte t’i jap fund konservatoritetit.
Tokio, kryeqyteti i Japonisë, është shpallur qyteti më i fuqishëm ekonomikisht në botë për vitin 2025 sipas renditjes globale të CEOWORLD.
Revista vlerëson se fuqia e jashtëzakonshme ekonomike e qytetit bazohet në dekada inovacioni në teknologji, industrinë automobilistike dhe prodhimin me precizion të lartë.
Sipas analizës, Tokio përfaqëson një standard të lartë të përsosmërisë operacionale, duke kombinuar avancimin teknologjik me qeverisje të disiplinuar ekonomike. Sistemet e transportit, rrjetet financiare dhe zinxhirët industrialë funksionojnë me një “saktësi të pakrahasueshme”.
Në vendin e dytë renditet Nju Jorku, si qendra kryesore globale e financave dhe nyjë për startup-et inovative, ndërsa Los Anxhelosi mban vendin e tretë falë industrisë së argëtimit, mbështetur nga zhvillimi i sektorit teknologjik dhe hapësinor.
Sipas raportit, 10 qytetet kryesore kontribuojnë thuajse një të tretën e GDP-së globale, duke treguar përqendrimin e fuqisë ekonomike në qendrat urbane që nxisin inovacion dhe kapital.
Renditja tregon dominimin e qyteteve amerikane në top 25-shen, përfshirë Çikagon (7), San Francisko Bay Area (9), Uashingtonin (12), Dallas-Fort Worth (13), Hjustonin (14), Bostoni (15), Seattle (18), Filadelfia (19), Atlanta (20) dhe Luginën e Silikonit (24).
Nga ana tjetër, Azia po forcon pozicionin e saj në ekonominë globale, me Seulin në vendin e pestë, duke reflektuar përparimin e Koresë së Jugut në teknologji, elektronikë dhe inovacion digjital.
Raporti i këtij viti nënvizon një zhvendosje të dukshme të gravitetit ekonomik global drejt rajoneve më dinamike dhe teknologjikisht të avancuara të botës. /A.Z/UBT News/
Libri më i ri i shkrimtarit Ben Blushi, “Jam Mysliman”, ka tërhequr vëmendjen e madhe në edicionin e 28 të Panairit të Librit.
Romani ofron një rrëfim ironik dhe filozofik mbi përplasjen midis fesë dhe shtetit laik në Shqipërinë moderne.
Ngjarjet zhvillohen në Rrugën e Kavajës, ku protagonisti, një shkrimtar, përballet me islamizimin gradual të shoqërisë dhe jetës së tij private, përfshirë edhe gruan e tij të dytë, e cila përkushtohet ndaj fesë.
Pas një udhëtimi në Mekë dhe ndjerë i vetmuar dhe i kërcënuar, ai përfundon duke u bërë mysliman, duke kthyer kështu romanin në një metaforë të kërkimit të shpëtimit përmes fesë, kur besimi te shoqëria humbet.
Ben Blushi zbulon se libri është shkruar brenda dy muaj e gjysmë e ka 221 faqe në versionin final.
“Ka qenë 20% më i gjatë në fillim, rreth 300 faqe. Kam përfshirë edhe një pjesë të fisit tim që janë myslimanë,” shpjegon ai.
Shkrimtari thekson se “Jam Mysliman” duhet lexuar si letërsi artistike, pa ngarkesë emocionale apo politizim:
“Unë i bëj thirrje të gjithëve që librin ta marrin si produkt imagjinar artistik, nuk është trakt, peticion politik a doktrinë, është një roman.”
Përndryshe, ky është botimi i dymbëdhjetë i Ben Blushit, pas suksesit me bestseller-at “Të jetosh në ishull”, “Otello, Arapi i Vlorës”, “Kandidati” dhe “Komploti”. /A.Z/UBT News/
Një studim i fundit nga Dr. Paul Kelley, një kërkues në Universitetin e Oxford-it, ka konfirmuar atë që shumë prej nesh e kemi ndjerë: puna para orës 10 të mëngjesit është një sfidë e vërtetë për trupin dhe mendjen.
Sipas tij, trupi ynë nuk është biologjikisht i përgatitur për të funksionuar në nivelin e tij më të lartë kur fillojmë punën shumë herët.
Shkencëtarët thonë se cikli i gjumit dhe ritmet biologjike të trupit nuk janë të dizajnuara për të punuar me efikasitet në orët e para të ditës.
Kjo nënkupton që shumë njerëz ndihen të lodhur, kanë vështirësi në përqendrim e mund të kenë pak energji gjatë orëve të para të punës.
Pas orës 10 të mëngjesit, trupi është më i gatshëm për t’u përqendruar e dhënë maksimumin, duke u ndjerë më energjik dhe më produktiv.
Kjo mund të shpjegojë pse shumë njerëz ndiejnë se janë më të efektshëm dhe të freskët pas kësaj kohe, dhe pse disa ekspertë sugjerojnë që orari i punës duhet të ndryshohet, për t’u përshtatur më mirë me ritmet natyrale të trupit.
Përmirësimi i kushteve të punës mund të sjellë një rritje të produktivitetit dhe po ashtu mirëqenies për punonjësit. /A.Z/UBT News/
Përdorimi i rregullt i uthullës së mollës në flokë do t’i largojë bakteret në lëkurën e kokës dhe do ta largojë zbokthin.
Gjithashtu, uthulla pastron flokët dhe ju jep më shumë volum ndërsa ndihmon edhe në reduktimin e rënies së flokëve.
Acidi alpha-hydroxy që gjendet në këtë lloj të uthullës ndihmon të largohen helmet ose toksinat që janë marrë nga përdorimi i produkteve të flokëve duke i bërë flokët më të shëndetshme, të ndritshme dhe të buta.
Gjithçka që ju duhet është uthulla e mollës dhe ujë i vakët. Por, si dhe sa herë duhet ta përdorim këtë tretman?
Për flokë kaçurela, të valëzuara, të gjata dhe të trasha – Gjysmë filxhani uthull molle me ¼ e filxhanit ujë të vakët
Përdoret një herë në çdo dy javë.
Për flokë të drejta, të shëndetshme, të holla dhe të shkurtëra – Një lugë gjelle uthull molle me një filxhan ujë të vakët
Përdoret një herë në javë.
Flokë të ngjyrosura ose të drejtuara në mënyrë artificiale– Gjysmë filxhani uthull molle me dy filxhana ujë të vakët
Përdoret një herë në muaj.
Për flokë të trasha dhe të thata – Një filxhan uthull molle me tre filxhana ujë të vakët.
Përdoret njëherë në 6 deri në 8 javë./A.Z/UBT News/
