Britania e Madhe: Rritja globale e çmimeve të gazit çon në falimentim kompanitë energjetike

“Rritja e paparë e çmimeve globale të gazit, që janë rritur 250 për qind që nga fillimi i viti”.

Published

4 years ago

October 22, 2021

Betim Gashi

Goto Energy është bërë kompania e fundit energjetike në Britaninë e Madhe që ndërpret tregtinë, në mes të një rritjeje të mprehtë të çmimeve të gazit me shumicë, sipas BBC.

Kompania furnizonte me gaz dhe energji elektrike rreth 22 000 konsumatorë vendas, të cilët tani do të zhvendosen te një furnizues i ri.

Ajo i bashkohet një numër firmash të vogla që janë shkatërruar plotësisht pas rritjes globale të çmimeve të gazit.

Rregullatori britanik i energjisë, Ofgem, tani do të gjejë një furnizues të ri për këto familje.

Kolapsi i Goto Energy e çon numrin e klientëve të prekur nga vala aktuale e falimentimeve të kompanive energjetike në BM në më shumë se dy milionë.

“Rritja e paparë e çmimeve globale të gazit, që janë rritur 250 për qind që nga fillimi i vitit, – po bën presion financiar mbi furnizuesit”, deklaroi Ofgem.

Sipas Justina Miltienyte, eksperte e politikave të energjisë në Usëitch.com, Goto Energy tashmë është furnizuesi i 16-të që del nga tregu, që nga fillimi i vitit 2021.

Javën e kaluar, ishte Pure Planet, që mbështetej nga gjiganti i naftës BP dhe Colorado Energy, që falimentoi.

Furnizuesit që kanë falimentuar së fundmi janë edhe Avro Energy, People Energy dhe Green Supplier Limited.

Mitrovicë: Arrestohen dy persona për ‘vrasje në tentativë’

Published

29 minutes ago

February 12, 2026

UBTNEWS

Policia e Kosovës në Mitrovicën e Jugut ka njoftuar se ka arrestuar dy persona të dyshuar për përfshirje në një incident me armë zjarri, më 12.02.2026.

Rasti ka ndodhur mbrëmjen e së mërkurës, rreth orës 19:25, në rrugën “Pajazit Boletini”, ku pas marrjes së informacionit për të shtëna, njësitet policore kanë dalë menjëherë në vendngjarje.

Nga hetimet fillestare është bërë e ditur se nga këto të shtëna ka mbetur i plagosur një person i moshës madhore, i cili është dërguar me urgjencë në spitalin rajonal të Mitrovicës për trajtim mjekësor. Gjatë kontrollit në vendit të ngjarjes, hetuesit kanë gjetur dhe sekuestruar pesë gëzhoja si prova materiale lidhur me rastin.

“Nga hetimet fillestare bëhet e ditur se një person i moshës madhore ka mbetur i plagosur nga arma e zjarrit. I njëjti është dërguar në spitalin rajonal në Mitrovicë, për tretman mjekësor. Lidhur me rastin, policia ka arrestuar dy persona të dyshuar, ndërsa në vendin e ngjarjes janë gjetur pesë (5) gëzhoja”, sipas njoftimit të Policisë.

Pas veprimeve hetimore dhe intervistimit të personave të përfshirë, policia ka iniciuar rastin penal si ‘vrasje në tentativë’.

Me vendim të prokurorit kompetent, dy të dyshuarve u është caktuar masa e ndalimit policor prej 48 orësh, ndërkohë që njësitet përkatëse janë duke zhvilluar hetimet e mëtejme për të zbardhur rrethanat e plota të ngjarjes.

Aktualitet

Dy të arrestuar në Prishtinë për kanosje ndaj zyrtarëve policor

Published

45 minutes ago

February 12, 2026

UBTNEWS

Në Prishtinë në dy raste të ndara janë arrestuar dy të dyshuar për veprën penale- kanosje ndaj personit zyrtar, sipas Raportit 24 orësh të Policisë së Kosovës.

Rasti i parë ka ndodhur në Rr. Ahmet Krasniqi rreth orës 02:51, ku pas shqiptimit të një gjobe i dyshuari ka kanosur zyrtarët policor.

I dyshuari me vendim të prokurorit pas intervistimit është liruar në procedurë të rregullt.

Ndërsa, rasti tjetër ka ndodhur në fshatin Vranidoll, ku një i dyshuar po ashtu pas shqiptimit të një gjobe, ka kanosur zyrtarët policor.

Me vendim të prokurorit i dyshuari pas intervistimit është liruar në procedurë të rregullt

“Është arrestuar i dyshuari mashkull kosovar pasi që i njëjti pas shqiptimit të një kundërvajtje ka kanosur zyrtarët policor gjatë detyrës. Me vendim të prokurorit i dyshuari pas intervistimit lirohet në procedurë të rregullt”, sipas raportit të Policisë.

Vendi

Votohet Qeveria Kurti me 66 vota pro

Published

11 hours ago

February 11, 2026

UBTNEWS

Kuvendi i Kosovës ka votuar Qeverinë e re të Kosovës në krye me Albin Kurtin. Pro qeverisë votuan 66 deputetë, 49 votuan kundër, ndërsa nuk pati asnjë abstenim.

Me këtë votim, Kuvendi zgjodhi zyrtarisht Qeverinë e re të Kosovës, e cila do të udhëhiqet nga kryeministri Albin Kurti.

Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Zëvendëskryeministre e Dytë dhe Ministre e Drejtësisë është propozuar Donika Gërvalla, ndërsa Zëvendëskryeministër i Tretë për Çështje të Pakicave dhe Bashkëpunim Ekonomik Fikrim Damka.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla. Për Ministrinë e Administratës Publike dhe Digjitalizimit është propozuar Lulëzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural Armend Muja.

Ministër i Infrastrukturës dhe Transportit do të jetë Dimal Basha.

Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Lajmet

Kurti prezanton kabinetin e ri qeveritar

Published

12 hours ago

February 11, 2026

ubtnews

Mandatari për kryeministër, Albin Kurti, ka bërë publike përbërjen e kabinetit qeveritar me të cilin synon të udhëheqë vendin gjatë katër viteve të ardhshme, duke theksuar prioritetet kryesore të programit qeverisës.

Në prezantimin e tij, Kurti ka propozuar këtë përbërje të Qeverisë:

Zëvendëskryeministër i Parë dhe Ministër i Punëve të Jashtme dhe Diasporës do të jetë Glauk Konjufca.

Ministër i Financave është propozuar Hekuran Murati, ndërsa Ministër për Familje dhe Vlera të Luftës Andin Hoti.

Resori i Mbrojtjes do të udhëhiqet nga Ejup Maqedonci, ndërsa ai i Punëve të Brendshme nga Xhelal Sveçla.

Për Ministrinë e Administratës Publike dhe Digjitalizimit është propozuar Lulzon Jagxhiu.

Ministër i Shëndetësisë do të jetë Arben Vitia, ndërsa Ministër i Arsimit dhe Shkencës Hajrulla Çeku.

Ministre e Kulturës dhe Turizmit është propozuar Saranda Bogujevci.

Ministër i Administrimit të Pushtetit Lokal do të jetë Rasim Demiri.

Ministre e Mjedisit dhe Planifikimit Hapësinor është propozuar Fitore Pacolli, ndërsa Ministër i Bujqësisë, Pylltarisë dhe Zhvillimit Rural, Armend Muja.

Ministër i Infrastrukturës dhe Transportit do të jetë Dimal Basha. Ministre e Tregtisë, Industrisë dhe Inovacionit është propozuar Mimoza Kusari, ndërsa Ministre e Energjisë Artane Rizvanolli.

Për Ministrinë për Komunitete dhe Kthim është propozuar Nenad Rashiq, ndërsa për Zhvillim Rajonal Elbert Krasniqi.

Kabineti i propozuar pritet t’i nënshtrohet votimit në Kuvend.