Në fshatin Livadicë të Komunës së Podujevës është vendosur gurthemeli për ndërtimin e Parkut Industrial, një projekt i financuar nga Ministria e Industrisë, Ndërmarrësisë, Tregtisë dhe Inovacionit në vlerë prej 3.1 milionë eurosh.

Në ceremoninë e fillimit të punimeve morën pjesë kryeministri në detyrë Albin Kurti, ministrja në detyrë Mimoza Kusari-Lila si dhe kryetari i Podujevës, Shpejtim Bulliqi.

Në fjalën e tij me këtë rast, kryeministri në detyrë Albin Kurti theksoi përkushtimin për transformimin e ekonomisë dhe fuqizimin e sipërmarrjes vendore.

“Synimi ynë si Qeveri është ta transformojmë ekonominë e Kosovës, ta forcojmë prodhimin vendor dhe të krijojmë sa më shumë produkte në lloje dhe në numër ‘Made in Kosova’, ashtu që jo vetëm t’i zëvendësojmë importet, por edhe të rrisim eksportet në tregjet evropiane dhe ndërkombëtare”, u shpreh Kurti.

Ai shtoi se parqet industriale u shërbejnë bizneseve për zgjerim, diasporës për investim të kapitalit dhe investitorëve të huaj për zhvendosjen e kapaciteteve prodhuese në Kosovë, duke hapur më shumë vende pune dhe mundësi për të rinjtë.

Nga ana tjetër, ministrja në detyrë Mimoza Kusari-Lila nënvizoi domosdoshmërinë e zhvillimit të infrastrukturës industriale për t’i bërë ballë deficitit tregtar.

“Është fakt i fortë se ekonomia e Kosovës që nga viti 2019 është dyfishuar, shërbimet tona kanë arritur eksportin deri në 4 miliardë euro, ndërsa ende kemi sfidë me deficitin tregtar të produkteve. Prandaj, për ne është tepër e rëndësishme që infrastrukturën industriale ta zhvillojmë, të ofrojmë mundësi të punës dhe prodhimit në Republikën e Kosovës dhe aktualisht ministria është duke u angazhuar në aktivizimin e 16 zonave industriale”.

Kryetari i Komunës së Podujevës, Shpejtim Bulliqi, e cilësoi këtë nismë si projektin ekonomik më të rëndësishëm për komunën, duke theksuar se realizimi i tij mbyll një mungesë shumëvjeçare të hapësirave të tilla për komunitetin e bizneseve në rajonin e Llapit. /E.A/

Sipas raportit 24 orësh të policisë, në Mitrovicën e Veriut në orët e vona të mbrëmjes është raportuar për zhdukjen e një burri.

Rastin e ka paraqitur gruaja e tij, duke thënë se ishte larguar nga shtëpia disa dit më parë dhe nuk është kthyer më.

Sipas policisë rasti është duke u hetuar. /A.M/

Sipas raportit 24-orësh të Policisë së Kosovës, një burrë është gjetur pa shenja jete në Mitrovicën e Veriut.

Autoritetet policore kanë njoftuar se rasti po hetohet si “vdekje e dyshimtë”.

Me vendim të prokurorit të shtetit, trupi i pajetë i viktimës është dërguar në Institutin e Mjekësisë Ligjore (IML) për t’i nënshtruar obduksionit, nga ku pritet të sqarohen rrethanat dhe shkaqet e plota të vdekjes. /E.A/

Dhimbja e barkut, edhe kur duket si një shqetësim i zakonshëm, mund të jetë shenjë e një problemi që kërkon vlerësim profesional. Për këtë arsye, kontrolli i hershëm dhe një vlerësim i plotë mjekësor janë hapa të rëndësishëm për të kuptuar shkakun dhe për të përcaktuar trajtimin e duhur.

Në një kohë kur diagnostikimi i saktë dhe ndërhyrja në kohë janë vendimtare për trajtimin e shumë sëmundjeve, United Hospital po ndërton një standard të ri të shërbimeve shëndetësore në Kosovë, duke ndërthurur teknologjinë e avancuar, ekspertizën profesionale dhe përkujdesjen e vazhdueshme ndaj pacientit.

Nga diagnostikimi dhe ekzaminimet e specializuara, te trajtimi dhe ndërhyrjet kirurgjikale, spitali synon të ofrojë një qasje të integruar për një gamë të gjerë problemesh shëndetësore. Investimi në pajisje moderne dhe në kapacitete profesionale krijon mundësi për identifikim më të saktë të sëmundjeve, vlerësim më të detajuar të gjendjes së pacientit dhe planifikim më të personalizuar të trajtimit.

Në qendër të këtij shërbimi mbetet pacienti – me nevojën për siguri, profesionalizëm dhe kujdes në çdo hap të rrugëtimit shëndetësor.

Në United Hospital, pacientëve u ofrohet Pakoja e Kirurgjisë Abdominale, e konceptuar për një vlerësim fillestar të gjendjes shëndetësore të sistemit abdominal. Paketa përfshin vizitën te kirurgu abdominal ose i përgjithshëm, hemogramin, bilirubinën totale dhe direkte, urenë, kreatininën, glikeminë esëll dhe ultrazërin abdominal, me çmim promocional prej 40 euro, nga 68 euro.

Vëmendje e veçantë i kushtohet rasteve kur ekzaminimet zbulojnë masa apo ndryshime që kërkojnë trajtim të mëtejshëm. Tumoret abdominale janë ndër sfidat më komplekse të kirurgjisë, ndaj diagnostikimi i saktë, vlerësimi i shtrirjes së masës dhe planifikimi individual i ndërhyrjes janë thelbësore për një trajtim sa më të sigurt.

Në materialin e prezantuar nga spitali, dokumentohet një ndërhyrje kirurgjikale për heqjen e një tumori abdominal, e realizuar me kujdes të veçantë ndaj strukturave dhe organeve përreth.

Qasja moderne ndaj këtyre rasteve nis me diagnostikim të saktë, vazhdon me planifikim të personalizuar dhe përfshin monitorim profesional gjatë rikuperimit. Një kontroll në kohë nuk do të thotë domosdoshmërisht se ekziston një problem serioz, por ndihmon që çdo shqetësim të vlerësohet nga profesionistët dhe të mos lihet pas dore.

Kujdesi për shëndetin fillon me vëmendjen ndaj sinjaleve që jep trupi./rajonipress/

📞 038 60 70 70 / 046 60 70 70
📍 M2 Prishtinë–Ferizaj, Km 7, Prishtinë, Kosovë