Aktualitet

Britania e Madhe ndalon reklamat për shërbimet dhe produktet kozmetike për nën 18-vjeçarët

Publikuar

Reklamat për produktet apo shërbimet kozmetike, të krijuara për të ndryshuar pamjen fizike të një personi nën moshën 18 vjeç, duke filluar nga maji i vitit të ardhshëm do të ndalohen, njoftoi Komiteti i Praktikave të Reklamimit (CAP) në Britaninë e Madhe.

Rregullat e reja nënkuptojnë se kompanitë nuk do të jenë më në gjendje të reklamojnë në programe televizive procedura të tilla si zmadhim ose zvogëlim gjiri, abdominoplastikë ose ngushtim beli, operacion qepallash apo riformim hunde, që mund t’u interesojë fëmijëve nën mosha 18 vjeç.

Ndalimi mbulon gjithashtu mbushësit e lëkurës dhe trajtimet për përtëritje të lëkurës, të tilla si trajtimet me injeksion, peeling kimik dhe trajtime me lazer ose dritë dhe produkte për zbardhjen e dhëmbëve.

Komiteti i Praktikave të Reklamimit (CAP) tha se provat kontribuan në një “pamje gjithnjë e më të qartë” se fëmijët dhe të rinjtë janë të cenueshëm ndaj presioneve të imazhit të trupit dhe se perceptimet negative të imazhit të trupit ishin të përhapura në mesin e atyre grupeve të cilat mund të kenë një ndikim vlerësimi, mirëqenie dhe shëndeti mendor tek vetja.

”Rregullat e reja do të sigurojnë që reklamat nuk mund të synojnë askënd nën moshën 18 vjeç dhe aty ku fëmijët dhe të rinjtë i shohin ato, rregullat tona strikte të përmbajtjes nënkuptojnë se reklamat nuk mund të mashtrojnë ose të shfrytëzojnë me dobësitë e audiencës së tyre”, shtoi CAP.

Vazhdo të lexosh

Aktualitet

​Vdes ish-gazetari Arben Rugova

AGK-ja i shpreh ngushëllime familjes, miqve dhe komunitetit. 

Publikuar

nga

Asociacioni i Gazetarëve të Kosovës me pikëllim ka marrë lajmin për vdekjen e gazetarit, Arben Rugova. Në njoftim thuhet se ai ka punuar në sektorin e arsimit dhe të politikës në disa media si Koha Ditore, Gazeta Express, Telegrafi, Gazeta Lajmi e të tjera.

Rugova punonte së fundi si Zyrtar për Qasje në Dokumente Publike në Ministrinë e Jashtme dhe të Diasporës. Për vdekjen e gazetarit Rugova, kanë njoftuar familjarët e të ndjerit në rrjetet sociale.

AGK-ja i shpreh ngushëllime familjes, miqve dhe komunitetit.

Vazhdo të lexosh

Aktualitet

Shpërthim në Lushnjë: Raportohet një i vdekur e gjashtë të plagosur, mes tyre deputeti i PS

Gjashtë të plagosurit nga shpërthimi në Lushnjë janë nisur drejt spitalit të Traumës.

Publikuar

nga

Një shpërthim i fuqishëm ka ndodhur në një magazinë në ndërtim në Lushnjë. Një person humbi jetën, shtetasi R.H. Gjithashtu raportohet për gjashtë persona janë plagosur, mes tyre edhe deputeti i PS, Bujar Çela.

Gjashtë të plagosurit nga shpërthimi në Lushnjë janë nisur drejt spitalit të Traumës.

Ministri i Brendshëm Taulant Balla ka mbërritur në spitalin e Lushnjës, ndërkohë që ende nuk dihet gjendja e të plagosurve. Ndërsa ajo që dihet deri më tani është se deputeti Bujar Çela po i nënshtrohet një ndërhyrje kirurgjikale. Në ndihmë po vijnë dhe mjekë nga spitali i Fierit dhe Beratit, bashkë me autoambulanca.

Ende nuk dihet shkaku i saktë i këtij shpërthimi, ndërsa dyshohet se gjatë punës në fabrikë, një vinç ka prekur linjën e tensionit të lartë dhe për rrjedhojë ka pasur një shpërthim.

Vazhdo të lexosh

Aktualitet

Safet Gjici dënohet me 2 vjet burgim për “shpërdorim detyre”

Gjykata ka ndryshuar akuzën ndaj Gjicit nga korrupsion në shpërdorim detyre.

Publikuar

nga

Ish-kryetari i bashkisë së Kukësit, Safet Gjici është dënuar me 3 vite burg, ndërsa nga gjykimi i shkurtuar dënimi i ulet në dy vite.

Gjykata ka ndryshuar akuzën ndaj Gjicit nga korrupsion në shpërdorim detyre. Ndërkohë për Alma Kaçin, gjykata ka dhënë dënimin me 1 vit burg, duke e shpallur fajtore atë për prostitucion.

Safet Gjici sipas SPAK ka përfituar favore seksuale nga Kaci, duke i premtuar kësaj të fundit një projekt për qentë, ndërsa kjo e fundit ja ka ofruar favoret, përderisa kryen marrëdhënie seksuale orale në zyrën e punës së kryebashkiakut.

Para shpalljes së vendimit, Safet Gjici kërkoi pafajësi, duke pretenduar se nuk ka shkelur asnjë ligj, ndërsa i përlotur i kërkoi falje familjes dhe qytetarëve të Kukësit. Ai akuzoi Abedin Orucin se e sulmoi që të zaptonte pronat e bashkisë.

“Unë kam marrë dënimin më të madh, është dënimi moral. Iu kërkoi falje familjarëve të mi dhe qytetarëve të Kukësit”, tha Gjici, i cili akuzoi Oruçin se i publikoi videon intime.

Vazhdo të lexosh

Aktualitet

​Haxhiu kujton dëshmoren Elfete Humolli në 34-vjetorin e rënies: Ishte mishërim i ëndrrës për liri

Haxhiu tha se Elfete Humolli ishte mishërimi i të rinjve e të rejave të viteve ‘90 që ishin rritur me ëndrrën për lirinë e atdheut.

Publikuar

nga

Ministrja e Drejtësisë, Albulena Haxhiu, ka përkujtuar dëshmoren Elfete Humolli në 34-vjetorin e rënies së saj, përderisa po protestonte për shkak të pozitës së vështirë të shqiptarëve në ish-Jugosllavi.

Në llogarinë e saj në Facebook, Haxhiu tha se Elfete Humolli ishte mishërimi i të rinjve e të rejave të viteve ‘90 që ishin rritur me ëndrrën për lirinë e atdheut.

“Ishte vetëm 16 vjet kur u vra në fshatin e saj të lindjes, nga forcat agresore serbe. Ajo ishte pjesëmarrëse në shumë demostrata e protesta për të shprehur vullnetin e saj për lirinë e Kosovës dhe kundër Serbisë pushtuese, por në protestën e 30 shkurtit 1990 u qëllua me automatik nga forcat ushtarake policore të Serbisë”, tha Haxhiu.

“Vdekja e Elfetes, ngjalli revoltë të madhe dhe mobilizim të madh për popullin, e në shenjë respekti për të, për dashurinë dhe guximin e saj, varrimi i saj ishte masiv dhe u shëndrrua në demonstrate”, shtoi Haxhiu.

Vazhdo të lexosh

Të kërkuara