Lajmet

​Britania e Madhe akuzon Rusinë se po minon punën e OSBE-së

Sipas Britanisë, parimet e OSBE-së duhet të jenë themeli i paqes në kontinentin evropian.

Published

on

Ministri britanik i Forcave të Armatosura, James Hippie, sot në Samitin Ministror të OSBE-së në Shkup, ka akuzuar Rusinë se me sulmin e saj në Ukrainë ka shkelur parimet e OSBE-së për sovranitetin, integritetin territorial dhe mospërdorimin e forcës. Ai duke iu drejtuar të pranishmëve në samit tha se parimet e OSBE-së duhet të jenë themeli i paqes në kontinentin evropian, teksa ka kërkuar lirimin e menjëhershëm të personelit të OSBE-së të arrestuar nga Rusia.

“Mendimet tona janë me ata personel të OSBE-së të arrestuar mizorisht nga Rusia. Ata duhet të lirohen menjëherë. Siç tha Sekretari ynë i ri i Jashtëm në darkën e mbrëmshme, ne u përballëm me një sërë sfidash të frikshme. Por këto vetëm e bëjnë të qartë pse ne duhet të mbështesim OSBE-në, kthimi i luftës në Evropë vetëm nënvizon vlerën e qëndrueshme të këtij institucioni. Parimet e OSBE-së për sovranitetin, integritetin territorial dhe mospërdorimin e forcës duhet të jenë themeli i paqes në kontinentin evropian. Rusia i ka shkelur këto parime me rezultate shkatërruese. Ukraina po lufton jo vetëm për lirinë e saj, por për të drejtën e të gjitha kombeve për të bërë zgjedhje sovrane pa detyrime. Mbajtja e suksesit të Ukrainës do të thotë të vazhdojmë mbështetjen tonë. Mbretëria e Bashkuar do të vazhdojë të ofrojë mbështetjen ekonomike, ushtarake, humanitare dhe diplomatike për të siguruar që Ukraina të triumfojë. Ne duam që ata të sigurojnë paqen e qëndrueshme që populli i tyre meriton dhe i duhet kontinentit evropian”, ka thënë Hippie.

Ministri britanik ka vazhduar akuzat e tij ndaj Moskës zyrtare për minimin e punës së OSBE-së dhe luftën në Ukrainë.

“OSBE-ja ka luajtur një rol kyç përmes raporteve të mekanizmit të Moskës në ekspozimin e realitetit të tmerrshëm të mizorive ruse në Ukrainë. Duke pasur parasysh rolin vendimtar të OSBE-së për të kërkuar llogari nga Rusia, nuk është çudi të shohim përpjekjet e tyre të vazhdueshme për të minuar këtë organizatë. Mbretëria e Bashkuar është e përkushtuar të punojë me të gjitha shtetet pjesëmarrëse për të mbajtur veten përgjegjës për të gjitha parimet dhe angazhimet e OSBE-së”, ka thënë ai.

Ministri britanik ka përkujtuar se OSBE-ja u krijua në mes të Luftës së Ftohtë dhe qe atëherë, ajo ka qenë në qendër të sigurisë euroatlantike dhe ka pasur mbështetjen e plotë të Britanisë.

Ndryshe, kreu i diplomacisë britanike, David Cameron, përpara fillimit të Samitit të 30-të Ministror të OSBE-së tha se vendi i tij vazhdon të mbështesë Ukrainën dhe OSBE-në. Ai tha gjithashtu se Rusia ishte përgjegjëse për konfliktin dhe se veprimet e tyre shkelnin të gjitha parimet e Aktit Final të Helsinkit, mbi të cilin mbështeten marrëdhëniet midis shteteve.

Lajmet

Osmani pranoi letrat kredenciale nga ambasadori i ri i Hungarisë në Kosovë

Published

on

By

Presidentja Vjosa Osmani ka pranuar sot letrat kredenciale nga ambasadori i ri i Hungarisë në Prishtinë Laszlo Istvan Dux.

Gjatë ceremonisë, presidentja Osmani i uroi mirëseardhje ambasadorit Dux, duke theksuar faktin se Hungaria ka qenë ndër vendet e para që e ka njohur pavarësinë e Kosovës.

Osmani vlerësoi marrëdhëniet ndërmjet dy shteteve dhe shprehu përkushtimin për zgjerimin e mëtejshëm të bashkëpunimit në fusha me interes të përbashkët, veçanërisht në arsim dhe ekonomi, raporton KosovaPress.

Continue Reading

Lajmet

Punëtorët e “Pastrimit” në ditën e nëntë të grevës

Published

on

By

Punëtorët e ndërmarrjes “Pastrimi” kanë hyrë në ditën e nëntë të grevës para Komunës së Prishtinës, duke kërkuar pagesën e borxhit prej 2.7 milionë euro që komuna i detyrohet ndërmarrjes.

Pavarësisht ndryshimeve klimatike, ata qëndrojnë në tenda ditë e natë dhe paralajmërojnë se nuk do të tërhiqen pa u realizuar kërkesat.

Nënkryetari i Sindikatës, Shpend Qosa, në një intervistë për Ekonomia Online tha se janë në pritje të një takimi vendimtar me zyrtarët komunalë, ndërsa theksoi se kërkesat kryesore janë sigurimi i naftës, pagave dhe stabilizimi i kompanisë.

Sot kemi hyrë në ditë e nëntë të grevës, ne e kemi pasur një takim me zyrtarët komunal jemi në shqyrtim të kërkesave tona edhe sot jemi në pritje të një takimi. Deri sa të gjejmë një zgjidhje për kërkesat tona. Diçka konkrete nuk kemi që do të arrijmë një zgjedhje ne vazhdojmë punën dhe dalim në punë. Ato kërkesa tona që i kemi në takim kemi folur, edhe komuna ka dhënë disa zgjidhje të saj të cilat i kemi shqyrtuar. Sot i presim në takim për të arrijmë një marrëveshje, realisht kërkesat tona janë me pasur naftë paga dhe me stabilizuar gjendja e kompanisë. Punëtorët pagat i kanë marr”, ka thënë Qosa.

Punëtori Blerim Hajdini, i cili punon prej 16 vitesh në këtë ndërmarrje, tha se greva nuk do të ndalet pa u plotësuar kërkesat.

Ai shprehu shqetësimin për pagat e ulëta dhe borxhet personale, duke theksuar se paga mujore prej 425 euro është e pamjaftueshme për të përballuar jetesën.

Jemi në grevë deri të na plotësohet kërkesat tona dhe kushtet tona nuk e kemi ndërmend ta ndalim grevën. Unë punoj që 16 vite këtu të gjithë kanë kredi të majme, unë i kam 15 euro kredi nuk mund t’ia dal assesi për arsye se paga është shumë vogël, e kemi 425 euro në kontratë. Kërkesa jonë është të na kthej borxhin 100 për qind dhe ta ndërpresin privatin menjëherë”, shtoi ai.

Continue Reading

Lajmet

Ministria e Shëndetësisë paralajmëron 100 inspektorë të rinj për luftën kundër duhanit

Published

on

By

Ministria e Shëndetësisë po planifikon t’i punësojë edhe 100 inspektorë me qëllim të rritjes së kontrollit të përdorimit të duhanit në Kosovë, kështu tha ministri në detyrë i Shëndetësisë, Arben Vitia gjatë një konference për media në prag të Ditës Botërore Kundër Duhanit.

Ministri i Shëndetësisë, Arben Vitia tha se është lajm i mirë që në Kosovë ka rënie të përdorimit të duhanit për shkak të politikave të ndërmarra, por shtoi se ende duhet punë.

Vitia theksoi se miratimi dhe zbatimi i udhëzimit administrativ për vërejtjet e kombinuara shëndetësore në pakot e duhanit ka dhënë rezultatet e tij.

Në Kosovë sipas STEPS përdorimi i duhanit është në rënie krahasuar me vitin 2011 apo hulumtimin paraprak, që natyrisht kjo është një lajm i mirë, ky është trend inkurajues që dëshmon efektivitetin e politikave të deritanishme, por një trend i pamjaftueshëm për qëllimet që ia kemi bërë vetes,” tha ai.

Ministri në detyrë i Shëndetësisë, Arben Vitia tha se me Ministrinë e Financave po shohin mundësinë t’i shtojnë kapacitetet inspektuese edhe për 100 inspektorë me qëllim të rritjes më të madhe të kontrollit të duhanit.

Rritja e akcizës në 65 euro për kilogram sipas vendimit të qeverisë së Kosovës është tjetër sinjal që politikat fiskale po japin efekt… Kemi fuqizuar edhe kapacitetin inspektues përmes rekrutimit të rreth 30 inspektorëve të rinj që kanë ndihmuar në zbatim të ligjit, por natyrisht kjo akoma nuk është e mjaftueshme dhe vazhdon të mbetet sfidë serioze, prandaj kohëve të fundit në bashkëpunim me ministrinë e Financave po përgatisim një plan për angazhimin e rreth 100 vetave shtesë që ky ligj të zbatohet në përpikëri në të gjitha vendet ku nuk duhet të pihet duhani,” theksoi Vitia.

 

Continue Reading

Lajmet

PDK-ja dorëzoi zyrtarisht në ZRRE kundërshtimin për daljen e bizneseve në tregun e lirë

Published

on

By

Partia Demokratike e Kosovës (PDK) ka dorëzuar sot në mënyrë zyrtare kundërshtimin e saj ndaj vendimit të Zyrës së Rregullatorit për Energji (ZRRE) për daljen e bizneseve në tregun e lirë, duke e cilësuar këtë vendim si të paligjshëm dhe të papërballueshëm për qytetarët.

Në një konferencë për media, deputeti i PDK-së, Abelard Tahiri, bëri të ditur se partia ka ndërmarrë hapa ligjorë për ta sfiduar këtë vendim brenda afateve të përcaktuara.

Ngritja e çmimit e ka bërë të pamundur përballimin e kësaj kostoje të lartë nga rritja e çmimeve që do të pasojë nga vendimet e paligjshme të ZRRE-së. Ne sot, duke ndjekur hapat ligjorë, e kemi dorëzuar kundërshtimin tonë administratës në ZRRE. Jemi të bindur që qëndrimet e tyre do të jenë të njëjta. Ne do të presim 15 ditë për ta anuluar këtë. Nëse brenda 15 ditëve ata nuk e anulojnë, ne do ta procedojmë në departament,” tha Tahiri.

Continue Reading

Të kërkuara