Aktualitet

Britani: Një email zyrtar pretendon se qindra emigrantë u ndaluan ilegalisht

Në email thuhet se ndalimi i tyre “nuk ishte më i ligjshëm”.

Published

on

Qindra emigrantë janë ndaluar ilegalisht në qendrat e largimit të imigracionit, sipas emaileve të Zyrës së Brendshme të siguruara nga BBC News.

Qendrat e paraburgimit në Manston u përdorën për të mbajtur rreth 450 njerëz – të përshkruar në një email si “të stërmbushura”.

Në email thuhet se ndalimi i tyre “nuk ishte më i ligjshëm”, duke shtuar, “Ne duhet t’i transferojmë ata në hotele sa më shpejt që të jetë e mundur”.

Zyra e Brendshme tha se një numër i paprecedentë i mbërritjeve me varka të vogla kishte bërë “presion të madh” mbi sistemin e azilit.

Zyra tha se “kishte punuar pa u lodhur për të zhvendosur njerëzit në hotele ose akomodime të tjera sa më shpejt që të ishte e mundur”.

Email-i u dërgua më 4 nëntor, një ditë pasi Sekretarja e Brendshme Suella Braverman vizitoi Manston-in mes presionit për të parë mbipopullimin në vend.

Sipas një zinxhiri email-esh, të marra në bazë të Aktit të Lirisë së Informacionit, sekretarët e përhershëm të Zyrës së Brendshme – nëpunësit civilë më të lartë të departamentit – u ndërgjegjësuan për shqetësimet në atë kohë.

Sekretarja e brendshme në hije, Yvette Cooper tha se emailet “demostrojnë se Home Office e dinte se ata po shkelnin ligjin dhe zbuluan se si dështimi i tyre kaotik për të planifikuar çoi në këtë situatë”.

“Nën drejtimin e [zonjës Braverman] Home Office ka humbur kontrollin e sistemit dhe ka krijuar kosto të mundshme të konsiderueshme ligjore për tatimpaguesit”.

Në tetor, u zbulua se rreth 4,000 njerëz po mbaheshin në tenda në Manston, duke çuar në mbipopullim dhe sëmundje.

Nga fillimi i nëntorit, midis 450 dhe 500 azilkërkues ishin zhvendosur në qendrat e largimit të imigracionit si “Manston ‘mbushje'”, sipas emaileve të Home Office./UBTNews/

Bota

Kremlini mirëpret armëpushimin Iran-Izrael: Shpresojmë që të jetë “i qëndrueshëm”

Published

on

By

Kremlini ka mirëpritur lajmin për një armëpushim midis aleatit të tij, Iranit, dhe Izraelit të martën, një ditë pasi ministri i Jashtëm iranian, Abbas Araghchi, u takua me presidentin rus, Vladimir Putin, në Moskë.

Nëse është arritur vërtet një armëpushim, atëherë kjo mund dhe duhet të mirëpritet”, u tha gazetarëve zëdhënësi i Kremlinit, Dmitry Peskov, gjatë konferencës së tij të përditshme të martën.

Kjo është ajo që Federata Ruse ka kërkuar që nga fillimi i këtij konflikti”, tha ai, duke shtuar: “Shpresojmë që ky të jetë një armëpushim i qëndrueshëm.

Irani ka qenë një nga aleatët më të fortë të Rusisë gjatë luftës së saj në Ukrainë dhe Moska menjëherë dënoi sulmet e SHBA-së kundër centraleve bërthamore iraniane të dielën.

Peskov tha se Araghchi “vlerësoi shumë” “qëndrimin e qartë” të Rusisë mbi krizën e Lindjes së Mesme kur u takua me Putinin të hënën.

I pyetur në lidhje me një raport të Reuters, se Araghchi i dorëzoi Putinit një letër nga udhëheqësi suprem Ali Khamenei, duke kërkuar mbështetje shtesë, Peskov mohoi se e kishte bërë këtë, por pranoi se ishin përcjellë mesazhe të caktuara.

“Nuk kishte asnjë dokument të shkruar”, tha Peskov. “Është e vërtetë që pati disa sinjale nga udhëheqja iraniane, por në përgjithësi, raporti i Reuters nuk pasqyron realitetin.”

Peskov shtoi se Irani dhe Rusia nuk diskutuan përgjigjen e Teheranit ndaj sulmeve amerikane gjatë bisedimeve në Moskë.

Continue Reading

Bota

Mbi 600 persona të vrarë nga sulmet izraelite në Iran

Published

on

By

Ministria iraniane e Shëndetësisë njoftoi se të paktën 606 persona janë vrarë dhe 5.332 të tjerë janë plagosur në sulmet izraelite në Iran që nga 13 qershori.

Ministria iraniane deklaroi se gra dhe fëmijë ishin midis viktimave, pa dhënë detaje të mëtejshme.

Izraeli ka nisur sulme ajrore në disa vende në të gjithë Iranin që nga 13 qershori, përfshirë objekte ushtarake dhe bërthamore, duke pretenduar se Teherani ishte në prag të prodhimit të një bombe bërthamore, një pretendim i mohuar me forcë nga Irani.

Ndërsa Irani nisi sulme hakmarrëse me raketa dhe dronë, SHBA-ja iu bashkua konfliktit duke bombarduar tre objekte bërthamore iraniane të dielën.

Pas 12 ditësh luftimesh ajrore midis dy armiqve rajonalë, presidenti i SHBA-së, Donald Trump njoftoi të hënën një armëpushim midis Izraelit dhe Iranit për t’i dhënë fund konfliktit të tyre.

Armëpushimi hyri në fuqi të martën, duke i dhënë fund “luftës 12-ditore”.

Megjithatë, ministri izraelit i Mbrojtjes, Israel Katz, urdhëroi ushtrinë izraelite të martën herët të niste sulme intensive ndaj Teheranit, duke pretenduar se Irani shkeli armëpushimin. Irani e mohoi pretendimin, duke u zotuar për një përgjigje të vendosur ndaj çdo sulmi të ri.

Sipas shifrave izraelite, të paktën 29 persona janë vrarë dhe qindra të tjerë janë plagosur në sulmet me raketa iraniane.

Continue Reading

Bota

Trump i bën thirrje Izraelit që mos ta sulmojë Iranin

Published

on

By

Presidenti i SHBA-së, Donald Trump, i ka bërë thirrje Izraelit që mos ta sulmojë Iranin dhe sipas tij nëse ndodh do të jetë një shkelje e rëndë.

Trump bëri një deklaratë në llogarinë e mediave sociale Truth Social në lidhje me armëpushimin midis Iranit dhe Izraelit.

“Izrael, mos i hidh ato bomba (mbi Iranin). Nëse i hedh, kjo do të jetë një shkelje e rëndë. Ktheni menjëherë pilotët tuaj.”, shkroi presidenti amerikan Trump.

Continue Reading

Bota

OKB do të zhvendosë stafin nga Irani për shkak të shqetësimeve për sigurinë

Published

on

By

OKB-ja ka konfirmuar se disa nga stafi i saj ndërkombëtar dhe personat në varësi të tyre do të largohen nga Irani, pas konfliktit midis Teheranit dhe Izraelit.

Duke folur në Gjenevë të martën, Alessandra Vellucci, drejtoresha e Shërbimit të Informacionit të OKB-së, refuzoi të komentonte mbi numrin e personave të prekur.

OKB-ja ka vendosur të zhvendosë përkohësisht disa personel ndërkombëtar jo-kritik për programin, si dhe personat në varësi të personelit ndërkombëtar”, tha Vellucci.

Continue Reading

Të kërkuara