Kulturë

Brikena Sopi me dramën “Hekurudha” fiton çmimin “Katarina Josipi”

Çeku tha se ky është një çmim meritor.

Published

on

Çmimi për dramë origjinale shqipe “Katarina Josipi” iu nda dramaturges Brikena Sopit me dramën “Hekurudha”. Dramë kjo e cila trajton historinë e të qenurit grua në një shoqëri në tranzicion.

Në ceremoninë e ndarjes së çmimit nga Ministria e Kulturës, Rinisë dhe Sportit (MKRS), ministri i këtij dikasteri, Hajrulla Çeku tha se ky është një çmim meritor.

“Falënderoj shumë jurinë që ka bërë një punë të mirë dhe ka ndërruar praktikën në bazë të standardit që vendos me mbajt edhe ky standard është shumë i mirëseardhur dhe besoj që kjo na nxit tash e tutje me pa këtë punë jo vetëm si një formalitet por si një vlerësim cilësorë dhe meritorë për punën e artistëve.(07:16)Këtë çështjen e çmimeve që i ndan ministria e përfunduam një pjesë të detyrimit që e kemi dhe e kemi këtë si një lloj instrumenti na e nxit krijimtarinë fisnike jo vetëm të i shpërblejmë më të mirët dhe besoj që këto janë momente përmes të cilave përveç që i identifikojmë dhe nxisin talentë në artë “, ka thënë Çeku.

Fituesja e këtij çmimi, Brikena Sopi tha se është nder për të zgjidhet më e mira në garën për çmimin “Katerina Josipi”.

Brikena Sopi, fituesja e këtij çmimi tha se për të është një nder që është fituese e këtij çmimi por nuk lë anash as duke falënderuar edhe Ministrinë që po i shtyjnë përpara konkurset e dramave.

“Është shumë nder i madh për mua me pranua një çmim të tillë sidomos për mua që jam një dramaturkë e re dhe sapo e kam fillua rrugëtimin tim artistikë. Dua ta përgëzojë Ministrinë e Kulturës njëkohësisht me falënderua që shtyu përpara konkursin e ‘Katerina Josipi’ sepse është një konkurs i cili po promovon drama shqipe dhe besoj që duhet të promovohet drama shqipe sepse ne kemi autorë, ne kemi tema”, thotë ajo.

Një nga anëtarët e jurisë Dorentina Basha tregoi se drama “Hekurudha” është një dramë psikologjike me qasje moderne, e cila trajton shoqërinë e ngujuar të kaluarës dhe të ardhmes.

“Drama ‘Hekurudha’ është një dramë psikologjike e cila me plocizitet po thuajse matematikorë në një ambiente minimalistë dhe me në qasje moderne trajton fërkimet në mes traditës moderne, gjinisë, familjes dhe individit brenda një shoqërie të ngujuar në mes të kaluarës dhe të ardhmes. Drama ofron një vështrim unik në botën e dy grave, dy gjeneratave që shpalosin në mënyrë elegante përmes dialogut ritmik gati muzikorë me një tension dramatik që me besnikëri përçon ndjenjën e të qenit grua në një shoqëri me tranzicion pavarësisht kontekstit kulturor apo momentit historik”, shton ajo.

Edhe Shefqet Gjocaj, zëvendësdrejtor artistik në Teatrin Kombëtar të Kosovës po ashtu pjesë e jurisë tha se drama në fjalë që nga fillimi ka qenë drama e pëlqyer dhe fituese e konkursit.

Kulturë

Petrit Halilaj fiton çmimin prestigjioz Nasher 2027 për skulpturë

Published

on

Artisti shqiptar Petrit Halilaj është shpallur fitues i Çmimit Nasher 2027 në Dallas, duke u njohur për arritjet e tij të jashtëzakonshme në fushën e skulpturës.

Vlerësimi i rëndësishëm i Qendrës për Skulpturë Nasher iu dorëzua më 2 tetor 2025 dhe shoqërohet me një çmim prej 100,000 dollarësh, që Halilaj ka vendosur ta dhurojë për Fondacionin e tij jofitimprurës, Hajde!, të bashkëthemeluar me kuratoren Hana Halilaj.

Halilaj rikujton fillimet e tij të vështira: në moshën 12-vjeçare, gjatë luftës së Kosovës në 1999, familja e tij u detyrua të largohej nga fshati i djegur dhe të shkonte në një kamp refugjatësh në Shqipëri.

Një psikolog në kamp i sugjeroi të merrej me vizatim si mënyrë shprehjeje krijuese, çka më vonë do ta udhëhiqte drejt një karriere ndërkombëtare në artin bashkëkohor.

Gazeta New York Times raporton se çmimi i Halilajt vjen pas një serie ekspozitash të shquara, përfshirë porosinë e vitit të kaluar në çatinë e Muzeut Metropolitan të Artit dhe ekspozitën personale në Hamburger Bahnhof në Berlin, e cila u hap në shtator.

Halilaj ka deklaruar se donacioni do të shkojë për Fondacionin Hajde!, që ka për qëllim rindërtimin e Shtëpisë së Kulturës së Kosovës, e shkatërruar gjatë luftës.

“Jam i fokusuar tek rihapja e saj, dhe ky çmim do të sigurojë përparimin e projektit,” tha artisti, duke parashikuar rikthimin e qendrës brenda dy viteve, pothuajse tre dekada pas shkatërrimit.

Carlos Basualdo, drejtori i Qendrës së Skulpturës Nasher, e vlerësoi punën e Halilajt:

“Veprat e tij janë jehonore sot për përkushtimin ndaj humanitetit të përvojës së jetuar dhe për mënyrën se si krijon hapësira takimi që tejkalojnë kufijtë artistikë, kulturorë dhe gjeografikë.” /A.Z/UBT News/

Continue Reading

Kulturë

“Art” rrugëtoi edhe në Tetovë, kjo ishte atmosfera e premierës

Published

on

Mbrëmjen e 2 tetorit, Teatri i Tetovës mirëpriti shfaqjen teatrale “Art”, një nga veprat më të njohura dhe të vlerësuara të teatrit bashkëkohor.

Premiera filloi në ora 19:00 duke ofruar një përvojë teatrale të pasur me humor, emocione dhe reflektime mbi miqësinë, perceptimin e artit dhe marrëdhëniet njerëzore.

“Art” vepër me me autore Yasemina Reza dhe regjisor, Bashkim Ramadani, kurse Kreshnike Osmani është asistente e regjisë dhe dramaturge Zoga Çeta Çitaku.

 Kjo shfaqje me aktorët: Ard Islami, Ylber Bardhi e Butrint Lumi paraqet miqësinë që përplaset kur arti sfidon çdo perceptim, dhe a mund të mbijetosh në një botë ku vlerat janë të ndryshme.

Përndryshe, adhuruesit e teatrit u argëtuan me shfaqjen në skenën e Teatrit të Tetovës. /A.Z/UBT News/

 

Continue Reading

Kulturë

Orkestra shqiptare ngjitet për herë të parë në skenën prestigjioze të Bolonjës

Published

on

Orkestra Simfonike e Teatrit Kombëtar të Operës dhe Baletit do të ngjitet për herë të parë në skenën prestigjioze të Teatro Auditorium Manzoni në Bolonjë, Itali, si pjesë e Festivalit Respighi Bologna 2025, një nga festivalet më të rëndësishme muzikore në Evropë.

Ky festival është i pari rezident i kushtuar Ottorino Respighi-t, një prej kompozitorëve më të shquar italianë të shekullit të 20-të.

Debutimi i orkestrës shqiptare më 13 tetor 2025 do ta vendosë atë në qendër të vëmendjes së një audience ndërkombëtare.

Orkestrën do ta dirigjojë spanjolli Sergio Alapont, ndërsa violinisti i talentuar Giuseppe Gibboni do të performojë si solist.

Në program janë përfshirë:

Nikolaj Rimskij-Korsakov – Ouverture, op. 28

Niccolò Paganini – Koncerti për violinë nr. 2 në si minor, op. 7 (solist Giuseppe Gibboni)

Sergej Rachmaninov / Ottorino Respighi – Cinq Études-tableaux, P 160

Igor Stravinskij – Suite nga L’Uccello di fuoco (The Firebird)

Përpara debutimit në Itali, orkestra do të prezantojë të njëjtin program për publikun shqiptar më 9 tetor 2025 në Teatrin Kombëtar të Operas dhe Baletit në Tiranë, duke shënuar një ngjarje të jashtëzakonshme për skenën muzikore shqiptare.

Violinisti Giuseppe Gibboni do të performojë menjëherë pas dy shfaqjeve të tij me Orkestrën Filarmonike të Teatrit “La Scala” të Milanos.

Në këtë projekt do të përfshihen edhe instrumentistë të rinj të Orkestrës Simfonike të Forcave të Armatosura, duke dhënë një kontribut të veçantë në performancën e orkestrës.

Si festival rezident, Festival Respighi është i fokusuar në jetën dhe veprën e kompozitorit italian, duke e zhvilluar brenda vendit të tij të lindjes dhe në kontekstin e kulturës që e frymëzoi. /A.Z/UBT News/

Continue Reading

Kulturë

Sonte mbrëmje klasike me “Orchestra of Campania” në Mitrovicë

Published

on

Sonte, në Muzeun e Mitrovicës, nga ora 19:00, publiku do të ketë mundësinë të shijojë një performancë të veçantë me “Orchestra of Campania”, nën drejtimin e dirigjentit të njohur italian, Leonardo Quadrini.

Koncerti, i organizuar nga Akademia Ndërkombëtare e Pianos në Ballkan, do të sjellë në skenë soprano Federica D’Antonino, mezzo-soprano Orsolla Russo, tenor Giuseppe Maiorano dhe bass Giuseppe Montanaro, të cilët do të interpretojnë veprat e kompozitorit austriak Sigismond Thalberg, një nga pianistët më virtuozë të shekullit të 19-të.

Ky aktivitet zhvillohet në kuadër të Mitrovica Piano Fest dhe përkrahet nga Drejtoria për Kulturë, Rini dhe Sport në Mitrovicë, duke ofruar një mbrëmje muzikore të paharrueshme për të gjithë adhuruesit e muzikës klasike. /A.Z/UBT News/

Continue Reading

Të kërkuara