Lajmet

Brenda burgut ku ish-të burgosurit, tani janë roje!

Published

on

Luftëtarët talibanë tani drejtojnë burgun Pul-e Charkhi, i cili konsiderohet burg i sigurisë së lartë në periferi të Kabulit, transmeton UBT News.

Shtetet e Bashkuara e përdorën atë gjatë pranisë së tyre në Afganistan. Kompleksi u quajt “Guantanamo” dhe kishte mbajtur aty rreth 2.500 luftëtarë talibanë të dënuar.

Tani ata janë roje, dhe kështu ata ftuan gazetaren e Euronews për një turne brenda burgut.

Shumica e qelive janë bosh. Ato nga talibanët shihen si “përkujtuese e poshtërimit dhe padrejtësisë që vuajtën në të kaluarën”.

Ata thonë se qelitë ishin të stërmbushura dhe mënyren se si mbaheshin të burgosurit e përshkruajtën me fjalën ‘e neveritshme’‘!

Tani që talibanët kanë marrë Afganistanin, ata thonë se ka rreth 60 të burgosur në këtë kompleks dhe se ata po trajtohen në mënyrë të drejtë.

Ne po përpiqemi t’i mbajmë të ulëta nivelet e krimit. Dhe masat do të shpallen brenda një jave apo më shumë“, thotë drejtori i burgut, Sharafatullah Hozaifa, i cili thotë se ka qenë një taliban që nga fillimi i lëvizjes.

Gjithçka është falur dhe është koha për një kapitull të ri. Ne nuk duam hakmarrje.
Amnistia është shpallur. Të gjithë afganët që ishin ushtarë ose policë u falën
“, tha ai.

Megjithatë gjatë vizitës së gazetares në burg, të burgosurit treguan një histori tjetër. Sipas 22 vjeçarit Mohamad, ai dhe katër persona u rrahën nga një ushtar taleban pas një mosmarrveshjeje kur atij iu kishte kërkuar të paguanin 250 para afgane më shumë për një pulë në një hotel.

Ai dhe të tjerët po e vazhdojnë dënimin e tij.

Ne duam të jemi me familjet tona. Ne nuk jemi kriminelë. Ata nuk kanë asnjë provë për krimet tona” shtoi ai.

Burimi: Euronews
Përktheu dhe përshtati: UBT News

Kronikën e plotë e gjeni më poshtë:

Lajmet

Rama: Refuzimi për ta çuar PZHK-në në shqyrtim publik mohon të drejtën e qytetarëve

Published

on

By

Kryetari i Prishtinës, Përparim Rama, ka paralajmëruar se mosvotimi i nxjerrjes në shqyrtim publik të Planit Zhvillimor Komunal (PZHK) përbën një mohim të së drejtës së qytetarëve për pjesëmarrje në vendimmarrje.

“Sot votohet për transparencë të plotë”, deklaroi Rama, duke theksuar se votimi nuk është për miratim të planit, por për ta bërë dokumentin publik dhe të hapur për koment nga qytetarët.

Sipas tij, pas një viti e gjysmë bllokimesh, procesi po vazhdon të pengohet nga ata që nuk duan transparencë dhe përfshirje qytetare.

Ndërkohë, opozita kryesore në Prishtinë, Lëvizja Vetëvendosje, ka njoftuar se nuk do të marrë pjesë në seancën e sotme, duke e cilësuar planin si të paligjshëm.

Continue Reading

Lajmet

Murati: Kosova me rritjen më të shpejtë ekonomike në Evropë në vitin 2025

Published

on

By

Ministri në detyrë i Financave, Hekuran Murati, ka deklaruar se Kosova pritet të ketë rritjen ekonomike më të shpejtë në Evropë gjatë vitit 2025, sipas parashikimeve të Fondit Monetar Ndërkombëtar (FMN).

Përmes një postimi në Facebook, sipas Muratit kjo rritje është rezultat i reformave të ndërmarra gjatë katër viteve të fundit, të cilat janë vlerësuar pozitivisht nga Banka Botërore dhe FMN-ja.

Ai përmendi takimet e fundit me zëvendëspresidentin e Bankës Botërore, Akihiko Nishio, dhe me misionin e FMN-së të udhëhequr nga David Amaglobelli, gjatë të cilave Kosova është përgëzuar për performancën ekonomike dhe maturinë fiskale.

“Rezultatet e punës së mirë 4-vjeçare mund të mos shihen menjëherë, por sigurisht që herët a vonë do të vërehen”, ka shkruar Murati, duke shtuar se megjithatë ka ende shumë punë për të bërë.

Continue Reading

Lajmet

Avokati i familjes Lika: Të përmbahemi nga hamendjet, drejtësia s’duhet të ndikohet

Published

on

By

Avokati Arianit Koci, i angazhuar nga familja e rreshterit të ndjerë Muhamet Lika, i ka bërë thirrje publikut dhe mediave që të shmangin komentet e pabazuara lidhur me rastin e vrasjes së pjesëtarit të Policisë së Kosovës në Kaçanik.

Në një deklaratë publike, Koci theksoi se deri në këtë fazë të hetimeve nuk ka asnjë cilësim zyrtar që e ndërlidh rastin me terrorizmin apo ndonjë grup me motive religjioze.

“Drejtësia nuk lejohet të ngatërrohet me hamendje. As Policia e as Prokuroria nuk kanë konstatuar ndonjë lidhje me ndonjë grup terrorist”, u shpreh ai.

Avokati shtoi se nëse gjatë hetimeve dalin të dhëna të reja, opinioni publik do të njoftohet zyrtarisht. Ai e cilësoi vrasjen si një akt makabër dhe tha se autorët do të përballen me drejtësinë.

Continue Reading

Lajmet

86 aksidente trafiku dhe mbi 2 mijë gjoba në 24 orët e fundit

Published

on

By

Policia e Kosovës ka raportuar se brenda 24 orëve të fundit janë regjistruar gjithsej 86 aksidente trafiku. Nga to, një ka rezultuar me fatalitet, 25 me lëndime trupore dhe 61 me dëme materiale.

Gjatë kësaj periudhe, janë shqiptuar gjithsej 2,241 gjoba për shkelje të rregullave në komunikacion.

Po ashtu, policia ka arrestuar 26 persona, ndërsa 15 janë dërguar në mbajtje.

Continue Reading

Të kërkuara