Aktualitet

BQK shënon Javën Ndërkombëtare të Parasë

Published

4 years ago

on

Përkundër situatës së krijuar nga Pandemia, Banka Qendrore e Republikës së Kosovës ka nisur organizimet në kuadër të Javës Ndërkombëtare të Parasë.

Me gjithë sfidat e vazhdueshme që solli COVID-19, BQK-ja është e angazhuar në nxitjen dhe ruajtjen e stabilitetit financiar në vend dhe duke pas parasysh se sektori financiar është një ndër kontribuesit kryesorë në ekonominë e Kosovës, Edukimit Financiar po vazhdon t’i kushtojë rëndësi të veçantë.

Përmes punës dhe angazhimit në avancimin e edukimit financiar, qytetarët kanë arritur të përmirësojnë njohuritë e tyre rreth koncepteve ekonomike e financiare, produkteve, shërbimeve, sfidave e rreziqeve, përmes marrjes së informacioneve, zhvillimit të aftësive dhe shprehive të tyre për të bërë zgjedhje të duhura dhe ndërmarrë veprime efektive për të përmirësuar mirëqenien e tyre financiare.

Java Ndërkombëtare e Parasë është një fushatë vjetore globale e ndërgjegjësimit për fëmijë dhe të rinj, në mënyrë që në moshë të hershme të sigurohen, të fitojnë njohuritë, aftësitë, qëndrimet dhe sjelljet e nevojshme për të marrë vendime të duhura financiare. Kjo fushatë apo aktivitet shënohet në mbarë botën nga institucionet financiare, në mënyra të ndryshme, derisa motoja e kësaj Jave, këtë vit është “Kujdesu për veten, kujdesu për paratë tua”, e cila përmban një mesazh që vjen si ndikim i pandemisë në të gjithat fushat e jetës.

“Ngritja e numrit të rasteve me Covid-19, posaçërisht javët e fundit, ka ndikuar që të ndryshojmë agjendën tonë të paraparë për këtë Javë dhe t’i përshtatemi respektimit të rregullave të përcaktuara për Pandeminë. Sot do të shënojmë hapjen e kësaj Jave me grupe të vogla nxënësish, të cilët do të vizitojnë BQK-në. Të njëjtit kanë marrë pjesë në garën e BQK-së për Ese, me temën e Edukimit Financiar dhe që janë përzgjedhur si Esetë më të mira, për të cilët do të ndajmë disa çmime simbolike. Pastaj do të vazhdohet gjatë javës me ligjërata e  aktivitete të tjera virtuale në pamundësi të realizimit të aktiviteteve të parapara. Një aktivitet tjetër për të cilin dëshiroj t’i ftoj nxënësit e shkollave të mesme që të marrin pjesë, është që sot ne kemi shpallur një konkurs për Ese me temën e motos së kësaj Jave ”Kujdesu për veten kujdesu për paratë”, i cili do të qëndrojë i hapur për një muaj, ku tri Esetë më të mira do t’i fitojnë 3 çmime. Qëllimi i këtij konkursi është që të nxitim të rinjtë e shkollave të mesme që të jenë më të informuar e edukuar rreth temave ekonomike e financiare”, ka thënë Guvernatori i BQK-së Fehmi Mehmeti në lansimin e kësaj jave.

BQK-ja nga viti 2013 është pjesë e këtij organizimi, i cili tashmë drejtohet nga Organizata për Bashkëpunim Ekonomik dhe Zhvillim (OECD). BQK organizon ngjarje e aktivitete të ndryshme me qëllim që të ndikojë në nxitjen e fëmijëve dhe të rinjve që të fitojnë njohuri ekonomike e financiare të cilat do t’ju nevojiten gjatë tërë jetës.

Qëllimi i Programit të Edukimit Financiar të BQK-së është që në aktivitetet dhe materialet edukative të përfshijë të gjitha grup-moshat e qytetarëve të Kosovës, megjithatë fokus primar ka nxënësit e të gjitha niveleve të arsimit në Kosovë. 

Vlen të përmendet një nga projektet konkrete që ka nisur BQK-ja dhe që lidhet me institucionalizimin e bashkëpunimit reciprok në fushën e edukimit financiar që vjen pas nënshkrimit të memorandumit me Ministrinë e Arsimit dhe Shkencës në tetorin e vitit të kaluar.

“Po ashtu jemi dakorduar për mundësinë e përfshirjes së edukimit financiar në kurrikulën shkollore dhe konkretisht kemi përgatitur koleksionin prej 5 librash për klasat e I deri V, i cili planifikohet të shpërndahet posa të na lejojnë kushtet e pandemisë dhe  do të mësohen në kuadër të lëndës “Shkathtësi për jetë”. Përfshirja e edukimit financiar në kurrikulën zyrtare shkollore njihet si një nga mënyrat më efikase, të qëndrueshme, afatgjate dhe të duhura për të arritur që njohuritë dhe shkathtësitë financiare, të mësohen nga një gjeneratë e tërë dhe në nivel vendi. Po ashtu kemi një numër projektesh në proces, për të cilat do të informoheni me kohë, të cilat konsideroj  që do të kontribuojnë në të mirën e qytetarëve dhe në marrjen e vendimeve të duhura financiare kundrejt produkteve dhe shërbimeve financiare. Gjithashtu, dua t’ju informoj që të gjitha aktivitetet materialet dhe konkurset në vazhdimësi i promovojmë edhe në faqen zyrtare apo në rrjetet sociale të BQK-së, andaj i ftoj fëmijët, nxënësit dhe të rinjtë që të na përcjellin qoftë përmes tyre”, ka thënë tutje Guvernatori Mehmeti.

BQK organizoi një ngjarje me rastin e hapjes së Javës së parasë për vitin 2021, ku ndau çmimet për nxënësit fitues të garës për Esenë më të mirë për Edukim Financiar. Konkursi ka qenë i dedikuar për nxënësit e shkollave fillore, konkretisht klasa VI deri IX dhe janë ndarë gjithsej 10 çmime. Nxënësit fitues të këtyre çmimeve janë si ne vijim:

Çmimi i parë: Qëndresa Peci, klasa: VIII, SHFMU “Isa Boletini”, Boletin ,Zveçan; Çmimi i dytë: Erona Peci, klasa: VIII, SHFMU “Isa Boletini”, Boletin, Zveçan; Çmimi i tretë: Erina Musliu,  klasa IX/4, SHFMU  “Mihal Grameno”, Fushë Kosovë; Çmimi i katërt: Enda Imeri, klasa VIII/1, SHFMU “Ibrahim Rugova”, Podujevë, Çmimi i pestë: Erdonit Jusufi, klasa VII, SHFMU “Dëshmorët e Kombit”, Lagjja Malësia, Kamenicë; Çmimi gjashtë: Adora Alidemaj, Klasa VIII B, Shkolla ISP (International School of Prishtina), Prishtinë, Çmimi i shtatë: Era Xërxa, klasa VII/2, SHFMU “Eqrem Çabej”, Mitrovicë, Çmimi i tetë: Ema Boqolli, klasa VII/3, SHFMU “Asdreni”, Pejë, Çmimi i nëntë: Hena Perjuci, klasa VIII/1, SHFMU “Eqrem Çabej”, Mitrovicë,  Çmimi i dhjetë: Etrid Thaçi, klasa IX, SHFMU “Metush Krasniqi”, fshati Rogoçicë, Kamenicë.

Banka Qendrore e Republikës së Kosovës në kuadër të edukimit financiar dhe me qëllim të shënimit të Javës Ndërkombëtare të Parasë, fton nxënësit e shkollave të mesme të Kosovës, të marrin pjesë në konkursin për esenë më të mirë në fushën e financave dhe ekonomisë.

Në kuadër të Javës Ndërkombëtare të Parasë, Banka Qendrore e Republikës së Kosovës ka hapur konkursin për esenë më të mirë në fushë e financave dhe ekonomisë.

Related Topics:
Continue Reading

Bota

Gjykata Supreme miraton ligjin që e ndalon TikTok-un në SHBA

Published

1 day ago

on

January 17, 2025

By

Gjykata Supreme e Shteteve të Bashkuara të Amerikës të premten vendosi njëzëri që të miratojë ligjin federal që e ndalon TikTok-un duke filluar nga e diela, përveçse nëse shitet nga kompania e saj amë me bazë në Kinë.

Gjykata argumentoi se rreziku për sigurinë kombëtare i shkaktuar nga lidhjet me Kinën tejkalon shqetësimet për kufizimin e lirisë së shprehjes nga aplikacioni ose 170 milionë përdoruesit e tij në Shtetet e Bashkuara, raporton AP.

Shitja nuk duket se është afër dhe, megjithëse ekspertët kanë thënë se aplikacioni nuk do të zhduket nga telefonat e përdoruesve ekzistues pasi ligji të hyjë në fuqi më 19 janar, përdoruesit e rinj nuk do të jenë në gjendje ta shkarkojnë atë e as të përditësojnë.

Kjo, eventualisht, do ta bëjë aplikacionin të papërdorshëm, ka thënë Departamenti i Drejtësisë në dokumentet gjyqësore.

Presidenti i zgjedhur,Donald Trump, premtoi se mund të negociojë për një zgjidhje, kurse administrata e presidentit Joe Biden ka sinjalizuar se nuk do ta zbatojë ligjin duke filluar nga e diela, dita e tij e fundit e plotë në detyrë.

Trump, i vetëdijshëm për popullaritetin e TikTok-ut dhe për 14.7 milionë ndjekësit e tij në këtë aplikacion, gjendet në anën e kundërt të argumentit nga republikanët e njohur të Senatit, të cilët fajësojnë pronarin kinez të TikTok-ut për mosgjetjen e një blerësi deri tani.

Nuk është e qartë se cilat opsione do të jenë të hapura për Trumpin pasi të betohet si president të hënën.

Reuters raporton se Ligji për TikTok-un i jep presidentit autoritetin për të dhënë një zgjatje të vetme deri në 90 ditë për afatin e shitjes, nëse ai vërteton se ekziston një rrugë dhe prova për përparim drejt një shitjeje, duke përfshirë “marrëveshje ligjore të detyrueshme”, të cilat ligji nuk i përcakton.

Aplikacioni u mundëson përdoruesve të shikojnë qindra video brenda rreth gjysmë ore, pasi disa prej tyre janë vetëm disa sekonda të gjata, sipas një padie të ngritur vitin e kaluar nga shteti i Kentakit, ku pretendohet se TikTok-u është i dizajnuar për të krijuar varësi dhe dëmton shëndetin mendor të fëmijëve. Padi të ngjashme janë ngritur nga më shumë se një duzinë shtetesh. TikTok-u i ka quajtur këto pretendime të pasakta.

Mosmarrëveshja mbi lidhjet e TikTok-ut me Kinën ka marrë formën e konkurrencës gjeopolitike ndërmjet Uashingtonit dhe Pekinit./REL/

Continue Reading

Bota

​Gaza, dhjetëra të vrarë nga sulmet izraelite që nga shpallja e marrëveshjes së armëpushimit

Published

1 day ago

on

January 17, 2025

By

Të paktën 99 palestinezë kanë humbur jetën në sulmet ajrore që Izraeli ka kryer në Rripin e Gazës pas njoftimit të armëpushimit më 15 janar.

Sipas agjencisë zyrtare palestineze të lajmeve WAFA, Izraeli me sulmet e tij ajrore që vazhdon në Rripin e Gazës bombardoi disa shtëpi dhe tendat ku qëndronin palestinezët e zhvendosur, transmeton Anadolu.

Nëntë persona humbën jetën dhe shumë të tjerë u plagosën si pasojë e bombardimit izraelit ndaj një shtëpie në rajonin Jabalia në veri të Rripit të Gazës.

Gjithashtu avionët luftarakë izraelitë bombarduan shtëpinë e familjes “Berke” në qytezën Absan që ndodhet në lindje të qytetit Khan Yunis në jug të Rripit të Gazës. Në sulm humbën jetën të paktën 5 palestinezë ndërsa u plagosën shumë të tjerë.

Edhe në sulmin e kryer ndaj një tende në perëndim të Khan Yunis, humbën jetën 2 palestinezë. Po ashtu një person ka humbur jetën në sulmin e kryer ndaj një tende në kampin e refugjatëve Nuseirat në pjesën qendrore të Rripit të Gazës.

Një person tjetër ka humbur jetën në sulmin me mjete ajrore pa pilot (dronë) që ushtria izraelite kreu në afërsi të bulevardit Salahaddin.

Gjithashtu ushtria izraelite kreu 3 sulme ajrore edhe ndaj rajonit Jabalia në veri të Rripit të Gazës në të cilën ai vazhdon bllokadën e rreptë.

Sipas informacioneve të marra nga burimet lokale, në sulmet që Izraeli ka kryer pas njoftimit të armëpushimit në Gaza kanë humbur jetën 99 palestinezë, përfshirë 23 fëmijë dhe 27 gra.

– Marrëveshja për armëpushim dhe shkëmbimin e pengjeve mes Izraelit dhe Hamasit

Katari, një nga vendet ndërmjetësuese më 15 janar njoftoi se Izraeli dhe Hamasi arritën një marrëveshje për një armëpushim dhe shkëmbimin e pengjeve në Gaza.

Marrëveshja do të hyjë në fuqi të dielën, më 19 janar. Në 42 ditët e para të marrëveshjes së armëpushimit që përbëhet nga 3 faza, do të lirohen 33 pengje izraelite.

Marrëveshja krahas mbërritjes së ndihmës humanitare për Rripin e Gazës në mënyrë gjithëpërfshirëse, përfshin edhe rikthimin në territoret e tyre për palestinezët e zhvendosur.

Detajet e fazës së dytë dhe të tretë do të shpallen sapo të përfundojë faza e parë.

Në sulmet e Izraelit në Rripin e Gazës që nga 7 tetori 2023 e deri më tani janë vrarë 46.788 palestinezë, përfshirë rreth 17.841 fëmijë dhe 12.298 gra, ndërsa janë plagosur 110.453 persona të tjerë.

Continue Reading

Bota

Biden fal 2500 të dënuar për vepra jo të dhunshme të lidhur me drogën

Published

1 day ago

on

January 17, 2025

By

Presidenti i SHBA-së Joe Biden ka falur gati 2500 persona të dënuar për vepra jo të dhunshme të lidhura me drogën, tre ditë para se t’ia dorëzonte detyrën Presidentit të zgjedhur Donald Trump.

Biden tha se të dënuarit “vunë dënime më të gjata se sa do të kishin marrë sipas ligjeve aktuale” dhe se lëvizjet e tij do të korrigjonin “padrejtësitë historike”.

Ai njoftoi se ka lëshuar më shumë falje individuale se çdo president tjetër në historinë e SHBA.

Vendimi erdhi pasi Biden më parë fali 37 nga 40 të dënuarit me vdekje dhe lëshoi ​​falje në dhjetor, duke përfshirë një për djalin e tij, Hunter Biden.

Biden tha se faljet zbatohen për njerëzit “të cilët morën dënime të gjata për shkak të dallimeve të vjetruara midis kokainës krak dhe kokainës pluhur”.

Continue Reading

Bota

Rusia dënon me burg tre avokatët e Alexei Navalny

Published

1 day ago

on

January 17, 2025

By

Tre avokatë që mbrojtën liderin e opozitës ruse, Alexei Navalny, janë dënuar me burgim deri në pesë vjet e gjysmë me akuzat për pjesëmarrje në një “organizatë ekstremiste”. Vadim Kobzev, Igor Sergunin dhe Alexei Liptser u arrestuan në tetor 2023, pasi autoritetet ruse intensifikuan presionin ndaj kritikëve të Kremlinit.

Ata u akuzuan për “përdorim të statusit të tyre” për të transmetuar mesazhe midis Navalny dhe kolegëve të tij. Gjyqi i tyre u zhvillua në një seancë me dyer të mbyllura në Petushki, një qytet afër Moskës, dhe dënimet u shpallën në kundërshtim me procedurat standarde të drejtësisë, sipas avokatëve të mbrojtjes. Igor Sergunin pranoi akuzën dhe mori një dënim më të lehtë prej tre vjet e gjysmë, ndërsa Alexei Liptser dhe Vadim Kobzev u dënuan me pesë vjet dhe pesë vjet e gjysmë respektivisht.

Avokati i Kobzevit, Andrei Grivtsov, theksoi se prova të tilla përbëjnë një shkelje të privatësisë dhe se përgjimi i komunikimeve midis një avokati dhe klienti është i paligjshëm. Navalny, i cili vdiq në një koloni burgu Arktik pas një periudhe të gjatë vuajtjesh dhe përndjekjeje, kishte akuzuar Kremlinin për vrasjen e tij, duke e cilësuar atë si një akt të hakmarrjes politike nga ana e presidentit Vladimir Putin./UBTNews/

 

Continue Reading

Të kërkuara