Bota

Botsvana, 58 vjet sundimi përfundon me rrëzimin e Partisë Demokratike!

Published

on

Partia Demokratike e Botsvanës (BDP), e cila ka mbajtur pushtetin për 58 vjet, është rrëzuar nga votuesit në zgjedhjet e fundit, duke shënuar një kthesë historike për vendin. BDP, e cila u krijua pas shpalljes së pavarësisë së Botsvanës në vitin 1966, arriti të sigurojë vetëm një vend në parlament, një rezultat që detyroi Presidentin Mokgweetsi Masisi të pranojë humbjen dhe të angazhohet për një “tranzicion të qetë” të pushtetit.

Rezultatet e para tregojnë se koalicioni opozitar, Umbrella for Democratic Change (UDC), i udhëhequr nga avokati për të drejtat e njeriut Duma Boko, doli fitues, duke siguruar 25 vende parlamentare. Me projeksionet që sugjerojnë se ata do të kalojnë pragun e 31 vendeve të nevojshme për shumicën, UDC është e gatshme të formojë qeverinë e ardhshme. Po ashtu, Fronti Patriotik i Botsvanës (BPF), i lidhur me ish-Presidentin Ian Khama, dhe Partia e Kongresit të Botsvanës (BCP) gjithashtu shënuan fitore, duke marrë përkatësisht pesë dhe shtatë vende. Kjo përbën një shumicë të rëndësishme për partitë opozitare dhe një disfatë të qartë për BDP-në.

Festimet e mbështetësve të UDC-së shpërthyen në kryeqytetin Gaborone, ndërsa vendi pret rezultatet zyrtare nga Komisioni i Pavarur Zgjedhor. Suksesi i UDC-së është atribuor sfidave ekonomike dhe papunësisë së lartë që kanë minuar popullaritetin e BDP-së. Thirrja e Masisit për “ndryshim” nuk arriti të bindë votuesit, duke ilustruar kështu një transformim të rëndësishëm në skenën politike të Botsvanës.

Botsvana, e njohur për pasuritë e saj me diamante, është ndër vendet më të qëndrueshme politikisht dhe ekonomikisht në Afrikën e Jugut. Sipas raporteve të FMN-së dhe UNDP-së, ekonomia e saj mbështetet kryesisht në industrinë e diamanteve, e cila përbën rreth 70% të eksporteve dhe ka kontribuar në rritjen ekonomike që nga pavarësia. Megjithatë, vendi përballet me sfida të rëndësishme, përfshirë nevojën për diversifikimin e ekonomisë dhe uljen e varësisë nga burimet natyrore.

Kohët e fundit, rritja ekonomike ka qenë e ngadalësuar dhe papunësia, veçanërisht ndër të rinjtë, mbetet një problem serioz. Pavarësisht përpjekjeve për zhvillimin e sektorëve të tjerë si turizmi dhe bujqësia, rezultatet kanë qenë të kufizuara. Edhe pse Botsvana ka bërë përparime në arsimin dhe shëndetësinë, ajo vazhdon të përballet me pabarazi dhe sfida në përballimin e HIV/AIDS, që ka një përhapje të lartë në vend./Euronews/

 

Bota

Shefi i NATO-s, Rutte paraqet planin e rritjes së shpenzimeve për mbrojtjen

Published

on

By

Shefi i NATO-s, Mark Rutte, u ka propozuar anëtarëve të aleancës të rrisin shpenzimet e mbrojtjes në 3.5% të PBB-së dhe të shpenzojnë 1.5% të tjera për artikuj të tjerë që lidhen me mbrojtjen, për të përmbushur kërkesën e Donald Trump për një objektiv prej 5%, thanë për Reuters njerëz të njohur me idenë.

Propozimi i Rutte mund t’i lejojë presidentit amerikan të shpallë një fitore në një samit të NATO-s në Hagë në qershor, ndërkohë që nuk i angazhon vendet evropiane dhe Kanadanë për një premtim prej 5% për shpenzimet thelbësore të mbrojtjes, të cilin shumë e shohin si të paqëndrueshëm politikisht dhe ekonomikisht.

Continue Reading

Bota

Kina shqyrton ofertat e SHBA, Ministria e Tregtisë: Pekini i hapur për bisedime

Published

on

By

Pekini po shqyrton qasjet e ndryshme të administratës Trump për tejkalimin e kontesteve tregtare, ka bërë të ditur të enjten Ministria kineze e Tregtisë.

Megjithatë, në një deklaratë për shtyp, ministria ka theksuar se tarifat e njëanshme prej 145 për qind mbeten një pengesë që minon mirëbesimin.

Deklarata përsërit qëndrimin e Kinës se është e hapur për bisedime, por edhe vendosmërinë e saj për të luftuar nëse është e nevojshme.

Tarifat ishin një lëvizje e njëanshme e Shteteve të Bashkuara dhe nëse Shtetet e Bashkuara duan të flasin, atëherë duhet ta bëjnë këtë me sinqeritet dhe të jenë të gatshme të korrigjojnë praktikat e tyre të gabuara”, thuhet në deklaratë.

Sipas dokumentit, qeveria në Pekin ka marrë në konsideratë deklarata të bëra nga zyrtarë të ndryshëm amerikanë që tregonin vullnetin për të negociuar mbi tarifat.

Por Kina nuk do t’i shqyrtojë ato më tej nëse vetë presidenti Trump nuk del me një qasje të sinqertë.

Të thuash diçka por të bësh diçka tjetër, ose të kryesh shantazhe nën petkun e bisedimeve nuk do të funksionojë me Kinën”, thotë më tej deklarata.

Pekini i është përgjigjur tarifave të Trump me masa reciproke deri në 125 për qind. Gjithashtu, vendi aziatik ka ashpërsuar kufizimet e eksporteve në Shtetet e Bashkuara të mineraleve me rëndësi strategjike dhe ka ndalur importin e një seri produktesh amerikane.

Continue Reading

Bota

Një tërmet me magnitudë 7.4 ballë godet jugun e Argjentinës

Published

on

By

Një tërmet me magnitudë 7.4 është regjistruar rreth 219 kilometra në jug të Argjentinës.

Vlerësimi fillestar i Shërbimit Gjeologjik të SHBA-së (USGS) tha se tërmeti ndodhi në orën 09:58 me kohën lokale në një thellësi prej 10 kilometrash.

Deri më tani nuk ka patur raportime për viktima dhe as nuk është lëshuar ndonjë paralajmërim për cunami.

Continue Reading

Bota

Rubio: SHBA-të vazhdojnë përpjekjet për të zgjidhur konfliktin në Ukrainë

Published

on

By

Shtetet e Bashkuara nuk heqin dorë nga çështja e zgjidhjes së konfliktit në Ukrainë, por e kuptojnë se ka shumë probleme më të rëndësishme në të gjithë globin, tha Këshilltari i Sigurisë Kombëtare dhe Sekretari i Shtetit Marco Rubio.

Ne nuk do të heqim dorë prej kësaj. Por vjen një moment kur Presidenti i SHBA-së Donald Trump duhet të vendosë se sa më shumë kohë duhet t’i kushtojë niveleve më të larta të qeverisë sonë. Çështje edhe më të rëndësishme që po ndodhin në të gjithë botën, jo se një luftë në Ukrainë nuk është e rëndësishme, por do të thoja se ajo që po ndodh me Kinën është më e rëndësishme në planin afatgjatë,” tha Rubio.

Uashingtoni i kupton qëndrimet e Moskës dhe Kievit. Ata janë më afër, por janë ende larg njëri-tjetrit. Dhe do të duhet një përparim i vërtetë këtu shumë shpejt për ta bërë të mundur këtë, ose mendoj se Presidenti do të duhet të marrë një vendim se sa më shumë kohë do t’i kushtojmë kësaj”, shtoi Sekretari i Shtetit amerikan.

Continue Reading

Të kërkuara