Aktualitet

Bota pas Coronas është një botë tjetër

Shumica mezi presin të kthehen në jetën e mëparshme.

Publikuar

Por disa gjëra nga periudha e Coronas do të mbesin. Politikanët, sipërmarrjet dhe shoqëria duhet të gjejnë një përgjigje për këtë, thotë Gero Schliess.

Kush jam unë, dhe nëse po, sa vetë? Me këtë pyetje disi komplekse, filozofi modern Richard David Precht i çoi dikur lexuesit e tij në një udhëtim zbulimi të vetes.

Aktualisht, shumë njerëz ia bëjnë sërish këtë pyetje vetes. Njerëz, të cilët më në fund po shohin dritë në fund të tunelit pas muajsh mbylljeje në periudhën që po agon pas koronës. Drita e normalitetit, pritja e një vere të shkujdesur siç e kemi dëshiruar në shumë muaj distancë dhe të ndenjjes në vend.

Jam akoma ai që isha?

Por papritmas ti ndalon dhe e pyet veten me dyshim: A jam ende ai që kam qenë? A jam akoma ai që isha para Coronas? Sa kam ndryshuar? Dhe si do të përshtatem me këtë botë të re, të vjetër?

Politikanët i shpallin me krenari shifrat  gjithnjë e më të ulëta të incidencës javore të infektimeve. Në Gjermani duket se po e vendosim Corona-n nën kontroll. Kjo është një arsye për t’u gëzuar – jo vetëm për kancelaren Angela Merkel dhe Ministrin e Shëndetësisë, Jens Spahn.

Homeoffice - Arbeitsplatz in der Coronakrise

Por përtej shifrave anonime, individi shpesh harrohet. Kur bëhet fjalë për veten tonë, për çdo individ, shifrat e rënies së incidencës shpesh kanë përballë një kurbë në rritje të shqetësimeve dhe frikës.

Jo sukses i sigurt

Sepse një gjë është e qartë: rruga në pandemi ishte shkëmbore dhe stresuese. Rruga për të dalë nga pandemia nuk është aspak sukses i sigurt.

Kjo nuk vlen vetëm për pacientët më pasoja afatgjata mtë COVID ose për grupin e madh të atyre që janë shëruar, të cilët, sipas një studimi në revistën e specializuar britanike “The Lancet Psychiatry”, luftojnë mbi mesataren me çrregullime ankthi dhe me luhatje humori. Dhe kjo nuk vlen vetëm për njerëzit e panumërt, që u ekspozuan ndaj dhunës në familje ose që vuajnë nga trauma të tjera.

Shijimi i ritmit më të ngadaltë të jetës

Si është puna, për shembull, me fëmijët që i patën mësimet pa prani fizike dhe pa shokët e shkollës për shumë muaj? Ose fare thjesht: si është puna me ne, që mendojmë se e kaluam fare mirë në të vërtetë kohën e izolimit dhe veçimit? Me ne, që ishim në gjendje të nxirrnim ndonjë përfitim nga ritmi më i ngadaltë i jetës, që punuam me zell që nga shtëpia, por që ishim edhe shumë me qejf vetëm? Dhe që mund të bënim pa çmendurinë e biznesit të mbinxehur dhe superambicien profesionale.

Symbolbild Homeoffice

Rruga për të dalë nga pandemia nuk është sukses i sigurt as për këta njerëz. Studimet shkencore ose të dhënat e shoqërive të sigurimeve shëndetësore tregojnë se pandemia ka goditur shumë psikikën e njerëzve. Fenomen i përhapur është një tendencë e shtuar për depresion. Ato mbeten – dhe nuk zhduken automatikisht me virusin.

Dhe është e papranueshme që kohët e pritjes për psikoterapi ambulatore në Gjermani po zgjaten gjithnjë e më shumë dhe se, sipas “Shoqatës së Psikoterapistëve Psikologjikë”, pacientëve u duhet të presin deri 22 javë.

Bota ka ndryshuar

Fatkeqësisht, politikanët nuk patën vepruar në mënyrë aktive në zgjerimin e gamës së shërbimeve këshilluese. Si kudo tjetër, në institucionet e mëdha mund të vërehet një tendencë për “biznes si zakonisht” të përshpejtuar dhe të pandjeshëm. Një shembull i mirë për këtë zakon të keq të përhapur është thirrja ë sipërmarrësve që punonjësit e tyre tani të jenë aq të mirë sa të kthehen nga shtëpia në tryezat e sipërmarrjeve.

Punonjësi, i cili sapo është vlerësuar për zhdërvjelltësinë e tij, fërkon sytë me habi. Dhe me të gjithë ata që ndërkohë kanë konstatuar: pas Coronas situata nuk është e njëjtë si para Coronas. Jo vetëm që ne kemi ndryshuar, por ka ndryshuar edhe bota përreth nesh. Riorganizimi i botës së punës, lehtësitë e komunikimit digjital ose rikujtimi i së veçantës rajonale nuk duhet të degradohen në një viktimë emergjente të lidhur me pandeminë. Përkundrazi, ato duhet të jenë pjesë e një riorganizimi të mjedisit tonë dhe ripërcaktimit të jetës sonë.

Le ta nisim me këtë. Le të frymëzohemi nga takimi me një realitet të ri! Përndryshe të gjitha sakrificat në luftën kundër Coronas do të shkojnë dëm.

Aktualitet

Indonezi: Ekspertët paralajmërojnë rritjen e rasteve me COVID-19

Qeveria po fajëson variantin Delta për rritjen e infektimeve, por ekspertët thonë se dështimet e menaxhimit të qeverisë janë në të vërtet shkaku.

Publikuar

nga

Zyrtarët shëndetësorë në Indonezi po fajësojnë shfaqjen e variantit Delta të zbuluar së pari në Indi për një rritje masive të rasteve pozitive ditore në javët e fundit, por disa nga ekspertët e sëmundjeve infektive thonë se arsyet e vërteta janë tjera.

Përhapja e këtij varianti të virusit është shumë e shpejtë“, pranoi Ministri i Shëndetësisë Budi Gunadi Sadikin. “Për shkak se shumë porte detare në Indonezi mbajnë mallra dhe shumë gjithashtu vijnë nga India, ato hyjnë nga atje“, tha ai.

Numri i vdekjeve nga COVID-19 në Indonezi.

Por ekspertët thonë se varianti Delta nuk është problemi kryesor.

Ata thonë se rritja e rasteve është rezultat i udhëtimeve në fund të muajit të Ramazanit – kur shumë njerëz injoruan ndalimet që ishin për të vizituar qytetet tjera, mungesa e reklamave shëndetësore të shoqëruara me mesazhe, privatizimi i regjimeve të testimit dhe disa arsyje të tjera.

Ndërsa udhëtimi ishte ende i kufizuar në aeroportet e brendshme, qeveria vlerësoi se midis pesë dhe gjashtë milion njerëz kishin udhëtuar në dy ishujt më të populluar të Indonezisë, Java dhe Sumatra gjatë periudhës së pushimeve.

Të gjitha variantet e COVID janë një shqetësim por varianti Delta nuk ka dëshmuar të jetë më vdekjeprurës“, tha Mahardika, virologu më i vjetër në Bali. “Ajo merr një medalje argjendi; kampioni në Indonezi është ende varianti Alpha. Unë besoj se varianti Delta po përdoret si arsye, për shkak të paaftësisë së qeverisë për të menaxhuar pandeminë”.

Sipas ekspertëve, ka kaluar më shumë se një vit në pandemi, por qeveria ka dëshmuar se është e paaftë për të menaxhuar COVID-19. Ata kanë frikë se Indonezia së shpejti mund të përballet me një shpërthim të krahasueshëm me atë në Indi.

Varianti Delta do të shtoj infeksione muajin tjetër“, tha njëri nga ta. “Unë parashikoj që në korrik do të ketë një ngarkesë të madhe dhe vdekshmëri në rritje sepse 40 përqind e popullsisë jeton në ishull dhe kjo dendësi i vë ata në një situatë shumë të rrezikshme“.

Edhe kur rastet rriten, Indonezia është ende duke folur për lejimin e vizitorëve të huaj që të kthehen në destinacionet e njohura si Bali, që mirëpriti 10 milion turistë në vitin 2019 – vitin e fundit para goditjes nga pandemia.

Lancet ka botuar një artikull duke thënë se mënyra e vetme për t’u marrë me shpërthimet [e infektimeve] është eliminimi, jo zbutja“, tha Utomo.

Udhëheqësit tanë duhet të ‘shkatërrojnë’ lakoren, të mos shqetësohen nëse njerëzit do të votojnë për ta në zgjedhje. Përndryshe, ne kurrë nuk do të dalim nga kjo pandemi”./UBTNews

Vazhdo të lexosh

Aktualitet

Verë, diell, pushime pastaj vala e katërt e pandemisë?

Moti i ngrohtë të gënjen. Pandemia nuk ka marrë fund.

Publikuar

nga

Sa i madh është në vjeshtë rreziku i një vale të katërt nga mutacionet e virusit?

Temperatura të larta, lirime kufizimesh, atmosferë relaksuese në Gjermani. Shifrat e COVID-19 po bien ndjeshëm. Në repartet e trajtimit intensiv nuk gjenden më 5000 të sëmurë, por pak më shumë se 1000. Vlera e treguesit të virusit ka rënë afër 10-s. Në të gjithë Gjermaninë janë liruar masat. Blerjet mund të bëhen pa teste, edhe një kafe përjashta në lokal mund ta pish po ashtu, në disa rajone madje edhe janë hapur klubet e kërcimit. Public Viewing në Kampionatin Europiane të Futbollit është i lejuar.

Por pandemia nuk ka kaluar.

Frika nga mutacioni delta

Instituti Robert koch, RKI autoriteti kombëtar shëndetësor gjerman në raportin e tij vjetor mbi përhapjen e mutantëve të virusit shprehet, se varianti delta i virusit, i zbuluar më parë në Indi, po përhapet edhe në Gjermani. Sipas ekspertëve ai konsiderohet më infektues, se variantet e tjerë. Në Britaninë e Madhe aktualisht po rriten shifrat e infektimeve, hapja gati e plotë, siç ishte parashikuar u shty me një muaj.

Varianti delta përbën rreth 6% të infektimeve aktualisht në Gjermani, para katër javësh shifra ishte 2%. RKI thotë, se ka 880 raste të tilla, shumica nën moshën 60 vjeç dhe pret shtimin e infektimeve.

Jens Spahn

Çfarë bën politika?

Edhe nga politika vijnë zëra, se rreziku nuk ka kaluar. Në takimin e ministrave të Shëndetësisë së landeve me ministrin federal, Jens Spahn, kjo temë u diskutua gjerësisht. “Kemi rënë dakord që të krijojmë një koncept gatishmërie për qendrat e vaksinimit, që lejon vazhdimin e punës me ritme të ulta, por që bën të mundur rritjen e menjëhershme të kapaciteteve. Motoja e Jens Spahn: Në rast dyshimi më mirë të bëhet më shumë, se më pak.

Një pikë tjetër, ku politika mund të ndikojë janë rregulloret e udhëtimit sidomos tani kur fillon periudha kryesore e udhëtimeve dhe e verës. Këtu vlen: Kush vjen nga një zonë rreziku duhet të kalojë në karantinë apo të tregojë një test negativ. Nga zonat e ashtuquajtura zona të varianteve të virusit, si India apo Britania e Madhe vlen një karantinë 14 ditorë, e cila nuk shkurtohet as nga një test negativ.

Kush vjen nga jashtë në Gjermani me avion duhet më parë të testohet. Ndryshe nga vera e kaluar, tani ka mjaft teste, tha Spahn. Lista e vendeve të rrezikuara gjendet në faqen e internetit të Institutit Robert Koch.

Lisbona duhet sërish të shtrëngojë masat, sepse ka rritje masive të virusit delta,

Maska dhe shkollat

Shumë gjermanëve u intereson, nëse maskat do të hiqen apo jo. Edhe për këtë janë landet përgjegjëse. Në rrugët e blerjeve në shumë rajone nuk ka nevojë më ta mbash maskën. Në autobusë dhe metro ajo është ende me detyrim. “Maska do ta na shoqërojë edhe një kohë”, tha ministri Spahn. Tani fillon një fazë me “shumë përgjegjësi për njëri-tjetrin”. Sa më shumë njerëz mblidhen në një hapësirë të caktuar, aq më shumë duhet të ketë gatishmëri për të mbajtur maskën. Sepse ende nuk ka për të gjithë një ofertë vaksinimi.

Më shumë debatohet kjo çështje në shkolla. Në Gjermani periudha e pushimeve të verës shtrihet, në varësi të landit, nga korriku në shtator. Për nën 12 vjeçarët, si rregull nuk do të ketë vaksina, sipas Komisionit të Rregullt për Vaksinimin. Për të gjithë nga mosha 12-16 vjeç vendimi merret nga vetë familjet, detyrim vaksinimi nuk ka.h

Sërish mbyllje në vjeshtë?

Pyetja që mbetet: A do të ketë në vjeshtë një mbyllje tjetër? Një valë të katërt pandemie? Eskperti i socialdemokratëve (SPD) për shëndetësinë, Karl Lauterbach ka frikë, se kjo mund të ndodhë. Në një intervistë ai e përshkruan variantin delta si shumë infektues dhe më të rrezikshëm, dhe pjesërisht edhe rezistent ndaj vaksinës, kur ajo është dhënë vetëm njëherë. Lauterbach megjithatë shpreson, se nuk do të ketë më “valë të madhe, sepse shumë vetë janë vaksinuar dy herë.”

Problemi është se aktualisht fushata e vaksinimit duhet të përballet me një vështirësi të re.Vaksina gjermane, aq shpresëdhënëse, Curevac në analizat e para nuk tregohet efektive. Tek prodhuesit e tjerë të vaksinave ka pasiguri, sepse shpesh ka vonesa në furnizim për shkak të problemeve në prodhimin e vaksinës.

Jo pakujdesi

Aktualisht çdo i dyti gjerman e ka marrë vaksinën e parë, çdo i katërti është plotësisht i vaksinuar. Në javët e fundit është rritur ritmi i vaksinimit. Ky temp duhet të mbetet kështu, thotë, Gernot Marx, kreu i Shoqatës Ndërdisiplinore të Mjekësisë Intensive e Emergjente në një intervistë. Por rëndësi ka edhe sjellja e gjithsecilit. “Nëse njerëzit sillen me pakujdesi, atëherë në vjeshtë do të kemi më shumë infektime, e një valë e katërt është e mundur”, thotë Marx. “Rreziku që mund të ketë më shumë të sëmurë rëndë dhe më shumë vdekje është ende real”.

Mes virologëve ekziston mendimi, se pandemia nuk do të zhduket plotësisht. COVID-19 do të bëhet një sëmundje “normale”, si të tjera. Që në vjeshtë nevojiten vaksina të tjera. Kjo është arsyeja, pse politika ka vendosur të mos i mbyllë të gjitha qendrat e vaksinimit.

Vazhdo të lexosh

Bota

Zbulohet një hamam në Spanjë që daton nga shekulli i 12-të

Kjo ish banjë arabe e zbuluar daton nga ditët kur qyteti jugor spanjoll drejtohej nga kalifati Almohad.

Publikuar

nga

Arkeologët zbuluan kohët e fundit një hamam të shekullit të 12-të brenda një bari spanjoll i cili tani po ndihmon për të pikturuar një pamje më të mirë të jetës islamike urbane në Seviljen e shekullit të 12-të.

Verën e kaluar në Spanjë, teksa biznesi ndaloi gjatë koronavirusit, në lokalin tapas Cervicería Giralda në qendrën historike të Seviljes, pronarët e restorantit 98-vjeçar vendosën se ishte koha e duhur për një rinovim shumë të nevojshëm.

Ndërsa punëtorët filluan të qëronin suvanë që mbulonin kolonat fluturuese të shiritit dhe të copëtonin tavanet e tij të harkuar, ata u habitën nga ajo që gjetën.

Të varrosur poshtë bojës ishin mbetjet e një hamami islamik jashtëzakonisht të zbukuruar nga shekulli 12, të kompletuar me drita të dritareve të gdhendura në formën e yjeve me tetë cepa dhe piktura të detajuara të okrit të kuq me motive gjeometrike që përfaqësojnë qiellin e natës.

Kjo ish banjë arabe daton nga ditët kur qyteti jugor spanjoll drejtohej nga kalifati Almohad, një Perandori Berbere që dikur mbretëronte në pjesën më të madhe të Afrikës Veriore dhe Gadishullit Iberik.

Zbulimi i tij ndihmon në krijimin e një pamje më të mirë të jetës islamike urbane në Seviljen e Shekullit të 12-të dhe është e fundit nga disa ish-banja që janë identifikuar rreth xhamisë qendrore të qytetit të stilit Mudéjar, pallatit Mbretëror Alcázar.

Historianët besojnë se këto banja janë përdorur nga adhuruesit për t’u pastruar para se të hynin në xhami për t’u lutur. Ata gjithashtu ka të ngjarë të kenë shërbyer si vende mbledhjeje për t’u shoqëruar, për të biseduar biznes ose thjesht për t’u çlodhur.

Ndoshta është me vend, pra, që në vend që të kthehet në një muze, ky bar hamami i kthyer në tapas është ende një vend për t’u takuar, për të biseduar dhe për të lënë shqetësimet tuaja të lahen./UBTNews

Vazhdo të lexosh

Aktualitet

Izraeli – Palestinës: Ua japim 1 milion vaksina, na i ktheni më vonë

Sipas kushteve të marrëveshjes, Autoriteti Palestinez është pajtuar që t’ia japë Izraelit numrin e njëjtë të vaksinave, kur të furnizohet me to më vonë.

Publikuar

nga

Zyrtarët izraelitë thanë të premten se Izraeli do t’ia japë së paku një milion vaksina për Covid-19 Autoritetit Palestinez si pjesë e marrëveshjes për shkëmbimin e dozave. Ky veprim pritet ta fuqizojë fushatën e vaksinimit në Gaza dhe në Bregun Perëndimor.

Sipas kushteve të marrëveshjes, të sjellë nga zyra e kryeministrit të ri izraelit, Naftali Bennett, Autoriteti Palestinez është pajtuar që t’ia japë Izraelit numrin e njëjtë të vaksinave, kur të furnizohet me to më vonë këtë vit.

“Izraeli do t’ia transferojë Autoritetit Palestinez 1 deri në 1.4 milion doza të vaksinës së Pfizer-it. Dozave që do të dërgohen u skadon afati së shpejti dhe ato u miratuan duke e marrë parasysh faktin se rezervat e vaksinave në Izrael i përmbushin nevojat sot”, thuhet në një deklaratë të përbashkët të Zyrës së Kryeministrit, Ministrisë së Shëndetësisë dhe Ministrisë së Mbrojtjes.

Një burim në Ministrinë e Shëndetësisë së Autoritetit Palestinez e konfirmoi marrëveshjen dhe tha se palestinezët presin që këto vaksina t’i marrin në gusht ose shtator, shkruan Reuters,

Izraeli, që ka qenë shembull në tërë botën për vaksinimin e shpejtë të popullsisë, është përballur me kritika që nuk ka bërë më shumë që edhe palestinezët të kenë qasje në vaksina.

Rreth 55 për qind e izraelitëve që i plotësojnë kushtet për vaksinim tashmë i kanë marrë të dy dozat. Sipas zyrtarëve palestinezë, vetëm 30 për qind e palestinezëve që i plotësojnë kushtet për vaksinim e kanë marrë së paku dozën e parë.

Vazhdo të lexosh

Të kërkuara