Botë

Bota bën thirrje për stabilitet dhe paqe pas rrëzimit të Assadit nga pushteti

Published

11 months ago

December 9, 2024

UBTnews

Fuqitë botërore janë zotuar se do të punojnë për stabilitet në Siri dhe rajonin përreth, pasi rebelët e udhëhequr nga islamistët kanë rrëzuar të dielën liderin e kahmotshëm sirian, Bashar al-Assad.

Aleatja e Assadit, Moska, ka thënë se trupat ruse në Siri janë në alarm të madh, por që rebelët kanë “garantuar” sigurinë e bazave të saj ushtarake në këtë shtet.

Para raportimeve se Assadi dhe familja e tij gjenden në Moskë dhe u është miratuar azili, ministri i Jashtëm rus, Sergei Lavrov, ka thënë se Siria nuk duhet të lejohet të mbetet në duart e “grupit terrorist”.

Rusia ka qenë aleate e Sirisë që një kohë, duke ofruar ndihmë ushtarake dhe politike për regjimin e Assadit, sidomos pas luftës civile që pati nisur më 2011.

Presidenti amerikan, Joe Biden ka thënë se do të angazhohet me të gjitha grupet siriane “për të krijuar një rrugë tranzicioni prej regjimit të Assadit, drejt një Sirie të pavarur dhe sovrane”.

“Assadi duhet të mbahet përgjegjës”, ka thënë ai, kur është pyetur se çfarë duhet të ndodhë me presidentin e rrëzuar.

Pekini ka thënë se është duke shikuar nga afër zhvillimet në Siri, dhe shpreson që Siria do t’i rikthehet stabilitetit, sa më shpejt që është e mundur.

Ministria e Jashtme e Iranit ka thënë se pret që marrëdhëniet “miqësore” me Sirinë, të vazhdojnë.

Ministri i Jashtëm turk, Hakan Fidan, ka thënë se vendi i tij, i cili i ka mbështetur lëvizjet e rebelëve në Siri, do të ndihmojë në “shërimin e plagëve të Sirisë, dhe do t’ia garantojë unitetin, integritetin dhe sigurinë”.

I dërguari i Kombeve të Bashkuara në Siri, Geir Pedersen, e ka quajtur marrjen e vendit nga rebelët si “moment vendimtar”, pas gati 14 vjetësh luftë civile.

“Do të shohim përpara me kujdes për hapjen e kapitullit të ri – të paqes, pajtimit, dinjitetit dhe gjithëpërfshirës së të gjithë sirianëve”, ka thënë ai.

Presidenti francez, Emmanuel Macron, e ka mirëpritur rënien e “shtetit barabar” të Assadit në Siri.

Kancelari gjerman, Olaf Scholz, ka thënë se Berlini është i gatshëm të bëjë “kontributin e vet” për një zgjidhje politike, për të sjellë paqe në shtetin e shkatërruar nga lufta.

“Bashar Al-Assad i ka shtypur njerëzit e vet në mënyrë brutale, ai i ka pafundësisht njerëz në ndërgjegjen e vet”, ka thënë lideri gjerman.

Sirianët janë parë nëpër rrugë duke festuar rrëzimin e Assadit, kanë rrëzuar statuja dhe kanë plaçkitur ndërtesa qeveritare.

Kryeministri i Sirisë, Mohammad Ghazi al-Jalali, ka thënë përmes një video-incizimi se Qeveria e tij është e gatshme “të bashkëpunojë me çdo udhëheqësi të zgjedhur nga njerëzit”.

Ai është parë duke u larguar nga shtëpia e tij më 8 dhjetor, në shoqëri të burrave të armatosur, pas raportimeve se do të takojë udhëheqësinë e grupit rebel sunit, Hayat Tahrir al-Sham (HTS), e cila e ka udhëhequr ofensivën kundër regjimit të Assadit.

HTS është organizatë e shpallur terroriste nga Shtetet e Bashkuara dhe Bashkimi Evropian.

Në vjetët e fundit, ky grup militant islamist, i ka prishur lidhjet me Al-Kaidën, dhe ka tentuar të prezantohet si alternativë pragmatike ndaj Qeverisë siriane.

Megjithatë, ka shqetësime për abuzime që ka kryer grupi, si dhe për lidhjet me grupe tjera terroriste./REL/

Botë

Sot shënohet Dita Botërore e Mirësjelljes

Published

44 minutes ago

November 13, 2025

UBT News

Dara 13 nëntor njihet ndryshe edhe si Dita Botërore e Mirësjelljes, ditë e cila në gjithë botën kushtohet për njohjen e asaj që do të thotë të jesh i sjellshëm, t’i kushtoni vëmendje dhe kujdes të tjerëve.

Japonezët ishin të parët që e promovuan këtë iniciativë falë Japan Small Kindness Movement, pra e themeluar në vitin 1988 në Tokio.

Mirësjellja sipas tyre para së gjithash, është edukim i mirë, sjellje të mira dhe se mbi të gjitha është e mirë jo vetëm për ata që e marrin atë, por edhe për ata që e bëjnë këtë./S.K/KP/

Botë

6 të vdekur nga rrëmuja gjatë rekrutimit ushtarak në Ganë

Published

50 minutes ago

November 13, 2025

UBT News

Të paktën gjashtë persona kanë vdekur dhe 22 të tjerë janë lënduar në një rrëmujë gjatë një eventi rekrutimi ushtarak në ganë të Afrikës.

Tragjedia ndodhi kur mijëra kandidatë mbushën hyrjet e stadiumit, duke shpresuar për një mundësi pune në forcat e armatosura, raporton BBC.

Forcat e Armatosura të Ganës njoftuan se rrëmuja e sotme tragjike u shkaktua nga një rritje e papritur e kandidatëve që shkelën protokollet e sigurisë dhe nxituan drejt hyrjeve.

Pesë nga të lënduarit mbeten në gjendje kritike.

Mijëra të rinj u mblodhën në stadiumin El-Wak në kryeqytetin Akra, sepse shkalla e lartë e papunësisë së të rinjve në Gana, e cila sipas statistikave të fundit qeveritare është rreth 32%, shpesh çon në skena kaotike në ngjarje të tilla.

Afati i fundit i aplikimit u zgjat edhe me një javë për të lejuar më shumë kandidatë që kishin vështirësi me procesin të merrnin pjesë. Pavarësisht tragjedisë, procesi i rekrutimit kishte filluar, por u ndal në pasdite.

Arhin shtoi se do të nisë një hetim për shkaqet e rrëmujës./S.K/KP/

Live

Bie inflacioni vjetor në Gjermani

Published

58 minutes ago

November 13, 2025

UBT News

Norma vjetore e inflacionit në Gjermani ka rënë në 2.3% në tetor, nga 2.4% në shtator, tha autoriteti federal statistikor Destatis.

Ruth Brand si drejtuese e Destatis deklaroi se pas dy rritjeve të njëpasnjëshme në lidhje me çmimet e shërbimeve, norma e inflacionit ra pak në tetor.

Çmimet e energjisë ranë me 0.9% nga viti në vit, ndërsa çmimet e ushqimeve u rritën me 1.3%; norma e inflacionit pa përfshirë energjinë dhe ushqimin ishte 2.8%.

Çmimet e shërbimeve u rritën me 3.5% gjatë së njëjtës periudhë, ndërsa çmimet e mallrave u rritën me 1.2%.

Ndërkaq, në bazë mujore, norma e inflacionit ishte 0.3%./S.K/KP/

lajme

Në UBT do të organizohet Konferenca Ndërkombëtare “TURK-COSE 2025” me pjesëmarrje nga pesë shtete

Published

15 hours ago

November 12, 2025

Driton Iseni

UBT do të jetë nikoqir i Konferencës së VII Ndërkombëtare të Botës Turke për Shkencë dhe Inxhinieri – TURK-COSE 2025, e cila do të mbahet nga 13 dhe 14 nëntor, në Parkun Shkencor, Inovativ dhe Teknologjik të UBT-së, në Lipjan.

Kjo ngjarje e madhe shkencore do të organizohet në formën fizike dhe online, duke mbledhur studiues, profesorë dhe kërkues nga e gjithë bota.

Konferenca organizohet në bashkëpunim mes UBT-së, Universitetit Kirgizo-Turk “Manas” (KTMU – Kirgizi), Universitetit Teknik të Azerbajxhanit (AZTU – Azerbajxhan), Universitetit “Akhmet Yasawi” (Kazakistan) dhe Universitetit “Niğde Ömer Halisdemir” (NOHU – Turqi).

TURK-COSE 2025 do të përqendrohet në tema bashkëkohore të fushave të ndryshme shkencore dhe teknologjike, përfshirë:

Teknologjitë e Informacionit dhe Telekomunikimit
Shkencat Natyrore dhe të Aplikuara
Shkencat Fizike dhe Teknike
Inxhinierinë e Ndërtimit dhe Teknologjitë Arkitekturore
Shkencat Bujqësore dhe Mjedisore
Transportin dhe Energjjinë e Rinovueshme

Në fokus do të jenë edhe konceptet moderne si Industria 4.0, Inteligjenca Artificiale, Interneti i Gjërave (IoT), Energjia e Gjelbër, dhe Qytetet e Mençura.

Në konferencë do të marrin pjesë folës nga të paktën pesë shtete të ndryshme, ndërsa gjuhët zyrtare të punimeve do të jenë: turqishtja, kazakishtja, kirgizishtja, azerbajxhanishtja, anglishtja dhe rusishtja.

Punimet e pranuara dhe prezantuara do të publikohen në Librin e Abstrakteve dhe Librin e Punimeve me ISBN, ndërsa versionet e zgjeruara në anglisht do të kenë mundësi botimi në revista të indeksuara si SCOPUS, TRDizin dhe Crossref.

Organizatorët ftojnë studiues, akademikë, profesionistë dhe studentë të diplomuar të kontribuojnë me punime shkencore që reflektojnë zhvillimet më të fundit në shkencë dhe inxhinieri.