Botë

Bota bën thirrje për stabilitet dhe paqe pas rrëzimit të Assadit nga pushteti

Published

11 months ago

on

Fuqitë botërore janë zotuar se do të punojnë për stabilitet në Siri dhe rajonin përreth, pasi rebelët e udhëhequr nga islamistët kanë rrëzuar të dielën liderin e kahmotshëm sirian, Bashar al-Assad.

Aleatja e Assadit, Moska, ka thënë se trupat ruse në Siri janë në alarm të madh, por që rebelët kanë “garantuar” sigurinë e bazave të saj ushtarake në këtë shtet.

Para raportimeve se Assadi dhe familja e tij gjenden në Moskë dhe u është miratuar azili, ministri i Jashtëm rus, Sergei Lavrov, ka thënë se Siria nuk duhet të lejohet të mbetet në duart e “grupit terrorist”.

Rusia ka qenë aleate e Sirisë që një kohë, duke ofruar ndihmë ushtarake dhe politike për regjimin e Assadit, sidomos pas luftës civile që pati nisur më 2011.

Presidenti amerikan, Joe Biden ka thënë se do të angazhohet me të gjitha grupet siriane “për të krijuar një rrugë tranzicioni prej regjimit të Assadit, drejt një Sirie të pavarur dhe sovrane”.

“Assadi duhet të mbahet përgjegjës”, ka thënë ai, kur është pyetur se çfarë duhet të ndodhë me presidentin e rrëzuar.

Pekini ka thënë se është duke shikuar nga afër zhvillimet në Siri, dhe shpreson që Siria do t’i rikthehet stabilitetit, sa më shpejt që është e mundur.

Ministria e Jashtme e Iranit ka thënë se pret që marrëdhëniet “miqësore” me Sirinë, të vazhdojnë.

Ministri i Jashtëm turk, Hakan Fidan, ka thënë se vendi i tij, i cili i ka mbështetur lëvizjet e rebelëve në Siri, do të ndihmojë në “shërimin e plagëve të Sirisë, dhe do t’ia garantojë unitetin, integritetin dhe sigurinë”.

I dërguari i Kombeve të Bashkuara në Siri, Geir Pedersen, e ka quajtur marrjen e vendit nga rebelët si “moment vendimtar”, pas gati 14 vjetësh luftë civile.

“Do të shohim përpara me kujdes për hapjen e kapitullit të ri – të paqes, pajtimit, dinjitetit dhe gjithëpërfshirës së të gjithë sirianëve”, ka thënë ai.

Presidenti francez, Emmanuel Macron, e ka mirëpritur rënien e “shtetit barabar” të Assadit në Siri.

Kancelari gjerman, Olaf Scholz, ka thënë se Berlini është i gatshëm të bëjë “kontributin e vet” për një zgjidhje politike, për të sjellë paqe në shtetin e shkatërruar nga lufta.

“Bashar Al-Assad i ka shtypur njerëzit e vet në mënyrë brutale, ai i ka pafundësisht njerëz në ndërgjegjen e vet”, ka thënë lideri gjerman.

Sirianët janë parë nëpër rrugë duke festuar rrëzimin e Assadit, kanë rrëzuar statuja dhe kanë plaçkitur ndërtesa qeveritare.

Kryeministri i Sirisë, Mohammad Ghazi al-Jalali, ka thënë përmes një video-incizimi se Qeveria e tij është e gatshme “të bashkëpunojë me çdo udhëheqësi të zgjedhur nga njerëzit”.

Ai është parë duke u larguar nga shtëpia e tij më 8 dhjetor, në shoqëri të burrave të armatosur, pas raportimeve se do të takojë udhëheqësinë e grupit rebel sunit, Hayat Tahrir al-Sham (HTS), e cila e ka udhëhequr ofensivën kundër regjimit të Assadit.

HTS është organizatë e shpallur terroriste nga Shtetet e Bashkuara dhe Bashkimi Evropian.

Në vjetët e fundit, ky grup militant islamist, i ka prishur lidhjet me Al-Kaidën, dhe ka tentuar të prezantohet si alternativë pragmatike ndaj Qeverisë siriane.

Megjithatë, ka shqetësime për abuzime që ka kryer grupi, si dhe për lidhjet me grupe tjera terroriste./REL/

Related Topics:
Continue Reading

Konferencat

Në UBT do të organizohet Konferenca Ndërkombëtare “TURK-COSE 2025” me pjesëmarrje nga pesë shtete

Published

3 hours ago

on

November 12, 2025

By

UBT do të jetë nikoqir i Konferencës së VII Ndërkombëtare të Botës Turke për Shkencë dhe Inxhinieri – TURK-COSE 2025, e cila do të mbahet nga 13 dhe 14 nëntor, në Parkun Shkencor, Inovativ dhe Teknologjik të UBT-së, në Lipjan.

Kjo ngjarje e madhe shkencore do të organizohet në formën fizike dhe online, duke mbledhur studiues, profesorë dhe kërkues nga e gjithë bota.

Konferenca organizohet në bashkëpunim mes UBT-së, Universitetit Kirgizo-Turk “Manas” (KTMU – Kirgizi), Universitetit Teknik të Azerbajxhanit (AZTU – Azerbajxhan), Universitetit “Akhmet Yasawi” (Kazakistan) dhe Universitetit “Niğde Ömer Halisdemir” (NOHU – Turqi).

TURK-COSE 2025 do të përqendrohet në tema bashkëkohore të fushave të ndryshme shkencore dhe teknologjike, përfshirë:

  • Teknologjitë e Informacionit dhe Telekomunikimit
  • Shkencat Natyrore dhe të Aplikuara
  • Shkencat Fizike dhe Teknike
  • Inxhinierinë e Ndërtimit dhe Teknologjitë Arkitekturore
  • Shkencat Bujqësore dhe Mjedisore
  • Transportin dhe Energjjinë e Rinovueshme

Në fokus do të jenë edhe konceptet moderne si Industria 4.0, Inteligjenca Artificiale, Interneti i Gjërave (IoT), Energjia e Gjelbër, dhe Qytetet e Mençura.

Në konferencë do të marrin pjesë folës nga të paktën pesë shtete të ndryshme, ndërsa gjuhët zyrtare të punimeve do të jenë: turqishtja, kazakishtja, kirgizishtja, azerbajxhanishtja, anglishtja dhe rusishtja.

Punimet e pranuara dhe prezantuara do të publikohen në Librin e Abstrakteve dhe Librin e Punimeve me ISBN, ndërsa versionet e zgjeruara në anglisht do të kenë mundësi botimi në revista të indeksuara si SCOPUS, TRDizin dhe Crossref.

Organizatorët ftojnë studiues, akademikë, profesionistë dhe studentë të diplomuar të kontribuojnë me punime shkencore që reflektojnë zhvillimet më të fundit në shkencë dhe inxhinieri.

Continue Reading

Botë

Rusia e gatshme të rifillojë bisedimet me Ukrainën në Stamboll

Published

8 hours ago

on

November 12, 2025

By

Rusia është e gatshme të rifillojë bisedimet e paqes me Ukrainën në Stamboll, ka bërë të ditur të mërkurën një zyrtar i Ministrisë së Jashtme në Moskë, raporton agjencia shtetërore ruse.

Asnjë takim sy më sy nuk është zhvilluar mes dy palëve që nga ai i mbajtur më 23 korrik në qytetin turk.

Agjencia TASS e ka cituar zyrtarin Alexei Polishchuk, i cili tha se zyrtarët turq kanë bërë thirrje të përsëritura për vazhdimin e bisedimeve të paqes.

“Ekipi rus është gati për këtë, topi është në fushën e Ukrainës,” tha Polishchuk.

Ukraina e mohon akuzën e Rusisë se Kievi ka faj për ngecjen e procesit të paqes, ndërkohë që lufta po i afrohet katërvjetorit të saj.

Në takimin e 23 korrikut, i cili kishte zgjatur vetëm 40 minuta, pala ukrainase kishte propozuar që të mbahej një takim tjetër në gusht mes dy presidentëve, Volodymyr Zelensky dhe Vladimir Putin.

Kremlini më pas kishte deklaruar se Putini ishte i gatshëm të takohej me Zelenskyn, por vetëm në Moskë- një kusht që u refuzua nga Ukraina./S.K/EO/

Continue Reading

Live

Turqia konfirmon vdekjen e 20 ushtarëve pas rrëzimit të avionit në Gjeorgji

Published

10 hours ago

on

November 12, 2025

By

Ministri i mbrojtjes i Turqisë njoftoi të mërkurën se të gjithë 20 personat në bordin e një aeroplani ushtarak mallrash që u rrëzua në Gjeorgji humbën jetën.

Avioni C-130 ishte nisur nga Ganja, Azerbajxhan dhe po kthehej në Turqi kur u rrëzua të martën në Sighnaghi të Gjeorgjisë, pranë kufirit me Azerbajxhanin, ndërkaq shkaku i rrëzimit po hetohet.

Rrënojat ishin të shpërndara në një fushë që përfshin tokë bujqësore dhe është e rrethuar nga kodra, raportoi transmetuesi privat turk NTV nga vendi i ngjarjes. Mbeturinat e avionit ishin të shpërndara në vende të shumta, tha raporti.

“Bashkëluftëtarët tanë heroikë u martirizuan më 11 nëntor 2025, kur avioni ynë ushtarak i mallrave C-130, i cili ishte nisur nga Azerbajxhani në rrugën drejt vendit tonë, u rrëzua pranë kufirit Gjeorgji-Azerbajxhan”, tha ministri i Mbrojtjes Yasar Guler në një mesazh të postuar në X, së bashku me fotografi të personelit ushtarak që humbën jetën, raporton Associated Press.

Të martën, Agjencia shtetërore turke Anadolu citoi autoritetin e aviacionit gjeorgjian të thoshte se kontakti me avionin u humb disa minuta pasi ai kishte hyrë në hapësirën ajrore të Gjeorgjisë. /S.K/EO/

Continue Reading

Lajmet

​Drejtori i BBC: Duhet të luftojmë për gazetarinë tonë

Published

13 hours ago

on

November 12, 2025

By

Drejtori i përgjithshëm i BBC-së, Tim Davie, iu drejtua gjithë stafit të BBC-së në një thirrje online duke e hapur fjalimin me një pranim në një periudhë të vështirë për BBC-në.

Sipas The Guardian, ai inkurajoi ekipin, duke pranuar në mënyrë të tërthortë ekzistencën e armiqve të BBC-së dhe armatizimin e gabimeve të saj.

“Këto janë kohë të vështira për BBC-në, por ne do t’i kalojmë. Do t’i kalojmë dhe do të lulëzojmë. Kjo narrativë nuk do të jepet vetëm nga armiqtë tanë. Është narrativa jonë. Ne e zotërojmë atë”, tha ai.

Gjithashtu, ai tha se kishte dëgjuar thirrjet nga stafi për të mbrojtur gazetarinë e tyre.

“E shoh shtypin e lirë nën presion. Shoh armatizimin. Mendoj se duhet të luftojmë për gazetarinë tonë. Kemi bërë disa gabime që na kanë kushtuar, por duhet të luftojmë për këtë”.

Edhe vetë kryetari i BBC-së, Samir Shah, iu drejtua stafit gjatë thirrjes./S.K/KP/

Continue Reading

Të kërkuara