Lajmet

Borrell kritikohet për njëanshmëri dhe qasje tendencioze ndaj Kosovës

Borrell është kritikuar edhe nga presidentja Osmani.

Published

3 years ago

November 22, 2022

UBT news

Pa ndonjë marrëveshje dolën pala kosovare dhe ajo serbe nga takimi i së hënës në Bruksel, i ndërmjetësuar nga shefi politikës së jashtme të Bashkimit Evropian, Josep Borrell.

Ky i fundit, përgjegjësinë e ka drejtuar në veçanti te kryeministri i Kosovës, Albin Kurti, duke thënë se i njëjti nuk e ka pranuar propozimin e BE-së që Kosova të mos fillojë me shqiptimin e gjobave për ngasësit e veturave me targa ilegale.

Qasja e kryediplomatit të BE-së po kritikohet në Kosovë duke e quajtur atë të njëanshëm dhe tendencioz ndaj Kosovës.

Për këtë ka shkruar edhe presidentja e vendit, Vjosa Osmani, duke theksuar se rregulli i parë i çdo procesi ndërmjetësues është paanshmëria, çka sipas saj ka munguar të Josep Borrell të hënën.

“Rregulli i parë i secilit proces ndërmjetësues është paanshmëria. Ajo që pamë sot nga Borrell ishte njëanshmëri e shpërfaqur haptazi, akomodim i agresorit dhe prezantim i një realiteti tërësisht të shtrembëruar. Sikur Borrell t’i respektonte parimet bazike të neutralitetit, do t’ia përmendte Serbisë, së paku disa nga këto marrëveshje të shkelura të Brukselit, në vend se ta akuzonte Kosovën”, ka shkruar Osmani, e cila ka listuar një sërë marrëveshjesh të cilat Serbia nuk i ka zbatuar.

Deputetja e Lëvizjes Vetëvendosje, Arbëreshë Kryeziu-Hyseni thotë se është Serbia ajo që duhet akuzuar për papërgjegjësi, e jo Kosova e cila sipas saj ka qenë e gatshme të heqë dorë prej vendosjes së gjobave për qytetarët serbë që ngasin veturat me targa ilegale.

“E kemi parë që ka pasur refuzime të vazhdueshme prej anës së Serbisë për të akorduar për cilëndo lloj marrëveshje që dje ka qenë e mundshme që të diskutohen ndërmjet palëve. Prandaj këtu nuk shoh papërgjegjësi të palës kosovare dhe nuk shoh jo seriozitet prej anës së palës kosovare, përkundrazi mendoj që nëse dikush duhet të akuzohet për papërgjegjshmëri ndër vite është pikërisht pala serbe, është Serbia, është presidenti i tyre Aleksandër Vuçiq i cili refuzon të dialogojë dhe të shtyjë përpara çfarëdo lloj çështje dhe madje tash së fundi po e shohim që ata po e refuzojnë edhe planin e Bashkimit Evropian që është propozuar për t’i normalizuar marrëdhëniet apo raportet në mes të dyja shteteve që është përkrahur prej Francës, Gjermanisë, dhe shteteve të Bashkuara të Amerikës”, tha deputetja e LVV.

Ndërsa sipas njohësit të çështjeve të sigurisë Nuredin Ibishi, Bashkimi Evropian po tregohet tendencioz me Kosovën.

Ai thotë se zgjidhjet që u ofruan nga shefi i Politikës së Jashtme të BE-së Josep Borrell, vetëm sa i ngritin tensionet.

“Po shihet që Bashkimi Evropian po është shumë tendencioz në raport me neve, deklarata e Borrellit edhe oferta e BE-së është mjaftë tendencioze… Realisht këto janë shumë tendencioze dhe kjo e fundit është e tejkaluar në kuptimin e zgjedhjes së situatës së kësaj marrëveshje… Dhe për këtë arsye mendoj se gjithë kjo, vetëm po kërkohet prolongim pa mundësi zgjidhje. Zgjidhjet çfarë u ofruan nga zotëri Borrell jo që janë zgjidhje, por janë ngritje të tensionit mëtejme”, thotë Ibishi.

Pas takimit në Bruksel, kryeministri Kurti ka deklaruar se propozimi i Bashkimit Evropian që Kosova të mos fillojë shqiptimin e gjobave është i papranueshëm nëse nuk shoqërohet me dakordim që me urgjencë të angazhohen për marrëveshje finale për normalizim të marrëdhënieve.

Disa orë më vonë, Kurti e ka shtyrë për 48 orë zbatimin e fazës së dytë të vendimit për targat, i cili parasheh gjobë prej 150 euro për ngasësit që nuk i kanë konvertuar ato në tabela të Republikës së Kosovës.

Këtë vendim, shefi i ekzekutivit e ka marrë pas kërkesës së ambasadorit amerikan në Kosovë, Jeffrey Hovenier sipas së cilit një shtyrje e tillë është për t’i lejuar zyrtarët evropian dhe amerikan të angazhohen me palët për gjetjen e zgjidhjes për këtë çështje.

Lajmet

Ambasada amerikane fton shtetasit e saj në Kosovë për një takim me Prattipatin

Published

1 hour ago

December 2, 2025

UBTnews

Ambasada amerikane në Prishtinë ka ftuar të gjithë shtetasit amerikanë që banojnë në Kosovë të marrin pjesë në një takim publik (Town Hall) të organizuar nga e ngarkuara me punë, Anu Prattipati.

Takimi do të mbahet të premten, më 12 dhjetor 2025, nga ora 14:00 deri në 15:00 në ambientet e Ambasadës,.

Për më shumë detaje dhe për t’u regjistruar, qytetarët mund të vizitojnë faqen zyrtare të ambasadës dhe të konfirmojnë pjesëmarrjen deri më 5 dhjetor 2025.

“Mesazh për qytetarët amerikanë që banojnë në Kosovë, të premten, më 12 dhjetor 2025, nga ora 14:00 deri në orën 15:00, qytetarët amerikanë ftohen të marrin pjesë në një takim publik në Ambasadën e SHBA-së, të organizuar nga e Ngarkuara me Punë Anu Prattipati”, shkruhet në njoftimin e ambasadës në Facebook.

Lajmet

Përparim Rama: Mjetet ende nuk janë bartur nga Ministria e Financave në buxhetin e Komunës së Prishtinës

Published

3 hours ago

December 2, 2025

UBTnews

Ndonëse Asambleja Komunale e Prishtinës miratoi më 27 nëntor bartjen e buxhetit 2024 në 2025-tën, megjithatë kryetari i Komunës së Prishtinës, Përparim Rama thotë se këto mjete nuk janë bartur në buxhetin e Komunës.

“Më 27 nëntor, Asambleja Komunale e Prishtinës miratoi bartjen e mjeteve buxhetore nga viti 2024. ❗Sot, 2 dhjetor, mjetet ende nuk janë bartur nga Ministria e Financave në buxhetin e Komuna e Prishtinës!!!”, ka shkruar Rama.

Ndërkohë që edhe sot përfaqësuesit e “Trafikut Urban” dhe operatorëve privatë do të protestojnë për të kërkuar pagën e tyre.

KOMUNA E PRISHTINËS: MJETET FINANCIARE ENDE NUK JANË BARTUR NGA MINISTRIA E FINANCAVE

Komuna e Prishtinës thotë se ende nuk janë bartur mjetet financiare nga Ministria e Financave, ndonëse Asambleja Komunale e Prishtinës e kishte miratuar vendimin për bartjen e mjeteve buxhetore nga viti 2024 në 2025.

“Të nderuar qytetarë, ju njoftojmë se më 27 nëntor 2025, Asambleja Komunale e Prishtinës ka miratuar vendimin për bartjen e mjeteve buxhetore nga viti 2024. Megjithatë, deri sot, më 02 dhjetor 2025, mjetet financiare ende nuk janë bartur nga Ministria e Financave në buxhetin e Komunës së Prishtinës. Në momentin që mjetet alokohen në buxhetin e Komunës së Prishtinës, qytetarët do të informohen menjëherë përmes kanaleve zyrtare të komunikimit”, thuhet në njoftimin e Komunës./EO

Lajmet

Dy persona goditen nga rryma në Gjilan, po ndërronin njehsorët

Published

3 hours ago

December 2, 2025

UBTnews

Dy persona janë goditur nga rryma të hënën në rrugën “Skënderbeu” në Gjilan, pasi ishin duke punuar në ndërrimin e njehsorëve.

Sipas raportit 24 orësh të Policisë thuhet se te dy viktimat kanë pësuar lëndime trupore me ç’rast edhe kanë pranuar tretman mjekësor.

Në vendin e ngjarjes kanë dalë njësitë përkatëse policore dhe inspektori i punës, ndërsa lidhur me rastin është njoftuar prokurori.

“Dy viktimat meshkuj kosovarë derisa kanë qenë duke punuar në ndërrimin e njehsorëve, janë goditur nga rryma. Si pasojë të njëjtit kanë pësuar lëndime trupore dhe kanë pranuar tretman mjekësor. Në vendin e ngjarjes kanë dalë njësitë përkatëse policore dhe inspektori i punës. Lidhur me rastin është njoftuar prokurori”, thuhet në raport.

Lajmet

Rrahmani në mesin e më të mirëve të vitit në Serie-A

Published

3 hours ago

December 2, 2025

UBT News

Gran Galà del Calcio 2025 që u mbajt në Milano dhe solli listën e fituesve të sezonit 2024-25 në Serie A. Çmimi kryesor, ai i Lojtarit të Vitit, shkoi për mesfushorin e Napolit, Scott McTominay, i cili u vlerësua për sezonin e jashtëzakonshëm dhe rolin e tij në sukseset e klubit.

Formacioni ideal i vitit u dominua nga Interi dhe Napoli, që luftuan deri në fund për titull. Në listë u përfshinë emra si Denzel Dumfries, Amir Rrahmani, Alessandro Bastoni, Federico Dimarco, Nicolò Barella dhe Lautaro Martinez. Në këtë Top XI janë edhe dy lojtarë që tashmë kanë lënë Serie A: Tijjani Reijnders, që kaloi te Manchester City, dhe Mateo Retegui, i transferuar te Al-Qadsiah.

Antonio Conte u shpall Trajneri i Vitit, ndërsa Napoli mori çmimin e Klubit të Vitit, duke konfirmuar dominimin gjatë sezonit. Sulmuesi i Interit, Francesco Pio Esposito, fitoi çmimin Italian Golden Boy si talenti më i mirë i ri, ndërsa Nicolò Bertola nga Udinese u vlerësua për paraqitjet e tij në Serie B.

Çmimi “Goli i Vitit” shkoi për Alessandro Deiolën e Cagliarit për një supergol në fitoren 3-0 ndaj Venezias, një realizim që ishte nominuar edhe për çmimin FIFA Puskas.

Formacioni ideal i Serie A për vitin 2025 u përmbyll me: Svilar; Dumfries, Rrahmani, Bastoni, Dimarco; McTominay, Barella, Reijnders; Lautaro Martinez, Kean, Retegui./S.K/KP/