Lajmet

Bordi i AKP-së miratoi listën e aseteve për shitje përmes Likuidimit ‘SHAL 63’

Published

2 years ago

on

Bordi i Drejtorëve i Agjencisë Kosovare të Privatizimit në mbledhjen e radhës ka aprovuar listën e aseteve për t’u shpallur për shitje përmes Likuidimit ‘SHAL 63’ të përbërë nga 40 asete.

AKP njofton po ashtu se Bordi aprovoi planin e Veprimit për adresimin e rekomandimeve të ZKA për Pasqyrat Financiare të AKP-së dhe Fondeve në mirëbesim për vitin 2022.

“Gjithashtu u informua lidhur me raportin 6 mujor të Njësisë së Auditimit të Brendshëm të cilin e aprovoi sipas procedurave si dhe u informua dhe shqyrtoi raportimin e Menaxhmenit të AKP-së lidhur me proceset dhe procedurat e periudhës paraprake mujore, si dhe raportin mujor për NSH Brezovica e cila është nën administrimin direkt”, thuhet në njoftim.

Në këtë mbledhje pas shqyrtimit dhe diskutimit të hollësishëm, Bordi i Drejtorëve miratoi raportin e dytë 3 mujor 2023 për Komisionin Parlamentar për Ekonomi, Industri, Ndërmarrësi dhe Tregti.

“Bordi po ashtu aprovoi disa plotësim ndryshime në rregulla të tenderit dhe procedura të shitjes”, thuhet po ashtu në komunikatë.

Për më tepër, me qëllim të ngritjes së inkasimit të hyrave nga qiraja Bordi lëshoi disa udhëzime për Menaxhmentin për masat që duhet të merren ndaj borxhlinjve në mënyrë që të krijohet një disiplinë në pagesën e qirave ndaj AKP-së.

Siç njofton AKP, Bordi aprovoi edhe shpërndarjen e përkohshme të pjesshme për kreditorët e PEJ029 NSh “Ereniku – Prodhimtaria Primare”- Gjakovë.

Bordi po ashtu u njoftua me Raportin Përfundimtar të mbylljes së Procesit të Likuidimit së NSH KB Fryti –Babush i Muhaxherëve-Lipjan i cili do të dërgohet në Dhomë të Posaçme të Gjykatës Supreme për mbyllje të ndërmarrjes.

“Në vijim u aprovua Raporti i Komisionit për përcaktimin e statusit për ndërmarrjen SDR 1536, PRN208 Stacioni i Veterinës në Prishtinë me anë të cilit u konstatua se këto asete bien në pronësi shoqërore. Bordi po ashtu miratoi një raport fillestar për inicim të procedurës për shitje me negocim direkt i cili do t’i nënshtrohet procedurave të tjera të parapara me legjislacion për t’u finalizuar shitja sipas raportit përfundimtar i cili do t’i paraqitet Bordit për aprovim”, thuhet në raport. 

Related Topics:
Continue Reading

Aktualitet

Kryeparlamentari Basha priti në takim ambasadorin e Malit të Zi

Published

6 seconds ago

on

September 19, 2025

By

Kryetari i Kuvendit të Kosovës, Dimal Basha ka pritur në takim Ambasadorin e Malit të Zi në Kosovë, Bernard Çobaj.

Në këtë takim Basha dhe Çobaj diskutuan për fuqizimin e lidhjeve parlamentare mes Kuvendit të Kosovës dhe Kuvendit të Malit të Zi, si dhe për rritjen e bashkëpunimit në fusha kyçe, si aspektet politike, ekonomike dhe ato të sigurisë në rajon.

Kryetari i Kuvendit theksoi rëndësinë e vazhdimit të dialogut dhe përpjekjeve të përbashkëta në proceset integruese evropiane si dhe nevojën për mbështetje nga Mali i Zi në përballimin e sfidave që Kosova ka përballë qasjes së Serbisë, duke kërkuar qëndrime të përbashkëta dhe të palëkundura në mbrojtje të stabilitetit dhe sigurisë rajonale.

Basha e falënderoi ambasadorin e Malit të Zi për bashkëpunimin e deritanishëm dhe shprehu përkushtimin e tij që marrëdhëniet mes dy parlamenteve të thellohen edhe më shumë në të ardhmen, në dobi të paqes, progresit dhe mirëqenies së qytetarëve në të dy anët e kufirit./S.K/KP/

Continue Reading

Aktualitet

Bibloteka Kombëtare merr ngjyrë ari në ndërgjegjësim të muajit për kancerin në fëmijëri

Published

3 minutes ago

on

September 19, 2025

By

Në kuadër të muajit të ndërgjegjësimit për kancerin në fëmijëri janë ndriçuar me ngjyrë ari kupolat e Bibliotekës Kombëtare të Kosovës nga Organizata Action for Health.

Drejtoresha e Action for Health, Nezaqete Rukovci, tha se kjo ngjyrë simbolizon luftën kundër kancerit të fëmijërisë.

“Kjo dritë e verdhë që është një simbol ndërkombëtarë për fëmijët është shprehje e guximit, forcës dhe përballjes së tyre. Ne jemi këtu bashkë me iu tregu se në rrugëtimin drejt shëndetit nuk janë vetëm dhe për t’iu dhënë kurajo se bashkë ta kalojmë këtë sfidë”, tha ajo.

Krahas anëtarvëve të kësaj organizate i pranishëm ishte edhe kryetari i Komitetit Olimpik të Kosovës, Ismet Krasniqi./S.K/KP/

Continue Reading

Aktualitet

Zelensky uron Ramën për mandatin e ri: Së bashku kontribuojmë në një Evropë më të fort

Published

5 minutes ago

on

September 19, 2025

By

Presidenti i Ukrainës, Volodymyr Zelensky, ka uruar Kryeministrin Edi Rama për riemërimin e tij në krye të qeverisë për një mandat të ri 4-vjeçar. Zelensky theksoi rëndësinë e vazhdimit të bashkëpunimit dhe dialogut të ngushtë mes dy vendeve.

Ai gjithashtu shprehu mbështetje për avancimin e Shqipërisë në rrugën drejt anëtarësimit në Bashkimin Evropian.

Në fund, Zelensky shpreh besimin se së bashku, Shqipëria dhe Ukraina mund të kontribuojnë në një Evropë të fortë dhe të bashkuar.

“Urime Edi Rama për riemërimin e tij si Kryeministër i Shqipërisë. Pres me padurim të vazhdojmë dialogun tonë të shkëlqyer dhe të punojmë së bashku për të arritur paqe dhe siguri të qëndrueshme për të gjithë Evropën. I uroj Kryeministrit Rama çdo sukses në zbatimin e planeve të tij ambicioze për Shqipërinë, përfshirë edhe në rrugën e saj drejt anëtarësimit në BE. Së bashku, ne do të përparojmë vlerat tona të përbashkëta dhe një të ardhme të sigurt dhe të begatë për kombet tona në Evropë, e cila është e fortë dhe e bashkuar”, shkruan Zelensky në X./S.K/KP/

Continue Reading

Aktualitet

Osmani udhëton javën e ardhshme në SHBA

Published

8 minutes ago

on

September 19, 2025

By

Presidentja e Kosovës, Vjosa Osmani në javën tjetër do të udhëtojë për në SHBA, ku do të marrë pjesë në fillimin e punimeve të Asamblesë së Përgjithshme të Kombeve të Bashkuara.

Këshilltari për media në Zyrën e Presidencës, Bekim Kupina konfirmoi duke thënë se gjatë udhëtimit Osmani do të ketë takime me homologë dhe zyrtarë të shteteve të ndryshme.

“Sikurse edhe çdo vit, Presidentja Osmani do të jetë në New York për takime me homologë dhe aktivitete të tjera zyrtare përgjatë Javës se Nivelit të Lartë të Asamblesë së Përgjithshme të Kombeve të Bashkuara”, tha Kupina./S.K/KP/

Continue Reading

Të kërkuara