Aktualitet

Bllokimet në Kinë si pasojë e Covid19 lënë banorët në mungesë të furnizimit me ushqim

Dhjetëra miliona njerëz në rreth 30 rajone duhet të qëndrojnë në shtëpi nën bllokime të pjesshme ose të plota.

Published

3 years ago

on

Banorët nën bllokimin e Covid-it në zonat anembanë Kinës po ankohen për mungesa të ushqimit dhe sendeve thelbësore.

Dhjetëra miliona njerëz në të paktën 30 rajone janë urdhëruar të qëndrojnë në shtëpi nën bllokime të pjesshme ose të plota.

“Kanë kaluar 15 ditë, na ka mbaruar mielli, orizi, vezët. Prej ditësh na ka mbaruar qumështi për fëmijët”, tha një banor në Xinjiangun perëndimor.

Autoritetet po përpiqen të parandalojnë shpërthime lokale përpara kongresit të partisë komuniste në tetor.

Politika e Kinës për zero-Covid kërkon bllokime të rrepta – edhe nëse raportohen vetëm një pjesë e vogël e rasteve. Të hënën Kina regjistroi 949 raste të reja me Covid në të gjithë vendin.

Politika ka nxitur pakënaqësi të rralla publike nga qytetarët dhe gjithashtu është akuzuar për ‘mbytje’ të rritjes ekonomike.

Në Xinjiang, një bllokim njëjavor ka parë që banorët e dëshpëruar të bëjnë thirrje për ndihmë në mediat sociale.

Një postim tregoi një video të një burri ujgur, duke thënë se tre fëmijët e tij nuk kishin ngrënë për tre ditë.

Në qytetin Yining, kryeqyteti i Ili, një peticion i përbashkët në internet me mbi 300 kërkesa urgjente për ushqim, ilaçe dhe pako higjienike u qarkullua gjerësisht.

“Më mungojnë paratë për të blerë furnizime. Gruaja ime është shtatzënë dhe kemi dy fëmijë. Na ka mbaruar gazi. Gruaja ime ka nevojë për një kontroll mjekësor”, tha një tjetër banore.

Rajoni ka një popullsi të përzier me banorë kinezë Han, Kazak dhe Ujgur.

Në fillim të këtij muaji, një raport i shumëpritur i OKB-së akuzoi Kinën për “shkelje të rënda të të drejtave të njeriut” kundër ujgurëve dhe pakicave të tjera kryesisht myslimane në Xinjiang. Grupet e të drejtave thonë se më shumë se një milion ujgurë ishin arrestuar kundër vullnetit të tyre. Pekini thotë se rrjeti i tij i kampeve është një mjet për të luftuar terrorizmin.

Në provincën jugperëndimore Guizhou, autoritetet mbyllën një zonë të kryeqytetit provincial Guiyang pa paralajmërim, duke bllokuar 500,000 banorë në shtëpi pa asnjë shans për t’u përgatitur.

Ashensorët u fikën në ndërtesa për të ndaluar njerëzit të largoheshin, sipas gazetës Guardian.

“Ne nuk mund të blejmë gjëra në internet pasi ato nuk shpërndahen dhe supermarketet janë të mbyllura. A na trajton qeveria si kafshë, apo thjesht duan që ne të vdesim?” pyeti një përdorues në platformën e mikroblogimit Weibo, cituar nga Guardian.

Ndërkohë, Chengdu, kryeqyteti i provincës Sichuan, është qyteti më i madh që është mbyllur që kur Shangai pësoi dy muaj kufizime në fillim të këtij viti.

21 milionë njerëzve të tij u është ndaluar hyrja ose dalja nga qyteti, ku vetëm banorët që janë në gjendje të tregojnë prova të një testi negativ Covid lejohen për të dalë dhe për të blerë gjërat e nevojshme.

Zyrtarët e qytetit thonë se po planifikojnë të heqin kufizimet në pesë zona të qytetit duke filluar nga e hëna.

Kina ka regjistruar zyrtarisht më pak se 15,000 vdekje që nga fillimi i pandemisë, sipas Universitetit Johns Hopkins./UBTNews/

Related Topics:
Continue Reading

Bota

Von der Leyen: Evropa duhet të forcojë mbrojtjen, të pranojë Ukrainën në BE

Published

2 days ago

on

May 30, 2025

By

Presidentja e Komisionit Evropian, Ursula von der Leyen, ka theksuar se Evropa duhet të mbrojë pavarësinë e saj duke rritur shpenzimet për mbrojtjen dhe duke integruar Ukrainën në Bashkimin Evropian.

Ajo ka përmendur katër detyrat kryesore që BE-ja duhet të realizojë për të arritur këto synime, duke përfshirë forcimin e kapacitetit të mbrojtjes, rritjen e inovacionit për rritjen ekonomike, zgjerimin e BE-së dhe forcimin e demokracisë për të mbrojtur shtetet anëtare nga kërcënimet e brendshme dhe të jashtme.

Sipas von der Leyen, një nga arritjet më të mëdha është angazhimi për të ofruar deri në 800 miliardë euro fonde për mbrojtjen, një veprim që, siç tha ajo, ishte i pamundur vetëm pak vite më parë.

“Fakti që tani po ofrojmë deri në 800 miliardë euro fonde për mbrojtjen ishte i pamundur vetëm pak vite më parë,” theksoi Presidentja e Komisionit Evropian. “Po e bëjmë këtë sepse duam të mbrojmë paqen me të gjitha forcat tona.”

Von der Leyen paralajmëroi gjithashtu se një rend i ri ndërkombëtar do të shfaqet deri në fund të kësaj dekade, dhe se Evropa duhet të luajë një rol aktiv në formësimin e këtij rendi të ri për të shmangur pasojat e tij për kontinentin dhe për botën.

Ajo theksoi se zgjerimi i BE-së është një detyrë kyçe, duke e konsideruar anëtarësimin e Ukrainës, Moldavisë, vendeve të Ballkanit Perëndimor dhe Gjeorgjisë si një hap të rëndësishëm për forcimin e Bashkimit Evropian.

“Jam thellësisht e bindur se historia tani po na thërret. Ashtu si në vitin 1989, kur era e ndryshimit përfshiu Evropën,” përfundoi von der Leyen, duke sugjeruar se momenti aktual është një mundësi për ndryshime thelbësore në rajon.

Continue Reading

Bota

Meloni vizitë në Kazakistan, nënshkruhen marrëveshje në vlerën 4 miliardë euro

Published

2 days ago

on

May 30, 2025

By

Italia dhe Kazakistani kanë nënshkruar një sërë marrëveshjesh me vlerë 4 miliardë euro gjatë një vizite të kryeministres italiane Giorgia Meloni në Astana.

Marrëveshjet ishin në një sërë sektorësh, duke përfshirë naftën dhe gazin, energjinë e rinovueshme dhe menaxhimin e ujit.

Meloni tha se nuk e konsideronte vizitën e saj “thjesht një formalitet, por thelbësor”.

“Italia ishte vendi i parë i BE-së që vendosi të investonte në marrëdhëniet me Azinë Qendrore dhe shtetet anëtare të saj individuale, duke krijuar një format të qëndrueshëm për shkëmbimin e ideve”, vazhdoi Meloni.

Kryeministrja italiane shtoi se Samiti BE-Azi Qendrore i mbajtur në prill kishte rritur marrëdhëniet midis rajoneve.

Continue Reading

Bota

Kina: SHBA të shmangë tensionet dhe të ndalojnë shitjen e armëve Tajvanit

Published

2 days ago

on

May 30, 2025

By

Çështja e Tajvanit është në thelb të interesave themelore të Kinës dhe është vija e parë e kuqe që nuk duhet të kalohet në marrëdhëniet Kinë-SHBA, deklaroi zëdhënësi i Ministrisë së Jashtme kineze, Lin Jian.

Jiang komentoi mbi disa raporte të mediave ndërkombëtare se Uashingtoni synon të rrisë shitjet e armëve në Taipei përtej 18,3 miliardë dollarëve të arritur gjatë mandatit të parë të presidentit Donald Trump.

”Pekini kundërshton fuqimisht shitjet e armëve amerikane në rajonin e Tajvanit pasi kjo çon në një përshkallëzim”, theksoi ai.

”Shtetet e Bashkuata të Amerikës duhet të shmangin faktorët e rinj të tensionit me ne”, theksoi Jiang./atsh

Continue Reading

Bota

Kina do të rifillojë importet e produkteve të detit nga Japonia

Published

2 days ago

on

May 30, 2025

By

Kina ka rënë dakord të fillojë procedurat për të rifilluar importet e produkteve të detit nga Japonia, tha një zyrtar japonez të premten, sipas raporteve të mediave lokale.

“Të dy vendet kanë rënë dakord për ‘kërkesat teknike për rifillimin e eksporteve të produkteve të detit’ drejt Kinës“, citoi Agjencia e Lajmeve Kyodo Sekretarin e Përgjithshëm të Kabinetit, Yoshimasa Hayashi.

Sipas saj, pritet që Kina të lëshojë gjithashtu një njoftim për lehtësimin e ndalimit të përgjithshëm, i cili është në fuqi që nga viti 2023.

Kina vendosi një ndalim të plotë të importeve të produkteve të detit nga Japonia menjëherë pasi filloi lëshimi i ujit radioaktiv të trajtuar nga centrali bërthamor i dëmtuar në Fukushima, në gusht të vitit 2023.

Ndalimi u vendos për të mbrojtur shëndetin e konsumatorëve dhe për të parandaluar ndotjen e mundshme, shkruan Anadolu.

Në shtatorin e kaluar, Kina ra dakord të rifillojë importet e produkteve të detit nga Japonia me kusht që vende të treta, përfshirë edhe vetë Kinën, të marrin pjesë në monitorimin e shkarkimit të ujit të trajtuar radioaktiv nga centrali i Fukushima-s në det./kosovapress

Continue Reading

Të kërkuara