Aktualitet

Blinkeni paralajmëron: Rusia mund t’i rrisë shpejt trupat në kufi

Published

5 years ago

January 20, 2022

Betim Gashi

Gjatë vizitës së tij në Ukrainë, sekretari amerikan i Shtetit Blinken paralajmëroi për një rritje të mundshme të shpejtë të trupave ruse në kufi.

Qeveria e SHBA është në dijeni të planeve të tilla të Moskës, tha Sekretari amerikan i Shtetit Blinken gjatë një vizite në ambasadën e SHBA në kryeqytetin ukrainas Kiev. Blinkeni tha gjatë një takimi me presidentin ukrainas Selenskyj në Kiev se qëllimi afatgjatë i Moskës ishte të krijonte ndarje midis aleatëve. Kjo nuk do të lejohej. Në të njëjtën kohë, Blinkeni paralajmëroi për një rritje të shpejtë të trupave ruse në kufirin me Ukrainën. Qeveria e tij është në dijeni të planeve të tilla nga Moska, tha ai.

Blinkeni e kërcënoi sërish Rusinë me sanksione të ashpra në konfliktin në Ukrainë. Masat ndëshkuese do të përfshinin komponentë financiarë dhe ekonomikë, si dhe kontrolle të eksportit, tha Blinken pas takimit me homologun e tij Kuleba dhe presidentin ukrainas Selenskyj.

Por ai shpreson se nuk do të arrihet deri këtu, theksoi Blinkeni. Ai i premtoi Ukrainës mbështetje të mëtejshme nëse Rusia pushton vendin. Perëndimit ai i bëri thirrje të bashkohet.

Blinkeni tha se do të punojë së bashku me Evropën për paketën e sanksioneve ndaj Rusisë. Ai shtoi më tej se do të bashkëpunojë me Ukrainën për të përballuar edhe sfidat ekonomike të shkaktuara nga Rusia.

Selenskyj i falënderoi Shtetet e Bashkuara për mbështetjen e tyre. Vizita e Blinkenit nënvizon angazhimin e Amerikës ndaj pavarësisë dhe sovranitetit të Ukrainës, tha ai. Nëse dëshirohet që ushtria ukrainase të modernizohet shpejt, ndihma është e nevojshme në këtë kohë, tha Selenskyj. Uashingtoni kishte njoftuar më parë një ndihmë shtesë prej 200 milionë dollarësh për sigurinë e Ukrainës.

Kuleba akuzoi qeverinë në Moskë për nxitjen e panikut dhe dëshirën për të destabilizuar Ukrainën nga brenda. Kjo duhet të parandalohet pa marrë armët, tha ai.

Sekretari amerikan i Shtetit do të takohet nesër në Berlin me kancelarin Olaf Scholz dhe ministren e Jashtme, Annalena Baerbock. Priten edhe ministrat e jashtëm të Francës dhe Britanisë së Madhe. Të premten, Blinkeni do të takohet në Gjenevë me ministrin e Jashtëm rus, Sergej Lavrov.

Politologu Hacke: Ukraina duhet të mbetet e hapur ndaj Perëndimit dhe Rusisë

Politologu dhe eksperti i konfliktit Hacke i tha radiostacionit gjerman Deutschlandfunk se një marrëveshje mund të jetë në neutralitetin ndaj Ukrainës. Në fund të fundit bëhet fjalë për të rënë dakord që vendi të mbetet i hapur si për Rusinë ashtu edhe për Perëndimin. Është e rëndësishme që asnjëra palë të mos përpiqet të joshë Ukrainën në atë që Hacke e quan “orbitën e saj”. Politologu theksoi se Ukraina ishte gjithsesi vetëm një pengesë për Perëndimin. Shteti nuk është një vend demokratik dhe është i karakterizuar nga korrupsioni./DW

Lajmet

30 për qind bursë për ish-studentët e UBT-së në programet më inovative Master – regjistrohu sot!

Published

10 hours ago

August 12, 2026

ubtnews

UBT po u ofron të gjithë të diplomuarve të tij një mundësi të veçantë për të vazhduar rrugëtimin akademik dhe profesional, duke përfituar 30% bursë për studimet Master në UBT.

Në një treg pune që po ndryshon me shpejtësi, avancimi i vazhdueshëm profesional po bëhet gjithnjë e më i rëndësishëm. Për këtë arsye, ish-studentët e UBT-së kanë mundësinë të rikthehen në universitet për të thelluar njohuritë, fituar specializime të reja dhe zhvilluar kompetenca të avancuara, tashmë me një përfitim të veçantë prej 30% bursë.

Kjo mundësi vlen për programet Master të UBT-së, të cilat përfshijnë disa nga fushat më të kërkuara dhe inovative të tregut bashkëkohor, duke u dhënë të diplomuarve mundësinë të zgjedhin një program që përputhet me profesionin, interesat dhe objektivat e tyre të karrierës.

Programet Master në UBT përfshijnë:

Menaxhment, Biznes dhe Ekonomi
FinTech dhe Menaxhimi i Inovacionit
Shkenca Kompjuterike dhe Inxhinieri
Sistemet e Informacionit dhe Menaxhment
Inxhinieri e Mekatronikës
Inxhinieri e Ndërtimit dhe Infrastrukturë
Inxhinieri e Trafikut dhe Transportit
Inxhinieri e Energjisë dhe Mjedisi
Arkitekturë dhe Planifikim Hapësinor
E Drejta Penale
E Drejta Civile dhe Pronës
E Drejta Komerciale
Gjuhë, Media dhe Komunikim
Politika Publike dhe Menaxhim
Shkenca Politike
Studime të Sigurisë
Psikologji
Shkencat dhe Teknologjia e Ushqimit
Shëndet Publik dhe Menaxhim
Biokimi
Shkencat Paramjekësore
Agrikulturë dhe Mjedis
Shëndet dhe Aktivitet Fizik

Përmes programeve të orientuara drejt inovacionit dhe nevojave të tregut, UBT synon që studentët Master të fitojnë jo vetëm njohuri të avancuara akademike, por edhe kompetenca profesionale të aplikueshme në praktikë.

Për ish-studentët e UBT-së, kjo është mundësia për ta vazhduar aty ku e nisën – duke e kthyer përvojën universitare në një nivel të ri profesional.

Regjistrohu sot dhe përfito 30% bursë!

Aktualitet

Ronaldo i shpreh ngushëllime Messit për humbjen e babait

Published

10 hours ago

August 12, 2026

UBTNews

Cristiano Ronaldo i ka dërguar një mesazh të ndjerë ngushëllimi rivalit të tij të hershëm, Lionel Messi, pas vdekjes së babait të tij, Jorge Messi, në moshën 68-vjeçare pas një sëmundjeje të gjatë.

Duke lënë mënjanë rivalitetin sportive në fushë, ylli portugez reagoi në postimin e Messit me fjalët:

“Përqafime për ty dhe të dashurit në këtë moment të vështirë, Leo. Qëndro i fortë”.

Vendi

PDK paralajmëron veprime jashtë Kuvendit pas refuzimit të kërkesës për seancë

Published

10 hours ago

August 12, 2026

UBTNews

Sekretarja e Përgjithshme e Partisë Demokratike të Kosovës ka deklaruar se refuzimi për thirrjen e seancës më 12 gusht është një model i sjelljes politike nga Lëvizja Vetëvendosje dhe kryesuesi Avni Dehari, e jo thjesht një incident procedural. Sipas saj, shkelja e afatit 30-ditor dhe shpërfillja e rregullit për vazhdimin e seancës çdo 48 orë përbëjnë zbatim selektiv të Kushtetutës dhe bllokim të mandatit të deputetëve të zgjedhur më 7 qershor.

Ajo i bëri thirrje Albin Kurtit që ta kthejë vendin në binarë kushtetues, duke theksuar se PDK-ja nuk kërkon pushtet apo marrëveshje partiake, por funksionalizimin e shtetit. Gjithashtu, ajo bëri me dije se PDK-ja do të dorëzojë sërish kërkesë zyrtare për seancë pas 48 orësh dhe do të jetë çdo ditë në Kuvend.

Paralelisht me punën në Kuvend, ajo paralajmëroi zhvendosjen e aktivitetit politik edhe jashtë tij, përmes bashkëbisedimeve me qytetarë dhe grupe të ndryshme shoqërore. Në fund, ajo denoncoi edhe cënimin e integritetit fizik të disa deputetëve të PDK-së nga mbrojtja e afërt, duke njoftuar se për këtë rast do t’i drejtohen Inspektoratit Policor të Kosovës. /E.A/

Aktualitet

Shpëtohet e gjallë 32-vjeçarja pas 36 orësh nën rrënoja nga tërmeti në Kolumbi

Published

11 hours ago

August 12, 2026

UBTNews

Një 32-vjeçare është shpëtuar e gjallë pasi mbeti e bllokuar për 36 orë nën rrënoja, si pasojë e tërmetit të fuqishëm prej 7.4 ballësh që goditi Kolumbinë perëndimore.

Daniela Largo u nxor nga gërmadhat e një ndërtese të shembur në qytetin Pereira, pas një operacioni kompleks që zgjati 10 orë. Zjarrfikësit dhe ekipet e emergjencës arritën te ajo përmes një tuneli të hapur poshtë katër pllakave të rënda të betonit. Vendndodhja e saj u lokalizua falë një kamere të vogël, pasi një banor vendas dëgjoi thirrjet për ndihmë. Përmes një tuneli të parë të hapur nga lart ekipet i siguruan oksigjen, ndërsa përmes tunelit të dytë nga poshtë realizuan nxjerrjen e saj.

Shpëtimin e saj e ka përshëndetur edhe presidenti kolumbian, Abelardo de la Espriella, i cili e cilësoi ngjarjen si një “lajm që na mbush me shpresë”. Pas shpëtimit, Largo u shpreh e lehtësuar duke thënë se në shtëpi po e pret djali i saj 12-vjeçar.

Sipas të dhënave zyrtare, tërmeti tragjik ka lënë të paktën 188 të vdekur dhe qindra të tjerë të zhdukur. Bilancin më të rëndë e shënojnë qytetet Cali me 95 viktimë dhe Pereira me 79 të vdekur. Ekipet e kërkim-shpëtimit po vazhdojnë punën në terren për gjetjen e të mbijetuarve të tjerë. /BBC/