Lajmet

Bislimi: S’ka asnjë rast gjyqësor ndaj ambasadorit Berishaj

Bislimi tha se rasti i Berishajt është konstrukt artificial i ndërtuar nga partitë opozitare në Kosovë.

Published

on

Zëvendëskryeministri i parë për Integrim Evropian, Zhvillim dhe Dialog, Besnik Bislimi gjatë raportimit në Komisionin parlamentar për Integrim Evropian tha se rasti i ambasadorit të Kosovës në Kroaci, Martin Berishaj është konstrukt artificial i ndërtuar nga partitë opozitare në Kosovë dhe se ndaj tij nuk ka asnjë rast gjyqësor, ndaj të gjitha këto janë spekulime dhe sipas tij opozita mund të vazhdojë me këto deklarime për ndonjë poenë politik.

Rrezarta Krasniqi nga LDK tha se raporti i DASh-it ka dëshmuar të kundërtën e asaj që thotë qeveria për luftimin e korrupsionit duke përmendur pikërisht rastin e ambasadorit Berishaj dhe tashmë të kryeshefit të pezulluar të KEK-ut, Nagip Krasniqi.

Sa i takon arrestimit të ish-kryeshefit të KEK, Nagip Krasniqi, Bislimi tha se Këshilli Prokurorial i Kosovës nuk po merret me 30 rastet e dorëzuara nga menaxhmenti i KEK-ut, por me Krasniqin sepse KEK si ndërmarrje publike ka shënuar përparim dhe mjetet e dala nga kjo ndërmarrje nuk kanë shkuar tek politikanët dhe as në jahte.

Ndërsa, deputetja e PDK-së, Blerta Deliu-Kodra ngriti si çështje pakënaqësitë e familjarëve te pagjeturve per deklaratën për të pagjeturit dhe ikjen e lartë të qytetarëve nga Kosova.

Lidhur me Deklaratën për të Zhdukurit të dakorduar tashmë në Bruksel, zëvendëskryeministri Besnik Bislimi tha se opozita në Kosovë është i vetmi grupacion që mendon se atje po barazohet xhelati me viktimën. Sipas tij, kjo është shumë e gabueshme dhe nuk i shërben interesit tonë publik për gjetjen e personave tonë të pagjetur.

Lajmet

Osmani i drejtohet Kushtetueses me kërkesë për sqarim pas afatit për konstituimin e Kuvendit

Published

on

By

Presidentja e Kosovës, Vjosa Osmani, ka njoftuar sot në një konferencë për media se i është drejtuar Gjykatës Kushtetuese me një kërkesë për interpretim juridik lidhur me situatën e krijuar pas përfundimit të afatit kushtetues prej 30 ditësh për konstituimin e Kuvendit.

Osmani tha se kjo kërkesë është bërë me qëllim të mbrojtjes së interesit publik dhe për të shmangur dëmet e pariparueshme që mund të shkaktohen në mungesë të një zgjidhjeje politike.

Osmani kërkon pezullimin e rrjedhjes së këtij afati dhe qartësimin e pasojave ligjore, duke shtuar se në rast të arritjes së ndonjë marrëveshjeje politike, kërkesa mund të tërhiqet.

Dua të ju njoftoj që sot, në përmbushje të përgjegjësisë time kushtetuese, kam paraqitur kërkesë në Gjykatën Kushtetues.  Kjo është një kërkesë që paraqitet pas një situate të paprecedentë, ku pas aktgjykimit i cili ka përcaktuar afatin e detyrueshëm, kanë mbetur vetëm pak ditë dhe nuk shihet ndonjë kompromis. Kërkesa jonë sot në thelb është për qartësimin e pasojave juridike për moskonstituimin e Kuvendit për afatin prej 30 ditësh. Kërkesa nuk e paragjykon epilogun, në rast se ka ndonjë sukses ne mund ta tërheqim kërkesën, edhe pse qartësitë që kemi ngritur në këtë kërkesë janë esenciale jo vetëm për këtë legjislaturë, por edhe për të ardhmen. Bashkë me këtë kërkesë kemi kërkuar edhe për pezullim të rrjedhjes së afatit prej 30 ditësh. Të parandalohet dëmi i pariparueshëm, dhe të mbrohet interesi publik.

Osmani theksoi se qëllimi i saj është të parandalohet një krizë kushtetuese dhe të sigurohet funksionimi i rregullt institucional në përputhje me Kushtetutën e Republikës së Kosovës.

Continue Reading

Lajmet

Ylli i Interit i vetofrohet Barcelonës

Published

on

Klauzola e lirimit prej 25 milionë eurosh në kontratën e Denzel Dumfries me Interin është e vlefshme deri më 31 korrik, por Barcelona nuk po ushtron presion për ta marrë lojtarin.

Agjenti Jorge Mendes ia ka ofruar shërbimet e holandezit klubit katalanas, por presidenti Laporta dhe drejtuesit po i qëndrojnë besnikë opsionit aktual: Jules Koundé, me të cilin janë në bisedime për rinovim.

Dumfries, që u transferua te Interi nga PSV në vitin 2021 për 14.25 milionë euro, ka zhvilluar 179 ndeshje, me 22 gola dhe 26 asiste. Në nëntor rinovoi deri në 2028 me një pagë prej 4 milionë euro neto në sezon.

Ndërkohë, në rolin e mbrojtësit të djathtë përmendet edhe Wilfried Singo i Monacos, për të cilin interesohen Milani dhe Galatasaray.

 

 

Continue Reading

Lajmet

Presidentja Osmani diskuton me përfaqësues të SHBA-së dhe Mbretërisë së Bashkuar për zhvillimet e fundit politike

Published

on

By

Presidentja e Republikës së Kosovës, Vjosa Osmani, ka pritur sot në një takim të Ngarkuarën me Punë të Ambasadës së Shteteve të Bashkuara të Amerikës në Kosovë, znj. Anu Prattipati, me të cilën ka diskutuar për zhvillimet e fundit politike në vend.

Sipas njoftimit nga Zyra e Presidentes, në takim është trajtuar situata pas aktgjykimit të fundit të Gjykatës Kushtetuese, me fokus në hapat e mëtejmë për konstituimin e Kuvendit dhe respektimin e rendit kushtetues. Nuk janë dhënë detaje të tjera për përmbajtjen e diskutimeve.

Pas këtij takimi, Presidentja Osmani priti në takim edhe Ambasadorin e Mbretërisë së Bashkuar në Kosovë, Jonathan Hargreaves, me të cilin po ashtu u diskutua për zhvillimet aktuale dhe rëndësinë e ruajtjes së stabilitetit institucional në përputhje me Kushtetutën dhe vendimin e Gjykatës Kushtetuese.

Presidentja Osmani ka paralajmëruar një konferencë për media, e cila do të mbahet sot në orën 16:00, ku pritet të adresojë situatën politike dhe rrugën e mëtejshme institucionale.

Continue Reading

Lajmet

​Garat në EYOF, garojnë notarë nga Kosova

Published

on

Dior Krasniqi dhe Joana Jasiqi janë dy notarët kosovarë që kanë vazhduar garat edhe në ditën e dytë të EYOF Shkupi 2025.

Diori garoi në 100 metra stil i lirë dhe ndali kronometrin në 57.37 sekonda dhe në renditjen e përgjithshme doli i 37-ti.

Ndërkohë që, Joana garoi në 400 metra stil i lirë dhe përfundoi me kohë 4 minuta e 48.48 sekonda. Në baterinë e saj doli e treta, kurse në total e 34-ta.

Të dy do të garojnë edhe në ditët në vijim, mirëpo në disiplina të ndryshme.

 

Continue Reading

Të kërkuara