Aktualitet
Bisedimet NATO-Rusi në Gjenevë – Asnjë lëvizje
Nga raundi i Gjenevës NATO-Rusi për Ukrainën i vetmi konstatim pozitiv është, që të paktën u zhvillua takimi i zëvendësministrave të Jashtëm të SHBA-së dhe Rusisë.
Zëvendësministrja e Jashtme e SHBA-së, Wendy Sherman dhe homologu i saj rus, Sergej Ryabkov zhvilluan bisedime në Gjenevë (10.01). Në këtë raund bilateral SHBA sërish i kërkoi Rusisë çtensionimin në krizën e Ukrainës. Sherman duke iu referuar takimit të Këshillit NATO-Rusinë Bruksel dhe të OSBE-së në Vjenë tha, se “këtë javë Rusia do të dëgjojë mesazhin unik të SHBA-së dhe aleatëve e partnerëve tanë, pra varet prej Rusisë që të çtensionojë situatën, në mënyrë që në fund të ketë një shans real për të gjetur zgjidhje diplomatike”.
Jo zgjerim i NATO-s në Lindje
Wendy Sherman në një lidhje telefonike me gazetarët tha, se bisedimet që zgjatën tetë orë me zëvendësministrin e Jashtëm rus Sergej Ryabkov ishin „të hapura dhe direkte”. Por nuk qe e mundur të bisedohet konkretisht – deri këtu nuk arritën këto biseda sondazhi. Megjithatë të dyja palët kanë parashtruar rezervat e veta. SHBA ka bërë të qartë, që ka gatishmërinë për bisedime mbi temat konfliktuale si kufizimi i manovrave apo dislokimi i raketave.
Kërkesat e Rusisë për garanci që t’i jepet fund zgjerimit të NATO-s në Lindje, Sherman i hodhi poshtë sërish. Askujt nuk do t’i lejohet që të ndalë politikën e portave të hapura të aleancës kundrejt shteteve sovrane. SHBA gjithashtu nuk do të marrin vendime për Ukrainën, Europën apo aleancën pa i sqaruar më parë ato me palët përkatëse. Sherman e kërcënoi Rusinë me konsekuenca masive në rast të ndërhyrjes ushtarake në krizën e Ukrainës.
Rjabkov deklaroi nga ana e tij, se pala e SHBA-së ka marrë sigurinë, që Moska kurrësesi nuk planifikon sulm ndaj Ukrainës. Por Moska ka bërë të qartë edhe se duhen bërë përparime lidhur me kërkesat kryesore të saj sa i përket ndërprerjes së zgjerimit të NATO-s në Lindje dhe heqjes dorë të dislokimit të raketave në afërsi të kufirit rus nga aleanca ushtarake perëndimore. Rusia nuk do të tërhiqet nga këto kërkesa. Duke iu referuar zgjerimit të NATO-s në Lindje në Gjenevë nuk pati avancim, pranoi Rjabkov: “Do të thoja, jo, nuk u arrit që të avancojmë me ndonjë përmirësim.”
Sfond i tensioneve është marshimi i 100.000 trupave ruse në afërsi të kufirit të Ukrainës. Amerikanet dhe eurpoianët paralajmërojnë nga një ndërhyrje në Ukrainë. Rusia i përgënjeshtron planet për invazion, por më 2014 ajo aneksoi gadishullin e Krimesë. Ndërsa SHBA kërkon tërheqjen e trupave ruse nga kufiri me Ukrainën, Rusia insiston, që NATO të premtojë, se nuk do të vazhdojë zgjerimin e aleancës në Lindje.
Takimi NATO-Ukrainë në Buksel
Në të kundërt Sekretari i Përgjithshëm i NATO-s, Jens Stoltenberg deklaroi në Bruksel, se aleanca nuk do ta cënojë të drejtën e shteteve të Europës për vetëvendosje. Një anëtarësim në NATO është vendim vetëm i Ukrainës dhe i vendeve anëtare të aleancës. Njëkohësisht Stoltenberg paralajmëroi Rusinë sërish nga një agresion ushtarak ndaj Ukrainës. Kjo do të kishte pasoja të paparashikueshme politike dhe ekonomike. Stoltenberg e bëri këtë deklaratë gjatë një mbledhjeje të komisionit NATO-Ukrainë. Zëvendëskryeministrja e Ukrainës, Olga Stefanischyna tha në një konferencë të përbashkët shtypi me Stoltenberg, se Rusia si agresore nuk ka të drejtë të paraqesë kërkesa.DW
Rajoni
UBT sjell programin e mençur për sigurinë kibernetike në Konferencën më të madhe të IEEE-së për Teknologji dhe Siguri – “Smart Security for Smart Cities”
Rektori i UBT-së, Prof. Dr. Edmond Hajrizi, prezantoi në Romë rezultatet e punës shkencore dhe inovative të ekipit të UBT-së dhe Universitetit të Sofjes për zhvillimin e programit të mençur për sigurinë kibernetike, i cili po implementohet tashmë në qytetin e mençur të UBT-së. Ky prezantim rriti interesimin e pjesëmarrësve, të cilët shtruan pyetje dhe shprehën kërkesën për implementimin e këtij modeli edhe në vende dhe sisteme të tjera në botë.
Gjatë Konferencës më të madhe të IEEE-së për Teknologji dhe Siguri, Rektori Hajrizi prezantoi temën “Advanced Techniques for Reconnaissance and Enumeration in Internal Network Security Assessments”, duke përfshirë rezultatet e punimeve shkencore të realizuara nga ai dhe kolegët nga UBT dhe Universiteti i Sofjes për Teknologji, në kuadër të programit për avancime shkencore.
Në kuadër të konferencës dhe panairit të teknologjisë, Rektori pati mundësinë të takojë përfaqësues dhe ekspertë nga ushtritë pjesë e Aleancës së NATO-s, ushtria italiane dhe amerikane, universitete të ndryshme nga e gjithë bota, si dhe përfaqësues të kompanive kryesore të sektorit teknologjik. Ai gjithashtu takoi Prof. DePonte, udhëheqësin e konferencës, me të cilin ranë dakord për nismat dhe marrëveshjet e bashkëpunimit në fusha specifike.
Rektori Hajrizi prezantoi punën e bërë në UBT në fushat e shkencës dhe teknologjisë që lidhen me sektorin e mbrojtjes, sigurisë dhe menaxhimit të infrastrukturës kritike dhe të qëndrueshme, duke vënë theks të veçantë në sigurinë kibernetike, robotikë, teknologjinë e droneve, 5G, Internet of Things, Digital Twins dhe Inteligjencën Artificiale. Ai prezantoi gjithashtu një sërë projektesh të financuara nga UBT dhe Bashkimi Evropian, të cilat kanë rezultuar me produkte dhe aplikacione inovative.
IEEE është një nga organizatat më prestigjioze në botë, dhe punimet e saj vlerësohen jashtëzakonisht shumë ndërkombëtarisht. Prof. Dr. Edmond Hajrizi është anëtar i rregullt i IEEE-së dhe kontribuon prej vitesh me punime dhe organizimin e eventeve të saj. UBT ka një kontribut të spikatur në kuadër të konferencave të IEEE-së.
Gjatë vizitës zyrtare në Itali, Rektori i UBT-së, Prof. Dr. Edmond Hajrizi, zhvilloi një vizitë në Universitetin UniMarconi, i pari institucion digjital i i akredituar në Itali.
Me këtë rast, Rektori Hajrizi u takua me Rektorin e UniMarconi-t, Prof. Marco Abate, me Prof. Ulrike Haider-Quercia, udhëheqëse e Shkollës së Doktoratës, si dhe me Prof. Francesco Gaspari, përgjegjës për bashkëpunimin ndërkombëtar.
Të dy rektorët shkëmbyen përvoja rreth zhvillimit të universiteteve moderne, bashkëpunimeve ndërkombëtare dhe mundësive për forcimin e partneritetit ndërmjet dy institucioneve në fusha të ndryshme, si mobiliteti akademik, studimet e përbashkëta, projektet kërkimore dhe inovacioni.
Mos e bëj më! Rreziku i madh që fshihet në shishet plastike të ujit
UBT sjell programin e mençur për sigurinë kibernetike në Konferencën më të madhe të IEEE-së për Teknologji dhe Siguri – “Smart Security for Smart Cities”
Hill nis dëshminë në Gjykatën Speciale, me të një zyrtare e qeverisë amerikane
Altman: Inteligjenca Artificiale po ripërcakton se çfarë është punë e vërtetë!
Celtics shënoi fitore ndaj Orlandos
SPK përkrah instruktorët e Policisë me dhurim të çantave të punës
Foda: Duam playoff-in e Botërorit, Zhegrova do të ketë më shumë minuta te Kosova
Tre persona të lënduar në aksident trafiku në Dollc të Klinës
Si ta vlerësosh shëndetin e zemrës përmes një testi 30-sekondësh?
-
Lajmet3 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet3 weeks agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni2 months agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën