Lajmet

Bima medicinale e Jamballit – Kundër stresit, virozave dhe ulçerës

Published

on

Jamballi, ose siç edhe njihet ndryshe si Likuiricia, është një bimë bishtajore në formën e shkurres. Ka një kërcell të gjatë, me gjethe vezake, me lule të mbledhura në vile dhe me rrënjë të fuqishme të drunjta.

Emri shkencor i jamballit është Glycyrrhiza dhe ka origjinën nga Greqishtja e lashtë. “Glukos” do të thotë “e ëmbël” ndërsa “riza” do të thotë “rrënjë.”

Kjo rrënjë e ëmbël përmban glycirizinë, një përbërës që rezulton të jetë 50 herë më i ëmbël se mjalti.

Vendlindja e jamballit është Mesdheu ku prej shekujsh kjo barishte është vlerësuar për vetitë mjekësore. Në Arabinë e vjetër, jamballi përdorej kundër kollës, ndërsa në Greqinë e lashtë përdorej edhe kundër azmës.

Barishtja ka një histori të pasur edhe në Azi, ku përdorej kundër irritimeve dhe spazmave në sistemin tretës. Shumë prej formulave bimore përmbajnë këtë barishte për të ndihmuar përthithjen e ushqimeve nga sistemi tretës dhe të bimëve të tjera.

Mjekësia popullore Aziatike e përdor rrënjën e jamballit për të larguar irritimet e mukusit dhe luftuar inflamacionin. Kjo rrënjë ka ndikim edhe tek gjendrat adrenale.

Vlerat befasuese të Jamballit

Kuron ulçerën në stomak

Jamballi ka vlera anti-bakteriale që e kanë bërë atë efikas kundër ulçerës në stomak, sidomos asaj të shkaktuar nga bakteri Helicobacter pylori (H. pylori).

Efikasiteti i kësaj barishte kundër ulçerës është çertifikuar nga autoritetet mjekësore Gjermane.

Fyti i lënduar, kolla dhe të ftohtët

Një nga përdorimet më popullore të jamballit është kundër të ftohtit dhe kollës. Ndihmon në çlirimin e sekrecioneve në rastet e bronshitit dhe ka një efekt lehtësues të mukozës.

Për këto vlera rrënja e jamballit ka marrë aprovimin e autoriteteve Gjermane dhe Britanike.

Kundër aciditetit të lartë dhe mbështetës ndaj sistemit tretës

Rrënja e jamballit ndihmon sistemin tretës, lehtëson stomakun nga inflamacioni dhe irritimi. Në Francë, rrënja e jamballit përdoret për të trajtuar fryrjen si pasojë e tretjes së dobët dhe gazrat. Në Gjermani përdoret për të trajtuar spazmat që vijnë si pasojë e gastritit kronik.

Kombinimet e jamballit, kamomilit, gjëmbit të gomarit dhe një sërë bimësh të tjer medicinal janë efikase kundër mungesës së tretjes, shqetësimeve gastrointestinale dhe të vjellave.

Lufton inflamacionin dhe mbështesin sistemin imunitar

Jamballi nxjerr më shumë se 400 përbërës që promovojnë qelizat që luajnë një rol kritik në kontrollin e reagimeve imunitare.

Ajo kufton sëmundjen e ulçerës peptike, konstipacionit, kollës dhe infeksioneve virale. Flavonoidët që gjenden tek jamballi janë shumë popullore sepse luftojnë mikrobet, toksinat, inflamacionin.

Kundër konstipacionit

Jamballi ka një efekt natyral laksativ që promovon jashtëqitjen e rregullt nëpërmjet lëvizjeve të rregullta të zorrëve.

Disa studiues përdorën një formulë iraniane bimësh mjekësore që përmban jamball dhe zbuluan se kjo recetë përmirësonte konstipacionin kronik.

Lufton infeksionet virale

Jamballi mund të jetë efektiv kundër herpesit, HIV, hepatitit, Sars-it dhe gripit e virozave.

Një studim i kryer nga shkencëtarët Kinezë zbuloi që jamballi ka shumë potencial për një përdorim gjithëpërfshirës në mjekësi për të luftuar virozat dhe bakteret.

Kundër stresit

Jamballi është një barishte që ndihmon trupin të përballet me stresin.

Rregullon mënyrën se si organizmi rregullon kortizolin, hormonin e stresit duke hequr kështu një barrë të rëndë nga gjendrat e veshkave.

Ndihmon me simptomat e ciklit menstrual dhe menopauzën

Jamballi ka një efekt të ngjashëm me estrogjenin dhe luan rol të rëndësishëm kundër simptomave të ciklit menstrual dhe për terapinë hormonale tek femrat pas menopauzës.

Çaji i Jamballit

Çaji i jamballit përgatitet si çajrat e tjerë bimorë. Pihet një herë në ditë per 2-3 javë. E gjeni në pikat e bimëve medicinale dhe farmaci bimore./AgroWeb.org

Lajmet

Osmani në Sofje, takoi presidentin bullgar dhe mbretin e Jordanisë

Published

on

By

Presidentja Vjosa Osmani, po qëndron në Bullgari, për ta përfaqësuar vendin krahas liderëve të tjerë në takimin e nivelit të lartë të Procesit Aqaba për Ballkanin III, i cili do të mbahet në Sofje.

Nga atje Osmani ka publikuar një fotografi nga takimit me Mbretin Abdullah II të Jordanisë dhe Presidentin e Bullgarisë, Rumen Radev.

‘’Me Mbretin Abdullah II të Jordanisë dhe Presidentin e Bullgarisë, Rumen Radev, në Takimin e Aqaba në Sofje, për ta nxitur bashkëpunimin, dialogun dhe stabilitetin rajonal.

Continue Reading

Lajmet

Rivarrosen mbetjet mortore të 10 viktimave të luftës

Published

on

Me nderime shtetërore, janë rivarrosur mbetjet mortore të dhjetë viktimave të luftës, të cilat ishin pjesë e listës së personave të zhdukur. Mbetjet e tyre ishin identifikuar së fundmi nga mbetjet mortore të zhvarrosura në varreza masive në Bishtazhin të Gjakovës.

Ceremonia e rivarrimit u mbajt në Kompleksin Memorial “Kodra e Kuqe” në Grabanicë të Klinës, ku u rivarrosën martirët Adem (Hazir) Gashi, Sahit (Ahmet) Gashi, Bekim (Hashim) Hasani, Sheremet (Brahim) Ismajli, Osman (Kadri) Fejza, Shkelzen (Rifat) Hajdaraj, dhe Bekim (Muharrem) Gashi. Në varrezat e Jashanicës në Klinë, u rivarrosën eshtrat e Mentor (Xhemajl) Myrtajt.

Ceremonitë e rivarrimit vazhduan me viktimat e tjera, përfshirë Vehbi (Pajazit) Halilaj, i cili u rivarros në varrezat e fshatit Llapqevë në Malishevë, dhe Mentor (Maliq) Kryeziu, që u rivarros në Bubavec të Malishevës. Mbetjet mortore të Sabedin (Kadri) Kryeziu u rivarrosën më 21 mars në varrezat e fshatit Mleqan, Malishevë.

Ky akt përkujton sakrificat e viktimave të luftës dhe mundëson nderimin dhe kujtimin e tyre.

Continue Reading

Bota

Shpërthejnë përleshjet në Sudanin e Jugut, 30 të vdekur

Published

on

Në Sudanin e Jugut, përleshjet e dhunshme kanë shpërthyer në komunitetin e Abiemnom, në veri të vendit, duke lënë të paktën 30 të vdekur. Trazirat nisën pas një vjedhjeje të bagëtive nga një grup të rinjsh të armatosur në distriktin Rueng. Pas kësaj, forcat e sigurisë intervenuan, por një ditë më vonë, të rinjtë u kthyen me përforcime dhe sulmuan komunitetin Abiemnom.

Qytetarët dhe forcat e sigurisë tentuan të mbronin qytetin, por u përballën me një numër më të madh forcash armiqësore. Disa nga viktimat ishin pjesë e grupit të rinjve të armatosur.

Konfliktet midis barinjve dhe fermerëve janë të zakonshme në Sudanin e Jugut, por përleshjet e fundit vijnë pas tensioneve politike të rritura në vend. Arrestimi i Zëvendës Presidentit, Riek Macar, nga forcat besnike të Presidentit Salva Kiir, ka rritur shqetësimet për mundësinë e një ripërtëritjeje të luftës civile, që ka shkatërruar vendin gati shtatë vjet më parë.

Continue Reading

Bota

Kryeministri i përkohshëm i Serbisë: Jemi shumë pranë formimit të qeverisë së re, nuk përjashtohet as mundësia e zgjedhjeve

Published

on

Millosh Vuçeviç, kryeministri i përkohshëm i Serbisë dhe lideri i Partisë Progresive Serbe (SNS), ka deklaruar se formimi i qeverisë së re është shumë afër, por ka ende mundësi që të thirren zgjedhje të reja. Në një intervistë për Prva TV, Vuçeviç tha se një kryeministër i ri do të mund të formonte një kabinet deri më 18 prill, por theksoi se ka një mundësi të vogël që, nëse nuk arrijnë një marrëveshje për formimin e kabinetit, mund të shpallen zgjedhje të reja.

Ai përmendi se procesi i formimit të kabinetit do të jetë i vështirë dhe kërkon hartimin e një prezantimi brenda shtatë deri në dhjetë ditë. Pas konsultimeve me presidentin serb, Aleksandar Vuçiç, Vuçeviç theksoi se koalicioni që mbështet SNS është i bindur se nuk është e nevojshme të mbahen zgjedhje të reja dhe se do të propozojnë dy kandidatë për postin e kryeministrit të emëruar.

Continue Reading

Të kërkuara