Të dy filmat ishin përballur edhe në vitin 2002. Tom Cruise pësoi një humbje të papritur në arkë, pasi filmi më i ri “Mission: Impossible – The Final Reckoning” u la pas nga ribërja e filmit për fëmijë “Lilo & Stitch” gjatë fundjavës së Ditës së Përkujtimit.

Ribërja e Disney-t fitoi 145.5 milionë dollarë (afërsisht 134 milionë euro) në SHBA dhe 158.7 milionë (afërsisht 146 milionë euro), duke kaluar filmin e Cruise, i cili grumbulloi 77 milionë (afërsisht 70.8 milionë euro) në SHBA dhe 127 milionë (afërsisht 116.8 milionë euro) jashtë saj.

Të dy filmat ishin përballur edhe më 2002, kur “Minority Report” me Cruise mposhti versionin e animuar të “Lilo & Stitch” për vetëm pak mijëra dollarë.

Megjithëse filmi i Cruise u vlerësua më shumë nga kritikët (80% në Rotten Tomatoes kundrejt 69% për Lilo & Stitch), suksesi komercial i këtij të fundit konfirmoi fuqinë e familjarëve në kinema.

Filma tjerë në krye të listës përfshijnë “Final Destination: Bloodlines”, “Thunderbolts” nga Marvel dhe dramën vampirike “Sinners”.

Ekspertët parashikojnë që vera 2025 do të sjellë një kthesë të fortë për industrinë kinematografike, me më shumë rikthim të publikut në sallat e kinemasë.

Rikujtojmë se Tom Cruise e aktorja kubane Ana de Armas janë parë sërish së bashku në Londër, duke nxitur spekulime mbi një lidhje të mundshme mes tyre.

Dyshja u fotografua duke zbritur nga një helikopter në heliportin e Battersea më 14 mars, të veshur me rroba të thjeshta dhe të buzëqeshur.

Kjo është dalja e tyre e dytë publike brenda një muaji, pasi më parë u panë duke darkuar në një restorant në Soho, Londër, më 13 shkurt, në prag të Shën Valentinit.

Aktori i njohur Richard Gere ka ndarë për herë të parë një foto familjare në Instagram, ku shfaqet së bashku me bashkëshorten e tij, Alejandra Silva, dhe dy djemtë e tyre, Alexander, 6 vjeç, dhe James, 5 vjeç.

Të katërt janë fotografuar të veshur njësoj, për të mbështetur një kauzë humanitare të rëndësishme, organizatën jofitimprurëse “Open Arms”, e cila ofron ndihmë për njerëzit në nevojë.

Richard Gere dhe Alejandra Silva janë martuar në vitin 2018, në një ceremoni private në New York. Çifti ka një diferencë prej 33 vitesh në moshë, por kjo, sipas tyre, nuk ka qenë aspak pengesë për lidhjen e tyre.

Kjo është martesa e tretë për aktorin i cili më parë ka qenë i martuar me modelen Cindy Crawford dhe më pas me Carey Lowell, me të cilën ka një djalë tjetër, Homer, 23 vjeç. Nga ana tjetër, Alejandra, e cila është aktiviste dhe ish-publiciste, ka edhe një djalë tjetër, Albert, 10 vjeç, nga një lidhje e mëparshme.

Më herët, aktori ka rrëfyer se kur e takoi për herë të parë bashkëshorten e tij, kjo e fundit e njihte.

“Nuk kishte ide se kush isha,” tha aktori me shaka. “Nuk shikonte filma, dhe kjo ishte diçka që më pëlqeu shumë. Ishte vërtet e këndshme.”

Por bashkëshortja e tij ndërhyri, duke sqaruar: “Pas gjysmë minute, Richard! M’u kujtua se kush ishe.”

Ajo pranoi megjithatë se nuk kishte parë shumë nga filmat e tij.

Gere nuk i kurseu batutat, duke shtuar: “Mendonte se isha George Clooney.”

Ylli i “Super Bowl” dhe fituesi i “Grammy”, Kendrick Lamar, do t’i bashkohet Post Malone, Taylor Swift, Beyonce dhe një mori artistësh të tjerë në “American Music Awards” në Las Vegas.

Ceremonia e ndarjes së çmimeve zhvillohet natën nga e hëna në të martë, sipas Orës së Evropës Qendrore.

Reperi Lamar kryeson për nga numri i nominimeve, me dhjetë. Ceremonia e ndarjes së çmimeve do të transmetohet drejtpërdrejt në CBS dhe spektakli do të prezantohet nga aktorja dhe këngëtarja Jennifer Lopez.

Fituesit e çmimeve AMA zgjidhen pasi numërohen votat e publikut. Në garë për çmimin kryesor, artistja e vitit, janë Lamar e superylli Taylor Swift, e cila ka fituar më shumë çmime AMA në karrierën e saj, 40, se çdo muzikante tjetër.

Swift po vjen në ceremoninë e ndarjes së çmimeve nga turneu më i suksesshëm i koncerteve në histori.

Muzikantë të tjerë në garë për çmimin “Artistja e vitit” përfshijnë Ariana Grande, Sabrina Carpenter, Chappell Roan, Morgan Wallen, Billie Eilish, Zack Bryan dhe SZA. Janet Jackson do të marrë çmimin ‘Ikonë’

Të nominuar të tjerë për AMA përfshijnë Post Malone, i cili është i nominuar në tetë kategori.

Albumi i Beyonce-s, “Cowboy Carter”, për të cilin ajo fitoi një çmim “Grammy” këtë vit, u nominua për albumin e vitit dhe albumin e preferuar të muzikës ‘country’, dhe këngëtarja u nominua gjithashtu në kategorinë e artistit të preferuar të muzikës ‘country’.

Në ceremoninë e ndarjes së çmimeve, Janet Jackson do të marrë çmimin ‘Ikonë’, një njohje për artistët që kanë një ndikim global dhe Rod Stewart do të marrë çmimin për ‘Arritje të Jetës’ këtë vit. Interpretuesit do të jenë Lopez, Jackson, Stewart, Benson Boone, Blake Shelton, Gëen Stefani dhe Lainey Wilson.

Pritjes për filmin e regjisorit James Gunn, “Superman”, po i vjen fundi dhe studioja filmike “DC Studios” tashmë ka publikuar pamjet e para të këtij projekti me buxhet të lartë.

“Superman” e a një prej historive më jetëgjatë dhe fascinuese në fushën e adaptimeve të librave komikë. Regjisori, Gunn, synon ta kthejë superheroin tipik në nivelin e suksesit që vetëm versioni i Christopher Reeve, e ka marrë deri më tani.

Filmi i ardhshëm eksploron rrugëtimin e kryepersonazhit Clark Kent, i njohur edhe si Supermen.

Ai mundohet të përshtatet me jetën në Smallville, ku jeton bashkë me familjen adoptuese. David Corenswet vjen në rolin kryesor, krahas aktores Rachel Brosnahan e cila e personifikon gazetaren Lois Lane.

Ndërsa, Nicholas Hoult e luan rolin e antagonistit, një super-gjeni megaloman i njohur si, Lex Luthor.

Pjesë e kastës së aktorëve janë edhe, Skyler Gisondo, Anthony Carrigan, Nathan Fillion, Isabela Merced dhe Edi Gathegi.

“Superman” lansohet nëpër kinema nga 11 korriku.