Magazinë

Bill Clinton sot feston 76 vjetorin

Bill Clinton është një politikan amerikan i cili shërbeu si president i 42-të i Shteteve të Bashkuara nga viti 1993 deri në vitin 2001.

Published

3 years ago

on

Ish- presidenti i SHBA-së, Bill Clinton sot feston ditëlindjen e 76-të.

Bill Clinton (William Jefferson Clinton) lindi më 19 gusht të vitit 1946 në Hope, Arkansas, SHBA. Bill Clinton është një politikan amerikan i cili shërbeu si president i 42-të i Shteteve të Bashkuara nga viti 1993 deri në vitin 2001.

Babai i tij, William Jefferson Blythe Jr. të cilin ai nuk e njohu kurrë, ishte agjent tregtar dhe humbi jetën në një aksident automobilistik tre muaj para se të lindte Billi. Pas vdekjes së të atit Billi dhe nëna e tij kuptuan se babai i tij ishte i martuar edhe me së paku edhe tri gra tjera në të njëjtën kohë dhe se Billi kishte edhe një vëlla dhe një motër nga babai, të cilët nuk i takoi kurrë.

Si fëmijë i vogël Billi jetoi më të ëmën, Virginia Cassidy Blythe, dhe me prindërit e sajë në Hope. Kur Billi mbushi një vjeç e ëma e tij shkoi në New Orleans për t’u shkolluar për infermiere-anesteziologe dhe dy vitet në vijim për Billin u kujdesën prindërit e së ëmës. Kur Billi i kishte mbushur 4 vjeç e ëma e tij u martua me Roger Clinton, shitës automobilash në Hope dhe Billi mori emrin William Jefferson Clinton. Dy vite më vonë prindërit u shpërngulën në Hot Springs, Arkansas.

Jeta për Billin dhe të ëmën e tij nuk ishte aspak e lehtë. Rogeri ishte alkoolist, luante bixhoz dhe shpesh paratë e fituara i humbte duke luajtur bixhoz, jo vetëm të tij por edhe të bashkëshortes së tij. Ai e rrihte dhe keqtrajtonte gruan e tij, ndërsa Billin dhe vëllain e tij të vogël Roxher Junjorin, i cili kishte lindur në vitin 1956 i keqtrajtonte verbalisht.

Billi ishte shumë i lidhur me të ëmën e vet dhe nganjëherë ishte munduar ta mbronte të ëmën nga njerku që e rrihte. Kjo e solli edhe deri te konfliktet serioze me njerkun e tij. Kur ishte nxënës i shkollës së mesme, Billi më në fund u pajtua me njerkun e tij, i cili vdiq nga kanceri në vitin 1967.

Clintoni vijoi dy vite në shkollën katolike para se të regjistrohej në shkollën publike në Hot Springs. Ai ishte nxënës tërheqës dhe i suksesshëm.

Në vitin 1963 pas vitit të parë të shkollës së mesme, Clintoni u zgjodh si njëri nga dy përfaqësuesit nga Arkansasi në programin e qeverisë për student në Boys Nation.

Në kuadër të këtij programi ishte debatuar për të drejtat e qytetarëve. Me këtë rast në kuadër të këtij programi takohet me presidentin J.F. Kennedy në Shtëpinë e Bardhë.

Clintoni përfundoi gjimnazin në vitin 1964 dhe u regjistrua në Universitetin Georgetown në Washington, ku zgjoi interesin për marrëdhëniet ndërkombëtare. Gjatë viteve të shkollës ai u angazhua të ndihmojë në punët e komitetit të Senatit për punët e jashtme të cilat i udhëhiqte senatori William Fulbright, demokrat nga Arkanzasi.

Clintoni ishte admirues i tij sepse kritikonte rreptë përzierjen amerikane në luftën e Vietnamit. Clintoni gjithashtu ishte simpatizues i lëvizjes së zezakëve të viteve 1960-të.

Pas vrasjes në vitin 1968 të Martin Luther King (disa ditë para se ta kryente shkollimin), që shkaktoi kryengritjen e popullsisë me ngjyrë në disa qytete amerikane, Clintoni ishte vullnetar për të ndihmuar me ushqim dhe veshmbathje për njerëzit që kishin mbetur pa shtëpi.

Gjatë vitit të dytë të studimeve Clintoni fitoi bursën e Rhod dhe shkoi në Universitetin e Oxfordit në Angli ku kaloi dy vite. Në vitin 1970, Clintoni u regjistrua në Fakultetin Juridik në universitetin e Yale. Shkollimin e pagoi duke punuar në punë të ndryshme. Këtu takoi Hillary Diane Rodham nga Chicagoja. Clintoni u diplomua për Juridik në vitin 1973 dhe shkon në Fayetteville në Arkansas për të dhënë mësim në Fakultetin Juridik të Arkanzasit. Ai dhe Hillari u martuan më 19 nëntor 1975. Ata kanë vetëm një vajzë, Chelsea Victoria Clinton.

Ai ka shërbyer më parë si Guvernator i Arkansas nga viti 1979 deri në vitin 1981 dhe nga 1983 deri në vitin 1992, dhe si Prokurori i Përgjithshëm i shtetit Arkansas nga viti 1977 deri më 1979.

Clinton është anëtar i Partisë Demokratike. Ideologjikisht ai i përkiste demokratëve të rinj, dhe shumë prej politikave të tij reflektonin një filozofi të rrugës të tretë centriste të qeverisjes.

Bill Clintoni gjatë kohës së mandatit të tij si president i shtetit më të fortë në botë ndikoi në miratimin dhe realizimin e vendimeve të OKB-s për ndërhyrjen e NATO-s në Luftën e Kosovës në vitin 1999.

Related Topics:
Continue Reading

Magazinë

100 qytetet me ushqimin më të mirë në botë

Published

3 days ago

on

January 8, 2026

By

100 qytetet me ushqimin më të mirë në botë Faqja e internetit https://www.tasteatlas.com/ ka bërë një përgjedhje të qyteteve që ofrojnë ushqimin më të mirë në botë. Përzjedhja është bërë nga 18,828 qytete në bazën e tyre të të dhënave, bazuar në 590,228 vlerësime të vlefshme ushqimore për 18,912 ushqime.

Prezantimi i 100 qyteteve është bërë sipas vlerësimit të klientëve (qyteti – vlerësimi):

1. Napoli – 4.99

2. Milano – 4.99

3. Bolonja – 4.98

4. Firenca – 4.89

5. Mumbai – 4.78

6. Gjenova – 4.78

7. Parisi – 4.77

8. Vjena – 4.76

9. Roma – 4.74

10. Lima – 4.74

11. Osaka – 7.74

12. Madridi – 4.73

13. Nica – 4.71

14. Kyoto – 4.70

15. Nju Orlinsi – 4.58

16. Venediku – 4.67

17. Gazientepe – 4.67

18. Ferrara – 4.67

19. Nju Jorku – 4.66

20. Singapori – 4.64

21. Xhakarta – 4.64

22. Palermo – 4.64

23. Katania – 4.64

24. Stambolli – 4.63

25. Torino – 4.62

26. Tokio – 4.60

27. San Francisko – 4.60

28. Filadelfia – 4.58

29. Çikago – 4.57

30. Lisbonë – 4.57

31. Guadalajara (Meksikë) – 4.57

32. Lion – 4.57

33. Shangaj – 4.56

34. Randung (Indonezi) – 4.55

35. Bari – 4.55

36. Huç (Vietnam) – 4.55

37. Hong Kong – 4.54

38. Los Angjelos – 4.52

39. Meksiko Siti – 4.52

40. Barcelonë – 4.52

41. Marsej – 4.52

42. Buenes Aires – 4.51

43. Sao Paolo – 4.51

44. Sarajevë – 4.51

45. Padang (Indonezi) – 4.51

46. Myhnen – 4.50

47. Hanoi – 4.49

48. Amritsar (Indi) – 4.48

49. Pekin – 4.48

50. Puebla de Zaragoza (Brazil) – 4.48

51. Melburn – 4.47

52. Moskë – 4.46

53. Nju Delhi – 4.45

54. Hyderabad (Indi) – 4.45

55. Beograd – 4.45

56. Sent Luis (SHBA) – 4.44

57. Valencia – 4.44

58. Montreal – 4.44

59. Uashington – 4.43

60. Ho Shi Min (Kinë) – 4.43

61. Arequipa (Peru) – 4.43

62. Bangkok – 4.42

63. Boston – 4.42

64. Chania City (Greqi) – 4.42

65. Surabaya (Indonezi) – 4.42

66. Modena – 4.42

67. Porto – 4.41

68. Lucca (Itali) – 4.41

69. San Antonio – 4.41

70. Seul – 4.40

71. Budapest – 4.40

72. Macau (Kinë) – 4.40

73. Kalkutë – 4.40

74. Split – 4.40

75. Sorrento (Itali) – 4.40

76. Taormina (Itali) – 4.40

77. Sevilla – 4.39

78. San Sebastian – 4.39

79. Amsterdam – 4.38

80. Bruksel – 4.38

81. Berlin – 4.38

82. Kordobë (Spanjë) – 4.38

83. Saporo (Japoni) 0 4.38

84. Izmir – 4.38

85. Siena – 4.37

86. Bafallo (SHBA) – 4.37

87. Zagreb – 4.37

88. Malaga – 4.37

89. Londër – 4.36

90. Pragë – 4.36

91. Heraklion (Greqi) – 4.35

92. Surakarta (Indinezi) – 4.34

93. Chennai (Kinë) – 4.34

94. Charleston (SHBA) – 4.33

95. Austin (SHBA) – 4.33

96. Noto (Itali) – 4.33

97. Yogyakarta (Indonezi) – 4.33

98. Veronë – 4.33

99. Mantua (Itali) – 4.3

100. Trieshtë – 4.33

Continue Reading

Magazinë

25 divorcet të shtrenjta në histori

Published

3 days ago

on

January 8, 2026

By

Divorcet janë pjesë e jetës. Por, kur je i pasur, divorcet edhe mund të ta përgjysmojnë pasuritë.

Personave më poshtë në listë, kjo ju ka ndodhur:

1. Bill Gates & Melinda French Gates (2021) -76 bilionë dollarë

2. Jeff Bezos & MacKenzie Scott (2019) – 38 bilionë dollarë

3. Alec Wildenstein & Jocelyn Wildenstein (1999) 3.8 bilionë dollarë

4. Rupert Murdoch & Anna Murdoch Mann (1999) – 1.7 bilionë dollarë

5. Bill Gross & Sue Gross (2017) – 1.3 bilionë dollarë

6. Bernie Ecclestone & Slavica Ecclestone (2009) – 1.2 bilionë dollarë

7. Steve Wynn & Elaine Wynn (2010) – 1 bilion dollarë

8. Chey Tae-won & Roh Soh-yeong (2024) – 1 bilion dollarë

9. Harold Hamm & Sue Ann Arnall (2015) – 974.8 – milionë dollarë

10. Adnan Khashoggi & Soraya Khashoggi (1980) – 874 milionë dollarë

11. Sheikh Mohammed bin Rashid Al Maktoum & Princess Haya (2019) – 730 milionë dollarë

12. Tiger Woods & Elin Nordegren (2010) – 710 milionë dollarë

13. Dmitry Rybolovlev & Elena Rybolovleva (2014) – 604 milionë dollarë

14. Craig McCaw & Wendy McCaw (1997) – 460 milionë dollarë

15. Mel Gibson & Robyn Moore (2011)- 425 milionë dollarë

16. Robert L. Johnson & Sheila Crump Johnson (2002) – 400 milionë dollarë

17. Sergey Brin & Nicole Shanahan (2023) – 360 milionë dollarë

18. Roman Abramovich & Irina Malandina (2007)- 300 milionë dollarë

19. Charles Edgar Fipke & Marlene Fipke (2000) – 200 milionë dollarë

20. Michael Polsky & Maya Polsky (2007) – 184 milionë dollarë

21. Michael Jordan & Juanita Vanoy (2006) – 168 milionë dollarë

22. Boris Berezovsky & Galina Besharova (2010) – 160 milionë dollarë

23. Samathur Li Kin-kan & Florence Tsang Chiu-wing (2011) – 157 milionë dollarë

24. Neil Diamond & Marcia Murphey (1995) – 150 milionë dollarë

25. Frank McCourt & Jamie McCourt (2011) – 130 milionë dollarë

Continue Reading

Magazinë

Lista e plotë e 35 vendeve pjesëmarrëse në Eurovision 2026

Published

4 weeks ago

on

December 15, 2025

By

Unioni Evropian i Transmetimeve (EBU) ka shpallur zyrtarisht 35 vendet që do të garojnë në Festivalin Evropian të Këngës Eurovision 2026, i cili këtë vit do të mbahet në Vjenë, Austri.

Transmetuesit anëtarë të EBU-së kishin afat deri në mesin e dhjetorit 2025 për të dorëzuar aplikimet zyrtare për pjesëmarrje.

Pesë vende janë parakualifikuar direkt për Finalen e Madhe, që do të zhvillohet më 16 maj 2026: Franca, Gjermania, Italia, Mbretëria e Bashkuar dhe vendi pritës, Austria.

Vendet e tjera do të garojnë në njërën nga dy gjysmëfinalet, të planifikuara më 12 dhe 14 maj 2026.

Shorti i gjysmëfinales pritet të hidhet më 12 janar 2026.

Shpallja e EBU-së është një moment i rëndësishëm për fansat e Eurovision-it, të cilët mund të fillojnë të ndjekin garën dhe të përgatiten për spektaklin e madh në Vjenë. /A.Z/UBT News/

Continue Reading

Magazinë

Hugh Jackman zbulon se është përballur gjashtë herë me kancerin e lëkurës

Published

4 weeks ago

on

December 15, 2025

By

Aktori i njohur Hugh Jackman ka vendosur të flasë hapur për betejën shëndetësore që po zhvillon prej vitesh.

I ftuar në emisionin “Howard Stern Show”, ai u bëri thirrje njerëzve të tregojnë më shumë kujdes ndaj ekspozimit në diell dhe të mos neglizhojnë mbrojtjen e lëkurës.

Jackman zbuloi se ka luftuar gjashtë herë me kancerin e lëkurës, duke e lidhur këtë përvojë me rritjen e tij në Australi, një vend me ekspozim të lartë ndaj diellit. Sipas tij, në çdo rast ka qenë një formë më pak agresive e sëmundjes, por rreziku mbetet real.

“Kam pasur gjashtë lloje kanceri të lëkurës. Janë tri lloje kryesore, por melanoma është më e rrezikshmja. Karcinoma me qeliza skuamoze nuk është aspak e mirë, ndërsa unë kam pasur kancer të qelizave bazale”, tha aktori.

Edhe pse kanceri i qelizave bazale konsiderohet më pak i rrezikshëm, nuk duhet nënvlerësuar, pasi përhapet nëse nuk trajtohet në kohë.

“Askush nuk ka vdekur ndonjëherë nga kjo formë, por është ende kancer dhe vazhdon të rritet. Nëse nuk e largoni, mund të përhapet në kocka dhe atëherë situata bëhet shumë më serioze”, theksoi Jackman.

Aktori paralajmëroi se djegiet nga dielli nuk janë të padëmshme, duke shtuar se edhe një djegie e vetme ka pasoja afatgjata për shëndetin.

“Edhe pas rastit tim të parë me kancer të lëkurës, doja të nxihesha kur shkova në Australi. Nuk e di çfarë po mendoja atëherë”, rrëfeu ai.

Sot, Hugh tregon se është më i kujdesshëm dhe se i nënshtrohet kontrolleve mjekësore të rregullta, çdo tre muaj. /A.Z/UBT News/

Continue Reading

Të kërkuara