Lajmet

Biden u bën thirrje republikanëve të miratojnë ndihma të reja për Ukrainën

“Nuk mund ta lejojmë Putinin të fitojë”, tha presidenti Biden.

Published

2 years ago

on

Presidenti amerikan, Joe Biden u bëri thirrje republikanëve të miratojnë propozimin për ndihma të reja ushtarake për Ukrainën të mërkurën, duke paralajmëruara se një fitore e Rusisë ndaj Ukrainës do të krijonte kushtet që Moska më pas të sulmonte aleatët e NATO-s.

Presidenti Biden i bëri komentet ndërsa Shtetet e Bashkuara po planifikojnë të njoftojnë dhënien e një ndihme shtesë prej 175 milionë dollarësh për Ukrainën nga fondet e pakësuara, tashmë të miratuara nga Kongresi, për Kievin.

“Nëse Putini e merr Ukrainën, ai nuk do të ndalonte aty”, tha presidenti Biden.

Putini do të sulmonte më pas një aleat të NATO-s dhe do të na detyronte të “dërgonim trupa amerikane për të luftuar kundër trupave ruse”, theksoi ai.

“Nuk mund ta lejojmë Putinin të fitojë”, tha presidenti Biden.

Shtëpia e Bardhë paralajmëroi këtë javë se fondet tashmë të miratuara për Ukrainën po pakësohen dhe nuk ka mbetur shumë kohë për miratimin e ndihmave të reja për të ndihmuar Ukrainën në luftën e saj kundër agresionit rus.

Në mes të nëntorit, Departamenti i Mbrojtjes kishte përdorur 97 për qind të ndihmës prej 62.3 miliardë dollarësh nga fondi për Ukrainën, i miratuar nga Kongresi, dhe se Departamenti i Shtetit kishte përdorur të gjithë fondin prej 4.7 miliardë dollarësh të ndihmave ushtarake për Ukrainën, tha këtë javë Drejtorja e Zyrës për Menaxhimin e Buxhetit, Shalanda Young.

Një zyrtar amerikan tha se Shtetet e Bashkuara kanë autorizim për përdorim të një fondi prej më pak se një miliardë dollarësh për Ukrainën. Nëse Kongresi nuk miraton fonde të reja për blerjen e pajisjeve dhe Departamenti i Mbrojtjes mbetet pa fonde për këtë çështje, Ukraina dhe kompanitë e prodhimit të armëve duhet të gjejnë mënyra të tjera për të siguruar më shumë armë për luftën kundër Rusisë.

Siguria në kufirin e Shteteve të Bashkuara me Meksikën është një nga çështjet më të mëdha që kanë qenë pengesë në negociatat mbi miratimin e ndihmave të reja për Ukrainën dhe Izraelin.

Republikanët në Dhomën e Përfaqësuesve dhe Senat mbështesin përpjekjet e reja për ndërtimin e një muri kufitar, një nga objektivat kryesor të ish Presidentit Trump, dhe ndryshimin e politikave të azilit, duke detyruar azilkërkuesit që të presin në Meksikë ndërsa zyrat e imigracionit shqyrtojnë kërkesat e tyre për strehim në Shtetet e Bashkuara.

Presidenti Biden ka thënë se ai është i gatshëm të bëjë kompromise “të mëdha” rreth çështjes së kufirit, por theksoi se republikanët nuk do të marrin të gjitha gjërat që i kërkojnë. “Këto janë negociata”, tha ai./VOA

Related Topics:
Continue Reading

Rajoni

Me shumicë votash, Vesa Shatri zgjidhet Kryetare e re e Këshillit Studentor të UBT-së

Published

6 hours ago

on

December 3, 2025

By

Këshilli Studentor i UBT-së ka zhvilluar procesin zgjedhor për përzgjedhjen e përfaqësuesve të rinj të studentëve, në një proces të drejtë, transparent dhe të monitoruar nga autoritetet akademike të institucionit. Me shumicë votash, Vesa Shatri është zgjedhur Kryetare e Këshillit Studentor të UBT-së, duke marrë besimin e studentëve për të udhëhequr strukturën përfaqësuese të tyre.

Në përbërjen e re të kryesisë, janë zgjedhur këta përfaqësues:

  • Kryetare: Vesa Shatri
  • Nënkryetare: Eliona Kastrati
  • Sekretar: Mal Shehu
  • Këshilli Akademik: Ema Spahija
  • Komisioni për Ankesa: Elena Jashanica
  • Komisioni i Cilësisë: Odesa Mala
  • Komisioni Disiplinor: Rizgjim Sejdiu
  • Komisioni i Etikës: Arianit Hasani

Procesi zgjedhor u mbikëqyr nga përfaqësues të lartë të UBT-së, përfshirë Prorektorin e UBT-së, Prof. Dr. Binak Beqaj, sekretarin e institucionit, Prof. Dr. Artan Tahiri, këshilltarin në Zyrën e Rektorit, Prof. Dr. Elmi Kelmendi, koordinatoren për Çështje Akademike në UBT, Mirlinda Jashanica, si dhe Ismije Pllana, nga zyra e sekretarit.

Zgjedhja e kryesisë së re vjen me synimin që përfaqësimi i studentëve të jetë sa më efektiv, gjithëpërfshirës dhe i orientuar drejt përmirësimit të vazhdueshëm të jetës akademike e studentore në UBT. Përfaqësuesit e rinj do të angazhohen për të qenë zëri i studentëve, për të adresuar kërkesat e tyre dhe për të bashkëpunuar ngushtë me menaxhmentin e institucionit.

Në fjalën e saj, Kryetarja e re, Vesa Shatri, falënderoi studentët për besimin dhe theksoi angazhimin e saj për të mbrojtur interesat e tyre dhe për të ndërtuar ura komunikimi të qëndrueshme mes studentëve dhe strukturave drejtuese të UBT-së.

Continue Reading

Lajmet

BE-ja i kërkon KPK-së zbatimin e plotë të reformave: Shteti ligjor, parakusht i domosdoshëm për integrim

Published

7 hours ago

on

December 3, 2025

By

Zyra e Bashkimit Evropian ka njoftuar se në takimin e zhvilluar me Këshillin Prokurorial të Kosovës, u është bërë thirrje të gjithë anëtarëve të tij t’i zbatojnë plotësisht reformat e KPK-së.

Në njoftimin e lëshuar nga kjo zyrë, thuhet se shteti ligjor është parakusht thelbësor për Bashkimin Evropian.

“Zyra e BE-së në Kosovë u bëri thirrje sot të gjithë anëtarëve të tij që të zbatojnë plotësisht dhe së bashku reformën e KPK-së, të sigurojnë ligjshmërinë e vendimeve të tyre, të veprojnë me integritet dhe të mbrojnë besimin e publikut në sistemin e drejtësisë”, thuhet në njoftim.

Pas shkarkimit të u.d. së kryeprokurorit Besim Kelmendi dhe përplasjeve brenda KPK-së, Zyra e BE-së dje ka kërkuar takim urgjent me të gjithë anëtarët.

Ndërsa tri organizata të shoqërisë civile kanë paralajmëruar për rritje të rrezikut të kundërligjshmërisë në KPK.

Për këtë arsye ato kanë kërkuar ndërhyrjen e gjykatës./EO

Continue Reading

Lajmet

​Certifikohet NISMA

Published

9 hours ago

on

December 3, 2025

By

Komisioni Qendror i Zgjedhjeve ka certifikuar sot subjektin politik Nisma Socialdemokrate, për pjesëmarrje në zgjedhjet e parakohshme parlamentare të 28 dhjetorit.

Drejtori i Zyrës për Regjistrim, Certifikim dhe Kontrollin Financiar të Subjekteve Politike, Besnik Buzhala tha se Nisma ka përmbushur të gjitha kriteret sipas ligjit për zgjedhje dhe ka paguar taksën për certifikim.

“Periudha e certifikimeve politike ka përfunduar me 30 nëntor. Subjekti politik NISMA ka përmbushur kriteret për certifikim duke dorëzuar listën e nënshkrimeve dhe mbështetësve dhe ka paguar taksën për certifikim. Nuk ka gjoba nga PZAP, KQZ dhe Zyra”, tha Buzhala.

Më 2 dhjetor 2025, KQZ mori vendim për certifikimin e 22 subjekteve politike, 16 parti politike; tri koalicione, dy iniciativa qytetare dhe një kandidat i pavarur për pjesëmarrje në zgjedhjet e dhjetorit, ndërsa nuk e ka certifikuar Listën Serbe./KP

Continue Reading

Lajmet

Lista Serbe fton konferencë për media pas moscertifikimit nga KQZ

Published

9 hours ago

on

December 3, 2025

By

Lista Serbe, ka njoftuar se sot më 03.12.2025, në ora 15:00, në selinë e partisë do të mbajnë konferencë për media.

Sipas njoftimit, drejtuesit do të flasin për vendimin nga KQZ-ja i cili siç pretendojnë ata ka penguar pjesëmarrjen e subjektit në zgjedhjet e parakohshme parlamentare të 28 dhjetorit 2025, transmeton KosovaPress.

“Udhëheqja e Listës Serbe do të mbajë një konferencë të jashtëzakonshme për media, ku do të flasë për vendimin joligjor për të penguar pjesëmarrjen e Listës Serbe në zgjedhjet e parakohshme parlamentare më 28 dhjetor 2025” thuhet në njoftimin e partisë.

Ndërsa dje gjatë mbledhjes së dytë lidhur me përgatitjet për procesin zgjedhor, KQZ-së nuk ka certifikuar Listën Serbe për zgjedhjet e parakohshme parlamentare të 28 dhjetorit.

KQZ votoi certifikimin ndaras për partitë politike, meqë rast Lista Serbe me 2 vota për, 2 kundër dhe 7 abstenime nuk u certifikua./KP

Continue Reading

Të kërkuara