

Aktualitet
Biden dhe Erdogan thonë se bisedimet ishin “produktive dhe të sinqerta”
Presidenti i Turqisë, Erdogan tha se “bisedimet ishin produktive dhe të sinqerta”.
Published
4 years agoon
By
Betim GashiPresidenti i Shteteve të Bashkuara, Joe Biden, tha të hënën (14 qershor) se ka zhvilluar bisedime “pozitive dhe produktive” me presidentin e Turqisë, Recep Tayyip Erdogan.
Të dy liderët u takuan në Bruksel pasi morën pjesë në një samit të NATO-s.
Biden tha se pas bisedimeve me Erdoganin, ekipet e tyre do të vazhdojnë punën për të zbatuar ato për të cilat janë marrë vesh.
“Unë kam besim se do të bëjmë përparim të vërtetë”, tha ai.
Mirëpo të dy liderët nuk dhanë hollësi se për çfarë janë marrë vesh, derisa lista e mospajtimeve mes dy vendeve është bukur e gjatë.
Presidenti i Turqisë, Recep Tayyip Erdogan, u shfaq optimist pas bisedimeve, megjithëse nuk konfirmoi nëse është arritur ndonjë përparim i madh në lidhje me mospajtimet mes dy vendeve për blerjen e armëve ruse nga ana e Turqisë, situatën në Siri dhe Libi si dhe çështje tjera, raporton Reuters.
Ai tha se “bisedimet ishin produktive dhe të sinqerta”.
“Fushat e bashkëpunimit mes nesh janë më të mëdha sesa problemet”, tha Erdogan.
Turqia, e cila ka ushtrinë e dytë më të madhe brenda NATO-s, ka zemëruar aleatët e saj në aleancën ushtarake perëndimore pasi ka blerë sistemin rus të mbrojtjes raketore si dhe ka ndërhyrë në konfliktet në Siri dhe Libi.
Uashingtoni tashmë e ka hequr Ankaranë nga programi i avionëve luftarakë F-35 dhe ka vendosur sanksione mbi Turqinë për shkak të bashkëpunimit ushtarak me Rusinë.
“Për çështjen e sistemit rus S-400, unë i thashë (Bidenit) të njëjtën gjë që kisha thënë edhe në të kaluarën”, tha Erdogan.
Turqia gjithashtu ka mosmarrëveshje me Greqinë dhe Qipron për territorin në Mesdheun Lindor.
Biden në anën tjetër e ka hidhëruar Erdoganin pasi ka njohur si gjenocid vrasjen e armenëve më 1915 nga ana e Perandorisë Osmane si dhe ka kritikuar Turqinë për mosrespektim të të drejtave të njeriut.
Kritikat amerikane janë shtuar pasi Turqia u largua nga Konventa e Stambollit, që synon mbrojtjen e grave nga dhuna.
Burimi: Radio Evropa e Lirë

Sot mbi vendin tonë parashihet të jetë një mot i kthjellët.
Por, nuk do të mungojnë as reshjet e shiut të cilat do të shoqërohen me temperatura të larta.
Pranvera filloi me minimale me 6°C kurse maksimalen do ta kemi 14°C. /UBT News/
Bota
Macron: Izraeli nuk ka asnjë arsye që të sulmojë Libanin
Published
3 days agoon
March 28, 2025By
UBT NEWS
Presidenti i Francës, Emanuel Macron, ka deklaruar se sulmet izraelite në Liban janë të “papranueshme” dhe kanë shkelur marrëveshjen e armëpushimit mes dy shteteve. Ai ka theksuar se nuk ka asnjë arsye që Izraeli të vazhdojë sulmet dhe ka kërkuar respektimin e plotë të marrëveshjes së armëpushimit.
Macron e ka kritikuar ashpër veprimin izraelit, duke theksuar se nuk ka asnjë informacion që të mbështesë pretendimet se Hezbollah ka realizuar ndonjë aktivitet ushtarak në jug të Libanit. “Ne nuk kemi asnjë informacion që tregon ndonjë bombardim apo aktivitet ushtarak nga Hezbollah në jug. Është absolutisht e nevojshme të respektohet plotësisht kuadri armëpushimi që kemi vendosur, për të cilin ranë dakord Libani dhe Izraeli. Kjo nuk u respektua sot nga Izraeli me një veprim të njëanshëm dhe pa pasur asnjë informacion apo provë për ngjarjet që shkaktuan sulmet izraelite,” tha Macron.
Në një përpjekje për të de-eskaluar situatën, Macron ka paralajmëruar se do të diskutojë me presidentin amerikan, Donald Trump, dhe kryeministrin izraelit, Benjamin Netanyahu, me synimin për të gjetur një zgjidhje të mundshme dhe për të siguruar një respektim të plotë të armëpushimit.
Bota
Izraeli sulmon Bejrutin, zbaton formulën diktatoriale
Published
3 days agoon
March 28, 2025By
UBT NEWS
Izraeli ka realizuar një sulm ajror mbi periferitë jugore të Bejrutit, duke zbatuar një formulë që kritikët e konsiderojnë si diktatoriale, ku me mbështetje të fuqishme amerikane, ai vepron në territorin libanez pa patur një miratim të drejtpërdrejtë ndërkombëtar. Sipas një raporti nga një gazetar i Al Jazeera, Ushtria Izraelite ka bombarduar zonat e dendura dhe të banuara të qytetit.
Para fillimit të sulmit, ushtria izraelite ka dhënë tre të shtëna paralajmëruese, për të sinjalizuar banorët për rrezikun e afërt. Pasi shpalli alarmin, ushtria ka kërkuar evakuimin e detyruar të qytetarëve, duke u urdhëruar ata që të largohen të paktën 300 metra larg objekteve që Izraeli pretendon se i përkasin Hezbollahut. Sipas raporteve, qindra banorë janë larguar nga zona, duke u përpjekur të shpëtojnë nga sulmet.
Izraeli ka pohuar se sulmet ishin të fokusuara në një magazinë drone të Hezbollahut, por ky veprim ka ngjallur shqetësime të mëdha ndërkombëtare për pasojat e mundshme të rritjes së tensioneve mes Izraelit dhe grupeve të armatosura libaneze. Presidenti i Libanit ka dënuar këto sulme, duke i konsideruar ato si shkelje të drejtpërdrejta të marrëveshjes së armëpushimit, që ndalon përdorimin e forcës nga ana e Izraelit në territorin libanez.
Ky incident është pjesë e një cikli të vazhdueshëm tensionesh mes Izraelit dhe Hezbollahut, ndërsa dy shtetet janë përfshirë në një konflikt të gjatë që ka shkaktuar pasoja të rënda për civilët në rajon.
Bota
Tërmeti i fuqishëm në Azinë Juglindore, rritet numri i viktimave, spitalet nevojë urgjente për gjak
Published
3 days agoon
March 28, 2025By
UBT NEWS
Tërmeti i fuqishëm që goditi Azinë Juglindore mesditën e së premtes ka shkaktuar një tragjedi të madhe, me magnitudë 7.7, duke prekur kryesisht Tajlandën dhe Mianmarin. Dëmet janë të mëdha dhe numri i viktimave po rritet vazhdimisht.
Nga Mianmari raportohet për të paktën 21 të vdekur deri tani. Këto informacione janë dhënë nga organizatat e ndihmës dhe burime lokale në rajonet e Taungo, Bago, Pyavbve dhe Mandalay, ndërsa numri i viktimave pritet të rritet ndërsa vijon operacioni i shpëtimit.
Gjenerali Zaw Min Tun, zëdhënës i juntës ushtarake të Mianmarit, ka njoftuar se në spitalet e vendit po mbërrijnë një numër të madh të plagosurve. Kjo ka çuar në një thirrje urgjente për furnizime me gjak, pasi spitalet po përballen me një ngarkesë të madhe dhe kërkojnë mbështetje.
Në Mianmar, tërmeti ka shkaktuar shembjen e një ure dhe disa ndërtesave, ndërsa në qytetin Aung Ban është rrëzuar një hotel, duke bllokuar shumë njerëz brenda tij. Operacionet e shpëtimit janë në vijim, por situata është shumë e vështirë për shkak të kushteve të kufizuara të informacionit nga ky vend i drejtuar nga një juntë ushtarake.
Përveç Mianmarit, në Bangkok të Tajlandës gjithashtu janë regjistruar dëme të mëdha. Një ndërtesë shumëkatëshe është shembur, duke lënë të bllokuar 43 punëtorë nën rrënoja. Për këtë arsye, kryeministri tajlandez shpalli gjendjen e jashtëzakonshme për qytetin e Bangkokut, ndërsa ekipet e shpëtimit po punojnë pa pushim për të nxjerrë të mbijetuarit.
Sipas të dhënave paraprake të Shërbimit Gjeologjik të SHBA-së dhe qendrës gjermane për shkenca gjeologjike (GFZ), tërmeti ka qenë i cekët, me një thellësi prej vetëm 10 kilometrash, dhe epiqendra e tij ndodhej në Mianmar, duke shtuar kështu rrezikun dhe pasojat për zonat e prekura.
Kjo tragjedi ka sjellë një kërkesë urgjente për ndihma ndërkombëtare, ndërsa autoritetet e të dyja shteteve po bëjnë thirrje për solidaritet dhe mbështetje për të përballuar pasojat e këtij tërmeti shkatërrues.

Divorci i prindërve, flet vajza e “Mr. Bean”: Ditët më të errëta

Microsoft prezantoi ekranin Xbox-PC

Kundër shëndoshjes së fytyrës! Çfarë duhet të bëni?

Eva Longoria pozon pranë yllit në Hollywood Walk of Fame, para premierës së filmit të ri

Si të ruani funksionet mendore gjatë moshës së shtyrë?

Dani Alves shpallet i pafajshëm

Katër ushtrimet që duhet t’i bëni çdo mëngjes

Fundjavë me shi, ja parashikimi i motit për sot

Presidenca kundërshton propozimin për shtrenjtim të rrymës
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota2 months ago
Trump zbulon listën e zezë të Shtëpisë së Bardhë