Lajmet

Biden: Amerikanët të largohen nga Ukraina, gjërat mund të çmenden shpejt

“Ajo që kam kërkuar është që shtetasit amerikanë të largohen nga Ukraina, të largohen tani”.

Published

4 years ago

February 11, 2022

Betim Gashi

Presidenti amerikan Joe Biden u kërkoi të gjithë qytetarëve amerikanë të mbetur në Ukrainë të largohen menjëherë nga vendi, duke cituar kërcënime në rritje për aksion ushtarak rus. Kreu i Shtëpisë së Bardhë tha se nuk do të dërgonte trupa për të shpëtuar amerikanët, nëse Moska pushton Ukrainën. Ai paralajmëroi se gjërat në rajon mund të çmendeshin shumë shpejt.

“Ajo që kam kërkuar është që shtetasit amerikanë të largohen nga Ukraina, të largohen tani. Kemi të bëjmë me një prej ushtrive më të mëdha në botë. Gjërat mund të çmendjen me shpejtësi”, tha Biden.

Kryeministri britanik Boris Johnson paralajmëroi të enjten se Europa përballej me kërcënimin më të madh të sigurisë në dekada, ndërsa theksoi se lufta do të kishte pasoja katastrofike. “Nëse Rusia do të tregohet aq e pamend sa të bëjë gabimin katastrofik të pushtimit të Ukrainës, ushtria ukrainase prej më shumë se 200 mijë trupash do të luftojë, dhe do ketë gjakderdhje të madhe. Mendoj se çdokush në Rusi duhet ta dijë këtë”, tha ai.

Johnson, i cili u takua me Sekretarin e Përgjithshëm të NATO-s, Jens Stoltenberg, e më pas me presidentin polak Andrej Duda, tha se nuk besonte që Rusia e kishte marre vendimin për të pushtuar Ukrainën, por të dhënat e inteligjencës mbeteshin të zymta.

Teksa ofensiva diplomatike për gjetjen e një zgjidhje politike ndaj krizës vijon ethshëm, Rusia dhe Ukraina njoftuan të enjten se nuk ishin dakordësuar për ndonjë rrugëdalje të mundshme për t’i dhënë fund konfliktit në lindje të Ukrainës, në bisedimet me zyrtarët francezë dhe gjermanë. Sinjale dekurajuese erdhën edhe pas takimit të shefit të diplomacisë ruse, Sergei Lavrov me ministren e Jashtme britanike liz truss. Lavrov i cilësoi bisedimet si zhgënjyese dhe tha se marrëdhëniet mes Rusisë dhe Britanisë ishin në pikën më të ulët në shumë vite.

Vendi

Arrestohet një person i dyshuar për grabitje në Pejë

Published

15 minutes ago

August 7, 2026

UBTNews

Policia e Kosovës ka arrestuar një person të dyshuar për një grabitje të ndodhur në dhjetor të vitit të kaluar në rrugën “Qamëria” në Pejë.

Sipas njoftimit zyrtar, ngjarja kishte ndodhur më 20 dhjetor 2025, rreth orës 03:30, ku persona të dyshuar kishin hyrë në shtëpinë e viktimës dhe kishin vjedhur një sasi të konsiderueshme parash, stoli ari si dhe një telefon mobil.

Pas hetimeve intensive të Sektorit Rajonal për Hetime, më 6 gusht 2026 është arritur identifikimi dhe arrestimi i njërit prej të dyshuarve.

Me urdhër të Prokurorit të Shtetit, i dyshuari është dërguar në mbajtje për 48 orë, ndërsa hetimet po vazhdojnë nga Sektori Rajonal i Hetimeve pranë Drejtorisë Rajonale të Policisë në Pejë. /E.A/

Lajmet

Afati i fundit kushtetues për konstituimin e Kuvendit

Published

47 minutes ago

August 7, 2026

UBTNews

Sot mbushet afati i fundit kushtetues për konstituimin e Kuvendit të Kosovës, ndërsa nga ky institucion nuk është bërë e ditur se kur do të vazhdojë seanca e ndërprerë për legjislaturën e 11-të.

Punimet e seancës konstituese u ndërprenë me kërkesë të kryetarit të Lëvizjes Vetëvendosje, Albin Kurti, i cili kërkoi kohë shtesë për diskutime me përfaqësuesit e partive politike, me qëllim arritjen e një marrëveshjeje për çështjen e presidentit. Kjo kërkesë nxiti reagime nga ligjvënësit e Partisë Demokratike, mirëpo kryesuesi i seancës, Avni Dehari, ndërpreu punimet.

Para ndërprerjes, Kuvendi përmbylli dy pikat e para të rendit të ditës: formimin e komisionit për verifikimin e mandateve dhe betimin e deputetëve. Pasi u konstatua rregullsia e mandateve, ligjvënësit e zgjedhur dhanë betimin, përfshirë edhe deputetët e Listës Serbe. /E.A/

lajme

Mot me diell dhe temperatura deri në 37°C sot në Kosovë

Published

55 minutes ago

August 7, 2026

UBTNews

Kosovën e pret një ditë me mot kryesisht me diell dhe i nxehtë këtë të premte.

Sipas Institutit Hidrometeorologjik të Kosovës (IHMK), temperaturat minimale do të lëvizin ndërmjet 13°C dhe 18°C, ndërsa ato maksimale do të arrijnë nga 33°C deri në 37°C.

Gjatë ditës mund të shfaqen vranësira të pakta kalimtare në disa zona, por nuk parashihen reshje shiu. Po ashtu, do të fryjë erë e lehtë deri mesatare nga drejtimi i veriut dhe veriperëndimit me shpejtësi prej 1 deri në 5 m/s.

Nga IHMK bëjnë të ditur se temperaturat do të mbeten pak mbi mesataren shumëvjeçare, mirëpo mbeten brenda normave për stinën e verës. /E.A/

Lajmet

SHBA përballet me opsione të vështira për mbylljen e konfliktit me Iranin

Published

57 minutes ago

August 7, 2026

UBTNews

Ndërsa lufta e Presidentit Donald Trump kundër Iranit ka hyrë në muajin e saj të gjashtë, paralajmërimet dhe përpjekjet diplomatike të kësaj jave kanë nxjerrë në pah pozicionin e ndërlikuar në të cilin ai ndodhet, teksa përpiqet të tërheqë SHBA-në nga një konflikt jopopullor që fillimisht pretendonte se do të zgjaste vetëm disa javë.

Trump ndodhet përballë dy rrugëve: të pranojë një marrëveshje të përkohshme që po mekohet mes Iranit dhe Omanit – e cila do t’i jepte Teheranit kontroll mbi ngushticën e Hormuzit, diçka që nuk e posedonte para luftës – ose të zbatojë paralajmërimet e tij për përshkallëzim të mprehtë, duke rrezikuar një krizë më të zgjatur.

Opsioni i parë, sipas analistëve, do t’i gjeneronte Iranit lëshimin më të madh që nga sulmi i SHBA-së dhe Izraelit më 28 shkurt dhe do të zyrtarizonte mbikëqyrjen e Republikës Islamike mbi këtë rrugë të rëndësishme të transportit të naftës, diçka që administrata Trump kishte premtuar ta parandalonte.

Rruga e dytë, që ka të ngjarë të përfshijë një valë të re sulmesh ajrore, mund të bartë rreziqe politike për Trumpin përpara zgjedhjeve të rëndësishme afatmesme të nëntorit në SHBA, ndërsa nuk duket se ofron ndonjë garanci më të madhe suksesi se bombardimet e mëparshme.

Trump mund të zgjedhë gjithashtu të ruajë status quo-në aktuale: të mbajë bllokadën e porteve iraniane dhe të kundërpërgjigjet periodikisht ndaj çdo sulmi mbi transportin detar. Megjithatë, as kjo qasje nuk i ofron një dalje të dinjitshme nga një konflikt që ai kishte parashikuar të përfundonte në mes të prillit.

“Është një menu opsionesh të këqija, por Trump mund të ketë kuptuar se nuk mund ta lërë këtë luftë të vazhdojë pafundësisht,” u shpreh Aaron David Miller, ish-negociator për Lindjen e Mesme.

Duke iu përgjigjur pyetjeve të gazetares së Reuters, një zyrtar amerikan deklaroi në kushte anonimiteti se çdo rrugë e përkohshme e transportit detar do të jetë “pa asnjë pengesë” dhe pa mbikëqyrje nga asnjë palë. /Reuters/