Sport

Bellingham zbulon pse zgjodhi Realin dhe jo Liverpoolin

Bellingham ka zbuluar arsyen se çfarë e shtyu t’i bashkohej Realit para Liverpoolit.

Published

3 years ago

June 15, 2023

Betim Gashi

Sigurisht njëra nga sagat më të përfolura të merkatos verore pritej të ishte Jude Bellingham, ku vazhdimisht thuhej se Real Madridi dhe Liverpooli po luftojnë kokë më kokë për transferimin e yllit anglez.

Por Liverpooli vendosi që të largohej nga gara me arsyen se mjetet financiare mungojnë dhe klubi nuk mund ta përballojë transferimin e tij.

Kjo gjë i hapi rrugën Realit, i cili tanimë e ka bërë zyrtare nënshkrimin me Bellingham. Tani Bellingham ka zbuluar arsyen se çfarë e shtyu t’i bashkohej Realit para Liverpoolit.

“Kjo nuk kishte të bëjë kurrë me paranë, unë vetëm vendosa t’i bashkohem klubit më të madh në botë: Real Madridit. Të gjithë shokët e mi në Kombëtaren e Anglisë dëshironin që unë të rikthehesha në Premier Ligë, do të ishte një vendim i lehtë dhe në zonën e komfortit tim, por ju nuk mund ta refuzoi të madhin Real Madrid”, tha Bellingham.

“Unë kam vendosur në momentin kur Real Madridi erdhi në shtëpinë time për tu takuar me ne. Ishte gjë e madhe sepse ata ishin tejet të mirë me familjen time, nuk u munduan t’i manipulojnë. Paraja nuk ishte kurrë një faktor. Babai im më tregoi për interesimin e Realit vitin e kaluar, 12/15 muaj më parë, dhe më besoni, u emocionova tej mase dhe zemra mu ndal për pak. Isha në finalen mes Madridit dhe Liverpoolit, ishte një faktor i madh në vendimin tim për t’iu bashkuar Realit”, shtoi më tej Bellingham.

Reali mbylli marrëveshjen me Dortmundin për Bellingham për një shifër prej 103 milionë eurosh, ndërsa 30 milionë euro të tjera do të jenë në formë të bonuseve.

Related Topics:Real Madrid Liverpool Bellingham

Up Next

Giresse: Rashani mungon, Zhegrova në dyshim

Don't Miss

Kaq tifozë rumun pritet të jenë nesër në “Fadil Vokrri”

Vendi

Akil Gjakova mbyll garën pa medalje në Abu Dhabi

Published

19 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

20 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

22 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/