Kulturë

Bella Hadid tani edhe me një profesion të ri: Bashkë-pronare e KIN Euphorics

Published

on

Bella Hadid nuk e di se si kanaçet e Kin Euphorics, që është pije adaptogjene joalkoolike, përfunduan në frigoriferin e saj. Ajo që di është se një ditë, në vitin 2019, ato thjeshtë u shfaqën!

Karriera e saj si supermodele nënkuptonte ditë pune të vazhdueshme, një orar të vrullshëm udhëtimesh botërore dhe paraqitje pas paraqitjeve. Edhe pse mirënjohëse për jetën e saj, ajo filloi të ndihej e lodhur, transmeton UBT News.

“Unë thjesht shkoja në punën tjetër dhe punën tjetër dhe punën tjetër – duke e shtyrë dhe shtyrë vazhdimisht”, thotë ajo. “Më duhej të isha në punë në 7 të mëngjesit dhe të dilja disi natën. Nuk ishte e qëndrueshme”.

Kishte edhe faktorë të tjerë: Hadid thotë se ajo ende vuan nga efektet e sëmundjes Lyme, të cilat përfshijnë mjegullimin e trurit dhe lodhjen.

Kështu, kur ajo hodhi një vështrim në listën e përbërësve të Kin – e cila përfshin GABA, një kimikat nootropik i natyrshëm që promovon relaksim dhe tirozinë, një përmirësues i humorit – ajo vendosi ta hapë atë dhe ta provojë. Ajo donte të provonte nëse do ta qetësonte, dhe rezultati ishte pozitiv.

Dy vjet më vonë, Hadid tani është zyrtarisht një bashkëthemeluese dhe partnere e Kin Euphorics, së bashku me themeluesen Jen Batchelor, përcjell UBT News.

Hadid po merr një rol të rëndësishëm brenda kompanisë. Pijet “Kin” së shpejti do të futen me livando të rritur në fermën e familjes Hadid në Pensilvani. Ajo nuk është e kënaqur vetëm të jetë fytyra e markës – ajo dëshiron ta ndërtojë atë gjithashtu. “Krijimi është gjuha ime e dashurisë”, u shpreh Hadid.

Hadid dhe Batchelor kanë plane të mëdha për pijen Kin, për të cilat ende nuk mund të flasin. Por më e rëndësishmja është të theksohet se “kujdesi për trurin është kujdesi për veten”, siç thotë Batchelor./UBTNews

Lifestyle

Pse nuk duhet ta fshini fytyrën me peshqir?

Published

on

Mund të mendoni se banjo ka më shumë mikrobe në shtëpinë tuaj, por nuk është kështu. Janë peshqirët që janë të mbushur me më shumë baktere, dhe nëse po i përdorni për të fshirë fytyrën, ju mund të jeni duke i bërë dëm lëkurës.

Megjithëse tharja e fytyrës me peshqir duket si gjëja më logjike për të bërë, mund të bëjë më shumë dëm sesa mirë.

Ja arsyet pse nuk duhet t’i përdorni më peshqirët e çfarë të zgjidhni në vend të tyre

Mund t’ju shkaktojë puçrra

Tharja e fytyrës me të njëjtin peshqir që përdorni për trupin dëmton lëkurën shumë. Peshqirët janë kurthe të shkëlqyera për bakteret, se i mbajmë në tualet, aty ku ajri është i lagësht e krijohet mjedis i përsosur për rritjen e baktereve.

Kur fërkoni peshqirin në fytyrë, po i kaloni bakteret në lëkurën tuaj, gjë që përfundimisht çon në bllokimin e poreve.

Edhe nëse jeni duke përdorur një peshqir të veçantë për fytyrën, ka të ngjarë që nuk po e lani çdo ditë, dhe bakteret e padëshiruara përsëri mund të gjejnë rrugën për në lëkurën tuaj.

Lëkura juaj mund të plaket më shpejt

Peshqirët prej lecke janë shumë të ashpër për fytyrën, dhe përdorimi i tyre e bën atë të prekshme nga infeksionet dhe rrudhat. Sa më shumë që lani peshqirët, copa e tyre mund të bëhet e ashpër duke dëmtuar lëkurën tuaj.

Mund të irritojë lëkurën

Nëse keni lëkurë të ndjeshme, përdorimi i peshqirëve nuk është opsioni më i mirë për të tharë fytyrën. Për shkak se shumica e pëlhurave të peshqirëve mund të jenë të ashpër, fshirja e fytyrës rezulton në skuqje dhe acarim të lëkurës.

Mund ta bëjë lëkurën të yndyrshme

Mund të tingëllojë kontradiktore, por tharja e lëkurës mund ta bëjë më të yndyrshme. Meqenëse peshqirët heqin vajrat natyralë, lëkura ka nevojë të qëndrojë e shëndetshme, gjëndrat dhjamore nën sipërfaqen e lëkurës duhet të prodhojnë më shumë vaj për të ekuilibruar tharjen, e cila do të rezultojë në lëkurë tepër të yndyrshme.

Si ta thani fytyrën pa peshqir?

Në vend që të prekni fytyrën me një peshqir, lini ajrin të bëjë punën e vet. Tharja në ajër është më higjienike dhe e butë për lëkurën, dhe megjithëse kërkon më shumë kohë, lëkura do t’ju falënderojë për këtë.

Lani fytyrën si zakonisht.

Lëreni lëkurën të thahet natyrshëm.

Vendosni kremin tuaj hidratues të preferuar.

Continue Reading

Magazinë

“Peaky Blinders” rikthehet me dy ndryshime të mëdha

Published

on

Pas përfundimit të sezonit të gjashtë në vitin 2022, “Peaky Blinders” do të rikthehet zyrtarisht në ekran më 2026, për të përfituar nga suksesi i pritur i filmit të ardhshëm që do të lansohet këtë vit, “The Immortal Man”, i cili është vazhdim i serialit, ka raportuar The Sun.

Çfarë do të ndryshojë?

Epoka

Ndryshe nga sezoni i fundit që zhvillohej në vitet ’30, sezoni i ri do të vendoset në vitet ’50 – epokë e dominuar nga bandat e “Teddy Boys” dhe ngritja e vëllezërve të famshëm Kray në Londrën lindore.

Roli i Thomas Shelbyt

Aktori Cillian Murphy pritet të rikthehet si Tommy Shelby, por tashmë në një rol udhëheqës paternalist, më shumë si figurë mentori për gjeneratën e re të gangsterëve, njësoj si Polly Gray dikur.

Si ndodhi rikthimi?

Sezoni i gjashtë dhe filmi ishin planifikuar si fundi i sagës, krijuesi Steven Knight nuk mundi të qëndronte larg nga historia e tij. BBC e ka miratuar zyrtarisht vazhdimin dhe xhirimet pritet të nisin në muajin shtator.

Seriali do të transmetohet në BBC One në Britani, ndërsa në pjesën tjetër të botës do të shpërndahet nga platformën Netflix, ashtu si edhe filmi.

Continue Reading

Lifestyle

Si ndikon ambienti ynë në qetësinë e mendjes dhe fuqinë e shpirtit?

Published

on

Hapësira që të rrethon: Sekreti i padukshëm i shëndetit mendor.

Në një botë ku stresi, ritmet e shpejta dhe mbingarkesa ndjesore janë pjesë e përditshmërisë, hapësirat ku jetojmë nuk janë thjesht sfond — ato janë forca aktive që ndikojnë në shëndetin tonë emocional dhe mendor

Interieri i vëmendshëm është një qasje që vendos në qendër mirëqenien, duke krijuar ambiente që qetësojnë mendjen, ushqejnë shpirtin dhe mbështesin jetesën e ndërgjegjshme.

1. Ndriçimi natyral: Drita që ushqen jetën

Ndriçimi natyral rrit nivelet e energjisë, përmirëson humorin dhe ndihmon në rregullimin e ritmeve të brendshme biologjike.

Hapësirat e pajisura me dritare të mëdha, materiale që pasqyrojnë dritën dhe organizim të hapur ndihmojnë që ambienti të ndihet më i freskët, më pozitiv dhe më i gjallë. Këshillë praktike: Përdorni perde të lehta dhe organizoni mobilet në mënyrë që të lejoni sa më shumë dritë të natyrshme të hyjë në shtëpi.

2. Elementet bimore: Lidhja e gjallë me natyrën

Bimët në ambient nuk janë vetëm dekorative: ato pastrojnë ajrin, rrisin nivelin e oksigjenit dhe reduktojnë stresin.

Edhe një sasi e vogël bimësie në hapësirat e brendshme përmirëson përqendrimin dhe ndihmon në krijimin e një atmosfere më të butë dhe më të përqafueshme. Këshillë praktike: Zgjidhni bimë të lehta për t’u mirëmbajtur si pothos, sansevieria ose ficusi — dhe krijoni një “kënd jeshil” në shtëpinë tuaj.

3. Materialet organike: Tekstura që prekin ndjesitë tona

Druri natyral, gurët, liri, pambuku organik e qeramika e punuar me dorë krijojnë lidhje të drejtpërdrejtë me natyrën dhe ushqejnë ndjesinë e autenticitetit. Materialet organike, përmes ngjyrave të buta dhe strukturave të papërsosura, sjellin një ndjesi qetësuese dhe një estetikë më të ngrohtë dhe më tokësore. Këshillë praktike: Përdorni tekstile natyrore për perde, tapete dhe çarçafë; zëvendësoni sipërfaqet sintetike me ato prej druri ose guri ku të jetë e mundur.

4. Rendi dhe boshësia funksionale: Hapësirë për mendje të qetë

Një ambient i mbingarkuar vizualisht ngarkon mendjen. Minimalizmi i ndërgjegjshëm nuk do të thotë boshësi ekstreme, por hapësirë për frymëmarrje dhe rrjedhshmëri emocionale. Çdo objekt duhet të ketë një funksion ose një kuptim të vërtetë për ju, shkruan Class.

Këshillë praktike: Praktikoni një rishikim sezonal të hapësirave, duke larguar sendet që nuk ju shërbejnë më ose nuk ju sjellin gëzim.

Interieri i vëmendshëm është më shumë se një stil dizajni: është një mënyrë jetese. Një shtëpi e krijuar me kujdes, e ndriçuar nga drita natyrore, e gjallëruar nga bimët dhe e mbështjellë nga materiale organike, është një strehë për mendjen dhe shpirtin.

Në një botë që kërkon gjithmonë më shumë nga ne, shtëpia mund të bëhet vendi që na ndihmon të ndalemi, të qetësohemi dhe të rigjejmë veten.

Continue Reading

Kulturë

30 prilli, Dita Ndërkombëtare e Muzikës Xhaz

Published

on

30 prilli njihet si dita ndërkombëtare e muzikës xhaz, e cila festohet me qëllim rritjen e vetëdijes për vlerat e xhazit si një mjet edukativ dhe forcë për paqen, unitetin, dialogun dhe bashkëpunimin mes njerëzve.

UNESCO ka caktuar 30 prillin për këtë ditë, me rezolutën e miratuar në Konferencën e Përgjithshme në nëntor të 2011-ës.

Muzika e xhazit është një stil muzikor që u shfaq në fillim të shekullit të 20-të, në komunitetet e zezakëve në Jug të Amerikës.

Ajo ka lindur nga një përzierje e traditave të muzikës afrikane dhe europiane, e cila prej fillimeve të saj dhe deri në ditët e sotme, muzika xhaz ka marrë edhe elementë nga muzika popullore amerikane për shumë stile të dallueshme si: New Orleans Jazz që daton nga fillimi vitit 1910, Gypsy Jazz nga vitet 1930 dhe 1940, dhe Bebop nga mesi i viteve 1940.

Continue Reading

Të kërkuara