Lajmet nga UBT

Bëhu pjesë e Akademisë Ndërkombëtare Verore të Fakultetit Arkitekturë dhe Planifikimit Hapësinor në “Global UBT Fest 2022”

Studentët dhe pjesëmarrësit e tjerë do të kenë mundësi të punojnë me profesorë dhe profesionistë të fushave të ndryshme.

Published

3 years ago

on

“Global UBT Fest 2022” këtë vit në kuadër të Akademisë Ndërkombëtare Verore të Fakultetit  Arkitekturë dhe Planifikim Hapësinor, do të sjellë folës që do të trajtojnë tematika të ndryshme që ndërlidhen me arkitekturën dhe planifikimin urban.

Zhvillimi i qëndrueshëm nuk mund të arrihet pa transformuar mënyrën se si ne ndërtojmë dhe menaxhojmë hapësirat tona urbane, duke mos anashkaluar shoqërinë, mjedisin, kulturën dhe ekonominë, të cilat konsiderohen të jenë katër elementet themelore të zhvillimit të qëndrueshëm e që duhet të jenë të ndërlidhura njëra me tjetrën.

Prandaj “Qytetet dhe komunitetet e qëndrueshme”, është tema e cila do të trajtojë problematikat të cilat kanë ngërthyer qytetet tona, me mbi ndërtime, si dhe do të mundësojë bashkëbisedim për të ofruar ide dhe kreativitet për zgjidhjen e këtyre problemeve.

Studentët dhe pjesëmarrësit e tjerë do të kenë mundësi të punojnë me profesorë dhe profesionistë të fushave të ndryshme, duke shkëmbyer njohuri, përmes ligjëratave dhe punëtorive të organizuara në grupe të vogla, ku çdo aktivitet grupor do të ofrojë një zgjidhje për një temë specifike e cila do të trajtohet gjatë punëtorisë.

Linku për aplikim: Global UBT Fest 2022

Related Topics:
Continue Reading

Aktualitet

UBT organizon konferencën ‘Inovacioni dhe Mbrojtja e Pronësisë Intelektuale’

Published

6 hours ago

on

April 16, 2025

By

Në vazhdën e organizimit të eventeve në UBT, ka filluar të mbahet edhe konferenca ‘Inovacioni dhe Mbrojtja e Pronësisë Intelektuale’.

Konferenca ka filluar me një fjalim hyrës nga Rektori i UBT-së, Prof. Dr. Edmond Hajrizi.

Pjesëmarrës në këtë konferencë janë edhe Zjarrta Osmani e cila është ushtruese e detyrës së Drejtorit nga Zyra për të Drejtat e Autorit, Ligjërues Avdi Krasniqi – Zv. Drejtor i Përgjithshëm si dhe Sadie Topojani që është Udhëheqëse e Sektorit të IP në Doganë dhe Ligjëruese në UBT.

Kjo ngjarje u organizua në bashkëpunim me Zyrën për të Drejtat e Autorit dhe Doganën e Kosovës, dhe synon të ofrojë një pasqyrë të rëndësishme mbi mbrojtjen ligjore të inovacioneve, dizajneve, patentave dhe të drejtave të autorit në sektorë të ndryshëm si teknologjia, inxhinieria dhe biznesi.

Agjenda ka përfshirë edhe pika të tjera si: 
  • Prezantime nga përfaqësues të lartë të institucioneve relevante,
  • Diskutim të hapur dhe mundësi për rrjetëzim profesional,
  • Përmbyllje me përmbledhje të konkluzioneve kryesore.

/UBT News/

 

Continue Reading

Aktualitet

Fillon konferenca për tranzicionin e energjisë në UBT

Published

7 hours ago

on

April 16, 2025

By

Ka filluar konferenca ‘Tranzicioni i Energjisë; Implementimi i Politikave të Strategjisë së Energjisë, Digjitalizimi’, e organizuar nga UBT i cili po mbahet në Parkun Shkencor, Inovativ dhe Teknologjik të UBT-së në Lipjan.

Në këtë konferencë po merr pjesë Rektori i UBT-së, Prof. Dr. Edmond Hajrizi, ministrja e Ekonomisë, Artane Rizvanolli, kryesuesja e Komunitetit Nacional CIGRE, Pranvera Dobruna-Kryeziu dhe Ymer Fejzullahu, kryetar i Bordit të ZRRE.

Të ftuar të tjerë janë po ashtu ekspertë të fushës së energjisë elektrike në vend.


UBT News do të ju sjell informacionet kryesore të kësaj konference me rëndësi.

Vlen të përmendet se edhe studentët e UBT-së po e ndjekin këtë ngjarje.

 

 

 

 

 

Continue Reading

Lajmet nga UBT

Konferenca ‘Tranzicioni i Energjisë; Implementimi i Politikave të Strategjisë së Energjisë’, Armend Ymeri flet për organizimin

Published

23 hours ago

on

April 15, 2025

By

Emisioni n’Ritëm në Campus Radio me autore dhe moderatore Albina Zeneli pati të ftuar Prof. Ass. Dr. Armend Ymeri i cili njëherësh është dhe Dekan i Fakultetit të Inxhinierisë së Energjisë në UBT.

Me të diskutuam për konferencën ‘Tranzicioni i Energjisë; Implementimi i Politikave të Strategjisë së Energjisë, Digjitalizimi’, ngjarje kjo që do të mbahet nesër me fillim nga ora 08:30 në Kampusin Inovativ të UBT-së në Lipjan.

“Kemi ftuar ekspertë të fushës që do të ndajnë përvojat e tyre me të pranishmit, do të jenë Pranvera Dobruna, Artane Rizvanolli, përfaqësues mga KEK, KOSTT dhe KEDS”, u shpreh Z. Ymeri.

Përndryshe, Dekani ka bërë thirrje që studentët të marrin pjesë sepse sipas tij i’a vlen dhe madje thekson se kuadrot e reja të UBT-së janë me fat për mundësitë që ofrohen.

Continue Reading

Lajmet nga UBT

Studentët e Psikologjisë dëgjojnë rrëfimin e Ramadan Nishorit – Zëri i parë i një të mbijetuari të dhunës seksuale gjatë luftës

Published

2 days ago

on

April 14, 2025

By

Me rastin e Ditës Memoriale të të Mbijetuarve të Dhunës Seksuale gjatë luftës në Kosovë, studentët e vitit të parë dhe të tretë, të Fakultetit të Psikologjisë, nën mbikëqyrjen e Prof. Violeta Zefi, morën pjesë në një ngjarje të organizuar nga Qendra Kosovare për Rehabilitimin e të Mbijetuarve të Torturës.

Gjatë kësaj ngjarjeje, studentët e Fakultetit të Psikologjisë kishin mundësinë të dëgjonin historinë rrëqethëse të Ramadan Nishorit, një nga të mbijetuarit e dhunës seksuale gjatë luftës në Kosovë. Nishori, në një rrëfim në Ditën Memoriale të të Mbijetuarve të Dhunës Seksuale gjatë luftës, tha se ishte dhunuar nga policët serbë në vitin 1998, derisa po mbahej në stacionin policor në Drenas.

“Për drejtësinë. Për të vërtetën. Për shërimin tim dhe të gjithë atyre që vuajnë në heshtje.”, shprehet Ramadan Nishori, ndërsa u drejtohet me një thirrje të gjithë të mbijetuarve.

Kjo ngjarje e organizuar sot, më 14 prill, ishte një përvojë e thellë reflektimi dhe ndërgjegjësimi për studentët e UBT-së, duke theksuar rëndësinë e mbështetjes për të mbijetuarit e dhunës seksuale gjatë luftës në Kosovë.

Fjalimi i Ramadan Nishorit dhe gjithë përvoja e këtij aktiviteti ishin një mundësi për studentët që të kuptonin më thellë pasojat e dhunës seksuale dhe rëndësinë e rehabilitimit të të mbijetuarve.

Continue Reading

Të kërkuara