Lajmet

Begaj takon Stoltenberg, fokusi te Kosova

Stoltenberg ka thënë se NATO është e pranishme dhe e merr shumë seriozisht situatën në Kosovë.

Published

on

Shefi i NATO-s, Jens Stoltenberg, ka deklaruar se Kosova dhe Serbia duhet të tregojnë fleksibilitet dhe gatishmëri për të gjetur një zgjidhje përfundimtare.

Ai ka thënë se NATO është e pranishme dhe e merr shumë seriozisht situatën në Kosovë. Ai është deklaruar pas takimit me presidentin e Shqipërisë, Bajram Begaj, me të cilin ka diskutuar edhe për situatën në Kosovë. Begaj ka theksuar se Kosova ka vizion të qartë euroatlantik dhe sipas tij, do të ishte vlerë e shtuar e Aleancës.

Në një konferencë për media, Stoltenberg ka thënë se i vlerësojnë diskutimet e zhvilluara mes Kosovës dhe Serbisë me ndërmjetësimin e Bashkimit Evropian.

Sipas tij, kjo është rruga e vetme për stabilitetin në Kosovë.

“Aleatët janë të angazhuar që të vazhdojnë të kontribuojnë dhe të sigurojnë vijimësinë e pranimit në Kosovë. Me fjalë të tjera ka një prani të konsiderueshme të NATO-s në Kosovë, e cila ka rezultuar të jetë e rëndësishme për shumë vite. Ne punojmë paralelisht me Bashkimin Evropian në Kosovë. Personat e KFOR-it bëjnë mbështetjen e përpjekjeve diplomatike të Bashkimit Evropian dhe ne vlerësojmë gjithashtu edhe diskutimet e organizuara kohëve të fundit në BE, në lehtësimin e marrëdhënieve mes Serbisë dhe Kosovës. NATO do të vazhdojë që të lehtësojë dialogun ndërmjet Prishtinës dhe Beogradit, sepse mendojmë që kjo është rruga e vetme drejtë zgjidhjes dhe stabilitetit në Kosovë. Tani kemi një mundësi historike dhe që mund të jetë më përfitim për të gjithë rajonin, kështu që ne presim qasjen konstruktive dhe është e rëndësishme që të gjitha palët tani më të tregojnë fleksibilitet dhe gatishmëri për kompromis. Është e rëndësishme që palët të dëshmojnë gatishmëritë të qartë në mënyrë që të gjejnë një zgjidhje përfundimtare. Sigurisht çdo zgjedhje duhet të ketë parasysh respektimin e të drejtave të njeriut, vlerën demokratike, reformat e brendshme dhe marrëdhënie e fqinjësisë së mirë. Pra, NATO-ja është e pranishme në Kosovë. Ne e marrim situatën aty shumë seriozisht dhe ne e mbështesim fort dialogun evropian ndërmjet Beogradit dhe Prishtinës”, tha ai.

Ndërsa presidenti i Shqipërisë, Bajram Begaj ka thënë se siguria në Kosovë është siguri për Evropën dhe NATO-n.

“Vlerësoj maksimalisht angazhimin dhe përkushtimin e NATO-s në rajon dhe misionin KFOR, si një histori suksesi. KFOR, është garantues i paqes dhe i sigurisë në Kosovë dhe rajon. Ne jemi duke kaluar kohë të sfidave të mëdha, të cilat kërkojnë vendime të guximshme dhe të drejta. Në këtë kontekst është në bindjen time se është më se e justifikueshme për ta konsideruar anëtarësimin e Republikës së Kosovës në Aleancën Euro-Atlantike”, ka thënë Begaj.

Ai ka përsëritur se Kosova është shtet sovran dhe i pavarur me vizion të qartë për t’u integruar në familjen euroatlantike.

“Pavarësisht progresit të bërë në drejtim të integrimit euroatlantik, rajoni vijon të karakterizohet nga zhvillime komplekse gjeopolitike dhe të sigurisë. Rusia përbën kërcënim domethënës dhe direkt ndaj NATO-s dhe Ballkanit Perëndimor. Ajo ka rritur përpjekjet e saj influencuese duke përdorur metoda të luftës hibride, financimeve të paligjshme etj. Qëllimi i saj është prishja e paqes, stabilitetit dhe bllokimin e reformave euroatlantike të vendeve të rajonit. Kemi ndjekur me shqetësim ngjarjet në veriun e Republikës së Kosovës në fund të vitit të kaluar. Shqipëria përshëndet dhe mbështet dialogun Serbi-Kosovë. Që nga viti 2008, Republika e Kosovës është një vend sovran dhe i pavarur me vizion të qartë për t’u integruar në familjen euroatlantike. Plani evropian për normalizimin e marrëdhënieve është një hap pozitiv që do duhet të qendërzohet në njohjen reciproke ndërmjet dy shteteve”, ka thënë Begaj.

Në këtë konferencë të përbashkët, ndër të tjera, Stoltenberg ka thënë se Shqipëria luan rol të rëndësishëm për stabilitetin dhe bashkëpunimin në Ballkanin Perëndimor, që sipas tij është rajon me rëndësi strategjike për NATO-n.

Lajmet

​Spalletti: Futbolli më ka shkatërruar jetën

Published

on

Luciano Spalletti ka folur pas dorëheqjes nga Kombëtarja e Italisë, duke pranuar se përvoja e fundit e ka rënduar shumë psikologjikisht. Spalletti pranoi se ndoshta kërkoi shumë nga lojtarët, duke u përpjekur të ushqente ndjenjën e identitetit dhe krenarisë.

“Futbolli më ka shkatërruar jetën. Nuk mund të fle pas humbjes me Norvegjinë. Kur më kërkuan të drejtoja Italinë, nuk fjeta për dy ditë. Gabimi im ishte se e shtyva shumë fort këtë ndjenjë përkatësie. Por lojtarët e mi janë të klasit të parë dhe nuk kam asnjë pendesë për zgjedhjet e bëra.”-tha ai.

Ai foli edhe për presionin e madh gjatë Kampionatit Evropian, mungesën e disa lojtarëve kyç si Chiesa dhe për dëmtimet e shumta që e vështirësuan punën. “Nga marsi deri në qershor, pësuam gola që dukeshin të pabesueshëm. Presioni ishte i jashtëzakonshëm,” shtoi ai.

Spalletti nuk i kurseu fjalët as për të kaluarën te Napoli duke shtuar se De Laurentiis i bëri një shërbim të keq dhe se fyerja më e madhe ishte që nuk i lejuan të parakalonin me autobus pas Scudetto-s.

Continue Reading

Lajmet

Gjykata e Beogradit ia cakton 30 ditë paraburgim Lulzim Halilit

Published

on

By

Gjykata e Lartë në Beograd ka caktuar masën e paraburgimit prej 30 ditësh për shtetasin shqiptar, Lulzim Halili, i arrestuar më 22 korrik nga autoritetet serbe në afërsi të qytetit Svilajnac, rreth 100 kilometra larg kryeqytetit serb.

Sipas mediave në Serbi, Halili dyshohet për përfshirje në “organizim dhe nxitje të kryerjes së gjenocidit dhe krimeve të luftës”. Pas arrestimit, ai është dërguar menjëherë në mbajtje në Stacionin Policor të Svilajnacit.

Nga ana tjetër, autoritetet kosovare shprehen se nuk janë informuar zyrtarisht për zhvillimet rreth këtij rasti. Ministria e Punëve të Jashtme dhe Diasporës e Kosovës bëri të ditur se, deri më tani, nuk ka marrë informacione nga pala serbe në lidhje me arrestimin dhe akuzat ndaj Halilit.

Sapo të konfirmohet nëse Halili do t’i nënshtrohej masës së paraburgimit dhe do të iniciohet procedurë penale ndaj tij, Zyra Ndërlidhëse do të parashtrojë kërkesë zyrtare për vizitë në Qendrën e Mbajtjes” thuhet në një njoftim nga MPJD.

Rasti ka ngjallur shqetësime lidhur me të drejtat e të arrestuarit dhe transparencën e autoriteteve serbe në raport me institucionet kosovare.

 

Continue Reading

Lajmet

Kurti: Falënderim bashkatdhetarëve për çdo përkrahje që kanë dhënë

Published

on

By

Kryeministri në detyrë i Republikës së Kosovës, Albin Kurti, ka shprehur mirënjohje për bashkatdhetarët, duke vlerësuar kontributin e tyre të vazhdueshëm për vendin.

Në një postim në Facebook, Kurti theksoi rëndësinë e pritjes tradicionale që organizohet në Ballkonin e Hapur të Qeverisë, e cila u kushtohet mërgimtarëve që rikthehen në vendlindje gjatë verës.

Pritja e përvitshme që e organizojmë për bashkatdhetarët tanë në Ballkonin e Hapur të Qeverisë është një falënderim i yni për ta, për çdo përkrahje që kanë dhënë, për çdo projekt që kanë mbështetur, për çdo zë që kanë ngritur në mbrojtje e afirmim të Kosovës dhe për gjithçka që vazhdojnë të bëjnë,” shkroi Kurti.

Ai vlerësoi se mërgata mbetet një faktor i rëndësishëm në zhvillimin dhe përparimin e vendit, duke theksuar rolin e tyre si ambasadorë të Kosovës në botë.

Continue Reading

Lajmet

Këshilli Prokurorial shtyn testin kualifikues për prokurorë të rinj, për shkak të temperaturave të larta

Published

on

By

Këshilli Prokurorial i Kosovës, përmes Komisionit për Rekrutim, njofton opinionin publik dhe kandidatët e interesuar se Testi Kualifikues për prokurorë të rinj, i paraparë të mbahej më 26 korrik 2025, është shtyrë për një datë tjetër.

Sipas njoftimit, vendimi për shtyrjen e testit është marrë me qëllim të mbrojtjes së shëndetit dhe sigurisë së të gjithë pjesëmarrësve, në përputhje me vendimin e Ministrisë së Shëndetësisë nr. 102/VII/2025 të datës 22 korrik 2025, që përcakton masa mbrojtëse për ekspozim në temperatura të larta.

Testi Kualifikues do të mbahet më 30 gusht 2025, ndërsa vendi dhe koha e mbajtjes mbeten të njëjta”, tha KPK-ja.

Këshilli Prokurorial i Kosovës i siguroi kandidatët se do të vazhdojë të veprojë në përputhje me parimet e transparencës dhe përgjegjësisë institucionale.

Continue Reading

Të kërkuara