Lajmet

BE synon një gjykatë speciale për të gjykuar Rusinë rreth luftës në Ukrainë

Ukraina ka kërkuar prej kohësh një gjykatë të tillë, por nisma përballet me pengesa ligjore dhe politike.

Publikuar

1 vit më parë

më

Shefja e BE-së, Ursula von der Leyen hodhi të mërkurën idenë e një “gjykate të specializuar” për të vënë në gjyq zyrtarët e lartë të Rusisë për luftën në Ukrainë.

“Ndërsa vazhdojmë të mbështesim Gjykatën Penale Ndërkombëtare, ne po propozojmë krijimin e një gjykate të specializuar të mbështetur nga Kombet e Bashkuara për të hetuar dhe ndjekur penalisht krimin e agresionit të Rusisë”, tha ajo në një deklaratë.

Ukraina ka kërkuar prej kohësh një gjykatë të tillë, me presidentin e saj, Volodymyr Zelensky, duke thënë se Rusia duhet të sillet para drejtësisë për “mizoritë” e saj.

Por nisma përballet me pengesa të mëdha ligjore dhe politike.

Problemi me të cilin përballen Ukraina dhe aleatët e saj perëndimorë është se Gjykata Ndërkombëtare Penale (ICC) nuk ka juridiksion mbi “krimet e agresionit” të Rusisë — pushtimin dhe luftën e saj në Ukrainë — sepse Moska nuk është nënshkruese e traktatit të gjykatës .

Prandaj, ajo gjykatë mund të gjykojë vetëm raste specifike të krimeve të luftës dhe krimeve kundër njerëzimit të kryera në Ukrainë, por edhe atëherë presidenti rus Vladimir Putin dhe kryeministri dhe ministri i tij i jashtëm gëzojnë imunitet nga ndjekja penale gjatë kohës që janë në detyrë.

E vetmja mënyrë që GJNP mund të thirret për të gjykuar luftën e Rusisë është nëpërmjet një vendimi të Këshillit të Sigurimit të OKB-së — diçka që është e pamundur sepse Rusia, me ulësen e saj të përhershme në këshill, do të vendoste veton ndaj saj.

Për ta shmangur këtë, von der Leyen po propozon të krijohet një gjykatë në një vend të BE-së që mund të trajtojë Rusinë në mënyrë specifike për krimin e agresionit, duke i lënë krimet e luftës dhe krimet kundër njerëzimit në GJPN.

Holanda, e cila tashmë pret GJNP-në në Hagë, ka treguar gatishmërinë e saj për të krijuar gjykatën e diskutueshme në territorin e saj.

“Është detyra jonë, si komunitet ndërkombëtar, të sigurohemi që të bëjmë drejtësi”, u tha gazetarëve në Rumani ministri i jashtëm holandez,Wopke Hoekstra.

Ai tha se kjo duhet të bëhet “nëpërmjet ICC — por edhe nëpërmjet masave të tjera”./UBTNews/

Etiketa
Vazhdo të lexosh

Lajmet

​BE mban trendin e rënies së emetimeve të gazrave serrë

Publikuar

12 orë më parë

më

18 Maj, 2024

nga

Trendi në rënie në emetimet e gazrave serrë të BE-së vazhdoi gjatë gjithë vitit 2023 me një rënie prej pak më shumë se 5%, sipas të dhënave të Eurostat të publikuara këtë javë.

Shtetet anëtare të BE-së lëshuan më shumë se 3.4 miliardë ton ekuivalent të dyoksidit të karbonit të gazeve serrë në vitin 2023. Kjo është 5.1% më pak se në vitin 2022, kur u lëshuan rreth 3.6 miliardë ton ekuivalent të dyoksidit të karbonit.

Bullgaria emetoi 47.5 milion ton ekuivalent të dyoksidit të karbonit ose rreth 1.4% të emetimeve të gazit serrë të BE, sipas llogaritjeve të BTA bazuar në të dhënat e Eurostat.

Vendi uli emetimet e gazeve serrë me pothuajse një të pestën (-19.6%) në 2023, duke regjistruar rënien e dytë më të madhe pas Estonisë (-27%).

Në tremujorin e katërt të vitit të kaluar, Bullgaria u rendit e dyta në mesin e vendeve anëtare të BE-së me uljen më të madhe të emetimeve të gazrave serrë. Pas Estonisë (-23%), ky vend regjistroi një rënie prej afro 17% nga viti në vit.

Vazhdo të lexosh

Lajmet

Edhe Spanja do ta njohë shtetin palestinez bashkë me vendet tjera

Publikuar

14 orë më parë

më

18 Maj, 2024

nga

Kryeministri spanjoll, Pedro Sanchez njoftoi të premten se vendi i tij do ta njohë shtetin palestinez bashkë me vendet tjera.

Në një intervistë për televizionin La Sexta, Sanchez mohoi raportimet se njohja do të ndodhë më 21 maj./UBTNews/

Vazhdo të lexosh

Lajmet

IBM ka në plan të krijojë 800 vende të reja pune

Publikuar

16 orë më parë

më

18 Maj, 2024

nga

IBM-ja njoftoi se planifikon të punësojë deri në 800 persona në Irlandë për të ndërtuar një sistem softueri të avancuar sipas teknologjisë së Inteligjencës Artificiale.

Kjo shënon numrin më të madh të vendeve të punës në sektorin shumëkombësh të vendit. IBM është tashmë një nga punëdhënësit më të mëdhenj shumëkombësh në Irlandë me 3 mijë persona staf.

Përmes posteve të reja do t’u kërkohet punonjësve të krijojnë softuer të avancuar bazuar në inteligjencë artificiale gjeneruese në fushat sikurse siguria, automatizimi, etj./UBTNews/

Vazhdo të lexosh

Art

Gruaja më e pasur e Australisë kërkon që të largohet portreti i saj nga një ekspozitë

Publikuar

18 orë më parë

më

18 Maj, 2024

nga

Arti është subjektiv. Dhe përderisa shumica e artistëve dëshirojnë të ndajnë punën e tyre me botën, nuk ka garanci se publiku do ta kuptojë apo pëlqej punën e tyre artistike.

Kështu duket të jetë edhe rasti i një pikture nga artisti vendas, Vincent Namatjira, që përfshin një portret të gruas më të pasur në Australi, manjates së minierave Gina Rinehart.

Rinehart i ka kërkuar Galerisë Kombëtare të Australisë (NGA) të largojë portretin e saj, një prej 21 veprave të tij individuale që përbëjnë një pjesë të vetme në ekspozitën e Namatjiras, “Australia in Color”.

Kjo ekspozitë po shfaqet në galerinë e kryeqytetit australian, Kanberra, që nga muaji mars.

Subjekte të tjera të kësaj ekspozite janë edhe Mbretëresha Elizabetë II, muzikanti amerikan, Jimi Hendrix, aktivisti australian për të drejtat e aborigjenëve Vincent Lingiari, si dhe ish-kryeministri australian, Scott Morrison./UBTNews/

Vazhdo të lexosh

Të kërkuara